Morgunblaðið - Sunnudagur - 24.03.2019, Blaðsíða 4

HEIMURINN
4 MORGUNBLAÐIÐ SUNNUDAGUR 24.3. 2019
Með Sigfús í
eyrum í Arizona
Nafnið Sigfús stendur hjartaLauren Valenzuela nærrienda er það millinafn föður
hennar og nafn langafahennar. Þegar
hún stofnaði eigið fyrirtæki í kringum
skartgripahönnun sína vildi hún að
nafnið vísaði í íslenskar rætur
hennar.
„Ég stofnaði Sigfús Designs á
erfiðum tíma í lífi mínu. Ég hef alltaf
vitað að mér líður best þegar ég er að
skapa og fæ að vera frjáls í listsköpun
minni. Ég fór að prófa mig áfram með
ólíka miðla og á vegi mínum varð til-
tekin tegund af leir sem kallaður er
polymer-leir. Mér leið vel að vinna
með hann og strax urðu ýmsar út-
gáfur skartgripa til. Þetta þróaðist
fljótlega yfir í fyrirtæki þegar vinir
og fjölskylda fóru að spyrja mig út í
eyrnalokkana sem ég var að búa til.
Þegar kom að því að nefna fyrirtækið
lá beint við að það fengi nafnið Sig-
fús,“ segir hún í samtali við Sunnu-
dagsblaðið.
Hún segist alltaf hafa verið með-
vituð um það að forfeður föður henn-
ar hafi komið frá Íslandi.
Mikilvægt að vísa
í íslensku ræturnar
„Sem barn lærði ég um uppruna
minn. Pabbi minn sagði okkur frá
íslensku rótunum og við lærðum
ýmislegt um íslenska menningu. Við
höfum alltaf verið stolt af því hver við
erum. Langafi minn hét Sigfús Ólafs-
son og pabbi ber nafnið Sigfús sem
millinafn. Það var mikilvægt fyrir
mig að láta rætur mínar koma fram í
nafninu á fyrirtækinu og ég vildi nafn
sem enginn annar væri að nota.“
Lauren er fædd og uppalin í
Bandaríkjunum og hefur alið mann-
inn í Arizona mestalla sína tíð, segist
sjálf vera „barn eyðimerkurinnar“.
Hægt að gerast
Sigfúsarsendiherra
Langalangafi hennar og langalang-
amma fluttust til Bandaríkjanna frá
Íslandi á sínum tíma en hún segist þó
ekki þekkja nöfn þeirra eða vita ná-
kvæmlega hvenær þau fluttust út.
En ætli viðskiptavinir hennar
þekki nafnið Sigfús eða átti
sig á því hvaðan það
kemur? „Ég útskýri hug-
myndina á bak við nafnið á
vefnum mínum, www.sigfus-
designs.com, og segi þar frá því
hversu stolt ég er af uppruna mínum.
Ég er ekki viss um að þeir sem heyra
nafnið viti hvaðan það kemur enda er
þetta ekki algengt nafn hér í Banda-
ríkjunum,“ segir hún og hlær. Á tím-
um samfélagsmiðla vilja mörg fyrir-
tæki leggja áherslu á að byggja upp
sterkt samband við viðskiptavini sína.
Lauren hefur byggt upp samfélag í
kringum hönnun sína með því að
bjóða viðskiptavinum sínum að gerast
„Sigfús-ambassadors“ eða Sigfúsar-
sendiherrar.
„Hugmyndin að því að hafa sendi-
herra er ekki aðeins hugsuð til að
deila upplýsingum um vörurnar
heldur viljum við raun-
verulega byggja upp
samfélag þar sem
fólk deilir jákvæðni,
hvetur hvað annað
og byggir aðra upp.
Sigfús Designs vill
hjálpa fólki við þetta því
þeir sem gerast sendiherr-
ar verða að vera til í að
dreifa jákvæðum boðskap.
Við viljum lyfta fólki upp
og sendiherrarnir
hjálpa til við það. Sig-
fúsarsendiherrar fá
sérstakan afslátt og
geta unnið sér inn
punkta.“ Áður en
hægt er að gerast
sendiherra þarf fólk að svara nokkr-
um spurningum eins og hvað það geri
til að byggja annað fólk upp og hvern-
ig það geti gert meira af því með því
að gerast Sigfúsarsendiherra.
En hefur hún komið til Íslands?
„Nei, ég hef ekki komið til Íslands og
tala ekki íslensku. En Ísland er efst á
listanum yfir þau lönd sem mig lang-
ar að heimsækja!“
Lauren Valenzuela vildi
vísa í íslenskar rætur sín-
ar þegar hún valdi nafn á
hönnunarfyrirtæki sitt.
Hún á líka hund sem
heitir Ragnar.
Í eyðimörkinni í Tuscon í Arizona býr skart-
gripahönnuðurinn Lauren Valenzuela og rekur
þar hönnunarfyrirtæki sitt sem heitir hvorki
meira né minna en Sigfús Designs.
Eyrún Magnúsdóttir eyrun@mbl.is
Til er fólk sem trúir því að það eigi ekki aðbólusetja börnin sín. Það sé blátt áframstórhættulegt og því fylgi einhverfa,
ýmsir sjúkdómar og jafnvel dauði. Þetta hefur
orðið til þess að einhverjir hafa hætt við að bólu-
setja börn og þannig skapað hættu fyrir aðra.
