Húnavaka - 01.01.2019, Qupperneq 20

H Ú N A V A K A 18
var þetta svolítið áhyggjuefni. Svo kom
það upp að flytja þyrfti sjúkling í
sjúkraflugi frá Blönduósi og mér var
boðið að koma með. Það gekk allt
saman vel og okkur Helgu heilsaðist
báðum vel.
Þegar Helga fæddist höfðum við
verið þrjú ár í ráðsmennsku á Akri og
það voru breytingar framundan. Það lá
fyrir að kosningar yrðu til Alþingis þá
um vorið 1983 og þá myndu verða
stjórnarskipti og ný ríkisstjórn taka við
af stjórn Gunnars Thoroddsen þar
sem pabbi átti sæti sem landbúnaðar-
ráðherra. Gunnar hafði klofið Sjálf-
stæð isflokkinn við myndun ríkis -
stjórn arinnar og hún var því gífur lega
umdeild, ekki síst innan flokksins.
Klofningurinn var pabba örugglega
mjög erfiður en hann var sannfærður
alveg fram á síðasta dag að þetta hefði verið eina leiðin til að ekki yrði alger
stjórnarkreppa. Auðvitað tók þetta á en hann var hins vegar þannig skapi
farinn að hann komst í gegnum þetta. Ég held þó að það hafi gengið svolítið
nærri honum þegar Halldór Blöndal var valinn landbúnaðarráðherra og
framhjá honum gengið við myndun Viðeyjarstjórnarinnar 1991. Hann talaði
aldrei um það en ég veit hvað honum leið. Ég var stödd á heimili foreldra
minna þegar Davíð Oddson hringdi og sagði honum að ekki hefði verið
samstaða í þingflokknum um að hann yrði landbúnaðarráðherra. Þá mætti
hann veggnum. Eftir það þá fór hann að missa áhugann á pólitíkinni.
Þegar tímabili pabba lauk í ráðherradómi í ríkisstjórn Gunnars Thoroddsen
þá vildu foreldrar mínir halda áfram enn um sinn í búskapnum. Þau voru rétt
um fimmtugt og full starfsorku.
Til náms í Danmörku
Við höfðum verið ráðsmenn á búinu á Akri en með opin augu fyrir ýmsum
möguleikum og ákváðum að fara til Danmerkur í nám. Gunnar fann nám í
landbúnaðarhagfræði sem hentaði honum. Ég hafði alltaf haft áhuga á að
finna mér menntun þar sem handverkið nýttist mér og í Danmörku fundust
margar leiðir í handverki og hannyrðum. Gunnar fór út strax um vorið en ég
var áfram heima með Helgu sem þá var bara nokkurra mánaða. Gunnar fór
að vinna á búgarði til að koma sér inn í tungumálið og fékk þar að kynnast
aldeilis ótrúlegum þrældómi danskra bænda. Hann var þarna yfir sumarið og
við komum svo út í byrjun september.
Guðný Björnsdóttir og Kristján
Sveinlaugsson foreldrar Gunnars. Kristján
lést langt fyrir aldur fram sumarið 1981.