Morgunblaðið - 18.07.2019, Side 2

2 FRÉTTIRInnlent
MORGUNBLAÐIÐ FIMMTUDAGUR 18. JÚLÍ 2019
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
595 1000
g
y
Gönguferð
CINQUE TERRE
Frá kr.
224.995
20. til 27. maí & 27. maí til 3. júní
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Guðrún Erlingsdóttir
ge@mbl.is
,,Slysavarnadeildirnar um allt land
fjármagna forvarnarstarfið með því
að selja kökur og sjá um erfidrykkj-
ur,“ segir Svanfríður Anna Lárus-
dóttir, verkefnastjóri slysavarna hjá
Slysavarnafélaginu Landsbjörg, en
félagið hefur í sjálfboðavinnu unnið
að 170 slysavarnarverkefnum á 34
þéttbýliskjörnum á landinu. Verk-
efni tengd börnum eru m.a. foreldra-
fræðsla, afhending endurskins-
merkja, umferðarfræðsla og hjóla-
dagar. Í haust stendur Landsbjörg
fyrir fræðslu þar sem foreldrar eru
minntir á hvernig geyma skuli eitur-
efni.
Í Morgunblaðinu í gær var rætt
við Herdísi Storgaard, verkefna-
stjóra hjá Miðstöð slysavarna barna,
þar sem hún gagnrýndi litla áherslu
á slysavarnir barna.
Kjartan Hreinn Njálsson, að-
stoðarmaður landlæknis, segir eng-
an starfsmann embættisins sinna
sérstaklega slysavörnum barna.
Hann segir landlækni almennt taka
undir ábendingar
um að betur þurfi
að gera hvað við-
kemur slysavörn-
um barna. Land-
læknir hafi tekið
það upp á sam-
ráðsvettvangi
embættisins og
heilbrigðisráðu-
neytisins hvernig
sinna megi þess-
um mikilvæga málaflokki svo sómi sé
að.
,,Við eigum mjög góða greiningu á
öllum tölum varðandi umferðar- og
vinnuslys en þegar kemur að heim-
ilum og frístund vitum við einungis
hversu margir slasast, á hvaða aldri
en ekki hvað gerðist. Við erum líka
eina þjóðin ásamt Tyrkjum sem ekki
skilar tölum til EuroSafe vegna slysa
á börnum. Á þessu vill landlæknir
gera bragarbót og hefur sett á stofn
starfshóp sem ég sit í,“ segir Svan-
fríður og bendir á að erfitt og mjög
dýrt sé að ná í gögn sem skráð hafa
verið frá árinu 1991 úr slysaskrá Ís-
lands.
Kökur til fjármögn-
unar slysavörnum
 Ísland og Tyrkland skila ekki tölum
Börn Víða leynast
hættur á heimilum.
Nýr togari Síldarvinnslunnar hf., Vestmannaey VE,
kom til heimahafnar í gær og var haldin athöfn af því
tilefni laust eftir hádegi þegar skipið sigldi inn til Eyja í
fyrsta sinn. Í samtali við Morgunblaðið sagði Gunnþór
Ingvason, framkvæmdastjóri Síldarvinnslunnar, að
eðlilega hefði það verið gleðistund fyrir fyrirtækið
þegar nýi togarinn kom til hafnar í gær. „Það er alltaf
gleðistund þegar tekið er á móti nýjum skipum.“
Ljósmynd/Óskar Pétur Friðriksson
Ný Vestmannaey VE kemur í heimahöfn
Alltaf gleðistund þegar tekið er á móti nýjum skipum
Teitur Gissurarson
Þór Steinarsson
„Það er engin lagastoð fyrir því að
kæra þann hluta úrskurðar héraðs-
dóms sérstaklega. Nú hef ég ekki séð
kæruna en ef þetta er eins og virðist
vera miðað við fjölmiðlaumfjöllun
[þá eru] þeir að reyna eitthvað sem
er engin lagastoð fyrir,“ segir Oddur
Ástráðsson, lögmaður ALC, í samtali
við Morgunblaðið. Vísar Oddur í máli
sínu til fregna þess efnis að Isavia
hafi kært hluta úrskurðar Héraðs-
dóms Reykjaness frá því í gær-
morgun. Í umræddum úrskurði
héraðsdóms var komist að þeirri
niðurstöðu að ALC, eigandi Airbus-
breiðþotu sem WOW air hafði á leigu
og hafði verið kyrrsett á Keflavíkur-
flugvelli um nokkurra mánaða skeið
vegna skulda við Isavia, þyrfti aðeins
að greiða skuldir tengdar ofan-
nefndri flugvél en ekki allar skuldir
WOW air við Isavia tengdar öðrum
flugvélum. ALC væri því heimilt að
flytja þotuna á brott, en fyrirtækið
hafði þegar greitt skuldirnar við
Isavia. Var enn fremur komist að
þeirri niðurstöðu að málskot til
Landsréttar frestaði ekki réttar-
áhrifum úrskurðarins. Isavia kærði
sumsé þá ákvörðun. „Við erum búin
að kæra til Landsréttar, þar sem við
óskum eftir því að hnekkja þeirri
ákvörðun að réttaráhrifum verði
ekki frestað,“ sagði Guðjón Helga-
son, upplýsingafulltrúi Isavia, í sam-
tali við mbl.is í gær.
