Skessuhorn - 21.10.2015, Blaðsíða 22

MIÐVIKUDAGUR 21. OKTÓBER 201522
Laugargerðisskóli var settur fyrsta
sinni 13. nóvember 1965. „Við ætl-
um að hafa góðan gleðidag með
opnu húsi hér í skólanum milli
klukkan 13 og 17 laugardaginn 7.
nóvember. Þá verður haldin hér
sýning þar sem við tökum upp úr
hirslum okkar ýmislegt sem við
eigum af gömlum verkum, bæði frá
eldri nemendum en líka það sem
krakkarnir eru að gera í dag. Hér
eru nemendur líka almennt mikið í
tónlist. Við höfum líka verið í sam-
bandi við eldri nemendur og ætlum
að hafa hérna skemmtilega tónlist-
ardagskrá. Síðan er kaffi og köku-
hlaðborð. Allir eru að sjálfsögðu
velkomnir. Vonandi sjá sem flest-
ir sér fært að mæta, ekki síst eldri
nemendur, kennarar og aðrir vel-
unnararar sem hafa komið hér við í
gegnum tíðina,“ segir Kristín Björk
Guðmundsdóttir skólastjóri.
Miklar breytingar
á hálfri öld
Laugargerðisskóli stendur að Laug-
argerði í Kolbeinsstaðahreppi, ekki
langt frá eldgígnum Eldborgu sem
sést svo vel frá þjóðveginum. Skól-
inn var byggður sem heimavist-
arskóli. Hrepparnir sem stóðu að
honum voru Eyjahreppur og Mikla-
holtshreppur, Kolbeinsstaðahrepp-
ur, Helgafellssveit, Skógarstrand-
arhreppur og Breiðuvíkurhreppur
á Snæfellsnesi. „Laugargerðisskóli
sprettur upp úr þessari farskóla-
kennslu sem tíðkast hafði fram að
þeim tíma. Skólabyggingin þótti
mikið mannvirki fyrir fimm áratug-
um síðan. Henni var valinn staður
hér í Laugargerði, þrátt fyrir að það
væri aðeins úr alfaraleið, vegna þess
að hér var heitt vatn. Það var þegar
búið að byggja sundlaug. Þegar ég
var hér þá var þó ekkert íþróttahús.
Það kom ekki fyrr en 1986,“ segir
Kristín Björk.
Margt hefur breyst í skóla- og
byggðamálum síðan Laugargerð-
isskóli var stofnsettur. „Krakkarn-
ir sem eru í skólanum í dag koma
úr Kolbeinsstaðahreppi og Eyja-
og Miklaholtshreppi. Skólasvæðið
hefur því minnkað mikið. Á sama
tíma hefur fólki fækkað í sveitun-
um og börnum þá að sama skapi.
Við erum núna með 21 nemanda í
grunnskóladeildinni. Síðan er einn-
ig rekin leikskóladeild hérna og þar
eru bara fjögur börn sem stendur en
við eigum nú reyndar von á tveim-
ur þar til viðbótar. Þegar mest var
þá voru hér rúmlega 100 nemend-
ur. Fyrsta veturinn í rekstri skólans
voru þeir 106. Hér var því mikið líf
og fjör á þeim tíma.“
Man sjálf eftir
upphafsárunum
Sjálf man Krístin vel þá tíma þegar
heimavistarskólinn var og hét, full-
setinn af börnum á öllum aldri. Hún
er gamall nemandi við Laugargerð-
isskóla. „Ég er fædd og uppalin á
Dröngum á Skógarströnd og kom
hingað í skóla árið 1966. Þá var það
þannig að maður var hálfan mánuð
í skólanum og svo var frí í hálfan
mánuð og þá fórum við heim. Ég
var 13 ára þegar ég byrjaði hér en
hérna voru allt niður í níu ára göm-
ul börn á heimavistinni.“
Sjálfri þótti henni frábært að inn-
ritast í Laugargerðisskóla. „Þetta
var ein mín besta lífsreynsla, þessi
tvö ár sem ég var hér. Ég hafði ver-
ið í farskóla í fámenninu á Skógar-
ströndinni. Þar fórum við á milli
bæja þar sem okkur var kennt. Svo
átti að reyna að koma mér í meira
fjölmenni. Ég var hálfan vetur á
Akranesi og hálfan vetur í Kópa-
vogi þegar ég var tíu ára, síðan
einn vetur í Kópavogi þegar ég var
12 ára. Þegar ég kom hingað upp-
götvaði ég hins vegar að hérna voru
krakkar sem töluðu sama mál og
ég. Mér leið því miklu betur í þess-
um skóla en þar sem ég hafði ver-
ið áður. Þetta hentaði mér mjög vel
að vera hálfan mánuð í skólanum
og síðan hálfan mánuð heima.“
Seinna átti Kristín Björk svo eft-
ir að fara í Kennaraháskólann. Hún
kenndi um árabil á höfuðborgar-
svæðinu en árið 2007 lá leið henn-
ar vestur á æskuslóðir þar sem hún
tók við stöðu skólastjóra síns gamla
Laugargerðisskóla.
