Skessuhorn - 21.10.2015, Blaðsíða 28
MIÐVIKUDAGUR 21. OKTÓBER 201528
Vísnahorn
Það hefur lengi verið
siður Íslendinga að yrkja
erfiljóð eftir þá sem þeim
eru nákomnir í andlegum
eða fjölskyldulegum skilningi. Stöku sinnum
bregða þeir á það ráð að hafa líkið með í ráð-
um svona til vonar og vara. Nú líka eru líkur
á að líkinu verði meiri skemmtan að bragn-
um hér megin grafar ef því þá líkar við lík-
sönginn.
Maður er nefndur Jón Ingvar Jónsson, haf-
rannsóknamaður og skáld ásamt mörgu öðru
„fleira fagrara og betra,“ eins og Sölvi Helga-
son hefði sagt. Sá bað einn góðvin sinn að
yrkja um sig erfiljóð en hinn var tregur til að
láta verkið bíða þar eð óljóst væri hvor yrði
fyrri til grafarinnar. Fór því svo að umbeðn-
um yrkingum var heldur hraðað og birtist hér
sýnishorn af framleiðslunni:
Líkt og tík á lóðarí
lý- ég -rík oft kyrki;
hring- allfríki -hendur því
handa líki yrki.
Lágri þóknun líkið gegn,
leysti flókna klofnun.
Lífs í djóknum hímdi’ að hegn
á Hafrannsóknastofnun.
Mátti hræið una æ
að þess lægi vegur
enn með græjur út um sæ,
einatt hlægilegur.
Yndisþokka átti Jón
Ingvar, hnokki fróður.
Beið ei nokkurt bragartjón
„bloddí fokking góður“.
Hætti stríða höldur kvað
hagur Braga kramdi.
Framhent- síð- og frumstiklað
fjárans nárinn samdi.
Stundum orti innbrugðið
aldrei hortitt skorti
hafði lort með ljúfum klið
líkið vort að sporti.
Það vakti athygli líksins þegar líkið að lík-
um leit umrætt ljóð að þar kom hvergi fram
að hann starfar jafnframt sem leiðsögumaður
og sinnir þýskumælandi túrhryssum af mikilli
snilld. Var þá ekki annað að gera en yrkja aðra
rímu til viðbótar hinni fyrri svo sem gerðu
rímnaskáld fyrri tíma. Bragarháttur valdist
stímuð gagaravilla svo sem getið er í upphafs-
erindi:
Gagara- ég stunda -stag
stöguð eru vísnalög.
Haglega skal binda brag
bögu- til að heiðra -mög.
Kútur jafnan kvaddi grút
kæta er gerði sunna mæt.
Rútubíla brölti í út,
bright og snjallur ferða-guide.
Skyggibrúnaskegg eg hygg
skuggalegan vekja ugg.
Styggan lít ég stýri-ygg
stugga fólki að rútuglugg:
„Horfið nú á tún og torf
tarfabeit og bændastarf.
Torvelt er í Düsseldorf
djarfmannlegri’ að finna arf!“
Das ist Geyser, dólgur las;
der wird Strokkur, er ist „hver“.
Was ist „hver“? var þýskra þras.
Þveran lýðinn fár umber.
Rall við stýrið, stundum trall,
strollað var á Tingen-Woll.
Galla- hélt þar -buxnaball
bolluætuþjóðarholl.
Vandi er klaka- að kynna -land
kenndi garpur verks í lend.
Landar hyski á hótel Grand
hendir sér í ból í grennd.
Eins og hér hefur glögglega komið fram
eru góðir leiðsögumenn gulls ígildi og verða
tæplega metnir til fjár með neinum vitræn-
um hætti. Agnar Guðnason var lengi farar-
stjóri í bændaferðum og afburðavinsæll i því
starfi. Eina ferð sem fleiri fór hann til Dan-
merkur og vakti ódulda hrifningu þarlendra
sem báru mál á að fá hann í skiptum og hafa
þá væntanlega búist við hagnaði af verslun-
inni. Einn í íslenska hópnum var Sveinn Jó-
hannsson frá Varmalæk, þekktur hestamaður
og ekki ókunnur viðskiptum með þá dýrateg-
und. Sá hann fljótt að Agnar var mun verð-
meiri vara en sá er í boði var. Þetta var inn-
legg Sveins í umræðuna:
Til viðskiptanna vel ég þekki
og viljandi þeim ekki spilli.
Ég held við látum Agnar ekki
öðruvísi en fá á milli.
Á fyrri árum fjallaferða hér á landi voru þær
töluvert ævintýri enda vegalagning af verulega
skornum skammti og bifreiðamál öll frum-
stæðari en nú. Ef ég man rétt var það Andrés
Valberg sem sem orti um farkost sinn:
Fordinn blái fer á stjá
Fróns um háar lendur.
Steinum gráum stiklar á.
Stýra knáar hendur.
Annar Skagfirðingur, Hallgrímur Jónasson,
kvað um ökutæki sitt er það var í hremming-
um nokkrum:
Áfram hrekkur, út á hlið,
angur rekkum blandar.
Sporahlekkjum spyrnir við,
spólar, sekkur, strandar.
Hér koma svo nokkrar vísur úr gömlum
samtíningsmöppum og allavega með þá fyrstu
hef ég enga hugmynd um höfund:
Örlög varla gefa grið,
gleði brestur sanna.
Ég má löngum lifa við
leiftur minninganna.
Enga vissu hef ég, en ef til vill grun, um
höfund að næstu vísum. Sá grunur er þó allt-
of óljós til að ég leggi í að nefna nafn eða nöfn
því engin vissa er fyrir því að þær séu eftir
sama mann. Hvað segja Dalamenn um þess-
ar? Vitið þið um höfund?
