Morgunblaðið - 01.12.2018, Síða 41

DÆGRADVÖL 41
MORGUNBLAÐIÐ LAUGARDAGUR 1. DESEMBER 2018
Ármúla 24 • S. 585 2800
VIENDA
borðlampi
Stjörnuspá
21. mars - 19. apríl 
Hrútur Ef þú ert í sambandi eru þónokkrar
líkur á því að hinum helmingnum finnist
hann dálítið vanræktur í augnablikinu.
Sinntu þínu og varastu að dragast inn í
deilur manna.
20. apríl - 20. maí 
Naut Láttu ekki vini þína snúa á þig með
einhverju ómerkilegu bragði. Þú þarft ekki
alltaf að eiga síðasta orðið. Þú treystir þig
i sessi í vinnunni.
21. maí - 20. júní 
Tvíburar Reiddu þig ekki á aðra heldur
treystu þínu innsæi, það hefur reynst þér
best hingað til. Þín bíða fjörugar vikur, full-
ar af gleði og samveru með fjölskyldunni.
21. júní - 22. júlí 
Krabbi Þú þarft á styrk að halda og skalt
sækja hann til einhvers þér eldri sem býr
að mikilli reynslu. Ef þú ákveður að gera
eitthvað þá halda þér engin bönd.
23. júlí - 22. ágúst 
Ljón Nýtt fólk sem kemur inn í líf þitt sýnir
þér mikla væntumþykju. Ekki vera of mikil
jámanneskja. Nýtt ástarsamband er í upp-
siglingu.
23. ágúst - 22. sept. 
Meyja Nýjar hliðar á vandasömu verkefni
krefjast allrar þinnar athygli og atorku.
Ekki draga það of lengi að taka ákvörðun í
ástamálunum.
23. sept. - 22. okt. 
Vog Gerðu þér grein fyrir því hvaða verk-
efni geta beðið og hver þú þarft að inna af
hendi einn, tveir og þrír. Þú ert ekki mikið
fyrir að láta ljós þitt skína.
23. okt. - 21. nóv.
Sporðdreki Farðu varlega, þegar þú kemst
að leyndarmáli um einn vinnufélaga þinn.
Þú ert í uppnámi vegna góðs vinar, hringdu
eða láttu vita af þér.
22. nóv. - 21. des.

Bogmaður Þótt þig langi ekkert til þess
kann svo að fara að þú verðir að deila viss-
um hlut með öðrum. Vertu fús til sátta.
Það er vont að sofna ósátt/ur.
22. des. - 19. janúar 
Steingeit Einhver kann að leita álits þíns í
dag. Léttu á hjarta þínu því þá líður þér
betur á eftir. Þú veltir vöngum yfir mögu-
legum íbúðakaupum.
20. jan. - 18. febr. 
Vatnsberi Þú munt rekast á óvenjulegt
fólk sem mun gera daginn eftirminnilegan.
Hvað gerist ef þú hættir meðvirkninni?
Prófaðu bara.
19. feb. - 20. mars

