Morgunblaðið - 10.07.2019, Blaðsíða 10

10 FRÉTTIRInnlent
MORGUNBLAÐIÐ MIÐVIKUDAGUR 10. JÚLÍ 2019
Góð
heyrn
glæðir samskipti
ReSound LiNX Quattro
eru framúrskarandi heyrnartæki
Hlíðasmára 19 • 201 Kópavogur • Sími 534 9600 • heyrn.is
Erum flutt í
Hlíðasmára 19
Fagleg þjónusta hjá
löggiltum heyrnarfræðingi
Með þeim færðu notið minnstu smáatriða hljóðs sem berst þér til eyrna.
Í þeim er nýr örgjörvi með 100% meiri hraða, tvöfalt stærra minni og eru
sérlega sparneytin.
Tækin eru heyrnartól fyrir þráðlaust streymi úr síma og öðrum tækjum.
Hægt að stjórna allri virkni með appi eða með takka á tækjum. Eru með
rafhlöður, sem hlaðast þráðlaust á einfaldan hátt, eða með einnota rafhlöður.
Sigurður Bogi Sævarsson
sbs@mbl.is
Allir hálendisvegir hafa nú verið
opnaðir, en Vegagerðin sendi á
mánudaginn út tilkynningu um að nú
væru allar leiðir
færar. Síðast var
Dyngjufjallaleið
opnuð, það er
leiðin úr Öskju og
þaðan norðan
Vatnajökuls suð-
ur á Sprengi-
sandsleið. Þá var
leiðin um Stóra-
sand að detta inn,
en hún tengir
saman efstu
byggðir Borgarfjarðar og Kjalveg
og er þá ekið norðan Langjökuls.
Í ár eru fjallvegir opnaðir nokkru
fyrr en í meðalári. Þannig var leiðin
um Kjöl, það er frá Gullfossi norður í
Blöndudal, orðin fær strax 21. maí sl.
en í fyrra gerðist það 12. júní.
Sprengisandur var opnaður 27. júní,
það er tveimur dögum fyrr en í
fyrra.
„Kjalvegur er fínn þessa dagana,
ástandið er með besta móti,“ sagði
Páll Gíslason, staðarhaldari í Kerl-
ingarfjöllum, í samtali við Morgun-
blaðið. „Vegna þurrka að undan-
förnu hefur fylling í nokkrum mæli
rokið úr veginum, svo hann er á
nokkrum stöðum hrjúfur og þar eru
þvottabretti, eins og slíkt er kallað. Á
góðum bíl með mátulega mikið loft í
dekkjunum er þetta alveg ágætt.“
Í ýmsu hefur verið að snúast hjá
Hálendisvakt björgunarsveitanna að
undanförnu. Fyrstu hóparnir fóru til
fjalla um mánaðamótin. Mannskapur
hefur staðið vaktina á Fjallabaki og
öræfunum norðan Vatnajökuls með
bækistöð í Drekagili við Öskju. Nú í
vikulokin fer björgunarsveitarfólk
svo til starfa í Nýjadal á Sprengi-
sandi og verður þar út sumarið.
Jónas Guðmundsson, verkefnisstjóri
hjá Slysavarnafélaginu Landsbjörg,
var í gær í Nýjadal að gera klárt fyr-
ir vaktina og segir hann ástand
Sprengisandsvegar nú þokkalegt.
Merkingar við ár verði bættar
„Yfirleitt fer fólk ekki upp á há-
lendið nema á þokkalega búnum
bílum. Stundum gerist að fólk sem
ekki er kunnugt staðháttum ekur
ekki nógu varlega út í árnar eða á
röngum stað, lendir því í vanda og
þarf aðstoð. Við hjá björgunarsveit-
unum höfum því rekið áróður fyrir
því að merkingar við árnar verði
bættar því það gæti sennilega komið
í veg fyrir þessi óhöpp, “ segir Jónas.
Allir hálendis-
vegir nú færir
 Stórisandur og Dyngjufjallaleið opin
Morgunblaðið/Sigurður Bogi
Hálendið Ekið af fullum krafti yfir Fjórðungskvísl á Sprengisandsleið,
skammt fyrir norðan Nýjadal. Þetta er jökulá sem leynir á sér í ýmsu tilliti.
Jónas
Guðmundsson
Sigtryggur Sigtryggsson
sisi@mbl.is
Tíminn sem græna ljósið logar fyrir
umferð úr Geirsgötu hefur verið
lengdur og var það gert til að bæta
flæði umferðar um Geirsgötu og
Kalkofnsveg/Lækjargötu. Þetta svar
fékk Morgunblaðið þegar leitað var
viðbragða við kvörtunum Seltirninga
á dögunum, en þeir hafa kvartað há-
stöfum yfir því að sitja þarna tím-
unum saman í umferðarteppu.
Lotutími umferðarljósanna er 90
sekúndur á annatíma, árdegis og síð-
degis, en 75 sekúndur aðra tíma
dagsins. Það þýðir að allir umferðar-
straumar, ökutæki og aðrir vegfar-
endur, þurfa að deila þessum 90 sek-
úndur á milli sín.
„Græni tíminn“ fyrir umferðar-
strauminn af Geirsgötu og inn á
Kalkofnsveg/Lækjargötu var lengd-
ur um sex sekúndur og er nú venju-
lega 32 sekúndur á annatíma, en var
áður 26 sekúndur. Þessi breyting var
gerð í byrjun júní, segja þau Nils
Schwarzkopp, sérfræðingur í
umferðarljósastýringum, og Guð-
björg Lilja Erlendsdóttir, yfirverk-
fræðingur samgöngumála, hjá skrif-
stofu samgöngustjóra og
borgarhönnunar.
