Skessuhorn - 08.06.2016, Blaðsíða 10
MIÐVIKUDAGUR 8. JÚNÍ 201610
Í Borgarnesi verður á föstudag
opnaður veitingastaðurinn Ok
Bistro. Eigendur staðarins eru þær
Bryndís Pétursdóttir og Eva Kar-
en Þórðardóttir auk Þórðar Bach-
manns og Hafsteins Haslers eig-
enda Grillhússins. Veitingastað-
urinn er á efstu hæð í húsinu við
Digranesgötu 2, fyrir ofan útibú
Arions banka. „Útsýnið er mjög
fallegt hérna bæði inn Borgar-
fjörðinn og þegar litið er til Hafn-
arfjallsins og nýtt listaverk blasir
við okkur á hverjum degi. Útsýn-
ið spilar svolítið hlutverk á staðn-
um. Það er hluti af upplifuninni.
Við viljum að fólk komi hingað á
Ok til þess að njóta; hér á að vera
rólegt og þægilegt andrúmsloft,“
segir Bryndís Pétursdóttir. Nýi
veitingastaðurinn tekur 70 manns
í sæti.
Ok Bistro mun leggja áherslu
á ferskleika í sinni matargerð
„Við munum leggja áherslu á að
allt okkar hráefni sé ferskt. Hér í
Borgarfirði er mikil framleiðsla
á ferskri matvöru, lífrænt vott-
að lamb frá Varmalæk sem verð-
ur á matseðlinum, jafnframt græn-
meti og ávextir úr gróðurhúsum á
Kleppjárnsreykjum. Okkur finnst
óþarfi að sækja vatnið yfir lækinn
þegar hráefnið er nánast allt til hér
í nágrenni við okkur,“ segir Völ-
undur Völundarson yfirkokkur á
staðnum í samtali við blaðamann.
Ok en ekki okay
Nafn staðarins er sótt í fjall í
Borgarfirði. „Ok kom snemma
upp þegar við vorum að velta fyr-
ir okkur nafni á staðinn; það komu
upp margar aðrar hugmyndir en
við sammæltumst síðan um Ok.
Það má segja að nafnið sé valið til
minningar um jökulinn Ok,“ segir
Bryndís en Ok uppfyllir ekki leng-
ur ákveðin skilyrði svo hann geti
talist jökull og því fyrsti nafnkunni
jökull landsins til þess að missa
nafnbótina og er því nú talinn vera
fjall.
Bryndís og Völundur eru ekki
hrædd um að nafnið misskiljist
og staðurinn verði kallaður Okay
Bistro. „Nei, við erum ekki hrædd
um það. Við munum sjá til þess að
þjónustan, maturinn og upplifun-
in verði meiri en bara okay,“ seg-
ir Bryndís og brosir. „Við erum öll
mjög spennt að takast á við þetta
verkefni og hlökkum til að opna og
fá til okkar gesti.“ segir Bryndís að
lokum. bþb
Veitingastaðurinn Ok Bistro verður
opnaður á föstudaginn í Borgarnesi
Bryndís og Völundur í Ok Bistro í Borgarnesi.
Þorsteinn Eyþórsson, 62 ára Borg-
nesingur, leggur af stað hjólandi
hringveginn í dag, miðvikudag-
inn 8. júní. „Ég ætla ekki að vera
með neinn æsing og stefni á að taka
16 daga í þetta,“ segir Steini þeg-
ar Skessuhorn hafði samband við
hann. „Það eru svona að meðal-
tali um 85 kílómetrar á dag,“ bæt-
ir hann við. Steini byrjaði að hjóla
fyrir tveimur árum og hjólaði Snæ-
fellsnesshringinn síðasta sumar.
Eftir það hefur hann verið staðráð-
inn í að hjóla hringveginn. Hann
segir þessa ferð fyrst og fremst vera
áskorun á sjálfan sig en einnig ætl-
ar hann að láta gott af sér leiða og
safna peningum fyrir ADHD sam-
tökin. „Þetta málefni stendur mér
nærri en ég á nokkur barnabörn
sem eru greind með ADHD,“ seg-
ir Steini.
Hægt er að fylgjast með ferð-
inni á Facebook en þar hefur Steini
opnað síðuna: „Athygli já takk hjól-
að hringinn.“ Reikningsnúmer fyr-
ir söfnunina er: 354-13-200093 og
Kennitala: 100354-7569. arg
Steini Eyþórs hjólar hringveginn
Þorsteinn Eyþórsson 62 ára Borgnesingur byrjaði að hjóla fyrir tveimur árum og
í dag leggur hann af stað hjólandi hringveginn og ætlar að safna áheitum fyrir
ADHD samtökin.