Þetta fólk trúir því að bólusetningar séu eitt
allsherjar samsæri lyfjafyrirtækja sem hafi
safnað til sín vísindamönnum í áratugi til að
halda fram þessari lygi til að geta grætt á bólu-
efnum.
Í vikunni birtist merkileg frétt frá Bandaríkj-
unum. Í könnun sem samtök bandarískra geð-
lækna gerðu kom loks fram fylgni. Kannski ekki
sú sem þeir sem á þetta trúa höfðu vonast eftir.
Niðurstaðan er að þeir sem trúa þessu eru lík-
legri til að stökkva á aðrar samsæriskenningar.
Þeir trúa því að Díana prinsessa hafi verið myrt,
að árásirnar á tvíburaturnana hafi verið svið-
settar og maðurinn hafi aldrei stigið fæti á
tunglið. Þeir trúa því að slatti af heimsfrægum
poppurum hafi dáið og í þeirra stað hafi verið
settir inn tvífarar og að á Íslandi sé vandlega
skipulagt djúpríki sem öllu ráði.
Þetta fólk er alveg til. Og kenningarnar eru
endalausar. Ein enn birtist í grein í vikunni, þar
sem greinarhöfundur sagði frá því að CIA hefði
handvalið Mark Zuckerberg til að þykjast hafa
fundið upp Facebook. Í raun væri það CIA sem
stjórnaði því og öllu sem þar gerist. „Þetta er
náttúrlega risafrétt en falsmiðlar þegja.“
Einmitt.
Það er til hópur sem trúir því að jörðin sé flöt.
Við erum ekki að tala um fólk sem finnst skrýtið
að jörðin sé hnöttur, eða finnst það merkileg
pæling að geimurinn sé á fullri ferð. Við erum
að tala um fólk sem krafttrúir því að jörðin sé
pönnukökuflöt og það sé í alvöru gríðarlegt
samsæri vísindamanna á bak við þetta allt.
Fyrst og fremst til að halda fólki fáfróðu og
reyna að ljúga að því allskonar fáránlegum hlut-
um eins og að risaeðlur hafi verið til, þróunar-
kenningunni og öðru bjánalegu bulli.
Það er fróðlegt að hlusta á þetta fólk. Það eru
til dæmis ekki vísindamenn í hópi þeirra sem
trúa því að jörðin sé flöt. Skýringin er einföld:
„Það er vegna þess að þegar þú hefur náð
ákveðnu stigi í menntun, þá hefur menntakerfið
bara eignast þig. Þá máttu ekki trúa þessu.“
Þetta segir einn helsti forsprakki hópsins í
heimildarmyndinni Behind the Curve sem hægt
er að sjá á Netflix. Hann hafnar því að jörðin sé
hnöttótt því hann sér háhýsi í tveggja kílómetra
fjarlægð.
Það er reyndar heillandi að sjá hvernig þetta
fólk trúir því að jörðin sé flöt en samt á mismun-
andi hátt. Sumir halda að það sé risastór skál yf-
ir okkur og við séum föst í einhverjum svakaleg-
um Truman Show-heimi. Aðrir að jörðin sé
óendanleg og sumir að norðurpóllinn sé í raun
ekki til heldur sé hann íshringur í kringum
hafið. Bara svona til að halda öllu á sínum stað.
Auðvitað eru engar stjörnur á himni og engar
plánetur.
Þetta hljómar fyndið. Og er það á vissan hátt.
En þetta er líka bæði dapurlegt og alvarlegt.
Rök gegn rökleysunni eru yfirleitt sama mantr-
an: Samsæri, yfirhylming, falsfréttir og vís-
indamenn sem hafa selt sálu sína.
Flattrúarmenn segja að þeir skipti millj-
ónum. Það eru mögulega ýkjur. En jafnvel þótt
þeir séu bara tíu þúsund um allan heim þá er
það vísbending um að við séum að gera eitthvað
vitlaust. Og það eru til miklu fleiri hópar sem
falla undir lögmál þeirra sem trúa á flata jörð.
Það er eitthvað til að hafa áhyggjur af.
Kannski er þetta birtingarmynd á aukinni
þolinmæði fyrir sjónarmiðum annarra. Eða
kannski er þetta að einhverju leyti afsprengi
skoðanasílóanna sem hægt er búa í á netinu, þar
sem dugir að finna nógu marga sem eru sam-
mála þér til þess að þú hafir rétt fyrir þér. Leið
þessa fólks virðist alltaf vera sú sama. Að
ákveða eitthvað og grípa svo allt sem styður það
en hafna öllu öðru. Þar með er niðurstaðan
komin. Við megum hinsvegar ekki gleyma því
að efasemdir og afneitun er ekki það sama. Og
enn hefur engum tekist að sigla út af endi-
mörkum jarðar.
’ Við erum að tala um fólk semkrafttrúir því að jörðin sépönnukökuflöt og það sé í alvörugríðarlegt samsæri vísinda-
manna á bak við þetta allt.
Á meðan ég man
Logi Bergmann
logi@mbl.is
Samsærið um hnattlaga jörð
SKRIFSTOFUHÚSGÖGN
Síðumúli 35 | 108 Reykjavík | S. 568 2828 | www.holmris.is
Bjóðum uppá húsgögn
eftir marga fræga
húsgagnahönnuði.
Mörg vörumerki.