Skessuhorn - 21.10.2015, Blaðsíða 24

MIÐVIKUDAGUR 21. OKTÓBER 201524
Akurnesingurinn Kristinn Ágúst
Þórsson hefur starfað að Hót-
el Búðum á Snæfellsnesi síðast-
liðið eitt og hálfa árið. Þar gegn-
ir hann stöðu móttökustjóra. „Ég
var búinn að vera fjögur ár í ker-
skála í álveri Norðuráls á Grundar-
tanga. Þá ákvað ég að söðla um og
fara að gera annað. Ég var orðinn
leiður. Það vildi svo vel til að ég átti
kunningja sem starfaði hér á Hót-
el Búðum og ég fékk vinnu hér í
gegnum hann. Þarna þekkti ég ekk-
ert til ferðaþjónustu. Ég hafði enga
reynslu í móttöku gesta eða öðru
sem snýr að hótelrekstri. En þetta
lærðist. Það er mjög fínt að starfa
hérna. Annars væri ég ekki hér,“
segir Kristinn þar sem við hittum
hann í móttöku Hótel Búða. „Svo
í sumar bættist við annar Skaga-
maður hér á Búðum sem kom líka
úr stóriðjunni. Hann heitir Haf-
þór Ingi Garðarsson. Við erum því
tveir hér núna frá Akranesi.“
Vinna í skorpum
Alls hafa um 30 manns starfað að
jafnaði við Hótel Búðir í sum-
ar. Hótelið er opið allt árið nema
nokkra daga yfir jól og áramót. Á
veturna eru starfsmenn aðeins færri
en yfir sumartímann. „Við sem
störfum hérna erum með starfs-
mannahús á Lýshóli. Þar búum við
sem erum lengra að komin þá daga
sem við erum hér fyrir vestan við
vinnu. Við erum hér yfirleitt í sjö
daga og fáum svo sjö daga frí. En
það hefur komið fyrir að við vinnum
í lengri lotum en þetta þegar mikið
er að gera. Annars er hótelið með
húsnæði í Ólafsvík sem verið er að
gera upp. Þegar það stendur tilbúið
þá verður það starfsmannahús Hót-
el Búða. Við munum þá fara akandi
á milli Búða og Ólafsvíkur,“ seg-
ir Kristinn. Hann bætir því við að
stundum komi fyrir að færðin geti
orðið erfið á veturna þegar veður
gerast hvað verst.
Frábært sumar að baki
Kristinn segir að búið sé að ganga
mjög vel á Hóteli Búðum það sem
af er árinu. „Bókunarstaðan hefur
aldrei verið jafn góð sem kannski
ekkert mjög skrítið í ljósi þess að
ferðamenn hafa aldrei verið fleiri.
Það er búið að vera fullbókað í
allt sumar. Flestir gestanna eru út-
lendingar en samt koma merki-
lega margir Íslendingar líka. Það er
mikið af Íslendingum um helgar. Á
veturna erum við svo með alls kon-
ar tilboð í gangi sem miðast þá ekki
síður að innlendum gestum. Stund-
um eru flestir gestanna íslenskir og
manni hættir til að gleyma því í
erli dagsins. Ég man að eitt kvöld-
ið var mikið af norðurljósum og ég
hljóp inn í sal til að láta vita. Bank-
aði í glas og tilkynnti hátt á ensku
að nú væru norðurljós úti og gott
tækifæri til að skoða þau. Gestirn-
ir sneru sér bara við í stólunum og
horfðu á mig og spurðu mig á ís-
lensku hvort ég héldi að þau hefðu
aldrei séð norðurljós áður og héldu
svo áfram að tala saman,“ segir
hann og hlær.
Hótel Búðir eru vinsæll gisti-
staður sem á stóran hóp fastagesta
sem kemur aftur og aftur. „Ann-
ars er þetta mjög fjölbreytt flóra af
fólki sem kemur hingað. Svo er eitt
sem er sérstakt við Hótel Búðir þar
sem við erum oft með brúðkaup.
Þau taka þá á meðan yfir allt hót-
elið. Ætli það hafi ekki verið eitt
að jafnaði á viku nú í sumar. Fyrstu
sex dagarnir nú í október fóru bara
í brúðkaup. Síðan var annað 10.
október. Þetta eru stundum fjög-
urra eða tveggja daga brúðkaup
með stanslausum veisluhöldum.“
Slæmt að ekki skuli hafa
risið hótel á Akranesi
Kristinn hefur áhuga á að leggja
ferðaþjónstuna fyrir sig í framtíð-
inni. „Samhliða vinnunni hér þá er
ég er búinn með tveggja ára nám í
ferðamálafræðinni við Háskóla Ís-
lands en á eitt ár eftir. Áður var ég
hálfnaður með trésmíðanám við
Fjölbrautaskólann á Akranesi. En
ég ætla að vera hér á Hótel Búðum
í vetur og safna mér peningi til að
klára ferðamálafræðina. Ég stefni
þannig á háskólann næsta haust.“
Kristinn segir að hann vilji gjarnan
búa á Akranesi en það sé ekki vand-
ræðalaust. „Ég hef verið að leita
mér að íbúð til leigu á Akranesi
til að búa þar þegar ég er ekki að
vinna hér fyrir vestan en það er erf-
itt að finna slíkt. Það er ekki mikið
af húsnæði á lausu á Skaganum.“
Í lokin á spjalli okkar leiðum
við talið að stöðu ferðaþjónustu á
Akranesi. „Hún ætti að eiga mikla
möguleika. Akranes er jú svo stutt
frá höfuðborgarsvæðinu. Hins veg-
ar tel ég að það hafi verið mikill
skaði að ekkert hafi orðið úr bygg-
ingu hótelsins sem áformað var að
reisa við golfvöllinn á Akranesi fyr-
ir tæpum áratug síðan. Ef slíkt hót-
el hefði verið þar í dag þá væri það
búið að breyta öllu. Staða Akraness
sem ferðamannastaðar væri allt
önnur og miklu betri. Þetta er það
sem vantar á Akranesi, það er hót-
el.“ mþh
Þeir félagar Haraldur Haraldsson og Kristinn Ágúst vinna báðir við Hótel Búðir.
Hér eru þeir í móttöku hótelsins.
Kristinn Ágúst Þórsson móttökustjóri á Hótel Búðum:
„Hér er mjög gott að starfa“
Kristinn Ágúst Þórsson móttökustjóri Hótel Búða.
Leikskólafólkið á Hnoðrabóli í
Reykholtsdal breytti út af hefð-
bundinni dagskrá á föstudaginn og
var eftir hádegið farið með skóla-
bíl í skógarferð í Logalandsskóg.
Skógurinn hefur upp á margt að
bjóða; gönguleiðir, trjátjald, hengi-
rúm og fleira. Börnin fóru í spenn-
andi gönguferð um skóginn, sungu,
hlustuðu á söguna um Geiturn-
ar þrjár og fóru í leiki á túninu
við félagsheimilið. Þau fengu svo
snúða og heitt kakó í kaffitímanum
sem var að þessu sinni undir berum
himni. Eftir kaffitíma gafst krökk-
unum kostur á að föndra eða fara
í göngutúr.
mm/ Ljósm. ki.
Leikskólabörn af
Hnoðrabóli í skógarferð