Fiskar Þú finnur fyrir sigurtilfinningu í dag
og átt auðvelt með að setja hlutina í sam-
hengi. Smáfólkið smitar þig með gleði
sinni.
Gátan er sem endranær eftirGuðmund Arnfinnsson:
Svefnpurka nú hrýtur hér.
Hreðjamikill þessi ver.
Heiti á bekra annað er.
Einnig leikþraut nefnum vér.
Þessi er lausn Hörpu á Hjarðar-
felli:
Ég heilann brýt og huga
og helst þá finnst mér að
dável myndi duga
að demba hrút á blað.
Guðrún Bjarnadóttir svarar:
Sker’ún hrúta frekust frú
í fangi hrúts með stóran pung.
Bekri heitir hrútur nú.
Hrút að berja lék víst ung.
Helgi Seljan á þessa lausn:
Hrúta munu skatnar skera,
skolli digrar hreðjar finnast.
Hrútar bekraheitið bera,
bezt í leikþraut munum kynnast.
Helgi R. Einarsson leysir gátuna
þannig:
Þessir þreyttu skera-ðá,
þá í leiknum berja má,
í Njálu kærleikskútur,
í krónni er líka hrútur.
Sjálfur skýrir Guðmundur gát-
una þannig:
Sá, sem hrýtur hrúta sker.
Á Hrúti voru tólin sver.
Samnöfn bekri og hrútur hér.
Hrútur fingraleikþraut er.
Þá er limra:
Á Dröngum bjó daufinginn Knútur,
dapur og niðurlútur,
en fékk í sig brímann
um fengitímann
og vildi þá vera hrútur.
Síðan er ný gáta eftir Guðmund:
Niðdimm þoka úti er,
eilíft myrkur byrgir sýn.
Gáta í þoku þvælist hér,
þokukennd er hugsun mín:
þetta veðuráhlaup er.
Oft það dauða ber með sér.
Krakkaormur í það fer.
Ástarkennd í brjósti þér.
Bolli Gunnarsson skilur lögmál
náttúrunnar:
Éli kastar kuldatíð.
Krefur vetur sagna.
Alltaf mun ég ár og síð
árstíðunum fagna.
Halldór Blöndal
halldorblondal@simnet.is
Vísnahorn
Að gera hrúta
með fingrum sér
Í klípu
„Þú ert ekki einn. flestir sjúklinga
minna ganga ekki í takt.”
eftir Mike Baldwin eftir Jim Unger
„Ég myndi leyfa þér aÐ tala meira, en
þú ert ekki jafnáhugaverÐur og ég.”
Hermann
Ferdinand
Hrólfur hræðilegi
Grettir
... bónorðsdagurinn.
ÞÚ HEFUR VERIÐ
STILLTUR Í ALLAN DAG
HANN ER EKKI
Á ENDA ENN
ÉG VONA AÐ ÞÚ SÉRT MEÐ
FAGMENN SEM GETA GERT
VIÐ BÁTINN MINN!
ENGAR
ÁHYGGJUR!
VIÐ ERUM MEÐ BESTU SUNDKAPPANA!
Víkverji er áskrifandi að efnisveit-unni Netflix án þess að hann
hafi hug á að auglýsa hana sérstak-
lega. Nýverið var Víkverji á ferð í
Bandaríkjunum og notaði aðganginn
sinn til að komast inn á efnisveituna.
Blasti þá við honum alls kyns efni,
sem ekki er að finna þegar hann fer
inn á hana heima hjá sér, bæði bíó-
myndir og þættir. Sennilega er
ástæðan sú að aðrir en Netflix eiga
sýningarrétt á þessu efni á Íslandi
og gerir Víkverji sér grein fyrir að
við því er ekkert að gera.
x x x
Þarna sá hann þó eina sjónvarps-þáttaröð sem hann hafði lesið
um og verið forvitinn að skoða. Hún
er ekki aðgengileg hjá efnisveitunni
á Íslandi en samt hefur enginn ann-
ar sýnt hana svo Víkverja sé kunn-
ugt. Velti Víkverji fyrir sér hvort
einhver verið væri að nota áður-
nefndan rétt til að sýna efnið ekki.
x x x
Víkverji ætlar ekki að kvarta und-an öryggisviðbúnaði á flug-
völlum en hefur þó oft velt fyrir sér
hverju það skili að tæma töskur, fara
úr skóm og losa um beltið í hinni
hefðbundnu leit. Rifjast þá upp fyrir
honum að fyrstu árin eftir 2011 var
bannað að vera með litla gaskveikj-
ara um borð í flugvélum. Svo ákvað
Bandaríkjaþing að engin hætta væri
af þessum kveikjurum og leitin að
þeim dreifði athygli öryggisvarða.
Mátti þá aftur fara með kveikjara
um borð. Þá hafði kostað nokkrar
milljónir dollara að gera kveikjara
upptæka og farga þeim. Fáir tóku
eftir þessu en það hefur sennilega
verið áfall fyrir framleiðendur þegar
aftur mátti fara með kveikjarana um
borð.
x x x
Samkvæmt reglum má fara meðvökva í gegnum leit ef magnið er
undir 100 millilítrum. Kunningi Vík-
verja var nýlega á ferð með ílát sem
rúmar meira en það, en var hins veg-
ar nánast orðið tómt. Þegar gerð var
athugasemd opnaði kunninginn ílát-
ið, sem var nánast tómt og augljóst
að í því voru engir 100 millilítrar.
Það skipti engu máli, merkingin á
umbúðunum var lykilatriði, ekki
innihaldið. vikverji@mbl.is
Víkverji
Ég vil þakka þér, Drottinn, Guð minn,
af öllu hjarta og tigna nafn þitt að eilífu
(Sálmarnir 86.12)