Skessuhorn - 21.10.2015, Blaðsíða 34
MIÐVIKUDAGUR 21. OKTÓBER 201534
„Ætlar þú að taka þátt
í haustfagnaði?
Spurning
vikunnar
(spurt í Búðardal)
Sigríður Svavarsdóttir:
„Já, ég ætla á sem flesta viðburði
en allavega á sviðaveisluna.“
Steinunn Jóhannsdóttir:
„Ó, já! Stefni á sviðaveisluna og
svo skaffa ég nú kindur í rún-
ingskeppnina.“
Hermann Jóhann Bjarnason:
„Já, ég er að keppa í rúningi.“
Ívar Atli Brynjólfsson:
„Já, ég ætla að reyna að mæta á
sem flest.“
Valgerður Lárusdóttir:
„Já, en ég ætla ekki á ballið.“
Trésmiðurinn Baldur Þorleifsson í
Stykkishólmi lætur ekki árin aftra
sér frá þátttöku í körfuboltanum.
Síðastliðinn fimmtudag kom hann
inn á í leik Snæfells gegn Hauk-
um í Dominosdeildinni í körfunni
og spilaði í tæpar 8 mínútur. Þetta
gerði hann þótt hann sé nú 49 ára,
fæddur árið 1966. Ingi Þór Stein-
þórsson, þjálfari Snæfells sagði í
samtali við fréttavef Ríkisútvarps-
ins að það hafi verið fámennt á æf-
ingum hjá liðinu að undanförnu en
engu að síður byggist hann við að
Baldur spili meira með liðinu, en
hann hefur jafnframt verið aðstoð-
arþjálfari hjá Inga Þór. „Baldur hef-
ur verið í kringum liðið og mætt
stundum á æfingar og hjálpað okk-
ur að ná í stóru stöðuna, 5 á 5. Ég
leitaði til hans í haust því við vorum
ekki nógu margir. Hann er í topp-
standi, nýbúinn að hlaupa hálf-
maraþon í Reykjavíkurmaraþon-
inu. Hann hugsar alltaf vel um sig
og ég sá bara að hann getur hjálp-
að okkur,“ sagði Ingi Þór við frétta-
mann RUV, og bætti við að einhver
bið yrði í að hópurinn verði full-
mannaður.
Eins og lesendur Skessuhorn
muna hefur Baldur Þorleifsson sér-
hæft sig í uppgerð gamalla húsa og
hefur sem slíkur komið að endur-
gerð tuga húsa í Stykkishólmi, Flat-
ey og víðar.
mm
Fyrsti Flandrasprettur vetrarins
var hlaupinn í Borgarnesi síðastlið-
ið fimmtudagskvöld, en Flandra-
sprettir eru hlaupnir þriðja fimmtu-
dagskvöld í hverjum mánuði frá því
í október og fram í mars. Sprettirn-
ir eru götuhlauparöð hlaupahópsins
Flandra og er jafnan hlaupin 5 km
leið frá íþróttamiðstöðinni í Borg-
arnesi um götur bæjarins. Sprett-
irnir eru stigakeppni og fá stiga-
hæstu einstaklingar í hverjum ald-
ursflokki vegleg verðlaun að lokn-
um síðasta spretti vetrarins.
Með sprettinum í síðustu viku
hófst fjórða starfsár Flandrasprett-
anna, sem þýðir að þetta var 19.
spretturinn frá upphafi. Samtals
hafa 145 einstaklingar sprett úr
spori það sem af er, en á fimmtu-
daginn luku 25 keppendur hlaup-
inu. Jósep Magnússon úr Flandra
bar sigur úr býtum í karlaflokki
en hann hljóp kílómetrana fimm á
18:53 mín. Annar var Kristinn Ó.
Sigmundsson úr Flandra á 19:40
mín. og þriðji Ingólfur Örn Arn-
arson úr Hlaupahópi FH á 20:15
mín. Tími Ingólfs var jafnframt
brautarmet í flokki 50 ára og eldri.
Fyrst kvenna í mark var Ingveldur
Ingibergsdóttur úr Flandra á 22:27
mín, önnur Hrafnhildur Tryggva-
dóttir úr Flandra á 22:44 mín og
þriðja Anna Sigríður Arnardóttir úr
Hlaupahópi FH á 25:32 mín.
Flandrasprettirnir laða jafnan
til sín nokkurn fjölda hlaupara úr
öðrum héruðum. Að þessu sinni
mættu m.a. vaskar sveitir hlaupara
úr Hlaupahópi FH í Hafnarfirði
og Hlaupahópnum Margfætlum á
Hólmavík.
Þrátt fyrir nafngiftina eru
Flandrasprettir ekki endilega
spretthlaup í ítrustu merkingu þess
orðs. Hlaupin eru fyrir alla, hvort
sem þeir eru byrjendur eða heims-
meistarar. Sem dæmi um breidd-
ina má nefna að síðasti maður í
mark er yfirleitt meira en tvöfalt
lengur á leiðinni en sá fyrsti. Ár-
angur þess síðasta er þó ekki endi-
lega lakari en þess fyrsta, því að
allt er þetta afstætt og oftast er
maður sjálfur mikilvægasti keppi-
nauturinn. Næsti Flandrasprettur
verður háður fimmtudaginn 19.
nóvember.
sg/ Ljósm. Kristín Gísladóttir.
