Skessuhorn - 22.03.2017, Page 4

MIÐVIKUDAGUR 22. MARS 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Heiðar Lind Hansson hlh@skessuhorn.is
Auglýsingar og dreifing:
Emilía Ottesen emilia@skessuhorn.is
Lísbet Sigurðardóttir lisbet@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Kaupfélagsferðir
hinar síðar
Nýverið fjallaði ég á þessum stað í blaðinu um minningar frá kaupstaðar-
ferðum þegar ég var ungur og saklaus sveitadrengur. Þær voru ævintýri,
enda ekki farnar nema þegar farið var að bergmála í búrinu og hráefni í
bakstur og aðrar nauðsynjar orðnar af skornum skammti. Þessar efnisöfl-
unarferðir í kaupfélagið í Borgarnesi voru því sannur viðburður. En frá
þessum tíma hefur kaupfélögum fækkað allverulega. Aðallega hafa þau
lifað af sem byggðu afkomu sína á eggjum í fleiri körfum, eða öllu held-
ur þorskum í körum. Kaupfélagið í Borgarnesi reyndar lifði af mikla um-
brotatíma undir lok síðustu aldar, en býsna stóð það nú tæpt. Með ákveð-
inni útsjónarsemi tókst þó að breyta skuldum félagsins í lítinn eignarhluta
í öðru og stærra kaupfélagi suður með sjó. Sú eign hefur fram til þessa
verið mikils virði. En nú er sótt að því kaupfélagi rétt eins og öðrum versl-
unum hér á landi. Nú þurfa þeir sem vilja lifa af næsta stríð að vígbúast
fyrir alvöru því amerískir kaupmenn sem kenna sig við Costco hefja brátt
verslunarrekstur í Kauptúninu syðst í hraunjaðri Garðabæjar.
Hið nýja kaupfélag verður nánast eins og óskilgetið afkvæmi gömlu
Samvinnuhreyfingarinnar eins og hún var og hét á blómatíma hennar.
Þetta er keðja verslana þar sem félagsmönnum er lofað gæðavöru á heild-
söluverði og þar verður „allt“ til. Það rifjast upp fyrir mér sönn saga af
fyrrum sveitunga mínum, gegnheilum framsóknarmanni sem lét hafa það
eftir sér að kaupa aldrei hluti annarsstaðar en í kaupfélaginu. Ef þeir fengj-
ust ekki þar, voru þeir óþarfir. Gervitennur fengust aldrei í kaupfélaginu
og því var hann án þeirra alla tíð og blessunarlega kom ekki áfengisútsala
í kjallara kaupfélagsins fyrr en hann var orðinn háaldraður. Þá tók því alls
ekki að byrja að drekka. Þetta var maður sem var sannur þeirri hugsjón
sem hann trúði á og talaði fyrir alla tíð.
Nú í vikunni var borinn inn á heimili fólks þverhandarþikkur bæklingur
frá fyrrnefndri verslun og hún sögð verða opnuð í vor. Nú er leitað log-
andi ljósi að gegnheilu samvinnufólki og því boðið að ganga í kaupfélagið
og þiggja tilboð um hitt og þetta. Bæði er einstaklingum boðin félags-
aðild, en einnig fyrirtækjum og öðrum verslunum sem þá myndu gera
heildsöluinnkaup sín þar. Eftir að hafa gluggað í þennan bækling er ljóst
að Ameríkaninn er ekki að þessu með hangandi hendi. Augljóslega hafa
verið sett markmið um mikil viðskipti frá fyrsta degi. Ef það gengur eftir
verður ekki hjá því komist að velta fyrir sér ástandinu í umferð um svæðið
í útjaðri Garðabæjar og áhrifum þess þegar þessir nýju viðskiptavinir bæt-
ast við allt áhugafólkið um sænsk sexkantahúsgögn og Toyota bíla.
