Morgunblaðið - 01.09.2018, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 1. SEPTEMBER 2018
Sigtryggur Sigtryggsson
sisi@mbl.is
Hreyfing er að komast á uppbygg-
ingu á lóðinni Vatnsstígur 4 í
Reykjavík. Þar stendur hús með
byrgða glugga sem hefur verið lýti á
borginni um margra ára skeið.
Húsið komst í fréttirnar á sínum
tíma vegna þess að hústökufólk hafði
þar aðsetur. Fólkið var fjarlægt með
lögregluvaldi. Síðar kviknaði í húsinu
í tvígang og skemmdist það talsvert.
Samkvæmt upplýsingum frá
Reykjavíkurborg hefur nýr eigandi
hússins lagt fram fyrirspurn um
breytingu á deiliskipulagi og er hún í
vinnslu hjá skipulagsfulltrúa borg-
arinnar. Deiliskipulagstillagan verð-
ur væntanlega auglýst í framhaldinu
en nýtt deiliskipulag er forsenda
frekari uppbyggingar á lóðinni
Vatnsstígur 4.
Húsið Vatnsstígur 4 var byggt ár-
ið 1901 og er 360 fermetrar. Öll hús
og mannvirki sem eru 100 ára eða
eldri eru friðuð svo framtíð hússins
mun væntanlega koma til kasta
Minjastofnunar Íslands.
Borgin kaupir og selur
Á fundi borgarráðs 24. febrúar sl.
var lagt fram bréf skrifstofu eigna og
atvinnuþróunar borgarinnar, þar
sem óskað var eftir að ráðið sam-
þykkti kaup og sölu á Vatnsstíg 4,
með fyrirvara um nýtt skipulag. Það
var samþykkt en borgarráðs-
fulltrúar Sjálfstæðisflokksins sátu
hjá við afgreiðslu málsins. Óskað var
eftir að borgarráð samþykki að
kaupa Vatnsstíg 4 af Íbúðarlánasjóði
og selja Leiguíbúðum ehf., sömu eign
með fyrirvara um að nýtt skipulag
verði unnið í samráði við Reykjavík-
urborg.
Fram kemur í greinargerð að frá
árinu 2015 hafi verið í gangi við-
ræður Reykjavíkurborgar við Íbúða-
lánasjóð um framtíð hússins að
Vatnsstíg 4 sem brann árið 2009.
Húsið hefur verið í eigu Íbúðar-
lánasjóðs frá árinu 2011. Sjóðurinn
eignaðist húsið á nauðungaruppboði.
Íbúðalánasjóður hafi fallist á að selja
Reykjavíkurborg húsið með þeim
forsendum að notkun húsnæðis á
svæðinu verði að meginstefnu í formi
íbúðarhúsnæðis og að ákveðinn hluti
verði nýttur fyrir tekjulægri ein-
staklinga.
Kaupandinn, Leiguíbúðir ehf.,
Laugavegi 39, sé eigandi á nokkrum
öðrum húsum á reitnum og hafi hug
á frekari uppbyggingu í samráði við
Reykjavíkurborg og með þeim skil-
yrðum sem Íbúðalánasjóður setur.
Kaupverð er 130 milljónir króna og
verður eign seld á sama verði til
Leiguíbúða ehf. að viðbættum kostn-
aði sem gæti fallið á Reykjavíkur-
borg.
Það var á fyrri hluta árs 2009 sem
hópur hústökufólks kom sér fyrir í
húsinu. Hústökufólkið sagðist hafa
tekið til í húsinu og skapað félagslegt
rými, en m.a. var þar búð þar sem
allt var ókeypis, bókasafn og sameig-
inlegt eldhús. Eigandi hússins var
ekki sáttur við það að fólk hefði lagt
það undir sig og leitaði liðsinnis lög-
reglunnar.
Lögreglan réðist inn í húsið
snemma morguns 15. apríl. Á milli
fjörutíu og fimmtíu lögreglumenn í
óeirðabúningum tóku þátt í aðgerð-
inni. Alls voru 22 handteknir en eng-
inn slasaðist. Húsið laskaðist hins-
vegar talsvert þar sem lögreglan
braut glugga og gluggaumbúnað og
ruddi sér leið á loftið þar sem hús-
tökufólkið var.
Fólkið hlóð virki við húsið
Hafði fólkið búist til varnar, m.a.
með því að hlaða virki fyrir utan hús-
ið. Nokkru síðar komu smiðir á vett-
vang og hófu að byrgja fyrir dyr og
glugga. Það var svo í lok júlí 2009 að
eldur kom upp á Vatnsstíg 4 en
kveikt var í húsinu. Ekki tók langan
tíma að slökkva eldinn sem logaði á
efri hæð og í risi. Töluverðar
skemmdir urðu á húsinu. Aftur var
kveikt í húsinu í ágúst.
Morgunblaðið/Júlíus
Innrás Milli 40 og 50 lögreglumenn í óeirðabúningum tóku þátt í aðgerðum á Vatnsstíg
í apríl 2009. Hústökufólkið var fjarlægt úr húsinu og 22 voru handteknir á staðnum.
