Húnavaka - 01.01.2019, Qupperneq 229

H Ú N A V A K A 227
Embættið fékk nýtt verkefni í hendurnar á árinu og nú hefur embætti
lögreglustjórans á Norðurlandi vestra yfirumsjón með þjálfun og úttektum á
öllum lögregluhundum landsins sem og hundum Fangelsismálastofnunar.
Steinar Gunnarsson lögreglufulltrúi heldur utan um verkefnið og hefur það
farið mjög vel af stað og miklar væntingar bundnar við að efla það og útvíkka
enn frekar á komandi árum.
Á árinu 2018 var sett á stofn sérstök rannsóknardeild innan embættisins og
eru nú starfandi rannsóknarlögreglumenn á Blönduósi og Sauðárkróki. Þessi
breyting er mjög til bóta og mun bæta þjónustu við íbúa svæðisins til muna.
Sérstök umferðardeild var starfrækt allt starfsárið og í henni störfuðu tveir
starfsmenn sem nær eingöngu sinntu eftirliti á þjóðvegum umdæmisins. Um
var að ræða tilraunarverkefni til eins árs og er óhætt að segja að útkoman hafi
farið fram úr björtustu vonum. Niðurstaða ársins leiðir í ljós að umferðarslysum
hefur fækkað um 26% í umdæminu á milli ára sem er einsdæmi á svo stuttum
tíma. Alls voru 7.332 ökumenn kærðir fyrir að aka of hratt í umdæminu sem
er um 50% af öllum kærðum hraðaakstursbrotum á landinu þar sem mælt er
með hraðaratsjá (ekki myndavélar).
Lögreglan á Norðurlandi vestra er að eflast og mun gera það áfram á næstu
árum. Alls eru nú 7 starfsmenn með starfsaðstöðu á Blönduósi og 15 með
starfsaðstöðu á Sauðárkróki.
Stefán Vagn Stefánsson.
SAMBAND AUSTUR-HÚNVETNSKRA KVENNA.
Árið 2018 var merkisár í sögu SAHK en félagið varð 90 ára þann 12. maí.
Stjórnarfundur var haldinn þann 11. apríl í sal Samstöðu, allar aðal- og
varastjórnarkonur mættu til fundar og mikill áhugi var fyrir að láta gott af sér
leiða í tilefni afmælisins og vekja jafnframt athygli á góðu starfi kvenfélaganna.
Á fundinum bauð Kvenfélagið Eining kvenfélögunum heim þann 25. apríl en
heimboð kven félaganna eru ánægjuleg og efla kynni og tengsl kvenna í
héraðinu.
Aðalfundur Sambandsins
var haldinn í sal Samstöðu
þann 30. apríl. Vilborg Eiríks-
dóttir, varaforseti Kvenfélaga-
sambands Íslands, var gestur
aðalfundarins og flutti ávarp á
fundinum og færði fundar-
konum merki KÍ að gjöf. Í
máli hennar kom fram að það
hefur orðið mikil breyting á
starfsemi KÍ vegna minnk-
andi fjárframlaga ríkisins. Hlíf
Sigurðardóttir flutti ársskýrslu
Heimilisiðnaðarsafnsins í fjar-
veru Elínar S. Sigurðar dóttur
Fulltrúar frá SAHK á Landsþingi KÍ 2018, f.v.
Þóra Sverrisdóttir og Björg Bjarnadóttir.
Ljósm.: Guðrún Jónsdóttir.