Morgunblaðið - Sunnudagur - 16.09.2018, Blaðsíða 12

Skapti Hallgrímsson var staðráðinn í að gera bók um HM-ævintýri Íslands um leið og liðið tryggði
sér farseðilinn til Rússlands. Hann skrifar ekki bara textann, heldur á hann flestar myndirnar líka.
Morgunblaðið/Kristinn Magnússon
H
eyrðu, þarna er Thibaut Co-
urtois,“ segir viðmælandi
minn, hleypir brúnum og horf-
ir yfir öxlina á mér. Ég sný
mér við og svei mér þá, belg-
íski markvörðurinn rúllar þarna gegnum lobbí-
ið á hótelinu. Gíraffalegur. Minnist þess ekki að
sá ágæti maður hafi áður gengið inn í viðtal hjá
mér.
Ekki svo að skilja að Skapti Hallgrímsson sé
endilega glaður að sjá Courtois; Belgarnir sviku
hann nefnilega í sumar, þannig lagað. „Ég ætl-
aði að gefa bókina mína út 11. september, dag-
inn sem heimsmeistarar Belga kæmu í heim-
sókn á Laugardalsvöllinn. Bronslið Belga
verður víst að duga.“
Hann glottir.
Bókin, sem hann nefnir Ævintýri í Austurvegi,
fjallar einmitt um heimsmeistaramótið í knatt-
spyrnu, sem fram fór í Rússlandi í sumar; nánar
tiltekið um strákana okkar, sem þreyttu þar frum-
raun sína á þessu stærsta fótboltamóti í heimi, og
stuðningsmennina sem þeim fylgdu. Sumsé HM í
allri sinni dýrð, innan vallar sem utan.
Skapti var rétt skriðinn úr grunnskóla þegar
hann byrjaði að skrifa um íþróttir í Morgun-
blaðið snemma árs 1979. Notaði svo aurinn sem
fékkst fyrir skrifin til að fara í pílagrímsferðir á
Anfield Road í Liverpool og raunar fleiri velli á
Englandi. „Það voru góðir tímar,“ rifjar hann
upp; ekki nóg með að Liverpool ynni flesta titla
sem voru í boði, heldur var mun auðveldara að
nálgast miða á völlinn. Og ekki þurfti að gjalda
fyrir með öðrum handleggnum. „Blessaðu vertu,
þarna rak maður bara hausinn inn um lúguna á
miðasölunni og mælti: Einn miða, takk!“
Ekki hvort heldur hvernig
Eftir að hafa fylgt íslenska landsliðinu út um
allar koppagrundir gegnum árin kom aldrei
annað til greina en að fara með liðinu á Evrópu-
meistaramótið í Frakklandi fyrir tveimur árum.
Skapti hermdi af því móti fyrir Morgunblaðið, í
máli og myndum, og drakk í sig ævintýrið, sem
setti heila þjóð á hliðina.
Þegar íslenska landsliðið hafði tryggt sér far-
seðilinn á HM í Rússlandi var Skapti strax stað-
ráðinn í að fara utan; ekki nóg með það, hann
var líka ákveðinn í að skrifa bók um upplifun
sína. „Það var ekki spurning um hvort heldur
hvernig bók ég ætlaði að skrifa. Þessu mikla
ævintýri yrði að halda til haga.“
Hann var enn að velta þessu fyrir sér þegar
Helgi Jónsson hjá bókaútgáfunni Tindi hafði
samband og spurði hvort Skapti væri ekki til í
að gera bók um HM – í máli og myndum. „Ég
svaraði því til að ég væri einmitt þegar kominn í
þær stellingar og við gerðum með okkur sam-
komulag. Ég hafði frjálsar hendur með efn-
istökin.“
Jafnhliða því að safna efni í bókina vann
Skapti fyrir Morgunblaðið og aðra miðla Árvak-
urs í Rússlandi; sá einkum og sér í lagi um að
fanga stemninguna. Svo eftir var tekið.
Í sturtu með Ásgeiri
Niðurstaðan var sú að textinn yrði í dagbók-
arstíl og skrifaði Skapti beinagrindina úti – í
hita leiksins. „Þetta er dagbók í fyrstu persónu,
eintölu, þar sem ég upplifi mótið, leikina, mann-
lífið og allt í kringum HM. Ég ber þessa upp-
lifun líka saman við fyrri landsliðsferðir en um-
gjörðin í kringum íslenska landsliðið núna og
þegar ég var að byrja sem íþróttafréttamaður
er auðvitað eins og svart og hvítt. Í gamla daga
rölti maður bara inn í klefa til strákanna og
spjallaði við þá eftir leiki; Ásgeir Sigurvinsson,
Atla Eðvaldsson og þá pilta. Tók jafnvel bara
blað og blýant með sér inn í sturtuna. Í dag þarf
þetta allt að fara í gegnum KSÍ eftir ströngustu
leiðum. Það er auðvitað faglegra en því er ekki
að neita að ákveðinn sjarmi var yfir hinu. Ein-
hvern veginn svo íslenskt.“
Skapti segir mannflóruna fjölbreyttari á HM
en EM, enda liðin fleiri og frá fleiri heimsálfum.
Hann hefur líka sótt Ólympíuleika og segir erf-
Unnum ekki HM
en sigruðum
heimsbyggðina
Skapti Hallgrímsson sendi í vikunni frá sér bókina Ævintýri í
Austurvegi, þar sem hann rammar inn þátttöku Íslands á HM í
Rússlandi í máli og myndum. Hann segir stemninguna á
mótinu og hlýjuna í garð lands og þjóðar standa upp úr. Ísland
vann ekki HM en við sigruðum heimsbyggðina.
Orri Páll Ormarsson orri@mbl.is
12 MORGUNBLAÐIÐ SUNNUDAGUR 16.9. 2018
BÆKUR
Marina Zolotariova og Evgeny Golitsyn, til hægri, sem búa á Íslandi, studdu Ísland í Moskvu.
Ljósmynd/Skapti Hallgrímsson
Stuðningsmenn Íslands bera sig vel í stúkunni, þrátt fyrir tap gegn Króatíu í lokaleiknum.
Ljósmynd/Skapti Hallgrímsson
Aron Einar Gunnarsson, fyrirliði Íslands, skilur
Lionel Messi eftir í grassverðinum. Ragnar
Sigurðsson hvetur sinn mann til dáða.