Morgunblaðið - Sunnudagur - 16.09.2018, Blaðsíða 4

4 MORGUNBLAÐIÐ SUNNUDAGUR 16.9. 2018
Borgin í viðræður við Vega-
gerðina um veg að Þverárkoti
Eftir að hafa farið yfir máliðhér á umhverfis- og skipu-lagssviði hefur verið tekin
ákvörðun um að taka upp viðræður
við Vegagerðina um hvernig hægt
sé að standa sameiginlega að þess-
ari framkvæmd. Málið verður svo
tekið upp í tengslum við fjárhags-
áætlunarvinnu fyrir næsta ár,“
segir Ámundi V. Brynjólfsson,
skrifstofustjóri framkvæmda og
viðhalds hjá umhverfis- og skipu-
lagssviði Reykjavíkur, um gerð
vegar við bæinn Þverárkot.
Fjallað var um aðstæður Sveins
Sigurjónssonar, eiganda og eina
íbúans í Þverárkoti, í Sunnudags-
blaðinu í júlí síðastliðnum. Þá lýstu
Sveinn og Kolbrún Anna, dóttir
hans, þeim aðstæðum sem Sveinn
býr við í Þverárkoti en engin brú
eða vegur liggur yfir ána Þverá en
yfir hana þarf að fara til að komast
að bænum. Ekki er því fært að
bænum, sem þó tilheyrir Reykja-
vík, nema á stórum jeppum. Á vet-
urna er ekki rutt að árvaðinu og
ekki hægt að komast á bíl yfir ána
sem oft er í klakaböndum. Sveinn,
sem er að verða áttræður, hefur
því í nokkrar vikur á hverjum vetri
þurft að vaða yfir ána. Telja verð-
ur líklegt að hann sé eini borg-
arbúinn sem þarf að fara yfir
óbrúaða á til að komast að heimili
sínu.
Einstakar aðstæður
og engin fordæmi
Nú gæti hins vegar horft til betri
vegar en borgin hefur ákveðið að
taka upp samtal við Vegagerðina
um að koma að vegagerð við bæ-
inn. Viðræður borgarinnar og
Vegagerðarinnar um málið munu
hefjast nú á haustmánuðum og
miðað er við að ná samkomulagi
um skiptingu kostnaðar áður en
vinnu við fjárhagsáætlun borg-
arinnar lýkur, sem er jafnan í des-
ember.
„Við ætlum allavega að taka
samtalið og sjá hvernig það geng-
ur. Þetta eru afar óvenjulegar og í
raun einstakar aðstæður sem
þarna eru uppi, að íbúi í Reykjavík
þurfi að fara yfir óbrúaða á til að
komast heim til sín.
Það er í ljósi þessara sérstöku
aðstæðna sem við tökum málið
upp. Það á sér engin fordæmi og
því er ólíklegt að niðurstaðan verði
fordæmisgefandi fyrir aðrar fram-
kvæmdir,“ segir Ámundi.
Líkt og fram kom í umfjöllun
blaðsins í sumar hefur Vegagerðin
þegar unnið framkvæmdaáætlun
fyrir verkið. Setja þurfi ræsi í ána
og leggja veg yfir en áætlað er að
það kosti á bilinu 12-14 milljónir.
Þar sem um er að ræða veg að
lögbýli þarf eigandi að greiða
helming þeirrar fjárhæðar úr eigin
vasa en Vegagerðinni ber að
greiða helming. En vegna hinna
sérstöku aðstæðna hyggst borgin
nú ræða við Vegagerðina um að-
komu að framkvæmdinni.
Jónas Snæbjörnsson, fram-
kvæmdastjóri þróunarsviðs Vega-
gerðarinnar, segir það auðsótt mál
að ganga til samtals við borgina
um þátttöku í þeim hluta sem snýr
að eiganda jarðarinnar. „Við tökum
vel í það ef Reykjavíkurborg vill
koma að því að greiða þann hluta
kostnaðar sem félli annars á eig-
anda.
Nú bara ræðum við saman og
vonandi næst samkomulag um
þetta og við getum þá gert sameig-
inlega áætlun um verkið.“
Sveinn Sigurjónsson er líklega eini Reyk-
víkingurinn sem þarf að fara yfir óbrúaða á
til að komast heim til sín. Ekki er rutt að
árvaðinu þannig að oft þarf hann að vaða
yfir ána í nokkrar vikur á vetri.
Morgunblaðið/RAX
Tekin hefur verið ákvörðun um það hjá umhverfis- og skipulagssviði borgarinnar að hefja viðræður við Vegagerðina um gerð
vegar við bæinn Þverárkot við Esjurætur í póstnúmeri 116 Reykjavík, en eigandi jarðarinnar hefur árum saman þurft að fara
yfir óbrúaða á til að komast heim og að heiman. Óvenjulegar aðstæður kalli á að borgin komi að málinu.
Sveinn Sigurjónsson múrarameistari og Kolbrún Anna Sveinsdóttir.
Morgunblaðið/RAX
Þetta eru afar óvenjulegar og í raun einstakar aðstæður sem þarna
eru uppi, að íbúi í Reykjavík þurfi að fara yfir óbrúaða á til að kom-
ast heim til sín. Það er í ljósi þessara sérstöku aðstæðna sem við
tökum málið upp.
Ámundi V. Brynjólfsson, skrifstofustjóri hjá umhverfis- og skipulagssviði Reykjavíkur.
INNLENT
EYRÚN MAGNÚSDÓTTIR
EYRUN@MBL.IS
SÍGILDIR SUNNUDAGAR
Fyrsta flokks
kammertónlist
Sígildir sunnudagar eru klassísk
tónleikaröð þar sem boðið er upp
á fjölbreytt úrval kammertónleika.
Sunnudaga
kl. 16:00 í Hörpu