Skessuhorn - 09.03.2016, Side 8

MIÐVIKUDAGUR 9. MARS 20168
Tiltölulega fá
óhöpp
VESTURLAND: Fá um-
ferðaróhöpp urðu í umdæmi
Lögreglunnar á Vesturlandi
í vikunni sem leið, eða þrjú
talsins; tvö á Snæfellsnesvegi
og eitt á Heydalnum. Bíl-
velta varð við Þverá á norð-
anverðum Heydalsvegi eins
og greint er frá í annarri
frétt á blaðsíðu 2. Óhöpp-
in á Snæfellsnesveginum
voru bæði minniháttar og án
meiðsla. Lögreglan hafði af-
skipti af ökumanni í vikunni
sem aðspurður sagðist vera
á bílaleigubíl. Við athug-
un kom í ljós að maðurinn
hafði tekið bílinn á leigu frá
aðilum sem auglýstu á net-
inu en voru ekki með leyfi til
reksturs bílaleigu. Málið var
sent á höfuðborgarsvæðið til
frekari rannsóknar. Nokkr-
ir ökumenn voru sektað-
ir fyrir rangstöður innan-
bæjar og nokkrir til viðbót-
ar fyrir að nota ekki öryggis-
belti við akstur. Þá voru all-
nokkrir teknir fyrir of hrað-
an akstur, flestir þeirra komu
inn á of miklum hraða í sjálf-
virka hraðamælingu mynda-
vélanna í umdæminu. Loks
kemur fram í dagbók lög-
reglu að einn ökumaður var
tekinn fyrir meinta ölvun við
akstur í vikunni.
-mm
Aflatölur fyrir
Vesturland
27. febrúar - 4. mars
Tölur (í kílóum)
frá Fiskistofu:
Akranes 6 bátar.
Heildarlöndun: 35.919 kg.
Mestur afli: Akraberg ÓF:
19.344 kg í fjórum löndun-
um.
Arnarstapi: Engin löndun á
tímabilinu.
Grundarfjörður 6 bátar.
Heildarlöndun: 212.834 kg.
Mestur afli: Hringur SH:
63.547 kg í einum róðri.
Ólafsvík 22 bátar.
Heildarlöndun: 825.437 kg.
Mestur afli: Steinunn SH:
126.559 kg í þremur lönd-
unum.
Rif 18 bátar.
Heildarlöndun: 649.918 kg.
Mestur afli: Rifsnes SH:
97.834 kg í tveimur löndun-
um.
Stykkishólmur 9 bátar.
Heildarlöndun: 93.160 kg.
Mestur afli: Þórsnes SH:
33.411 kg í einum róðri.
Topp fimm landanir á
tímabilinu:
1. Hringur SH - GRU:
63.547 kg. 2. mars.
2. Tjaldur SH - RIF:
61.817 kg. 3. mars
3. Rifsnes SH - RIF:
53.873 kg. 29. febrúar.
4. Steinunn SH - ÓLA:
48.709 kg. 1. mars.
5. Helgi SH - GRU:
45.499 kg. 29. febrúar.
Fyrirlestrar um líf-
ríki Breiðafjarðar
REYKHÓLAR: Dr. Karl Gunn-
arsson, sérfræðingur hjá Haf-
rannsóknarstofnun, flytur tvo
fyrirlestra um lífríki Breiðafjarð-
ar á Reykólum laugardaginn 12.
mars næstkomandi. Frá þessu er
greint í frétt á Reykhólavefnum.
Til umfjöllunar verður annars
vegar líffræði sjávargróðurs og
nytjar á honum hérlendis í gegn-
um tíðina. Hins vegar mun Karl
greina frá rannsóknum sem fyr-
irhugaðar eru á þangi og þara í
firðinum á næstu árum. Tengj-
ast þær auknum áhuga á nýtingu
sjávargróðursins í Breiðafirði og
eiga að hefjast í vor. Báðir fyrir-
lestrar Karls verða í matsal Reyk-
hólaskóla. Þörungaverksmiðjan
býður í kjötsúpu í hádeginu áður
en fyrri fyrirlesturinn hefst kl.
13. Klukkan 15 verður boðið upp
á kaffi og kleinur áður en Karl
greinir frá áðurnefndum rann-
sóknum á lífríki Breiðafjarðar.
–kgk
Syngur í Söng-
keppni framhalds-
skólanna
BORGARNES: Selma Rak-
el Gestsdóttir hefur verið val-
in til að koma fram fyrir hönd
Menntaskóla Borgarfjarðar í
Söngkeppni framhaldsskólanna
sem haldin verður í Reykjavík 9.
apríl næstkomandi. Selma Rak-
el tók þátt í Baulinu, forkeppni
MB fyrir söngkeppnina og söng
þar lagið „Yours“. Aðeins tveir
keppendur tóku þátt, Selma Rak-
el og Ellen Geirsdóttir sem tók
lagið „House of the rising sun“.