Ég ætla hins vegar ekki að hafa sérstakar áhyggjur af umferðarteppu
sem vissulega mun fylgja því þegar nýjungagjarnir Íslendingar munu fara
í kaupfélagsferðir sínar hinar síðari. Öllu frekar verður mér hugsað til
ýmissar verslunar og kannski ekki síður heildsalastéttar hér á landi sem
þarna fær inngrip á markað sem á mörgum sviðum hefur búið við „nota-
lega“ fákeppni um langa hríð. Margir á verslunar- og heildsölusviði þurfa
nú að hafa fyrir því að halda viðskiptum sínum, hefja sókn. Slíkt mun
vafalítið leiða til þess að einhverjar núverandi verslanir batna, eða ella
verður þeim skellt í lás. En hvort sem það er amerísk verslanakeðja eða
annað sem hreyfir við stöðnuðum markaði, þá ber að fagna nýbreytninni.
Samkeppni er ætíð af hinu góða ef heiðarlega er spilað. Neytendur munu
því fyrst og fremst skynja bætta þjónustu, gæði og lægra verð á ýmsum
sviðum, hjá þeim sem ætla að taka slaginn. Viðskiptavinirnir eiga alltaf
lokaorðið.
Magnús Magnússon.
Leiðari
Námið er sérsniðið að íslenskri ferðaþjónustu með
sterkri tengingu við leiðandi fyrirtæki í greininni. Áhersla
er lögð á stjórnun ferðaþjónustu í víðu samhengi, allt
frá stærri hótelum og veitingastöðum til móttöku gesta í
þjónustumiðstöðum og umsjón ferða um hálendið.
Hólaskóli -
Háskólinn á Hólum
Hólum í Hjaltadal 551 Sauðárkrókur
Sími 455 6300 holaskoli@holar.is www.holar.is
w
w
w
.h
ol
ar
.is BA í stjórnun ferðaþjónustu og móttöku gesta
Ferðaþjónusta er skemmtilegt og síbreytilegt fag þar sem starfsfólk tekst á við flókin verkefni alla daga.
Ný námsleið
Á fundi borgarráðs Reykjavíkur síð-
astliðinn fimmtudag var lagt fram
bréf borgarstjóra þar sem óskað var
eftir að borgarráð samþykkti auglýs-
ingagögn vegna fyrirhugaðra sigl-
inga farþegaferju milli Reykjavíkur
og Akraness næsta sumar. Gert er
ráð fyrir að í siglingarnar verði not-
uð ferja sem tekið gæti 50-200 far-
þega. Hver sigling tæki 30-45 mín-
útur. Samþykkt var með fjórum at-
kvæðum meirihluta borgarráðs að
auglýsa útboð siglinga farþegabáts
milli staðanna. Borgarráðsfulltrúar
Sjálfstæðisflokksins og Framsókn-
ar og flugvallarvina sátu hjá við af-
greiðslu málsins. Sjálfstæðismenn
lögðu fram bókun þar sem fram kom
að þeir telja eðlilegt að auglýst sé eft-
ir rekstraraðilum til að vera með far-
þegasiglingar milli Reykjavíkur og
Akraness svo framarlega sem rekstr-
araðilar reki slíkt verkefni á eigin
vegum og án opinbers stuðnings.
Þá bókaði borgarráðsfulltrúi
Framsóknar og flugvallarvina einn-
ig vegna málsins og sögðu flokkinn
sitja hjá við afgreiðslu á tillögunni.
„Bókað hefur verið í tvígang í borg-
arráði um að við styðjum ekki að
fjármunir skattborgara í Reykjavík
fari í verkefnið, enda teljum við það
óráðlegt að ráðstafa og forgangsraða
fjármunum borgarinnar og skattfé
almennings í tilraunaverkefni þetta.
Hvetjum við meirihlutann til að
gangast ekki við neinum þeim til-
boðum sem fela í sér fjárútlát af hálfu
Reykjavíkurborgar.“
mm
Borgarráð samþykkti að auglýsa
ferjusiglingar til Akraness
Auglýst verður eftir lítilli ferju sem flutt getur 50-200 farþega í ferð. Ferjan á
þessari mynd tengist fréttinni ekki.
