Skessuhorn - 12.08.2015, Page 12

MIÐVIKUDAGUR 12. ÁGÚST 201512
Örn Alexandersson smábátasjómað-
ur í Snæfellsbæ fékk fyrir skömmu
vinnuflotvesti að gjöf frá dóttur
sinni sem er í flugbjörgunarsveit-
inni. Með gjöfinni fylgdi það skil-
yrði að hann notaði vestið við störf
sín á hafinu. Örn segir í samtali við
Skessuhorn að hann hafi að sjálf-
stögðu orðið við beiðni dóttir sinn-
ar og notað vestið. „Maður er fljót-
ur að venjast vestinu enda er það létt
og þægilegt.“
Hann segir ennfremur að þetta
flotvesti sé gott björgunartæki enda
hafa nýleg dæmi sýnt að ekki sé hægt
að treysta alfarið á það sem litið hef-
ur verið á sem helsta öryggistæki
sjómanna til þessa. Þar á hann við
björgunarbátinn. Örn bendir einn-
ig á að það taki um 20 mínútur að
komast í björgunargallana sem eru
um borð í bátunum. „Það er orðið
skylda að nota svona vesti á stærri
bátum og skipum. Þar fara menn
ekki út á þilfar án þess að vera með
svona vesti auk þess að hafa hjálm
á höfði,“ segir hann og bendir á að
viðlíka reglur séu ekki um smábáta.
„Það þarf ekki mikið til að mað-
ur detti útbyrðis á smábátum. Hvað
gerir maður þegar hann er einn á
sjó? Ef slíkt skeður þá er gott að hafa
svona vesti um hálsinn.“
Örn segir ennfremur að svona
vinnuflotvesti komi að góðum not-
um þegar veitt er í straumhörðum
ám, og fyrir þá sem stunda tóm-
stundaveiðar á sjó eða í vötnum. Þar
hafi líka orðið svipleg slys. Örn Al-
exandersson vill koma því á framfæri
til starfsfélaga sinna í smábátaflotan-
um að fá sér svona vinnuflotvesti og
bætir við að auðvitað eigi að skylda
alla til að nota svona vesti í öllum
bátum, bæði stórum sem smáum.
af
Bendir á það sem ætti að vera
sjálfsagður öryggisbúnaður allra
Örn Alexendersson með vestið góða.
„Ég er að fara vestur í Rif nú í kvöld
eða nótt. Um markaðs- og sölu-
mál á aflanum veit ég fátt. Það er
enn mikil óvissa. Við höfum frétt af
makríl í Breiðafirði en það virðist
lítið að hafa í Faxaflóa. Menn telja
að það sé minna af makríl þar held-
ur en á undanförnum árum. Það er
svona kropp fyrir vestan. Þeir sem
hafa fengið mest hafa víst fiskað um
sjö tonn í róðri. Annars hafa slæmar
gæftir hamlað nokkuð veiðum þar.
Það er oft búið að vera stíf norðanátt
undanfarið sem hentar illa í Breiða-
firðinum,“ sagði Svanur Karl Frið-
jónsson skipstjóri á Signýju HU við
Skessuhorn síðdegis á fimmtudag.
Hann var þá að taka olíu í Akranes-
höfn þaðan sem Signý hefur oft ver-
ið gerð út á undanförnum árum.
Svanur Karl, sem frekar er þekkt-
ur sem Kalli Fía, sagði að verð-
ið sem bjóðist fyrir makrílinn séu
hreint skelfilegt. „Í fyrra fengum við
90 – 92 krónur fyrir kílóið af mak-
rílnum. Það var eiginlega of lágt því
lítið var til skiptanna eftir að búið
var að ganga frá kostnaði. Nú er tal-
að um að verðið verði milli 40 og
45 krónur. Það er alveg skelfilegt og
dugar engan veginn til að veiðarnar
standi undir sér. Hver veit, kannski
veiðum við bara makríl í beitu fyr-
ir útgerðina og látum þar við sitja.
Annars er kvótinn á bátnum ein
200 tonn svo það hamlar okkur ekki
skortur á veiðiheimildum.“ Signý
HU hélt svo af stað á fimmtudags-
kvöld til makrílveiðanna við Snæ-
fellsnes.
Aðrir Akranesbátar eru enn
bundnir. „Ég ætlaði af stað í gær.
Báturinn er klár og ég var búinn
að taka ís og allt en hætti svo við.
