Dagblaðið Vísir - DV - 06.07.2018, Blaðsíða 55

MENNING 536. júlí 2018
Love Simon
Getur maður orðið ástfanginn
eftir samræður við einhvern á
netinu? Einstaklingi sem maður
hefur ekki hugmynd um hver er,
útlit hans, aldur, starf og stöðu.
Það eina sem þú veist er að við-
komandi býr yfir sama leyndar-
máli og þú. Svarið er einfalt, já
það er hægt. Simon er mennta-
skólanemi, sem heldur því leyndu
fyrir vinum og fjölskyldu að hann
sé samkynhneigður. Á netinu
eignast hann vin, Blue, sem býr
yfir sama leyndarmáli. En hver
er Blue? Yndisleg, skemmtileg og
hugljúf mynd um ástina og ham-
ingjuna sem við eigum öll rétt á.
Book Club
Hvítvín, bækur, góðir vinir? Hvað
þarf maður meira? Ást og maka
kannski? Bókaklúbburinn fjallar
um fjórar vinkonur á besta aldri
sem hittast einu sinni í mánuði
í bókaklúbbi. Þegar ein þeirra
mætir með þríleikinn um Dorian
Grey og 50 gráa skugga hans fær-
ist fjör í leikinn og tilfinningar og
langanir kvikna hjá vinkonunum,
eitthvað sem þær héldu að væri
ekki fyrir „ellismelli“. Skemmtileg,
„feel-good“-mynd um ástina sem
við erum alltaf til í að kynnast, líka
þegar við erum orðin „ellismellir“
með fjórum úrvals leikkonum af
eldri kynslóðinni.
Ant-Man and the Wasp
Marvel-maskínan heldur áfram
göngu sinni þar sem ríkir mikil
umhyggja fyrir efninu, taum-
laust fjör og mikið sjálfsör-
yggi gagnvart ruglinu af hálfu
aðstandenda. Hér er kominn
stórfínn eftirréttur eftir þunga
höggið sem Avengers: Infinity
War skildi eftir sig fyrir stuttu.
Ant-Man and the Wasp skilur
ekki mikið eftir sig og má saka
hana um heldur þvælda frásögn
og húmor sem ekki alltaf hittir
í mark, en leikhópurinn kemur
vel út og er lítill skortur á hug-
myndaflugi. Með öðrum orðum,
fínasta popp.
Jurassic World
Fallen Kingdom
Framhaldsmyndirnar í seríunni
um Júragarðinn eiga það all-
ar sameiginlegt að hverfa langt í
skugga þeirrar upprunalegu. Þar
tókst glæsilega að tvinna saman
poppkornsbíói við sögu af brjál-
uðum vísindamönnum að leika
Guð. Í kjölfarið hafa aðstand-
endur verið svolítið týndir þegar
kemur að þemum og skilaboð-
um framhaldsmyndanna og er
Fallen Kingdom engin undan-
tekning þar. Persónusköpuninni
er ábótavant en á móti samein-
ast hér tveir gerólíkir helmingar
í fína afþreyingarmynd sem
sýnir að manneskjan er yfir-
leitt skepnum verst. Fyrri hlut-
inn er brandaralega yfirdrifinn
en svo þróast sagan hægt og ró-
lega í minniháttar en eftirminni-
lega „barnahrollvekju“. Myndin er
með ólíkindum vitfirrt, en uppfull
af flottum senum og prýðisfínum
risaeðluhasar. Trúlega er þetta
besta (og grimmasta) Júrafram-
haldið til þessa, þó það segi í raun
og veru lítið.
Incredibles 2
Að sinna foreldrahlutverkinu
og fjölskyldulífinu með öllum
tilheyrandi hindrunum getur
stundum verið hetjudáðum lík-
ast. Það er annars ekkert grín að
fylgja eftir einni sterkustu Pixar-
-myndinni frá upphafi og hvað þá
heilum fjórtán árum eftir útgáfu.
Hins vegar tekst glæsilega til með
Incredibles 2 að byggja ofan á frá-
sögn fyrstu myndarinnar, víkka
strigann og dýpka persónusköp-
unina. Myndin er ærslafull og lit-
rík en um leið fullorðinsleg og út-
hugsuð. Hún nýtur einnig góðs af
því að vera uppfull af orku, húmor
og mikilli sál. Hreint út sagt
meiriháttar fjölskylduskemmtun
sem skoðar nýja vinkla á ofur-
hetjugeirann góðkunna.
Ocean‘s 8
Hér er komin ný viðbót í hinn
ágæta Ocean‘s myndabálk og má
bæði kalla hana sjálfstætt fram-
hald og í senn óbeina endur-
ræsingu, jafnvel endurgerð.
Uppbygging og framvinda er
að mörgu leyti lík upprunalegu
myndinni (sem í sjálfu sér var
endurgerð samnefndrar kvik-
myndar frá sjöunda áratugnum)
en hún skartar nýjum og dúnd-
urgóðum leikhópi sem stöllurnar
Sandra Bullock og Cate Blanchett
leiða. Hins vegar vantar meira
púður í handritið og líður myndin
hjá án þess að trekkja upp neina
almennilega spennu. Leikkon-
urnar mættu sumar fá meira að
gera og kemur heildin út sem skít-
sæmileg endurvinnsla sem hefur
sína spretti, en endurvinnsla engu
að síður.
Bíódómar
Þ
egar sumarsólin heldur
sér fjarri getur verið kjör-
in dægrastytting að skella
sér í gott afþreyingarbíó.
Á sumrin er úrvalið oft í fjöl-
breyttari kantinum, hvort sem
viðkomandi er í leit að stór-
um, vestrænum poppkorns-
hasar eða einhverju smærra og
huggulegra. Hér rennum við að-
eins yfir brot af því sem prýðir
kvikmyndahús landsins þessa
dagana. n
Ragna Gestsdóttir
Tómas Valgeirsson
ragna@dv.is / tomas@dv.is
TIL HAMINGJU
SÓLEY
06.07.08