Kristján Þór Júlíusson, mennta-
og menningarmálaráðherra, hefur
ákveðið að kalla saman fulltrúa allra
helstu aðila skólastarfs í grunnskól-
um til að fara yfir framkvæmd sam-
ræmdu könnunarprófanna sem nem-
endur 9. og 10. bekkjar þreyttu ný-
verið. Mikil umræða hefur spunnist
um framkvæmd prófanna og gremja,
ekki síst nemenda, vegna ýmissa
þátta við framkvæmdina, einkum
vegna breytinga á reglugerð um inn-
ritun nýnema í framhaldsskóla.
Meðal þess, sem þessum samráðs-
vettvangi er ætlað að ræða, er athug-
un á hvort kynningar á könnunar-
prófunum hafi verið fullnægjandi og
í því sambandi einnig tilgangur og
þróun þeirra og hvernig staðið var
að fræðslu og kynningum í hverjum
skóla fyrir sig. Þá verður farið yfir
tæknilega framkvæmd könnunar-
prófanna, þ.á m. um mismunandi
prófútgáfur og hvernig skólarnir
nýttu sér æfingaprófin sem aðgengi-
leg voru. „Þess er vænst að niður-
stöður umræðna og samráðs leiði til
jákvæðrar þróunar og samstöðu um
framkvæmd samræmdu könnunar-
prófanna í framtíðinni,“ segir í til-
kynningu frá ráðuneytinu. Þá segir
jafnframt að ekki séu uppi neinar fyr-
irætlanir af hálfu ráðuneytisins um að
leggja niður eða breyta tilgangi sam-
ræmdra könnunarprófa í grunnskól-
um. „Ætlunin er að þróa þau svo þau
þjóni betur hlutverki sínu og mæta
þannig gagnrýni á innihald, form
og framkvæmd þeirra. Niðurstöður
prófanna veita miklar upplýsingar
og greinandi gögn um hvern nem-
enda og einnig skóla, og næsta við-
fangsefnið er hvernig hægt er að nýta
þessi gögn til að efla skólastarf og
styðja við nám nemenda.“ mm
Farið verður yfir vankanta samræmdra prófa
Ragnar Þór Ingólfsson nýkjörinn
formaður Verslunarmannafélags
Reykjavíkur heimsótti höfuðstöðv-
ar Verkalýðsfélags Akraness í vik-
unni sem leið. Eins og fram hef-
ur komið lýsti Vilhjálmur Birgis-
son formaður Verkalýðsfélags Akra-
ness yfir eindregnum stuðningi við
kjör Ragnars og segir hann póli-
tískan samferðamann sinn í verka-
lýðsbaráttunni. „Það liggur fyrir að
hér er um að ræða afar mikilvægan
bandamann í baráttunni fyrir hin-
um ýmsu réttindamálum launafólks,
enda hafa baráttumál Ragnars Þórs
í gegnum tíðina átt góða samleið
með áherslum stjórnar Verkalýðs-
félags Akraness. Nægir að nefna í
því samhengi fjölmargar tillögur og
ályktanir sem VLFA hefur lagt fram
á vettvangi verkalýðshreyfingarinn-
ar og á þingum Alþýðusambandsins,
en þær hafa notið stuðnings Ragnars
Þórs til dæmis á þingum ASÍ,“ skrif-
ar Vilhjálmur á síðu VLFA.
Hann segir jafnframt að það sé
því mjög ánægjulegt að fá svo öflug-
an baráttumann í forystu hjá stéttar-
félagi af þeirri stærðargráðu sem VR
er til að berjast fyrir mikilvægum
áherslumálum. „Til dæmis höfnun
á svokölluðu Salek-samkomulagi,
samkomulagi sem gengur út á að
skerða og takmarka samningsfrelsi
launafólks. Sem og áherslum um
afnám verðtryggingar og að tekið
sé á okurvöxtum fjármálakerfisins,
svo ekki sé talað um aukið lýðræði
í stjórnum lífeyrissjóðanna og að líf-
eyrissjóðirnir taki þátt í samfélags-
legum verkefnum án þess að gera
kröfu um gríðarlega arðsemi af slík-
um verkefnum,“ skrifar Vilhjálmur
Birgisson.
mm
Samherjar í verkalýðsbaráttu
Félagarnir Ragnar Þór og Vilhjálmur í
heimsókn þess fyrrnefnda á skrifstofu
VLFA síðastliðinn föstudag.
Ljósm. vlfa.is