„Þetta var skemmtilegur fiskur og
tók vel í. Það er gaman að byrja
sumarið svona,“ sagði Kristinn Sig-
mundsson söngvari en hann var
ásamt öðrum stórsöngvara, Krist-
jáni Jóhannssyni, við opnun Norð-
urár á laugardaginn. Kristinn
veiddi 94 sentimetra fisk á fluguna
Hauginn og er það fyrsti lax veiði-
sumarsins á land. „Já, þetta var bar-
átta og hann var erfiður á tímabili
en þetta hafðist þegar Kristján kom
með háfinn. Fiskurinn fór á taug-
um við að sjá Kristján,“ sagði Krist-
inn ennfremur, skellihló um leið og
hann sleppti laxinum aftur í ána.
„Það er fátt skemmtilegra en
þetta. Þó að þessir þrír laxar sem
ég setti í hafi sloppið. Þetta var
skemmtilegur félagsskapur,“ sagði
Kristján Jóhannsson sem var
ánægður með daginn.
Einar Sigfússon sölustjóri Norð-
urár sagði daginn hafa verið frábær-
an. „Frábær byrjun, 27 laxar á land
fyrsta daginn. Fullkominn dagur,“
sagði Einar.
Veiðimenn eru bjartsýnir nú í
upphafi veiðitímans og víða hef-
ur frést af laxi í ánum, til dæmis
er mikið gengið af fiski í Þverá. Þá
hafa þeir laxar sem veiðst hafa þessa
fyrstu daga komið mjög vel haldn-
ir úr sjó. Á það bæði við um Norð-
urá og Blöndu, en þar hófst veiði á
sunnudaginn og gekk ævintýralega
vel. Um þrír tugir laxa komu þar á
land á fyrstu vakt.
Góð veiði í
Hraunsfirðinum
Silungsveiðin hefur víða verið góð
það sem af sumri og veiðimenn
fengið ágæta veiði. Í Hraunsfirði
á Snæfellsnesi hefur veiðin geng-
ið vel og margir fengið vel í soð-
ið. Hraunsfjörðurinn hefur ver-
ið óvenju gjöfull þetta árið. Strax
um leið og hann varð íslaus í byrj-
un apríl, fóru menn að reyna og
fengu ágætis bleikjur - ekki marg-
ar, en fallegar. Um leið og fór að
hlýna fór svo að veiðast mjög vel.
Mörgum hefur reynst best að fara
í hraunið austan megin við fjörð-
inn og ganga austur með hraun-
röndinni rétt sunnan Arnarsteins.
Þarna er frekar aðdjúpt og bleikj-
an virðist sækja í kantinn á dýp-
inu og er greinilega í marfló. Svo
hafa veiðimenn gert góða veiði ut-
arlega í Búðavoginum. Helstu flug-
urnar hafa verið Krókurinn, Mar-
fló, Toppflugupúpan, Langskeggur
og Peacock. Um síðustu helgi var
ótrúlega fallegt veður. Á laugardeg-
inum fór hitinn hátt í 20°C. Örlítið
vestar, í Kolgrafafirði og Grundar-
firði var hins vegar svartaþoka.
Bjarni Júlíusson fór á laugardags-
morgni og gerði góða ferð. „Ég var
búinn að reyna ýmislegt og ekki
fengið eina einustu töku,“ sagði
Bjarni, „Þegar ég setti litla græn-
glitrandi púpu undir. Það var fisk-
ur á í fyrsta kasti.“ Bleikjan hef-
ur verið frá 30 - 50 cm, flottir fisk-
ar og sagði Bjarni að flestir þeirra
hefðu verið úttroðnir af marfló. Ein
þeirra hafði reyndar verið að gæða
sér á einhverri flugu, líklega topp-
flugunni. Hraunsfjörðurinn er vin-
sæll staður og þarna er fín aðstaða
fyrir tjöld og tjaldvagna. Ekki eru
seld veiðileyfi í Hraunsfjörð, en
handhöfum Veiðikortsins er heim-
ilt að veiða þarna. gb
Fjör og frábær veiði við opnun Norðurár
Kristinn og Kristján voru kampakátir á árbakkanum við opnun Norðurár. Fyrsti lax sumarsins kominn í háfinn í Norðurá. Þetta reyndist 94 sentimetra fiskur
og var honum sleppt.
Falleg bleikja úr Hraunsfirðinum. Þessi virkaði fínt í Hraunsfirðinum.
Fráfarandi Stjórn Veiðifélags Norðurár hélt nýverið afmælisfund en veiðifélagið er
90 ára um þessar mundir. Myndin var tekin við það tilefni. F.v. Elvar Ólason, Mar-
grét B Sigurðardóttir, Birna G Konráðsdóttir, Sigrún Ása Sturludóttir og Brynjólfur
Guðmundsson. Tvö ný komu í stjórn eftir að þessi mynd var tekin. Í stað Brynjólfs
og Margrétar sitja nú í stjórn Guðrún Sigurjónsdóttir og Arnlaugur Guðmundsson.
Ljósm. ag.