Morgunblaðið - 16.04.2019, Blaðsíða 12

12 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 16. APRÍL 2019
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
BAKSVIÐ
Pétur Hreinsson
peturhreins@mbl.is
Bandarísku flugfélögin American
Airlines og Southwest Airlines hafa
ákveðið að kyrrsetja Boeing 737
Max-vélar í flota sínum til ágúst-
mánaðar næstkomandi. Í tilfelli Am-
erican Airlines hafa vélarnar verið
kyrrsettar til 19. ágúst, en félagið
gerði út 25 Max-vélar, eða um 2,6%
af flota sínum. Southwest kyrrsetti
sínar 34 Max-vélar til 5. ágúst en
þær nema 4,5% af flotanum. Síðast-
liðinn miðvikudag gaf Icelandair út
að uppfærð flugáætlun félagsins
gerði ráð fyrir að Max-vélar flug-
félagsins yrðu kyrrsettar til 16. júní
næstkomandi. Þær þrjár Max-vélar
sem kyrrsettar voru í síðasta mánuði
hjá Icelandair námu 9% af flota fé-
lagsins á þeim tíma en félagið gerði
einnig ráð fyrir því að taka sex Max-
þotur í notkun í vor, þrjár af gerðinni
Boeing 737 Max 8 og þrjár Max 9. Í
ár var því gert ráð fyrir að Max-
vélarnar yrðu 9 af 36, eða sem nemur
fjórðungi flotans. Samtals hljóðaði
pöntun Icelandair upp á 16 Max-þot-
ur sem taka átti í notkun fram til
ársins 2021.
Ómögulegt að vita
Af þessu má álykta sem svo að
auðveldara sé fyrir áðurnefnd
bandarísk flugfélög en Icelandair að
gera ráðstafanir vegna Max-vélanna
út sumarið þar sem um töluvert
færri vélar er að ræða hlutfallslega.
„Þetta var tímalínan sem við gáf-
um okkur. Við erum ekki með upp-
lýsingar um það hvenær þessar vél-
ar fara að fljúga. Það er undir
yfirvöldum komið og það er ómögu-
legt að segja,“ segir Ásdís Péturs-
dóttir, upplýsingafulltrúi Icelandair.
Spurður um hinar ólíku viðmiðun-
ardagsetningar segir Sveinn Þórar-
insson, greinandi hjá Landsbankan-
um, að það hafi komið sér á óvart að
Icelandair miði við það að koma vél-
unum í loftið í júní í ljósi þess sem
önnur félög hafa gert. „Ég held að
þetta sé bara vinnuregla sem sett er
fyrir áætlanagerð. Í sjálfu sér veit
enginn hvenær þessar vélar fara á
loft,“ segir Sveinn Þórarinsson.
Ættu að minnka framboð
„Bandarísk flugmálayfirvöld eiga
eftir að ákveða hvenær þau gefa
grænt ljós og síðan í kjölfarið eftir-
litsstofnanir í Evrópu og víðar. En
þá eiga flugfélögin sjálf eftir að
ákveða hvort þau vilji taka við þess-
um vélum og hvenær þau telja að
farþegar séu tilbúnir að fljúga með
þeim. Þetta eru nokkur skref sem
þarf að taka. En ég myndi halda að
sumarið væri fyrir bí hvað þetta
varðar fyrir Icelandair. En ég ítreka
að það er erfitt að spá um þetta,“
segir Sveinn í samtali við Morgun-
blaðið. Að því gefnu að Max-vélarnar
fari ekki á loft fyrr en eftir háanna-
tímann er Icelandair þar af leiðandi
með færri vélar en félagið hafði í
fyrra.
„Icelandair áætlaði í upphafi árs
13% farþegavöxt. Félagið þarf að
auka nýtingu verulega ef Max-vél-
arnar koma ekki í sumar. En ég er
ekki viss um að félagið vanti vélar.
Ekki nema eftirspurn eftir flugi til
Íslands aukist verulega. Að mínu
mati væri skynsamlegra fyrir félagið
að halda framboðinu niðri til þess að
fá betra verð. Það hefur verið of mik-
il samkeppni og of mikið framboð. Ef
félagið vill snúa rekstrinum við þurfa
flugfargjöld að hækka. Hluti af því
er að reyna að halda niðri framboði.
Það tekur lengri tíma að snúa
rekstrinum við í gegnum kostnað.
En staðreyndin er sú að félagið er
komið með þessar nýju vélar og það
er rándýrt að hafa þær sitjandi.“
Minna svigrúm Icelandair
Morgunblaðið/Eggert
Kyrrsett Flugvélin Jökulsárlón, TF-ICE, flaug síðast 12. mars.
 Sumarið fyrir bí hjá Icelandair hvað Max-þoturnar varðar að mati sérfræðings
 Mikill munur er á áætlunum flugfélaga hvað varðar lengd kyrrsetningar
Icelandair
» Gerði ráð fyrir að vera með
níu 737 Max-vélar í ár.