Félög frjálsíþróttafólks um vest-
anvert landið, sem kallað hefur
sig SamVest hópinn, hlutu Hvatn-
ingarverðlaun Ungmennafélags
Íslands á þingi þess sem hald-
ið var í Vík um liðna helgi. Aðil-
ar að þessu samstarfi eru UMFK,
USK, UMSB, UDN, HSS, HSH
og HHF. Vísir að SamVest verk-
efninu varð til árið 2012 þegar
Flemming Jessen og Ingimundur
Ingimundarson úr Borgarbyggð
buðu ungmennum af Vesturlandi
til æfingabúða í frjálsum íþrótt-
um að Varmalandi í Borgarfirði.
Þangað mættu nærri 30 krakkar
úr HSH og UMSB og kviknaði þá
áhugi fyrir að efla frekar samstarf
í frjálsíþróttum á milli héraðssam-
bandanna á svæðinu. Þessi hug-
mynd var þróuð áfram og varð síð-
an að veruleika í nóvember 2012
þegar sjö héraðssambönd af Vest-
urlandi, sunnanverðum Vestfjörð-
um og Ströndum skrifuðu undir
viljayfirlýsingu þess efnis að standa
saman að þróunarverkefninu Sam-
Vest. Frjálsíþróttasamband Íslands
og UMFÍ höfðu ennfremur hvatt
til og stutt við framtakið.
Markmiðið með SamVest var
strax í upphafi að auka útbreiðslu
og eflingu frjálsra íþrótta, auka
ástundun íþróttarinnar og gera
hana aðlaðandi og að ánægjuleg-
um kosti fyrir börn og ungmenni
á samstarfssvæðinu. Þetta verk-
efni hefur gengið mjög vel og síð-
astliðið vor undirrituðu fulltrú-
ar SamVest og frjálsíþróttadeild-
ar FH samstarfssamning um að-
stöðu og þjálfun. Frjálsíþrótta-
deild FH mun sjá SamVest fyr-
ir gestaþjálfurum á samæfingum
í Kaplakrika, auk þess sem frek-
ara samstarf er í boði. SamVest
hefur ennfremur notið liðsinnis
þjálfara fleiri íþróttafélaga á höf-
uðborgarsvæðinu, t.d. á æfingum
sem haldnar hafa verið heima fyr-
ir á starfssvæði SamVest. SamVest
hefur þegar fest sig í sessi, heldur
nú þrjár samæfingar á vetri á höf-
uðborgarsvæðinu, æfingabúðir að
hausti, stórt sumarmót og minni
æfingar á sumrin, eftir atvikum.
Auk þess hefur SamVest sent sam-
eiginlegt lið á bikarmót FRÍ þrjú
ár í röð, nú síðast að Laugum í
Þingeyjarsýslu í ágúst og einn-
ig á bikarmót innanhúss í febrú-
ar síðastliðnum í Laugardalshöll. Í
sumar fór einnig lítill hópur und-
ir merkjum SamVest á stórt frjáls-
íþróttamót, Gautaborgarleikana, í
Svíþjóð. Þess má geta að iðkendur
á starfssvæðinu búa við mismun-
andi aðstöðu, sumir eiga ekki kost
á þjálfun í frjálsíþróttum og að-
staða er sömuleiðis misgóð. Sam-
starfið hefur án efa styrkt iðkend-
ur og gefið þeim aukin tækifæri til
að stunda íþróttirnar.
Æfingabúðir í gangi
Því má við þetta bæta að um síð-
ustu helgi var SamVest hópurinn
með einn stærsta viðburðinn sinn,
æfingabúðir fyrir krakka 10 ára og
eldri að Laugum í Sælingsdal. Yfir
60 krakkar tóku þátt og var gesta-
þjálfari fenginn af höfuðborgar-
svæðinu, auk þjálfara af heima-
svæðinu. Í nóvember er stefnt að
samæfingu í Hafnarfirði og sam-
hliða henni verður tekið samtal um
framhald á samstarfinu, þar sem
þriðja starfs- og samningsárið er að
renna út og komið að endurnýjun
samstarfssamnings SamVest. Mik-
ill hugur er í aðildarsamböndunum
og vilji til áframhaldandi samstarfs.
Hvatningarverðlaun UMFÍ koma á
ánægjulegum tímapunkti nú þeg-
ar endurnýjun samstarfsins stendur
fyrir dyrum. mm/bá
Á mánudaginn var dregið í 32
liða úrslit Powerade-bikars karla í
körfuknattleik. Snæfell fær Hauka
í heimsókn, Skallagrímur tek-
ur á móti Fjölni, ÍA mætir Hamri
í Hveragerði og Grundarfjörður
tekur á móti Breiðabliki. Leikirn-
ir fara fram dagana 30. október - 2.
nóvember.
Eingöngu var dregið í 32 liða
úrslitum karla við þetta tækifæri,
kvennalið fara beint í 16 liða úrslit.
Næst verður því dregið í 16 liða úr-
slitum karla og kvenna.
kgk
Dregið í
Powerade-
bikarnum
Baldur lætur
aldurinn ekki
aftra sér
Samstarfsaðilar sem mynda SamVest hópinn veittu Hvatningarverðlaunum UMFÍ
viðtöku. Ljósm. umfi.is
SamVest samstarfið hlaut
Hvatningarverðlaun UMFÍ
Spretturinn nýhafinn. Kristinn Ó. Sigmundsson og Jósep Magnússon búnir að taka
forystuna.
Fyrsti Flandrasprettur vetrarins að baki
Teygt fyrir átökin framundan.