Morgunblaðið - 18.07.2019, Qupperneq 22

22 FRÉTTIRInnlent
MORGUNBLAÐIÐ FIMMTUDAGUR 18. JÚLÍ 2019
laugavegi 47 www.kokka.is kokka@kokka.is
Pappelina á pallinn
Nú getur þú fengið þér púðameð
vatnsfráhrindandi Sunbrella® tækni og
borðdregla í stíl við Pappelinamottuna þína.
Motturnar henta í öll rými heimilisins,
bæði úti og inni.
2012 að félagið fékk skuldir niður-
felldar:
„Á árinu náðist samkomulag við
viðskiptabanka félagsins um endur-
skipulagningu skulda þess. Í sam-
ræmi við ákvæði samkomulagsins
eru í ársreikningi félagsins tekju-
færðar 10,4 millj. kr. vegna leiðrétt-
ingar á skuldum við bankann. Að
fenginni þessari niðurstöðu ættu
skuldir félagsins nú að vera því við-
ráðanlegar og rekstrargrundvöllur
félagsins tryggður,“ sagði þar m.a.
Skuldir Samskipta lækkuðu svo
enn frekar milli áranna 2012 og 2013,
úr 91,4 milljónum í 38,6 milljónir.
Fram kemur í ársreikningi 2013 að
það ár „lagði eigandi félagsins, Ís-
landspóstur ohf., félaginu til aukið
hlutafé að fjárhæð 55 milljónir
króna“.
Sérfræðingur í fyrirtækjarekstri,
sem Morgunblaðið ræddi við, áætl-
aði að verðmæti Samskipta gæti
numið fimm- til sjöföldum hagnaði,
eða 50-70 milljónum. Mikil sam-
keppni væri á prentmarkaði og
markaðurinn að dragast saman.
Samkvæmt því gæti salan skilað
hlutafjáraukningunni 2013 til baka.
Flest bendir hins vegar til að kaup-
verðið fáist ekki til baka og er þá
horft framhjá ávöxtunarkröfu. Á
móti koma möguleg samlegðaráhrif
og önnur jákvæð áhrif á móðurfélag.
Þá má nefna að tap dótturfélags
getur mögulega komið til frádráttar
skattgreiðslum móðurfélags.
Horft til millilandaflutninga
Íslandspóstur keypti næst 62,5%
hlut í félaginu Frakt flutningsmiðlun
í byrjun desember 2010. Samkvæmt
upplýsingum frá Íslandspósti í vik-
unni var með kaupunum „fyrst og
fremst litið til þess að efla þjónustu
Íslandspósts á milli landa, þ.e. auka
vöruframboðið“. Fraktin sinni flutn-
ingi á alls kyns vörum fyrir fyrir-
tæki.
Reksturinn hófst í maí 2010 og
kom ÍSP inn sem hluthafi í nóvem-
ber sama ár en með því var hlutum
fjölgað úr þremur milljónum í átta.
Félagið Óra ehf. átti á móti 30% hlut
í félaginu en samkvæmt fyrirtækja-
skrá Creditinfo er Arnar Bjarnason,
framkvæmdastjóri Fraktar, eigandi
félagsins. Eigandi 7,5% hlutar var
ekki gefinn upp í fyrstu ársreikning-
um. Frá 2014 hefur Steingrímur Ell-
ingsen verið skráður fyrir hlutnum.
Samkvæmt skýringum með árs-
reikningi var hlutafé félagsins aukið
úr átta milljónum í 18 milljónir árið
2013, eða um 10 milljónir. Árið 2016
lagði stjórn félagsins til að greiddar
yrðu út sex milljónir í arð vegna
rekstrarársins 2015 og í ár lagði hún
til sjö milljónir í arð vegna 2017.
Gæti skilað 100 milljónum
Frakt flutningsmiðlun er umsvifa-
mesta dótturfélag Íslandspósts. Sér-
fræðingur í fyrirtækjaviðskiptum
taldi mögulegt að söluverðmæti fé-
lagsins gæti orðið um 150 milljónir.
Samkvæmt því gæti 62,5% hlutur Ís-
landspósts skilað um 100 milljónum.
Pósturinn horfði til möguleika
netsins þegar viðskipti urðu pappírs-
laus. Þannig boðaði Ingimundur for-
stjóri í ársreikningi 2010 að Mappan
myndi „verða bylting í dreifingu og
vistun rafrænna skjala og [gæti] leitt
til verulegs hagræðis fyrir bæði
sendendur og móttakendur“.
Íslandspóstur stofnaði næst
dótturfélagið ePóst í nóvember 2012.
Tilgangur félagsins var þróun og
vinnsla á sviði rafrænna samskipta-
og dreifilausna. Meðal annars vegna
pósts sem var afritaður rafrænt fyrir
viðskiptavini. Fulltrúi Íslandspósts
lýsti starfseminni á þennan hátt:
„ePóstur var stofnaður árið 2012
til að þróa og reka starfsemi á sviði
rafrænna póstsendinga. Mappan var
nafnið á kerfinu sem verið var að
þróa. Þegar ePóstur var stofnaður
var Mappan flutt yfir í ePóst. Með
rafrænum póstsendingum er ekki
síður átt við skjöl sem send eru beint
inn í kerfið – líkt og gert er t.d. í
heimabönkum eða á island.is. En
ePóstur hafði meðal annars það hlut-
verk að kynna kerfið fyrir mögu-
legum viðskiptavinum á þeim for-
sendum. Kerfinu var svo einnig
ætlað að birta skannaðan póst.