Keppnin var jöfn en að lokum
komst dómnefnd að þeirri niður-
stöðu að Selma Rakel skyldi vera
fulltrúi MB í aðalkeppninni. Í
dómnefnd sátu Jóhannes Magn-
ússon, Jónína Erna Arnardóttir
og Sigurþór Kristjánsson.
– grþ
Hótel Bjarkalundur
til sölu
REYKH: Í Skessuhorni nýverið
var Hótel Bjarkalundur í Reyk-
hólasveit auglýstur til sölu af
fasteignasölunni Kaupsýslunni.
Hótelið og mannvirki þess urðu
ekki síst fræg eftir að sjónvarps-
þættirnir um Dagvaktina sem
voru teknir þar upp og sýnd-
ir á Stöð2. Hótel Bjarkalund-
ur er 1015 fermetra atvinnuhús-
næði. Það er fallega í sveit sett
í stórbrotnu umhverfi skammt
frá veginum milli Þorskafjarð-
ar og Berufjarðar. Á hótelinu er
m.a. veitingasalur, setustofa, bar,
verslun og salernisaðstaða fyr-
ir ferðafólk. Eldhús er vel búið
tækjum, allur húsbúnaður fylgir,
kjöt- og grænmetiskælar, frysti-
gámur og goskæligámur, aðstaða
fyrir starfsfólk, þvottahús með
þremur þvottavélum og þurrk-
ara. Hótelið er með 19 her-
bergjum, en þar af eru 15 her-
bergi með handlaug en salerni
og sturta á gangi og fjögur her-
bergi eru í nýlegri álmu með sér
snyrtingu og sturtu. Sex gestahús
fylgja, hvert um 19,6 m2 með
verönd með tvíbreiðu rúmi, eld-
húsi, borðkrók, salerni og sturtu.
Þjónustuskáli við tjaldstæði með
salernis-, eldunar- og sturtuað-
stöðu. Góð aðstaða fyrir tjald-
gesti utandyra, heitt og kalt vatn.
Rafmagn á túni. Ásett verð sam-
kvæmt auglýsingu er 120 mill-
jónir króna.
-mm
Akraneskaupstaður og Reykjavíkur-
borg auglýstu nýverið í Skessuhorni
eftir rekstraraðila til að taka að sér
tilraunverkefni um beinar siglingar
ferju á milli Reykjavíkur og Akra-
ness frá maí 2016 og fram í septem-
ber. Hugmyndir sveitarfélaganna
eru þær að á tímabilinu sjái rekstrar-
aðili um reglulegar siglingar á þess-
ari leið með á bilinu 50 til 100 far-
þega þrisvar sinnum á dag. Gert er
ráð fyrir að báturinn nái að sigla
leiðina á 30 - 45 mínútum þannig að
vel fari um farþega þrátt fyrir sjólag.
Ekki er gert ráð fyrir flutningi á vél-
knúnum farartækjum.
„Markmið tilraunaverkefnisins er
að kanna rekstrargrundvöll reglu-
legra bátsferða á milli sveitarfélag-
anna. Rekstraraðili þarf því að gera
ráð fyrir því að safna upplýsing-
um m.a. um samsetningu farþega
og aðra tengda rekstrarþætti á fyr-
irhuguðu samningstímabili. Áhuga-
sömum aðilum verður boðið til við-
ræðna með það fyrir augum að ná
markmiðum tilraunaverkefnisins,“
segir í auglýsingunni. Þá kemur
einnig fram að umsækjendur skuli
hafa bát til umráða sem uppfylli
kröfur laga og reglugerða varðandi
farþegaflutninga á sjó og að bátur-
inn skuli geta tekið barnavagna og
reiðhjól. Einnig þurfa umsækjendur
að vera í skilum með opinber gjöld
og lífeyrissjóðsiðgjöld. Umsóknar-
frestur er til 10. mars næstkomandi
og þurfa með umsókn að fylgja yfir-
lýsing frá þar til bærum aðilum um
skil á opinberum gjöldum og lífeyr-
issjóðsiðgjöldum rekstraraðila auk
lýsingar á bátnum sem umsækjand-
inn hefur til umráða. „Umsækjend-
ur sem uppfylla skilyrði auglýsing-
arinnar fá frekari upplýsingar um
verkefnið og verður þeim boðið til
áframhaldandi viðræðna. Reiknað er
með að ákvörðun um val á þjónustu-
aðila liggi fyrir í mars 2016,“ segir
að endingu í auglýsingunni.
grþ
Auglýsa eftir rekstraraðila fyrir flóasiglingar
Nýr ísfisktogari HB Granda, Engey
RE, sem er í smíðum hjá skipasmíða-
stöðunni Celiktrans í Tyrklandi, var
sjósettur í síðustu viku. Engey er
fyrsta skipið í röð þriggja ísfisktog-
ara sem HB Grandi hefur samið
um smíði á í Tyrklandi. Sama skipa-
smíðastöðin afgreiddi frá sér Vík-
ing og Venus sem komu til landsins
á liðnu ári. Verður Engey RE afhent
síðar á þessu ári, Akurey AK verður
afhent næsta vor en þriðji og síðasti
togarinn, Viðey RE, verður afhent-
ur á haustmánuðum 2017.
