Dagblaðið Vísir - DV - 06.07.2018, Blaðsíða 44

42 BLEIKT 6. júlí 2018
R
agga, mig langar stundum
að fróa mér en finnst ég
vera að svíkja kærastann ef
ég geri það. Ég hef gert það
hálfpartinn í laumi og fæ mikið
samviskubit eftir á. Er eðlilegt að
26 ára kona í góðu sambandi við
mann sem er algjör snillingur í
rúminu hafi þessar þarfir?“
Facebook-vinkona mín sendi
mér þessar línur í gær. Við þekkj-
umst ekki mikið – en ég fékk leyfi
hennar til birtingar og innblásturs.
Þetta er nefnilega alls ekki í fyrsta
sinn sem ég fæ álíka spurningu frá
konu sem langar að fróa sér, eða
stundar sjálfsfróun, en er haldin
skömm eða samviskubiti vegna
þessarar saklausu og meinhollu
iðju. Það er auðvitað ekki hægt að
fullveðja kvenkyns kynverur gangi
um með hugmyndir um að það sé
eitthvað rangt við að stunda sjálfs-
fróun. Þess vegna er full ástæða til
að rifja upp nokkur atriði sem sýna
fram á hollustu sjálfsfróunar alger-
lega óháð sambandsstöðu!
Með sjálfsfróun styrkir þú ást-
arsambandið við sjálfa þig. Þekk-
ing á eigin líkama getur verið mjög
valdeflandi og betra/jákvæðara
samband við líkamann eykur
hamingju þína og gerir þig hæf-
ari til að finna hamingjuríka nánd
með öðrum.
Sjálfsfróun bætir kynlíf þitt
með öðrum. Sjálfsfróun er lang-
besta leiðin til að skoða hvað
virkar fyrir þig og hvaða leiðir þú
getur notað til að fá fullnægingu
með öðrum. Það sem þú ger-
ir í kynlífinu með sjálfri þér á líka
heima í bólinu með því fólki sem
þú kýst að stunda kynlíf með. Ef
þú veist hvað virkar og hvað þú vilt
getur þú kennt einhverjum öðrum
þær aðferðir. Í öllum bænum ekki
hætta að fróa þér þó að þú farir í
fast samband – passaðu upp á að
eiga kynlífsstefnumót með sjálfri
þér reglulega – settu það jafnvel í
dagatalið!
Sjálfsfróun hefur góð áhrif á
sjálfsmynd þína, líkamlega og
andlega. Þegar þú fróar þér ertu að
sýna sjálfri þér ást – stunda kyn-
líf með einhverjum sem þú elskar
skilyrðislaust. Líkamleg vellíðan
eykur á hamingju og hamingju-
söm ertu skemmtilegri og meira
sjarmerandi manneskja. Sjálfs-
traust er líka öflugasti lostavaki í
heimi.
Sjálfsfróun er holl fyrir píkuna
þína. Sjálfsfróun eykur blóðflæði
til ytri og innri kynfæra og hefur
góð áhrif á grindarbotnsvöðvana.
Við fullnægingu verður ósjálfráð-
ur samdráttur í vöðvunum sem
styrkjast við það, rétt eins og þegar
þú gerir grindarbotnsæfingar.
Sterkur og heilbrigður grindar-
botn minnkar líkur á þvagleka og
bætir kynheilsu þína.
Sjálfsfróun bætir svefn. Þú
kannast vonandi við sælu- og
slökunartilfinninguna sem kemur
í kjölfar fullnægingar. Hún flæð-
ir um líkamann þegar sæluhorm-
ón eins og endorfín, prólaktín og
oxytósín flæða út í blóðrásina við
fullnæginguna. Hormónin geta
hjálpað þér að slaka á, sofna og
meira að segja verður svefninn
dýpri og betri.
Sjálfsfróun er góð fyrir hjartað.
Konur deyja úr hjartasjúkdómum
og mörgum reynist erfitt að koma
reglulegri líkamsrækt inn í daglega
prógrammið. Þá er aldeilis gott
að vita að það má þjálfa hjartað
og bæta blóðflæði líkamans með
því að fróa sér. Það hefur meira
að segja komið fram í nokkrum
rannsóknum að konur sem fá það
reglulega eru ólíklegri til að þróa
með sér hjartasjúkdóma og sykur-
sýki 2.
Sjálfsfróun er öruggt kynlíf!
Svo framarlega sem þú fróar þér
ekki í marga klukkutíma á dag og
hættir að tannbursta þig/mæta í
vinnuna/tala við fjölskyldumeð-
limi/greiða þér/nærast almenni-
lega/setja statusta á Facebook…
eða álíka. Þú þarft engar áhyggjur
að hafa af því að verða ólétt eða fá
kynsjúkdóma.
Þjáistu af verkjum eða færðu
slæma túrverki – prófaðu að nota
sjálfsfróun. Þegar þú færð full-
nægingu hækka gildi taugahorm-
ónsins dópamíns og það ásamt
endorfínum, hinum náttúrulegu
verkjalyfjum líkamans, hefur bein-
línis verkjastillandi áhrif.
Sjálfsfróun minnkar stress.
Þegar þú færð fullnægingu ferðu
í eins konar náttúrulega vímu –
vegna hormónanna sem losna
í líkamanum. Sumar rannsókn-
ir hafa bent til þess að sjálfsfróun
geti jafnvel minnkað líkur á þung-
lyndi. Ertu leið? Þá er kannski
prýðileg hugmynd að þú elskir
sjálfa þig aðeins oftar! n
Í guðs bænum fróið ykkur konur!
n 8 ástæður fyrir konur til þess að fróa sér meira n Minnkar stress og styrkir sjálfsmyndina
Ragnheiður Eiríksdóttir
ragga@dv.is
5 aðferðir til að bæta kynlífið
1 Fáðu að horfa á hann/hana fróa sér. Að sjá einhvern
elska sjálfa/n sig er frábær leið
til að komast að því hvers konar
snerting virkar og hvað viðkom-
andi fílar.