Það er svona þetta ár
þegnar verða að brosa.
Ef að þú vilt taka tár
tappann skal ég losa.
Meðan átti ég hund og hest,
hafði geðið létta,
leysti mig úr læðing best
lítil staupaskvetta.
Ein kemur hér enn sem gæti verið og gæti
verið ekki ættuð af sömu slóðum. Hvað segið
þið Dalamenn?
Við skulum kveða um glasaglaum,
gleðjast yfir litlu
meðan heldur trútt um taum
tár úr vasapyttlu.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 848 2715
dd@simnet.is
Rútubíla brölti í út - bright og snjallur ferða-guide
Nú líður að menningar- og listahá-
tíðinni Vökudögum, sem haldin er
á Akranesi á hverju hausti. Vöku-
dagar standa að þessu sinni yfir í
fjórtán daga, hefjast miðvikudag-
inn 28. október næstkomandi og
lýkur 9. nóvember. Dagskrá Vöku-
daga verður að venju fjölbreytt, í
heildina verða yfir 50 mismunandi
viðburðir og má þar nefna tón-
leika, ljósmynda- og myndlistar-
sýningar, skólaviðburði og fyrir-
lestra. „Í ár verður aðaláherslan á
Tónlistarskóla Akraness, sem fagn-
ar sextíu ára afmæli miðvikudaginn
4. nóvember. Þann dag verða til
dæmis eingöngu viðburðir í tón-
listarskólanum og á hans vegum.
Þar verða haldnir ýmiskonar tón-
leikar, byrjað er á hádegistónleik-
um, svo taka nemendatónleikar
við og á endanum verða stórir af-
mælistónleikar um kvöldið,“ segir
Anna Leif Elídóttir, verkefnastjóri
menningarmála á Akranesi í sam-
tali við Skessuhorn.
Fjölmargar sýningar
Vökudagar hafa notið vaxandi vin-
sælda meðal bæjarbúa og hefur
dagskráin og viðburðir hátíðar-
innar orðið viðameiri með hverju
árinu. Í ár verður hátíðin með
hefðbundnu sniði og ættu allir að
geta fundið eitthvað við sitt hæfi.
Fastir liðir eins og Ungir - Gaml-
ir verða á dagskrá, ásamt leikskóla-
sýningum og fleiru. „Líkt og und-
anfarin ár kemur Akranesviti við
sögu og svo verða fjölmargar sýn-
ingar. Þar á meðal verður Gyða
Jónsdóttir bæjarlistamaður með
sýninguna Samspil í tónlistarskól-
anum ásamt Drífu Gústafsdótt-
ur og Elsu Maríu Guðlaugsdótt-
ur. Sú sýning verður opnuð 29.
október og ætla vinir Gyðu að vera
með tónleika um kvöldið,“ seg-
ir Anna Leif. Blúshátíðin verður
á sínum stað og þar verður mikil
tónlist, sem endranær. „Hún verð-
ur haldin helgina 30. til 31. októ-
ber á Gamla Kaupfélaginu og svo
verður blúsgjörningur í Vitanum
á laugardeginum. Þá verða marg-
ar ljósmynda- og myndlistarsýn-
ingar, opnar vinnustofur í Sam-
steypunni og hjá Bjarna Þór, sýn-
ingar hjá báðum grunnskólunum
og leikskólarnir verða með mynd-
listar- og ljósmyndasýningar út um
allan bæ. Svo fagnar Guðmundur
Sigurðsson víkingur og eldsmið-
ur stórafmæli 31. október, á allra
heilagra messu. Hann ætlar að
opna sýningu á þrívíðum verkum á
afmælisdaginn,“ heldur Anna Leif
áfram.
Enn hægt að vera með
Tveir af viðburðunum á Vökudög-
um tengjast 100 ára kosningaafmæli
kvenna. Annars vegar verður hægt
að fá leiðsögn um sýninguna „Saga
líknandi handa“ sem staðið hefur
í Guðnýjarstofu í Safnaskálanum
frá því í júní. „Hins vegar verður
sýning í Bókasafni Akraness sem
fjallar um þrjár kynslóðir kvenna;
ömmuna, mömmuna og dótturina.
Þær bjuggu allar í Kirkjuhvoli og
voru tónskáld. Una Margrét Jóns-
dóttir mun halda fyrirlestur um
framlag þessara þriggja kvenna til
tónlistarsögu Íslendinga og nem-
endur tónlistarskólans munu flytja
tvö verk eftir þær.“ Dagskrá hátíð-
arinnar hefur því tekið á sig góða
mynd en þó er enn hægt að skrá
viðburði. Þeim sem hafa áhuga á
að skrá viðburð á Vökudaga geta
haft samband við Önnu Leif í net-
fangið anna.leif.elidottir@akranes.
is „Dagskrá Vökudaga verður svo
auglýst í Skessuhorni og í Póstin-
um í næstu viku. Nánari lýsingu
á viðburðum má svo finna á Fa-
cebooksíðunni Vökudagar á Akra-
nesi og á heimasíðu Akraneskaup-
staðar, akranes.is,“ segir Anna Leif
Elídóttir verkefnastjóri menning-
armála. grþ
Vökudagar á Akranesi eru handan við hornið
Tónlistarskóli Akraness verður í brennidepli á hátíðinni í ár en hann fagnar 60 ára afmæli á Vökudögum. Þessi mynd er tekin á súputónleikum í tónlistarskólanum á
Vökudögum 2013.
Vökudagar 2015 standa yfir frá 28.
október til 9. nóvember næstkomandi.
Yfir fimmtíu viðburðir verða á há-
tíðinni í ár.