Skönnunarþjónustan var sett á
laggirnar af Póstinum árið 2012.
Rekstur þjónustunnar, þ.e. skönn-
unarhlutinn, var þá á könnu Póstsins
en ePóstur sá um að birta rafrænt í
Möppunni sem og að greiðsla fór
fram í gegnum kerfið. Árið 2016 var
framkvæmdin einnig flutt yfir til
ePósts. Þegar ePóstur var lagður
niður 13. des. sl. var þjónustan svo
aftur flutt yfir til Póstsins,“ sagði í
svarinu. Megintilgangur Möppunn-
ar væri nú að halda utan um ýmsa
þjónustu. Kerfið heiti nú Minn Póst-
ur.
Þróun ePóstsins kostaði sitt.
„Félagið hefur unnið að frekari
þróun eignarinnar í samstarfi við
Canada Post Corporation. Þar sem
eignin er enn í þróun eru tekjur fé-
lagsins takmarkaðar og varð tap af
rekstri að fjárhæð 79 milljónum
króna,“ sagði í skýringum með árs-
reikningi 2014. Sami texti er svo
endurtekinn í skýringum með næstu
ársreikningum, 2015 til 2017, en þau
ár jókst neikvætt eigið fé félagsins.
Sölustarfsemi ePósts var að
meginstefnu hætt árið 2015.
Deilt um vaxtakostnaðinn
Milli áranna 2013 og 2014 var lán
frá móðurfélaginu til ePósts lækkað
úr 247 milljónum í 56 milljónir. Sú
tilfærsla er ekki skýrð frekar. Í árs-
reikningi 2015 segir hins vegar að
skuld við móðurfélag hafi numið 294
milljónum 2014 og 310 milljónum
2015. Samkvæmt síðasta ársreikn-
ingi, sem birtur var 2017, var skuldin
við móðurfélag þá 284 milljónir.
Óvíst er um endurheimtur lánsins.
Aðgangur að afritum af lánasamn-
ingum og skuldaskilmálum Íslands-
pósts til ePósts ehf. varð efni úr-
skurðar úrskurðarnefndar um
upplýsingamál fyrr í þessum mán-
uði. Nefndin taldi að vísa skyldi um-
ræddri beiðni til nýrrar meðferðar
og afgreiðslu hjá Íslandspósti.
Ársreikningar ePósts benda til að
fjármagnskostnaður félagsins vegna
lánsins frá móðurfélaginu hafi verið
nær enginn, aðeins nokkur þúsund
krónur á ári. Fram kom í sátt Ís-
landspósts við Samkeppniseftirlitið
2017 að dótturfélög Íslandspósts
skyldu greiða markaðsvexti af lánum
frá móðurfélaginu. Miðað við 8%
vexti af lánum Póstsins gæti fjár-
hæðin að meðtöldum vöxtum frá
2013 nú numið 400-500 milljónum.
Óskað var eftir upplýsingum hjá
Íslandspósti í vikunni um tekjur fé-
lagsins af skönnunarþjónustu. Svar-
ið var að um væri að ræða sundurlið-
aðar tölur úr fjárhagsbókhaldi sem
ekki væru birtar opinberlega.
Pósturinn keypti síðast Gagna-
geymsluna en í ársreikningi hennar
2014 sagði að félagið leigði út gagna-
geymslur í Reykjavík. „Í upphafi árs
voru tveir hluthafar í félaginu sem
báðir seldu alla hluti sína, þann 28.
júní 2014, til Íslandspósts ohf. sem er
eini hluthafinn í félaginu í árslok
2014,“ segir þar m.a. Samkvæmt árs-
reikningi árið 2013 voru þá tveir
hluthafar. Pósturinn keypti félagið
af félagi í eigu hjónanna Viðars
Péturssonar og Lovísu Árnadóttur
og jafnframt hlut í eigu Viðars.
Afgerandi áhrif á fjárhaginn
Póst- og fjarskiptastofnun birti í
október 2014 athugasemdir við drög
að skýrslu um rekstrarskilyrði Ís-
landspósts. Skýrslan var unnin af
starfshópi forsætis- og fjármála-
ráðuneytis. Þar er fjallað um áhrif
dótturfélaganna á móðurfélagið:
„PFS bendir á að alls nema nei-
kvæð áhrif dótturfélaga á fjárhags-
stöðu móðurfélagsins nálægt hálfum
milljarði króna á undanförnum ár-
um, sem að mestu hefur verið fjár-
magnað frá rekstri félagsins. Þessar
ráðstafanir hafa því haft afgerandi
áhrif á fjárhagsstöðu Íslandspósts
og hljóta því að koma til skoðunar
þegar skýringa er leitað á fjárhags-
stöðunni,“ sagði þar m.a.
Greiningin er nokkurra ára gömul
og hefur eiginfjárstaða dótturfélaga,
að frátöldum ePósti, batnað.
Morgunblaðið/Hari
Pósturinn Starfsemi félagsins er nú margbrotnari en áður var.