Kaupandinn á fiskinum sem ég var
búinn að gera samninga við kippti
að sér höndum vegna tíðindanna
um yfirvofandi viðskiptabann Rússa
á Íslendinga. Það virðist mikil óvissa
en kannski skýrist þetta nánar í dag.
En nú veit ég ekkert hvenær ég fer
út,“ segir Eiður Ólafsson skipstjóri
og útgerðarmaður á Ísak AK í sam-
tali við Skessuhorn á föstudaginn.
mþh
Fyrsti makrílbátur farinn
til veiða frá Akranesi
Signý HU tekur olíu í Akraneshöfn á fimmtudaginn.
Svanur Karl Friðjónsson (Kalli Fía) er tilbúinn að hefja makrílveiðar þrátt fyrir lágt
verð og mikla óvissu.
Þrátt fyrir að sjómenn sem stunda
makrílveiðar á smábátum haldi að
sér höndum vegna erfiðra mark-
aðsaðstæðna þá hefur sú staða eng-
in áhrif á krakkana í Ólafsvík. Þau
hafa dregið feitan og góðan mak-
ríl sér til skemmtunar á bryggjunni
þar. Margmenni hefur verir við
makrílveiðar í Ólafsvíkurhöfn síð-
astu daga við að draga þennan verð-
litla en næringarríka fisk úr sjó.
af
Makrílveiðar í Ólafsvíkurhöfn
Ekki fór þessi makríll til manneldis en skemmtunin við veiðarnar var mikil eins og
sjá má.
Aflaverðmæti úr sjó í apríl síðast-
liðnum nam samtals tíu milljörð-
um króna. Það er 8,8% minna en
í sama mánuði í fyrra. Þetta kem-
ur fram í frétt á vef Hagstofunn-
ar. Mest var verðmæti þorsks, 3,8
milljarðar króna, og hefur dregist
saman um 7,2% síðan í fyrra. Verð-
mæti afla upp úr sjó á tólf mán-
aða tímabili, frá maí 2014 til apríl
2015, hefur hins vegar aukist um
7% miðað við sama tímabil árið þar
áður. Rúmlega fjórðungs aukning,
eða 26,3% er á verðmæti uppsjáv-
arafla og munar þar mest um loðnu
og kolmunna. Einnig segir á vef
Hagstofunnar að verðmæti þorsks
hafi aukist um 14,1%.
Aflaverðmæti með tilliti til
verkunarstaðar dróst mest saman
á Vesturlandi í apríl síðastliðnum
miðað við sama tíma í fyrra, eða
um heil 47%. Verðmæti afla sem
verkaður er á Vesturlandi hefur
hins vegar aukist á ársgrundvelli.
Þegar miðað er við tólf mánaða
tímabilið frá maí 2014 til apríl
2015 nemur aukning aflaverðmæta
12,1% miðað við sama tímabil árið
áður. kgk
Verðmæti afla eykst á
ársgrundvelli
Löndun í gangi í Grundarfirði. Hér er Aron Freyr Ragnarsson á bryggjunni.
Ljósm. úr safni; tfk.
Sjávarútvegsráðherra hefur sent frá
sér breytingar á reglugerð um mak-
rílveiðar. Þann 29. júlí var þriðju
grein reglugerðarinnar breytt. Hún
hljóðaði áður þannig að skylt sé að
ráðstafa mánaðarlega 70% af makríl-
afla einstakra skipa til vinnslu, það
er til manneldis svo sem frystingar.
Nú hefur þetta hlutfall verið lækk-
að í 50%. Þetta þýðir að makrílskip
geta landað allt að helmingi afla
síns í bræðslu til framleiðslu á fiski-
mjöli og lýsi. Þetta endurspeglar þá
kreppu sem nú er á makrílmörk-
uðum með tilheyrandi söluerfið-
leikum og verðhruni þar sem síð-
ustu ótíðindin eru yfirvofandi við-
skiptabann Rússa. Makríllinn var á
síðasta ári næst verðmætasti nytja-
stofninn við Ísland. Hann er tal-
inn með verðmætari fisktegundum
meðal fiskveiðiþjóða Vestur Evr-
ópu þar sem fáheyrt er að makríll
sé sendur í bræðslu. mþh
Stjórnvöld opna á auknar
veiðar á makríl til bræðslu
Nú má landa allt að helmingi makrílsaflans í bræðslu.