Vegna forgangs strætisvagna get-
ur tíminn sem græna ljósið logar á
hverjum umferðarstraumi breyst.
Strætó „kallar“ á grænt ljós
Þegar strætó nálgast gatnamótin
sendir hann boð og kallar á grænt
ljós. Græna ljósið annaðhvort fram-
lengist á akstursleið strætó þar til
hann er kominn yfir gatnamótin eða
þá að umferðarljósin skipta fyrr í
grænt fyrir strætó.
Hvor leiðin sem valin er fer eftir
því hver staða ljósanna er þegar boð
frá strætó berast. Vegna forgangs
strætó fá aðrir umferðarstraumar
styttri grænan tíma en venjulega, en
það er síðan leiðrétt í næstu lotum á
eftir til að jafna flæðið, segja þau
Nils og Guðbjörg Lilja.
Þau segja að vegfarendur merki
vel í einhverjum tilvikum breytingar
sem verða á ljósunum. Langoftast
gildi grunnstilling kerfisins, sem er
32 sekúndur á annatíma, en um tíu
sinnum á klukkustund er tíminn
styttri og fellur þá oftast niður í 10-
18 sekúndur, en það er eins og áður
segir jafnað í næstu lotu.
Heildarumferð á annatíma árdegis
við Geirsgötu var 1.400 bílar/klst. en
1.800 bílar/klst. síðdegis, þegar síðast
var talið í janúar 2019. Einnig er
mikil umferð gangandi og hjólandi
um þessi gatnamót.
Í fyrri mánuði ræddi mbl.is við
Magnús Örn Guðmundsson, forseta
bæjarstjórnar Seltjarnarness, en
margir Seltirningar nýta sér þessa
leið í og úr vinnu. Kvartaði Magnús
yfir knöppum grænum beygjuljósum
og birti myndskeið máli sínu til sönn-
unar. „Við erum aðeins búin að vera
að velta þessu fyrir okkur í bæjar-
stjórninni. Bæjarstjórinn ætlar að
setja sig í samband við borgarstjóra.
Þetta er algjörlega ólíðandi,“ sagði
Magnús.
Græna ljósið logar nú
lengur í Geirsgötunni
 Seltirningar voru afar óhressir og kvörtuðu við borgina
Morgunblaðið/sisi
Miðbærinn Allt að 1.800 bílar fara um þessi gatnamót á annatíma síðdegis og því geta myndast langar biðraðir.
Höskuldur Daði Magnússon
hdm@mbl.is
Samdráttur varð í fjölda seldra
íbúða í fjölbýli á höfuðborgarsvæð-
inu fyrstu fimm mánuði ársins miðað
við sama tíma í fyrra. Samdrátturinn
nam 1,2%. Á sama tíma varð 6%
aukning í fjölda seldra sérbýla.
Á sama tíma hefur hins vegar
meðalsölutími íbúða í sérbýli lengst
meira en íbúða í fjölbýli. Í ár hefur
meðalsölutími íbúða í sérbýli verið
109 dagar frá því fyrsta fasteigna-
auglýsing er birt og þar til kaup-
samningur er undirritaður. Á sama
tíma í fyrra tók þetta ferli að með-
altali 96 daga. Þegar litið er til íbúða
í fjölbýli kemur í ljós að 94 daga hef-
ur tekið að selja eignir í ár borið
saman við 89 daga á fyrstu fimm
mánuðum ársins í fyrra. Þetta kem-
ur fram í nýju yfirliti frá Íbúðalána-
sjóði.
80% undir ásettu verði
Verð hefur þróast með þeim hætti
að um 80% allra íbúðaviðskipta á
höfuðborgarsvæðinu í maí voru und-
ir ásettu verði en 8% íbúða seldust á
hærra verði en sett var á þær. Er þá
miðað við verð í nýjustu fasteigna-
auglýsingu áður en kaupsamningur
var undirritaður. Á sama tíma í fyrra
seldust 71% undir ásettu verði en
11% yfir.
Fram kemur í skýrslunni að engar
sterkar vísbendingar séu um að
Airbnb-íbúðir hafi ratað í auknum
mæli inn á fasteignamarkað hér.
Meiri hækkun
á landsbyggðinni
Leigumarkaðurinn hefur náð
meira jafnvægi á liðnu ári eftir mikl-
ar hækkanir á árunum 2017 og 2018.
„Í maí 2019 var árshækkun leigu-
verðs mest á landsbyggðinni og í ná-
grannasveitarfélögum höfuðborgar-
svæðisins eða um 7,9% samanborið
við 5,8% hækkun í Reykjavík og
4,6% hækkun í öðrum sveitarfélög-
um á höfuðborgarsvæðinu utan
Reykjavíkur,“ segir í skýrslunni.
Segir þar ennfremur að leigu-
verðsþróun í nágrannasveitarfélög-
um höfuðborgarsvæðisins skeri sig
töluvert úr.
„Heildarhækkun leiguverðs í
Reykjavík hefur verið um 80,4% frá
því í janúar 2012 og hefur meðal-
hækkun verið um 8,8% á ári en mest
hefur heildarhækkunin verið í ná-
grannasveitarfélögum eða um 115%
og nemur meðalhækkunin á því
svæði um 11,7% á ári hverju.“
Fleiri íbúðir seljast
undir ásettu verði
 Aukin sala sérbýla en lengri sölutími