Skessuhorn - 25.10.2017, Síða 30
MIÐVIKUDAGUR 25. OKTÓBER 201730
Þegar gagnsæi og traust almenn-
ings hefur verið aukið fylgir því
óhjákvæmilega aukið traust og
samvinna milli ólíkra stjórnmála-
flokka inni á þingi. Allir stjórn-
málaflokkar ættu nefnilega að vera
að vinna að sama markmiðinu; að
bæta hag almennings í landinu. Við
höfum ef til vill ólíka sýn á hvern-
ig er best að standa að því en það
er einmitt ástæðan af hverju það er
mikilvægt að hafa breiðan, ólíkan
hóp fólks á Alþingi.
Aðeins er liðið rúmlega ár síðan
ég steig mín fyrstu skref í stjórn-
málum og varð oddviti á lista Pí-
rata í Norðvesturkjördæmi. Á
sama tíma er ég einnig að heyja
mína aðra kosningabaráttu. Lífið
getur verið svo furðulegt stundum
en fyrir ári síðan hefði mér aldrei
dottið í hug að við Íslendingar vær-
um á leiðinni inn í stjórnarkreppu
sem yrði til þess að kjörtímabilið
yrði stutt, enn og aftur. Segja má
að hér á landi hafi eiginlega ver-
ið viðvarandi stjórnarkreppa síð-
an í hruninu. Eftir hrunið breytt-
ust nefnilega stjórnmálin. Traust-
ið hvarf. Traust milli ólíkra stjórn-
málaflokka sem og traust almenn-
ings til Alþingis. Ekki var lengur
hægt að einfaldlega treysta og trúa
því að ráðamenn þjóðarinnar væru
að vinna að hag almennings og
störf stjórnmálamanna voru, því
miður ekki yfir allan vafa hafin.
Þetta er helsta ástæðan af hverju
ég vil bjóða fram krafta mína á Al-
þingi og af hverju ég geri svo und-
ir merkjum Pírata. Helstu áherslur
Pírata eru að boða gagnsæi og
ábyrgð í stjórnmálum og stjórn-
sýslu, berjast gegn spillingu, auka
beint lýðræði þegar það býst og
vernda borgararéttindi og ein-
staklingsfrelsi. Ef stjórnmálin og
stjórnsýslan væru gagnsæ og al-
menningur hefði aðgang að upp-
lýsingum um hvaða ákvarðanir
stjórnvöld taka og hvernig staðið er
að þeim ákvörðunum myndi traust
almennings til Alþingis aukast, því
ákvarðanataka og aðgerðir stjórn-
valda væru einfaldlega hafin yfir
vafa um spillingu og frændhygli.
Þetta ætti að vera fyrsta skref nýs
þings: auka gagnsæi til að auka
traust.
Fulltrúalýðræðið virkar mjög vel
ef rétt að því er staðið. Þeir ólíku
einstaklingar sem veljast inn á þing
munu ef til vill aldrei allir vera
sammála um einstaka málefni og
því er mikilvægt að alþingismenn
hafi þann kost að virða skoðanir
annarra þótt þær samræmist ekki
sínum eigin, taka upplýstar ákvarð-
anir byggðar á gögnum og vinna
saman á lausnamiðaðan hátt. Skot-
grafar- og rifrildispólitík er orðin
löngu úrelt. Það er tími til kominn
að Alþingi rísi upp úr gamla leik-
skóla leiknum þar sem heyrist: „Ég
er með bláan og þú ert með bláan
og þá getum við leikið. Hann er
með grænan og hún er með rauð-
an og þá mega þau ekki vera með,“
og segjum frekar „Ég er með gul-
an, þú ert með rauðan, hann er
með grænan og hún er með bláan.
Komum öll og búum til regnboga
saman!“
Eva Pandora Baldursdóttir
Höf. er þingmaður og oddviti
Pírata í Norðvesturkjördæmi
Mig langar að færa lesendum Skessu-
horns að þessu sinni þakklæti stjórn-
málamanns sem hefur undanfarnar
vikur verið á ferð og flugi með fé-
lögum sínum um hið stóra Norð-
vesturkjördæmi.