2 Spjallið um fantasíur ykkar. Munið að fantasíur eru ekki
það sama og raunverulegar ósk-
ir. Þó að konan þín hugsi um að
vera tekin af kynóðum kolkrabba
í leggöng og endaþarm er ólíklegt
að hún eigi þá ósk heitasta að það
gerist í næstu sjósundferð.

3 Prófið nýja staði. Já ég veit – það getur verið nógu erfitt
að finna stund til að læðast inn í
svefnherbergi ef daglega amstr-
ið er mann lifandi að drepa, en
reynið samt. Eldhúsgólfið, borð-
stofuborðið, þvottahúsið… hvert
einasta heimili býr yfir fullt af
stöðum sem breyta má í lostafulla
umgjörð – tilbreytingin verður
olía á eldinn ykkar!

4 Horfið saman á erótískar hreyfimyndir. Veljið til skipt-
is hvað horft er á. Smekkur fólks
á erótísku efni getur sagt sitthvað
um það sem virkar. Ef þið viljið
síður horfa má líka finna ógrynni
af erótískum sögum á alnetinu –
prófið til dæmis vefinn literotica.
com.

5 Skiptist á að ráða og hlýða/fylgja. Valdaleikir geta verið
skemmtilegt krydd og þurfa alls
ekki að vera svo flóknir. Einfaldar
skipanir til dæmis um stellingar
eða hvort augu eiga að vera lok-
uð eða opin geta verið örvandi á
þann sem hlýðir. Kannski komist
þið að einhverju nýju sem ykkur
langar að skoða frekar!
Dalvegi 10-14 • 201 Kópavogi • 595 0570 • Parki.is
Vandaðar
innréttingar
Hjá Parka færðu hágæða
innréttingar, sérsniðnar að þínum
óskum og þörfum.
Bjóðum aðeins það besta fyrir þig!