Morgunblaðið - 08.11.2018, Page 24

24 FRÉTTIRInnlent
MORGUNBLAÐIÐ FIMMTUDAGUR 8. NÓVEMBER 2018
Útsölustaðir: Öll apótek, heilsuverslanir og heilsuhillur stórmarkaðanna.
Herjar haustkvefið á
Bio-Kult Candéa
eykur mótstöðuafl líkamans
Inniheldur góðgerla, hvítlauk og greipkjarnaþykkni.
Góð og öflug vörn fyrir mótstöðu líkamans
Guðrún Erlingsdóttir
ge@mbl.is
Óvíst er hvort Hjörtur Elías
Ágústsson, níu ára drengur sem
verið hefur í strangri krabbameins-
meðferð í Svíþjóð, getur snúið til
baka á heimili sitt í Árbæ að með-
ferðinni lokinni.
Leki varð á baðherbergi þar ný-
verið, í kjölfar þess myndaðist
mygla og raki. Að sögn móður hans,
Írisar Jónsdóttur, geta slíkar að-
stæður verið lífshættulegar fyrir
Hjört sem er með bælt ónæmiskerfi
eftir að hafa undirgengist bæði
beinmergskipti og geislameðferðir.
„Ég veit ekki hvað ég á að gera.
Það þarf að rífa allt út úr baðher-
berginu og áætlaður kostnaður við
það er 1,5 til 2 milljónir,“ segir Íris
Hún segir að tjónið fáist ekki bætt
frá tryggingafélaginu og hún hafi
alls staðar rekist á vegg í leit sinni
að láni fyrir nauðsynlegum fram-
kvæmdum.
Lækningaferlið gengið vel
„Það er enga áhættu hægt að
taka gagnvart heilsufari Hjartar,“
segir Íris sem dvalið hefur með
Hirti og tveimur börnum sínum, 6
og 14 ára, á íbúðahóteli í Huddinge
í Svíþjóð frá því í byrjun ágúst.
„Lækningaferli Hjartar hefur
sem betur fer gengið vel eftir merg-
skiptin ef frá er talin sýking sem
hann náði sér fljótt af. Með sama
áframhaldi var raunhæft að við
kæmumst heim í byrjun desember.
Ég get ekki hugsað það til enda
ef fjölskyldan kemst ekki heim þeg-
ar Hjörtur útskrifast frá Karólínska
sjúkrahúsinu. Við erum búin á því.
Þetta hefur verið gríðarlegt álag á
okkur öllum og það eru mikil
þyngsli yfir fjölskyldunni. Við vor-
um farin að hlakka til að komast
loksins heim þegar lekinn kom
upp,“ segir Íris og bætir við að
þetta sé annað tjónið sem fjöl-
skyldan hafi orðið fyrir meðan á
Svíþjóðardvölinni stóð.
„Það kom upp leki frá þvottahús-
inu sem olli skemmdum á ný-
uppgerðu eldhúsinu en það tjón
bættu tryggingarnar sem betur fer.
Iðnaðarmennirnir sem skoðað hafa
baðherbergið treysta sér til þess að
klára að laga það sem þarf í byrjun
desember. En til þess að það sé
hægt þarf að byrja á verkinu
strax,“ segir Íris sem hefur miklar
áhyggjur af því hvað taki við ef
henni tekst ekki að fjármagna
nauðsynlegar framkvæmdir á bað-
herberginu.
„Vegna veikinda Hjartar hefur
fjölskyldan verið einangruð og lífið
tilbreytingarlaust, fjarri vinum,
ættingjum og skólafélögum. Börnin
hafa ekki verið í skóla en ég hef að-
stoðað þau við lærdóminn. Sam-
skipti þeirra við annað fólk fara að
mestu í gegnum netið og þau eru
orðin langþreytt á því,“ segir Íris
sem biðlar til almennings um aðstoð
til að uppfylla draum fjölskyldunnar
um að komast heim og fá að lifa
eðlilegu lífi eftir fjögurra mánaða
útlegð.
Komast ekki
heim að lokinni
sjúkrahúsdvöl
 Þrá að komast heim og lifa eðlilegu
lífi  Biðlar til almennings um aðstoð
Þreytt Það hefur tekið á Írisi Jónsdóttur og börn hennar, frá vinstri: Garð-
ar Mána, Hjört Elías og Sigrúnu að takast á við lífið fjarri heimili og vinum.