Skipið er 54,75 metrar að lengd
og 13,5 metrar að breidd. Meðal
búnaðar má nefna að aðalvélin er
af gerðinni MAN 6L27/38 og er
skráð afl hennar 1.790 kW við 800
snúninga á mínútu. Skrúfan er 3,8
metrar í þvermál frá MAN. Vél-
in er útbúin með mengunarvarn-
arbúnaði, ljósavélar eru tvær en afl
hvorrar um sig er 443kW. Spilkerf-
ið er frá Naust Marine og eru all-
ar vindur rafknúnar. Millidekks-
og lestarbúnaður til ísfiskvinnslu
verður smíðaður hjá Skaganum 3X
og verður hann settur í skipið eft-
ir komu þess til Íslands. Hönnuð-
ur skipsins er Alfreð Tulinius skipa-
tæknifræðingur hjá Nautic ehf.
mm/ Ljósm. hbgrandi.is
Engey sjósett í Tyrklandi
Fasteignasala Snæfellsness hef-
ur auglýst til sölu veitingaskálann
Hobbitann í Ólafsvík. Rekstur hef-
ur verið á staðnum samfleytt í meira
en þrjá áratugi og er skálinn opinn
allt árið um kring. Hobbitinn selst
ásamt húsnæði en að sögn Einars M.
Gunnlaugssonar eiganda Hobbit-
ans kemur einnig til greina að selja
reksturinn og leigja húsnæðið. Hann
segir Hobbitann hafa færst frá því
að vera hefðbundin vegasjoppa yfir
í veitingastað með áherslu á góðan
mat. „Þegar staðurinn er í fullum
rekstri þá býður hann upp á ýmsa
möguleika. Við höfum verið með
allt frá sælgæti, ís og samlokum með
skinku og osti og yfir í ferskan fisk
beint úr Breiðafirði. Það er hægt að
gera ótrúlega mikið við þennan stað
ef fólk vill og nennir,“ segir Einar í
samtali við Skessuhorn.
Hjónin Einar og Svanfríður
Harpa Pálsdóttir hafa rekið Hobb
itann undanfarinn áratug og hafa
nú snúið sér að öðrum verkefnum.
„Staðurinn var í útleigu um tíma
og þegar við tókum við honum aft-
ur vorum við bæði farin að vinna
annars staðar. Við erum búin að
vera í þessu í tíu ár og orðið tíma-
bært að breyta til.“ Hobbitinn er í
miðbæ Ólafsvíkur og segir Einar
að skemmtilegt tækifæri geta falist í
rekstrinum. „Hér er mikil uppbygg-
ing ferðaþjónustu allt um kring og
það er fjöldi ferðamanna hérna allan
ársins hring sem býður upp á ýmsa
möguleika fyrir svona starfsemi.
Ef fólk vill reyna fyrir sér í þess-
um bransa þá er rétti tíminn núna.
Ferðamannatímabilið er að hefjast
og á bara eftir að aukast,“ segir Ein-
ar.
grþ
Veitingaskálinn Hobbitinn í Ólafsvík til sölu
Loðnuhrognaskurður og -frysting
hófst á Akranesi í gær eftir að Ven-
us NS kom þangað með tæplega 900
tonna afla á mánudagskvöldið. Loðn-
an fékkst í þremur köstum norður
undir Snæfellsnesi á sunnudaginn en
svo var bræla á miðunum á mánudag.
Að sögn Guðlaugs Jónssonar skip-
stjóra er ómögulegt að spá fyrir um
framhald veiðanna nú þegar nokkrir
dagar ættu að vera eftir af vertíðinni
miðað við reynslu fyrri ára. „Það er
ekki mikið að sjá af loðnu í Faxaflóa.
Við fengum þokkalegustu veiði í eina
þrjá daga en síðan brældi á mánudag
og það var ekki hægt að stunda veið-
arnar. Loðnan var þá komin á grunn-
ið við Snæfellsnes og allt austur á
Mýrar og vegna brælunnar var ekki
hægt að eiga við hana.“
Víkingur AK var á vesturleið í gær
norðan við landið á leiðinni á mið-
in við Snæfellsnes. Albert Sveinsson
skipstjóri sagðist í samtali við vef HB
Granda búast við því að skipið verði
komið á miðin við Snæfellsnes fyrir
hádegi í dag, miðvikudag. ,,Við end-
uðum veiðar í síðasta túr um 30 míl-
ur beint vestur af Akranesi en nú er
loðnan komin norður undir Snæ-
fellsnes. Maður er að vonast eftir
því að geta kastað nótinni eitthvað
á morgun en síðan er spáð brælu og
framhaldið er í algjörri óvissu,“ sagði
Albert Sveinsson þegar rætt var við
hann í gær.
mm
Loðnufrysting hafin á Akranesi
Í gærmorgun var verið að dæla loðnu
úr Venusi á Akranesi.