Skessuhorn - 24.08.2016, Qupperneq 21

MIÐVIKUDAGUR 24. ÁGÚST 2016 21
LEIKSKÓLAR
Laugargerðisskóli
Laugargerðisskóli er einn af samreknu leik- og grunnskólun-
um á Vesturlandi. Á leikskóladeild skólans verða fimm börn
núna í vetur, þar af eitt nýtt barn sem byrjar tveggja ára. „Það
fjölgar um eitt barn hjá okkur því það var engin sem byrj-
ar í fyrsta bekk núna,“ segir Kristín Björk Guðmundsdótt-
ir skólastjóri Laugargerðisskóla. „Við erum með einn starfs-
mann sem vinnur bara á leikskóladeildinni og tvo skólaliða
sem vinna á leikskóladeild og grunnskóladeild, það eru allt-
af tveir starfsmenn í einu á leikskólanum,“ bætir hún við.
Laugargerðisskóli er heilsueflandi skóli sem leggur áherslu
á jákvæðan aga. „Tvö elstu börnin á leikskólanum, fimm ára,
fá að fara í grunnskólann þar sem farið er í grunnþjálfun fyr-
ir lestrarkennslu. Stundum eru börnin það móttækileg 5 ára
að þau eru farin að lesa þegar þau byrja í fyrsta bekk.
Leik- og grunnskóli Hvalfjarðarsveitar
Leikskólinn Skýjaborg er leikskólasvið Leik- og grunnskóla
Hvalfjarðarsveitar og er staðsettur í Melahverfi. Í Skýjaborg
verða 39 börn þegar aðlögun er lokið í haust og bætast tvö
við í janúar en þá verður leikskólinn fullur. Að sögn Eyrúnar
Jónu Reynisdóttur sviðsstjóra Skýjaborgar eru tólf starfsmenn
í leikskólanum, þar af tíu sem starfa inni á deild. „Það eru að-
eins mannabreytingar hjá okkur núna í haust, en það hefur
gengið vel að manna þó umsóknir hafi ekki verið margar, þær
voru fáar en góðar. Við erum búin að fá tvo nýja starfsmenn
og eigum einnig eftir að ráða matráð,“ segir Eyrún. Í Leik-
og grunnskóla Hvalfjarðarsveitar eru gildin vellíðan, virð-
ing, metnaður og samvinna lögð til grundvallar í öllu starfi.
Í Skýjaborg eru áhersluatriði á umhverfismennt, útinám og
leikinn. „Við leggjum áherslu á að börnin læri af reynslunni
og læri það sem fyrir þeim er haft. Því er mikilvægt að starfs-
menn séu góðar fyrirmyndir og komi fram við börnin af virð-
ingu. Hér í leikskólanum erum við líka með áherslu á jóga og
reynum að kenna börnunum um núvitund,“ segir Eyrún. Síð-
asta vetur byrjaði Skýjaborg í samstarfi við eldri borgara og
buðu þeim á opið hús sem heppnaðist mjög vel. Að sögn Ey-
rúnar verður haldið áfram með það samstarf núna í vetur.
Reykhólaskóli
Leikskólinn Hólabær, sem er deild í Reykhólaskóla, var opn-
aður aftur 16. ágúst eftir sex vikna sumarleyfi. Að sögn Ástu
Sjafnar Kristjánsdóttur skólastjóra Reykhólaskóla eru átján
börn við upphaf þessa skólaárs á leikskóladeildinni. „Hóla-
bær hefur þá stefnu að taka börn inn ársgömul og því eru þau
á aldrinum eins árs til fimm ára. Í skólanum eru 22 starfs-
menn og þar af eru fimm í leikskólanum. Einnig starfar í
skólanum þroskaþjálfi og iðjuþjálfi sem taka börn í þjálfun í
leikskólanum,“ segir Ásta Sjöfn.
grþ/arg
Börn á leikskóladeild Laugargerðisskóla.
Þessar ungu dömur útskrifuðust af Hólabæ í Reykhólaskóla í vor. Skemmtilegt í útiveru í Skýjaborg.
Þú ferð lengra með SagaPro
Mikið vökvatap á sér stað í löngum hlaupum ... SagaPro dró
verulega úr þessum tíðu þvaglátum hjá mér og gerði það að
verkum að ég gat drukkið ákjósanlegt magn af vökva í tengslum
við hlaupin.
Melkorka Árný Kvaran, framkvæmdastjóri og þjálfari Kerrupúls
Saman áfram, SagaPro og ég
Ég er með MS og velvirka blöðru, sem vill halda mér á salerninu
dag og nótt. Nú hef ég séð við henni með því að nota SagaPro
og fækka salernisferðum um meira en helming.
Jóna Guðmundsdóttir
SagaPro er vinsæl vara við tíðum þvaglátum
Nú vakna ég úthvíldur
Áður en ég kynntist SagaPro voru tíð þvaglát vandamál hjá
mér. Þetta háði mér töluvert, bæði á daginn við útiveru og
einnig á nóttunni. SagaPro hefur hjálpað mér mikið og nú vakna
ég úthvíldur.
Hjálmar Sveinsson, verkefnastjóri
NÝJAR
UMBÚÐIR
SagaPro er fyrsta íslenska náttúruvaran sem hefur
farið í gegnum klíníska rannsókn.
Fæst í öllum helstu apótekum, matvöru- og heilsuverslunum. www.sagamedica.is
MINNA MÁL MEÐ SAGAPRO