Morgunblaðið - 08.11.2018, Blaðsíða 30

30 FRÉTTIRInnlent
MORGUNBLAÐIÐ FIMMTUDAGUR 8. NÓVEMBER 2018
BAKSVIÐ
Sigtryggur Sigtryggsson
sisi@mbl.is
Það er fátítt að nýjar götur verði til í
miðborg Reykjavíkur, elsta hluta
borgarinnar. En nú eru að verða til
tvær nýjar göngugötur á Hafnar-
torgi, milli Tryggvagötu og Geirs-
götu. Þær heita Kolagata og Reykja-
stræti. Ef áætlanir ganga eftir getur
almenningur gengið um göturnar
upp úr næstu áramótum.
Kolagata liggur eftir endilöngu
torginu, frá vestri til austurs. Hún
nær frá Steinbryggju við Tollhúsið
að Lækjargötu/Kalkofnsvegi, gegnt
Arnarhóli. Tillaga að nafninu kemur
frá nafnanefnd Reykjavíkur með til-
vísun til þess að þarna hafi kolum
verið skipað á land fyrr á árum. Þá
stóð kolakraninn Hegri skammt þar
norðan við.
Reykjastræti liggur frá Hafnar-
stræti alveg norður að Hörpu. Það
liggur milli stórhýsa sem risið hafa á
Hafnartorgi og einnig milli stórhýsa
sem nú eru í byggingu á Hörpulóð-
inni. Eru það annars vegar íbúðar-
hús og Marriott Edition Hótel, fimm
stjörnu glæsihótel, og hins vegar ný-
bygging Landsbankans, sem rísa
mun við Kalkofnsveg á næstu árum,
ef áætlanir ganga eftir.
Reykjastræti hafði verið notað
sem vinnuheiti frá því að hönnun
svæðisins hófst. Nafnanefnd
Reykjavíkurborgar fannst þetta
heiti ekki eiga við á þessum stað og
lagði til að gatan yrði nefnd Tóna-
gata, enda myndi hún liggja til tón-
listarhússins Hörpu. Borgarráð
ákvað eftir samráð við eigendur á
svæðinu að gatan skyldi heita
Reykjastræti. Nafnið vísar til heitis
höfuðborgar Íslands, Reykjavík.
Byggingafyrirtækið ÞG verk hef-
ur byggt upp stórhýsi á Hafnartorgi.
ÞG verk sér einnig um frágang á
göngugötunum Kolagaötu og
Reykjastræti. Að sögn Jónasar Jón-
mundssonar, staðarstjóra ÞG verks,
er gert ráð fyrir að hægt verði að
ganga um göturnar upp úr áramót-
um en það verða ekki opnaðar versl-
anir þar fyrr en með vorinu að und-
anskilinni H&M-versluninni sem
nýlega var opnuð.
Framkvæmdum við þann hluta
Reykjastrætis, sem liggur um
Hörpureit, mun væntanlega ljúka á
næsta ári. Reitirnir verða tengdir
með ljósastýrðri göngubraut yfir
Geirsgötu.
Bryggjugata á Austurbakka
Þessar tvær nýju götur verða
fyrst og fremst ætlaðar fyrir gang-
andi og hjólandi umferð. Á Hafn-
artorgi er fjöldi verslana og annarra
fyrirtækja og samkvæmt lögreglu-
samþykkt sem auglýst var í sept-
ember sl. verður vörulosun heimil
frá kl. 07.00-11.00 virka daga.
Nafnanefndin lagði ennfremur til
að gata á Austurbakka, vestan nýja
hótelsins, fengi heitið Bryggjugata.
Loks lagði nefndin til að sá hluti
Pósthússtrætis, sem liggur milli
Tryggvagötu og Geirsgötu, yrði
nefndur Steinbryggja.
Þar undir er hin gamla stein-
bryggja Reykjavíkur, sem kom í ljós
á dögunum, þegar unnið var að end-
urbótum á Tryggvagötu. Stein-
bryggjan hafði ekki verið sýnileg
áratugum saman og nýttu margir
tækifærið til að berja augum þetta
sögufræga mannvirki. Það mun
væntanlega ekki verða sýnilegt
nema að hluta næstu áratugina.
Á heimasíðu ÞG verks segir að
framkvæmdirnar á Hafnartorgi séu
hinar umfangsmestu sem ráðist hafi
verið í á hafnarsvæði Reykjavíkur.
Hafnartogið muni tengja gamla
miðbæinn við menningarbygg-
inguna Hörpu og dragi þar með úr
skiptingunni á milli hins gamla og
nýja. Þar að auki mun verkefnið,
sem samanstendur af sjö ólíkum
byggingum, skapa almannarými
sem ýti undir hreyfingu í gegnum
svæðið frá aðliggjandi stöðum.
„Hafnartorgið mun mæta vaxandi
þörf á húsnæðisrými í hinni vinsælu
miðborg Reykjavíkur með versl-
unum, kaffihúsum, veitingastöðum,
íbúðum og nútímalegum skrif-
stofum,“ segir á heimasíðunni.
Heildarstærð húsa þar er 23.350
fermetrar, fjöldi íbúða er 76, þjón-
usta og verslun verður á 8.000 fm og
skrifstofuhúsnæði verður 6.400 fm.
Bílastæði neðanjarðar verða með
tengingu við Hörpu.
Reykjastræti Frágangi fyrsta hluta strætisins, frá Hafnarstræti að Geirsgötu, á að ljúka á þessu
ári. Fjær á myndinni má sjá húsin sem eru að rísa á Hörpulóð. Þar mun strætið halda áfram.
Nýjar götur í miðborginni
 Tvær nýjar göngugötur verða tilbúnar á Hafnartorgi upp úr áramótum  Þær heita Kolagata og
Reykjastræti  Á næsta ári verður hægt að ganga Reykjastrætið frá Hafnarstræti að Hörpu
Morgunblaðið/sisi
Kolagata Gatan er tilbúin að hluta til enda er nýbúið að opna þarna stóra og glæsilega H&M-
verslun. Seinni hluti götunnar, að Tollhúsinu, á að verða tilbúinn fljótlega eftir áramótin.
Eins og fram kom í fréttum fyrr í
sumar ákváðu borgaryfirvöld að
hluti steinbryggjunnar sögufrægu
yrði framvegis sýnilegur almenn-
ingi.
Samkvæmt upplýsingum Þórs
Gunnarssonar, verkefnisstjóra hjá
skrifstofu framkvæmda og viðhalds
hjá Reykjavíkurborg, er breytingin
á götunni í skipulagsferli og verk-
hönnun hefst fljótlega. Stefnt er að
því að hefja framkvæmdir þar
næsta vor.
Þór segir að framkvæmdir við
Tryggvagötu séu komnar af stað
aftur eftir tafir vegna gömlu stein-
bryggjunnar og er stefnt að því að
opna götuna fyrir umferð í byrjun
desember. Þessar áætlanir verði þó
töluvert háðar veðri.
Morgunblaðið/sisi
Tryggvagata Framkvæmdir eru hafnar að nýju eftir tafir vegna Stein-
bryggjunnar. Efsti hluti bryggjunnar er horfinn undir yfirborðið að nýju.
Framkvæmdir hafnar á ný