Út með þotuna
„Þeir hafa að sjálfsögðu heimild til
þess að kæra efnislega niðurstöðu
úrskurðarins, en sú kæra frestar því
ekki að aðför skuli fara fram. Þeir
virðast því ætla að reyna, á einhverj-
um óljósum og óskilgreindum grund-
velli, að fá það afgreitt fyrst hvort það
eigi að fresta réttaráhrifum. Til þess
standa engin lagaskilyrði að mínu
viti,“ segir Oddur enn fremur um
fregnirnar af kæru Isavia en ítrekar
að hann hafi ekki lesið umrædda
kæru. „Það sem eftir stendur er að
það var kveðinn upp úrskurður. Sá úr-
skurður hefur réttaráhrif nú þegar.“
ALC hefur nú lagt allt kapp á að
koma vélinni úr landi hið fyrsta. „Við
höfum þegar hafið undirbúnings-
aðgerðir,“ segir Oddur.
Segir hann það ekki hafa verið neitt
leyndarmál að ALC „myndi koma vél-
inni í burtu eins fljótt og lögmæt skil-
yrði til þess væru uppfyllt,“ og segir:
„Við erum að aðstoða eiganda þotunn-
ar í að ná fram rétti sínum hér á landi
og rekum það eins hratt og við get-
um.“
Segir kæruna ekki byggjast á lagastoð
 Héraðsdómur Reykjaness úrskurðaði í gær að ALC þyrfti einungis að greiða skuldir við Isavia
tengdar flugvél þess  Isavia hefur kært ákvörðun um að réttaráhrif úrskurðarins frestist ekki
Morgunblaðið/Eggert Jóhannesson
Breiðþota Vélin hefur staðið kyrrsett um nokkurra mánaða skeið.
Rósa Margrét Tryggvadóttir
rosa@mbl.is
Sigurður Ingi Jóhannsson, sam-
göngu- og sveitarstjórnarráðherra,
segist binda vonir við að frumvarp
um jarðakaup útlendinga hér á landi
verði tilbúið snemma í haust.
„Þessi þróun sem hefur verið
síðustu ár er alveg óviðunandi. Þess
vegna hafa stjórnvöld verið með það
til skoðunar hvaða leiðir séu færar til
að hafa þetta umhverfi með eðlilegri
hætti og líkara því sem við þekkjum
bæði í Noregi og Danmörku,“ segir
Sigurður í samtali við Morgunblaðið,
spurður um jarðakaup erlendra aðila
eins og þau sem fjallað var um í
Morgunblaðinu í fyrradag. Þar kom
fram að Fljótabakki ehf., íslenskt
dótturfélag bandaríska ferðaþjón-
ustufyrirtækisins
Eleven Experi-
ence, hefði keypt
jörðina Atlastaði í
Svarfaðardal.
Segir Sig-
urður að sú vinna
sem sé í gangi á
vegum stjórn-
valda sé í
tengslum við til-
lögur starfshóps,
sem skipaður var til að endurskoða
lög um eignarhald á bújörðum, sem
birtar voru í lok september í fyrra. Í
skýrslu starfshópsins komu m.a. fram
tillögur um að skilyrði yrðu sett um
að eigendur jarða byggju sjálfir á
jörðinni og að erlendir eigendur
þyrftu að hafa þar lögheimili.
Sigurður segir að vinnan í mál-
inu sé í ákveðnu ferli undir forystu
forsætisráðherra enda varði málefnið
marga lagabálka undir ólíkum ráðu-
neytum.
„Þessi þróun getur orðið mjög
hröð og það er einfaldlega þannig að
kaup og sala á landi er ekki það sama
og að kaupa og selja einstakar fast-
eignir,“ segir Sigurður.
„Við erum að skoða hvaða breyt-
ingar þurfi að gera á ólíkum lagabálk-
um, því breytingarnar sem gerðar
voru upp úr aldamótum, árin 2003 og
2004, tóku niður allar eðlilegar girð-
ingar hvað þetta varðar og þessu
verðum við að breyta,“ segir hann og
bætir við að hann vonist til að sjá
frumvarp um málefnið líta dagsins
ljós snemma í haust.
„Mín skoðun er sú að við þurfum
að ganga eins langt og við komumst.“
Vonast eftir frumvarpi
um jarðakaup í haust
 Þróun síðustu ára alveg óviðunandi, segir Sigurður Ingi
Sigurður Ingi
Jóhannsson