Morgunblaðið - 01.12.2018, Page 2

2 FRÉTTIRInnlent
MORGUNBLAÐIÐ LAUGARDAGUR 1. DESEMBER 2018
ÍS
L
E
N
S
K
A
S
IA
.I
S
IC
E
8
81
5
4
11
/1
8
GEFÐU FRÍ UM JÓLIN
með gjafabréfi Icelandair
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Snorri Másson
snorrim@mbl.is
Ólafur Ísleifsson og Karl Gauti
Hjaltason, þingmenn Flokks fólks-
ins, voru reknir úr flokknum á
stjórnarfundi hans síðdegis í gær.
Þeir sitja áfram á þingi sem sjálf-
stæðir þingmenn, en voru þó af
stjórn flokksins hvattir til að segja af
sér þingmennsku.
Í bréfi sem Sigmundur Davíð
Gunnlaugsson, formaður Miðflokks-
ins, sendi félögum sínum í flokknum
síðdegis í gær var greint frá því að
tveir þingmenn hans, Gunnar Bragi
Sveinsson og Bergþór Ólason,
myndu taka sér launalaust leyfi frá
þingstörfum. Ekki kom fram hversu
lengi það myndi vara. Sigmundur
sagði að þetta væri þeirra eigin
ákvörðun.
Þetta eru eftirköst mikillar reiði
og hneykslunar sem gripið hefur um
sig í kjölfar birtingar nokkurra fjöl-
miðla á upptökum af samtölum þess-
ara þingmanna og fleiri á barnum
Klaustri við Kirkjutorg síðastliðinn
þriðjudag. Þingmennirnir voru allir
við skál. Orðbragð þingmannanna
um ýmsa samstarfsmenn þeirra á
þingi og utan þings hefur verið harð-
lega gagnrýnt.
„Mér virðist sem stjórnin hafi
greitt Flokki fólksins þungt högg
með þessari ákvörðun. Þessi
ákvörðun kallar á nánari skýringar
af hálfu hennar. Hún sýnist lítt
grunduð. Til mín hafa ekki verið rak-
in nein ummæli sem eru særandi eða
meiðandi í garð nokkurs manns. Ég
fór þegar ég taldi að í óefni stefndi en
hefði átt að sjá það fyrr og fara fyrr,
svo það sé viðurkennt,“ sagði Ólafur
Ísleifsson í samtali við Morgunblaðið
í gærkvöldi.
„Við Gauti verðum óháðir þing-
menn. Á milli okkar hefur verið þétt
málefnaleg og persónuleg samstaða
og ég á von á að hún haldist,“ sagði
Ólafur.
Ætlar að líta í spegil
Bergþór Ólason sendi í gær frá sér
yfirlýsingu þar sem hann viður-
kenndi að hafa viðhaft meiðandi um-
mæli um einstaklinga sem hefðu
ekkert sér til saka unnið. Á því baðst
hann afsökunar og kvaðst nú ætla að
„líta í spegil og taka sjálfan sig til
gagnrýnnar skoðunar“.
Sigmundur og Anna Kolbrún
Árnadóttir sitja áfram á þingi fyrir
Miðflokkinn og segist Sigmundur
ekki telja ástæðu til þess að íhuga
eigin stöðu. Þau Anna voru þó á
Klaustri umrætt kvöld. Í bréfinu til
flokksmanna sinna sagði Sigmundur
Davíð að vanlíðan þingmannanna
sem komu við sögu á barnum
Klaustri í síðustu viku væri mikil.
Hann kvaðst ætíð hafa reynt að forð-
ast persónuníð og sagðist aldrei hafa
notað blótsyrði síðan hann var barn.
Þrjá eða fleiri þarf til þess að
stofna nýjan þingflokk innan Alþing-
is og því er ljóst að Ólafur Ísleifsson
og Karl Gauti Hjaltason geta ekki
stofnað eigin flokk. Guðmundur Ingi
Kristinsson og Inga Sæland geta þó
verið tvö í þingflokki Flokks fólksins,
enda var hann stofnaður af fleiri en
þremur þingmönnum.