Morgunblaðið/sisi
Vatnsstígur 4 Húsið hefur staðið mannlaust og með byrgða glugga í tæpan áratug. Ástand þess hefur
óneitanlega verið lýti á miðborginni. Nú hillir undir að uppbygging hefjist á lóðum við Vatnsstíg.
Huga að uppbyggingu við Vatnsstíg
 Nýtt deiliskipulag fyrir Vatnsstíg 4 er í vinnslu  Húsið komst í fréttirnar fyrir tæpum áratug
þegar hústökufólk tók það yfir  Húsið hefur verið mannlaust og með byrgða glugga í langan tíma
Reykjavíkurborg hefur auglýst til
sölu byggingarrétt á alls 42 lóðum í
Úlfarsárdal.
Um er að ræða 19 einbýlishúsalóð-
ir við Gerðarbrunn, Friggjarbrunn,
Sifjarbrunn og Urðarbrunn. Fimm
tvíbýlishúsalóðir við Gefjunarbrunn
og Iðunnarbrunn. 10 raðhúsalóðir
við Silfratjörn og Jarpstjörn. Og loks
átta fjölbýlishúsalóðir við Skyggnis-
braut, Rökkvatjörn, Gæfutjörn og
Jarpstjörn.
Skilafrestur tilboða rennur út kl.
12.00 miðvikudaginn 19. september
n.k. Tilboð verða opnuð í heyranda
hljóði í Tjarnarsal Ráðhúss Reykja-
víkur sama dag. Hæstbjóðandi eða
umbjóðandi hans verður að vera á
staðnum og staðfesta tilboð sitt og
ganga frá tilboðstryggingu að upp-
hæð 100.000 krónur.
Fyrr á árinu voru auglýstar lóðir í
Úlfarsárdal. Tilboð í byggingarrétt í
Úlfarsárdal voru opnuð 8. maí að við-
stöddum bjóðendum, sem staðfestu
eða féllu frá boði sínu. Boð bárust í
byggingarrétt á öllum lóðum nema 5.
Á útboðsfundinum staðfestu bjóð-
endur tilboð í byggingarrétt fyrir
177 íbúðir af þeim 255 íbúðum sem
boðnar voru eða tæp 70%. Heildar-
upphæð staðfestra tilboða var 755
milljónir króna fyrir utan gatnagerð-
argjöld sem áætluð eru um 300 millj-
ónir. Ekki voru staðfest tilboð í
byggingarrétt í Úlfarsárdal fyrir 78
íbúðir og munaði þar mest um 46
íbúðir í fjölbýli. sisi@mbl.is
Úlfarsárdalur Mikil uppbygging hefur verið í hverfinu á allra síðustu árum.
Auglýsa 42 lóðir til
sölu í Úlfarsárdal
Ferðaskrifstofa Guðmundar Jón
Sími 520 5200 – ferdir.i
Vesturvör 34, 200 Kópavogur, outgoing@gjtravel.is
Skotland
Aðventuferð til Edinborgar
Edinborg er höfuðborg Skotlands og næststærsta
borg landsins og þykir einstaklega fögur.
Jólamarkaðurinn hefur verið staðsettur við rætur
Kastalahæðarinnar í hjarta Edinborgar í mörg ár.
Þar geta gestir upplifað ævintýralega stemningu þar
sem þeir rölta á milli sölubása listamanna sem bjóða
fallega handverksmuni og þeirra sem bjóða kræsing­
ar sem kitla bragðlaukana. Einnig er tilvalið að líta í
stórverslanir á Princes street, ganga á milli vertshúsa
og verslana á „ Royal Mile“ skoða Edinborgarkastala
eða bara slappa af og njóta þess að horfa á mannlífið.
Ekki er hægt annað en komast í jólaskap.
ass
Verð 98.500
Innifalið í verði er flug, flugvallaskattar, gisting í tveggja­
manna herbergi, morgunverður og akstur samkvæmt lýsingu.
Aukagjald fyrir einsmanns herbergi 43.500,­
Sementsstrompurinn við Sements-
verksmiðju ríkisins á Akranesi
verður felldur, gangi tillaga skipu-
lags og umhverfisráðs bæjar-
stjórnar Akraness eftir. Bæjar-
stjórnin samþykkti í gær samhljóða
tillögu þess efnis.
Deiliskipulagsbreytingin verður
send til Skipulagsstofnunar til yfir-
ferðar og óskað heimildar til að
auglýsa breytingartillöguna í B-
deild stjórnartíðinda.
Eins og Morgunblaðið hefur
greint frá var í vor gerð ráðgefandi
skoðanakönnun meðal íbúa Akra-
ness varðandi framtíð strompsins
og vildu alls 94,6 prósent þeirra
sem tóku þátt í kosningunni láta
fella hann. Samtals voru 1.095 íbú-
ar fylgjandi því að strompurinn
yrði felldur en 63 voru því mót-
fallnir, eða 5,4 prósent.
Niðurrif á reit Sementsverk-
smiðjunnar, sem var reist á árunum
1956 til 1958, stendur yfir. Niður-
rifinu á að ljúka 1. október næst-
komandi.
Samþykkt að rífa strompinn