Mikil samstaða
um reksturinn
Kristín Björk segir að rekstur skól-
ans hafi gengið farsællega í þessa
hálfu öld sem hann hefur nú starf-
að. „Það sem er erfitt núna er
hins vegar fámennið í sveitun-
um. Núna kemur til dæmis ekk-
ert barn í leikskólann úr Kolbeins-
staðahreppi. Þegar ég kom hingað
til starfa haustið 2007 þá var meiri-
hluti barnanna þaðan. Nú er yngsta
barnið úr Kolbeinsstaðahreppi að
byrja í 3. bekk. Þetta veldur því að
unga fólkið hefur áhyggjur af því að
börnin þeirra séu að alast upp í of
miklu fámenni. Það eru foreldrar
sem nú eru farnir að kjósa að senda
börn sín í fjölmennari skóla þar sem
er meiri þjónusta, svo sem í Borgar-
byggð eða Stykkishólmi. Þetta á þá
við heimili sem standa ekki langt
frá þessum þéttbýlisstöðum og for-
eldrar sækja þangað vinnu. Þá eru
börnin tekin með í skóla þangað í
leiðinni.“
Aðspurð segist hún þó ekki telja
að skólanum sé ógnað af fámenn-
inu. Um hann ríki breið samstaða.
„Sveitarstjórnirnar sem standa að
skólanum standa alveg heils hug-
ar á bak við það að rekstur skólans
sé grunnþjónusta sem verði að vera
til staðar. Að öðrum kosti verði ekki
hægt að laða hingað ungt fólk. Fólk
sem flytur hingað á starfssvæði skól-
ans leggur líka mikla áherslu á að
það hefði ekki tekið slíka ákvörðun
ef ekki væri hér skóli fyrir börnin.
Það er og mjög langt að fara fyrir
mörg barnanna ef þau ættu að fara
með bíl í skóla í Borgarbyggð eða
Stykkishólm.“
Gróska í skólastarfinu
Laugargerðisskóli skipar mikil-
vægan sess fyrir Eyja- og Mikla-
holtshrepp og Kolbeinsstaðahrepp.
„Skólinn er hjarta sveitanna. Hing-
að koma allir á árshátíðir og á aðra
félagslega viðburði. Foreldrafélagið
er mjög virkt. Fólk mætir afar vel
þegar eitthvað sérstakt er á seyði.
Hér eru til dæmis tónlistardagar
tvisvar á vetri og eru afar vel sóttir.
Foreldrarnir eru mjög duglegir að
keyra krökkunum á viðburði ef þess
þarf með. Við erum líka í samstarfi
við marga aðra grunnskóla hér á
Vesturlandi. Hér eru líka langir
dagar sem foreldrar og kennarar sjá
um í sameiningu. Það er alltaf eitt-
hvað um að vera. Hingað kemur til
að mynda tónlistarkennari úr Borg-
arnesi tvo daga í viku og börnin fara
í tónlistartíma. Ótrúlega hátt hlut-
fall nemenda hér syngur og spil-
ar á hjóðfæri þar sem gítarinn er
vinsælastur. Svo gefa nemendur út
skólablaðið Jökul af miklum mynd-
arbrag, skrifa efnið og safna sjálf
auglýsingum. Blaðinu er svo dreift
víða og að sjálfsögðu á öll heimili
í sveitunum þar sem það er vinsælt
og mikið haft við hönd.“
Heimavistaformið er löngu af-
lagt í rekstri Laugargerðisskóla.
„Við notum ekki nema hluta bygg-
ingarinnar undir skólastarfið. Her-
bergin á gömlu heimavistinni eru
bara notuð um sumartímann þeg-
ar hér er rekið Hótel Eldborg. Síð-
an eru tvær kennaraíbúðir í skóla-
byggingunni leigðar út,“ seg-
ir Kristín Björk. Í dag er það svo
að skólinn opnar klukkan átta en
kennsla hvers skóladags hefst hálf
níu. „Þau sem koma lengst að eru
að leggja af stað í skólann klukkan
hálf átta á morgnana. Kennslu lýk-
ur svo klukkan 15:20 og þá er börn-
unum ekið heim.“
Fjórir kennarar eru í fullu starfi
við Laugargerðisskóla í dag. Krist-
ín Björk segir að alls séu tólf manns
á launaskrá við skólann en mörg
þeirra eru í hlutastörfum. „Við
minnum svo bara aftur á afmæl-
ishátíðina sem verður laugardag-
inn 7. nóvember,“ segir skólastjór-
inn og brosir.
mþh
Laugargerðisskóli heldur upp á hálfrar aldar afmæli
Laugargerðisskóli stendur við jaðar Eldborgarhrauns syðst á Snæfellsnesi.Krakkar í miðhlutanum leggja fram sínar niðurstöður.
Þegar blaðamaður Skessuhorns leit við í Laugargerðisskóla á dögunum stóð
yfir kynning nemenda á glæsilegum rannsóknaverkefnum sem tengdust sauð-
fjárbúskap og réttum í Eyja- og Miklaholtshreppi og Kolbeinsstaðahreppi. Hér
kynna nokkrir af yngstu nemendum í grunnskóladeildinni sín verk.
Þessar stúlkur eru í efstu bekkjum skólans.
Yngstu börnin á leikskóladeildinni eru nú fjögur en von er á tveimur til viðbótar.
Kristín Björk Guðmundsdóttir skólastjóri Laugargerðisskóla með nokkrum af
nemendum skólans.