Í kvöldfréttum Stöðvar 2 í gær
kvaðst Sigmundur Davíð taka öllum
fagnandi sem vildu ganga í flokkinn
er hann var spurður hvort Ólafur og
Karl Gauti myndu ganga til liðs við
Miðflokkinn á þingi. „Almennt gildir
það bara að við viljum auðvitað fá
sem flesta með okkur,“ sagði Sig-
mundur.
Í fjarveru Gunnars Braga tekur
Una María Óskarsdóttir sæti á Al-
þingi. Jón Þór Þorvaldsson tekur
sæti Bergþórs.
Klausturþingmenn í ólgusjó
 Gunnar Bragi og Bergþór í leyfi frá þinginu  Ólafur og Karl Gauti reknir úr Flokki fólksins
Karl Gauti
Hjaltason
Ólafur
Ísleifsson
Bergþór
Ólason
Gunnar Bragi
Sveinsson
Ríkisstjórn Framsóknarflokks, Sjálfstæðisflokks
og Vinstrihreyfingarinnar – græns framboðs
fagnaði eins árs afmæli í gær, daginn fyrir 100
ára fullveldisafmæli Íslendinga. Efnt var til lít-
illar veislu, þar sem blásið var á kerti, og fjöl-
miðlafólki boðið í kaffi og kökur. Ríkisstjórnin
verður önnum kafin fram eftir degi við hátíðar-
höld en ætla verður að það sé ráðherrum bæði
ljúft og skylt, enda tilefnið ærið.
Morgunblaðið/Árni Sæberg
Afmælisboð haldið daginn fyrir fullveldishátíð
Landsréttur staðfesti í gær dóm
Héraðsdóms Norðurlands eystra frá
desember 2017 þar sem karlmaður
var dæmdur til tveggja ára fang-
elsisvistar fyrir að hafa haft sam-
ræði og önnur kynferðismök við
konu gegn vilja hennar.
Ákærði stakk fingrum í leggöng
konunnar og hafði við hana samræði
þar sem hún lá sofandi í sófa og not-
færði sér að hún gat ekki spornað
við verknaðinum sökum svefn-
drunga og ölvunar. Auk fangelsis-
vistar er manninum gert að greiða
konunni 1,5 milljónir króna í miska-
bætur.
Ákærði og brotaþoli lýstu atvikum
með ólíkum hætti en báru bæði að
engir kossar hefðu verið fyrir sam-
ræðið, ákærði hefði fært buxur og
nærbuxur brotaþola niður án þess
að brotaþoli hefði hjálpað til og eng-
in orð hefðu farið þeim í milli eftir að
samræðinu lauk. Framburður brota-
þola er sagður stöðugur um helstu
atvik. Er framburður ákærða að
sama skapi sagður nokkuð stöðugur
þrátt fyrir að ákærði leitaðist við að
gera heldur meira úr þátttöku brota-
þola í kynferðisathöfnum í fram-
burði sínum fyrir héraðsdómi en
hann hafði borið um fyrir lögreglu.
Í fangelsi
fyrir mök
gegn vilja
Samtökin Amnesty International
ýttu síðdegis í gær úr vör árlegri
herferð sinni með gagnvirku ljósa-
innsetningunni Lýsum upp
myrkrið. Eliza Reid forsetafrú setti
athöfnina við Hallgrímskirkju.
Um er að ræða stærstu gagn-
virku ljósainnsetninguna hér á
landi. Hún stendur frá 30. nóvem-
ber til 2. desember og er á milli kl.
17 og 22.
Tilgangurinn er að vekja athygli
á undirskriftaherferð Amnesty
International, Bréf til bjargar lífi,
sem í ár er helguð tíu baráttu-
konum fyrir mannréttindum um
heim allan. Konurnar sæta grófum
mannréttindabrotum.
Amnesty lýsir upp myrkrið
við Hallgrímskirkju
 Árleg ljósainnsetning til stuðnings herferð samtakanna
Morgunblaðið/Hari
Amnesty Andlit Elizu Reid á turni Hallgrímskirkju við ljósainnsetninguna.