» Felldi á dögunum niður
3,6% af flugferðum sínum
vegna kyrrsetningarinnar þar
sem miðað var við 16. júní.
» Tap félagsins nam 6,7 millj-
örðum króna í fyrra.
ans nam hagnaður fyrir skatta 1.056 milljónum.
Samkvæmt tilkynningu bankans má rekja góða
afkomu hans að þessu sinni til þess að þóknunar-
tekjur voru umfram áætlun, einkum vegna mark-
aðsaðstæðna sem reyndust hagfelldar á fjórð-
ungnum.
Bankinn mun birta uppfærða afkomuspá vegna
ársins 2019 um leið og hún liggur fyrir.
Við lokun markaða í gær var markaðsvirði
Kviku orðið 22,3 milljarðar og hefur aldrei verið
hærra. Markaðsvirði bankans hefur aukist um 10
milljarða frá því að hann var skráður á First North
markaðinn í mars í fyrra. Félagið var tekið til við-
skipta á aðalmarkaði 28. mars síðastliðinn.
Kvika banki hækkaði um 8,74% í Kauphöll Íslands
í gær í kjölfar þess að hafa í gærmorgun sent frá
sér jákvæða afkomuviðvörun. Þar kom fram að
frumdrög að uppgjöri samstæðu Kviku banka
vegna fyrsta ársfjórðungs 2019 lægju nú fyrir.
Samkvæmt þeim drögum lítur út fyrir að hagn-
aður bankans á fjórðungnum verði 830 til 880
milljónir króna fyrir skatta. Áætlanir fyrir-
tækisins fyrir allt árið 2019 höfðu gert ráð fyrir að
hagnaður fyrir skatta myndi nema 1.990 millj-
ónum króna án áhrifa af GAMMA Capital Manage-
ment hf. sem kom inn í samstæðu bankans 1. mars
síðastliðinn. Kvika birti ekki ársfjórðungsuppgjör
á síðasta ári en samkvæmt hálfsársuppgjöri bank-
Kvika tók mikinn kipp í Kauphöll
 Bankinn birti jákvæða afkomuviðvörun
Morgunblaðið/Hari
Rekstur Kvika mun skila góðu uppgjöri.
● Landaður afli íslenskra skipa í mars
var 118.448 tonn sem er 25% minni
afli en í mars 2018. Aflasamdrátturinn
skýrist nær eingöngu af minni loðnuafla
en engin loðna veiddist í mars, saman-
borið við tæp 82 þúsund tonn í mars
2018. Þetta kemur fram í nýbirtum töl-
um Hagstofu Íslands. Þar segir enn
fremur að rúmlega þreföldun í kol-
munnaafla nái ekki að vega upp afla-
brestinn í loðnu, en kolmunnaafli í mars
var rúm 64 þúsund tonn. Botnfiskafli
nam 52 þúsund tonnum í febrúar og
minnkaði um 2% miðað við sama mán-
uð 2018. Heildarafli á 12 mánaða tíma-
bili frá apríl 2018 til mars 2019 var tæp-
lega 1.306 þúsund tonn sem er aukning
um 6% miðað við sama tímabil ári fyrr.
Aukningin er vegna meiri botn- og flat-
fiskafla og samdráttur í uppsjávarafla
er minni en vænta má vegna meiri kol-
munnaafla. Afli í mars, metinn á föstu
verðlagi, var 15,6% minni en í mars
2018, að því er Hagstofan greinir frá.
118 þúsund tonna afli
16. apríl 2019
Gengi Kaup Sala Mið
Dollari 119.28 119.84 119.56
Sterlingspund 155.98 156.74 156.36
Kanadadalur 89.4 89.92 89.66
Dönsk króna 18.059 18.165 18.112
Norsk króna 14.025 14.107 14.066
Sænsk króna 12.861 12.937 12.899
Svissn. franki 119.12 119.78 119.45
Japanskt jen 1.0649 1.0711 1.068
SDR 165.72 166.7 166.21
Evra 134.82 135.58 135.2
Meðalgengi/Viðskiptavog þröng 164.0881
Hrávöruverð
Gull 1301.85 ($/únsa)
Ál 1843.0 ($/tonn) LME
Hráolía 70.95 ($/fatið) Brent
● Vergur gjaldeyrisforði Seðlabanka Ís-
lands nam 765 milljörðum króna í lok
marsmánaðar og hækkaði um 12,8
milljarða milli mánaða. Hreinn gjald-
eyrisforði, þ.e. erlendar eignir að frá-
dregnum erlendum skammtímaskuld-
um, nam 764,9 milljörðum króna,
samanborið við 751,6 milljarða í lok
febrúar. Nettó útgreiðslur gjaldeyris-
eigna Seðlabankans og ríkissjóðs fyrir
komandi 12 mánuði eru áætlaðar 64
milljónir króna miðað við lok mars,
samanborið við 650 milljónir króna
miðað við lok febrúar.
Gjaldeyrisforðinn nem-
ur 765 milljörðum króna
STUTT