Magnús Heimir Jónasson
mhj@mbl.is
Skortur á aðstöðu fyrir skíðagöngu-
fólk á skíðasvæðum höfuðborgar-
svæðisins hefur verið viðvarandi og í
nýrri framtíðarsýn fyrir skíðasvæðin
sem unnin var fyrr á þessu ári eru fá-
ar tillögur í átt að breytingum. Með-
al þeirra sem hafa gagnrýnt aðstöð-
una eru félagar í skíðagöngufélaginu
Ulli sem segja að tilraunir þeirra til
að koma ábendingum á framfæri við
m.a. Samtök sveitarfélaga á höfuð-
borgarsvæðinu, sem eiga skíðasvæð-
in, Íþrótta- og tómstundaráðs
Reykjavíkurborgar og stjórnar
skíðasvæðanna hafi lítinn árangur
borið.
„Það hefur ekki verið nein aðstaða
fyrir skíðagöngufólk á vegum skíða-
svæðanna yfirhöfuð, ekki einu sinni
klósettaðstaða. Skíðafélögin geta
byggt skála á eigin vegum en skíða-
svæðin eiga að veita öllu skíðafólki á
svæðinu ákveðna grunnþjónustu.
Fólk þarf að geta komist í aðstöðu til
að græja skíðin sín og einhvers kon-
ar nestisaðstaða þarf að vera þar
sem fólk getur borðað nestið í skjóli.
Fólk keyrir ekki niður í Bláfjalla-
skála frá skíðagöngusvæðinu til að
gera þetta,“ segir Hugrún Hannes-
dóttir, formaður Ulls.
Sveitarfélögin stefna að því að
setja yfir 3,5 milljarða króna í skíða-
svæði höfuðborgarsvæðisins á næstu
sex árum samkvæmt áðurnefndri
skýrslu. Þar er ekki gert ráð fyrir
grunnþjónustu eins og klósett-
aðstöðu fyrir skíðagöngufólk.
Fundarboð án upplýsinga
Ullur fékk fundarboð í fyrra með
innan við viku fyrirvara frá SSH.
„Það mættu tveir fulltrúar frá okkur
og þetta virkaði á þá sem mættu sem
einhvers konar hugarflugsfundur
um skíðasvæðin. Öllum skíðafélög-
unum bauðst að koma á þennan fund
með innan við viku fyrirvara og eng-
ar upplýsingar. Okkar fulltrúar voru
ekkert óánægðir með fundinn því
þeir vissu ekkert hvað væri í gangi,“
segir Hugrún.
Þangað til núna í haust voru engar
snjógirðingar í Bláfjöllum og merk-
ingar nánast engar en skíðagöngu-
fólki hefur fjölgað mikið á síðustu ár-
um. Hefur Ullur komið ábendingum
sínum á framfæri við viðeigandi
aðila, bæði skriflega og á fundum.
„Það hafa allir sýnt okkur mjög
mikinn skilning og það má hrósa því
sem vel er gert. Það voru reistar
snjógirðingar núna í haust, sem er
vonandi fyrsta skrefið af mörgum, en
betur má ef duga skal,“ segir Hug-
rún.
Morgunblaðið/Eggert
Gönguskíði Að mati formanns Ulls er skortur á aðstöðu fyrir skíðagöngufólk á skíðasvæðinu í Bláfjöllum.
Skíðagöngufólk snið-
gengið í framtíðarsýn
 Ekki gert ráð fyrir að skíðagöngufólk fari á klósett
Þeir sem vilja leggja fjölskyld-
unni lið geta lagt inn á söfn-
unarreikning í nafni Hjartar Elí-
asar sem stofnaður var í tilefni
af söfnun sem fram fór í haust
Númer reikningsins er 0115-05-
010106, kennitalan er 221009-
2660.
Styrktar-
reikningur
LIÐVEISLA
Á fulltrúaráðsfundi Landssamtaka íslenskra stúd-
enta, LÍS, sl. þriðjudag var stuðningsyfirlýsing sam-
þykkt til stuðnings við Stúdentaráð háskóla Íslands,
SHÍ. LÍS styðja aðildarfélag sitt, SHÍ í því að standa
gegn aldursgreiningum á hælisleitendum innan stofn-
unarinnar og hvetja Háskóla Íslands til þess að skrifa
ekki undir þjónustusamning þess efnis við Útlend-
ingastofnun.
„Hælisleitendur sem leita hingað til lands að ör-
yggi eiga að hafa aðgang að menntun og njóta virð-
ingar og mannréttinda innan samfélagsins. Skýtur
skökku við að á sama tíma séu framkvæmdar slíkar
rannsóknir innan veggja stærstu menntastofnunar landsins þegar
fremur ætti að fullnýta möguleika háskólakerfisins til þess að styðja
og efla þessa viðkvæmu hópa innan samfélagsins,“ segja LÍS.
Leggjast gegn aldursgreiningum innan HÍ
Tanngarður
Háskóla Íslands.