Það hafa verið forréttindi mín að
fá að starfa fyrir NV kjördæmi frá
árinu 2013. Ég hef kynnst mörgum
og margt lært. Það ber einhvern veg-
inn minna á því að við sem teljumst
pólitískir andstæðingar nefnum og
þökkum samstarf og samvinnu okk-
ar í millum. Það vil ég gera hér. Allir
sem ég hef starfað með í þingmanna-
hópi NV er gott fólk og vinnur af
heilindum fyrir kjördæmið okkar og
landið allt. Hvar sem það skipar sér í
flokk. Það hefur verið góð samvinna
og samstarf í þingmannahópi NV
og þannig vil ég vinna þar áfram.
Ég hef fengið mörg tækifæri í líf-
inu. Eitt er það fá að starfa í stjórn-
málum. Þar hef ég unnið að verkefn-
um sem ég veit að muni til framtíðar
skipta miklu máli. Ljósleiðarvæðing
sveitanna er framfaramál sem skiptir
máli, ekki síður en málefni háskól-
anna í kjördæminu öllu. Svo mætti
lengi telja.
Frá því að ég settist á þing hef ég
starfað í fjárlaganefnd. Þar hef ég
öðlast góða yfirsýn yfir marga mála-
flokka og sameiginleg verkefni okkar
sem þjóðar. Ég get ekki stillt mig um
að minnast þess að við undirbúning
fjárlaga fyrir árið 2017, sýndu þing-
menn að vel má ná
saman við vanda-
samar aðstæður. Það var þroskandi
að leiða þá vinnu.
Enn ekki gengur allt upp. Það er
mér mjög þungbært að vita af erf-
iðleikum margra heimila sauðfjár-
bænda. Þar er staðan svo alvarleg
að ég óttast að fáir átti sig í raun
og veru til hvers hún getur leitt –
verði ekki samstaða um endurreisn
sauðfjárbúskapar. Já, ég ber eins og
margir ábyrgð á því. En það sem ég
fagna er að ekki virðist vera ágrein-
ingur á milli framboða í NV kjör-
dæmi og landinu öllu að bregðast
þurfi við. Það er dýrmætt. Strax að
loknum kosningum verður sam-
tal við bændur, afurðafyrirtæki og
stjórnmálamenn að hefjast.
Ég óska enn eftir stuðningi til
setu á Alþingi. Siðastliðið ár hef ég
verið 1. þingmaður kjördæmisins og
hef sannarlega metnað til þess að ná
þeim heiðurssess aftur á laugardag-
inn. Við frambjóðendur Sjálfstæðis-
flokksins í NV kjördæmi erum öll
sem eitt einbeitt í að vinna landi
okkar og kjördæmi allt sem við get-
um.
Að endingu skora ég á ykkur að
nýta kosningaréttinn, hann er eitt
það dýrmætasta sem við eigum.
Haraldur Benediktsson
Höf. er í oddvitasæti lista Sjálfstæð-
isflokksins í NV kjördæmi
Meðal sauðfjárbænda ríkir veru-
leg óvissa. Óvissa um innkomu
fyrir afurðir, óvissa um hvort af-
urðaverð í ár hrökkvi til að borga
fyrir helstu nauðsynjum á venju-
legu heimili, óvissa um hversu
mikið heimilið verður skuldsett
eftir sláturtíð. Óvissa um fram-
tíðina.
Núverandi landbúnaðarráð-
herra hefur lítinn skilning á
hversu mikilvægt það er að ein af
grunnatvinnugreinum landsins fái
stuðning til að geta boðið neyt-
endum heilnæma og ferska vöru.
Við þurfum að styðja við bændur
með aðferðum sem hvetja og að
eðlileg laun fáist fyrir framleiðslu
sem er í samræmi við eftirspurn á
hverjum tíma. Löndin í kring um
okkur hafa ýmis tæki til að tryggja
að framboð og eftirspurn haldist í
hendur. Við þurfum að fara sam-
bærilegar leiðir.
Lausnirnar
Lausnirnar þurfa annars vegar
að bregðast við tekjufalli bænda.
Hins vegar þurfum við einnig að
horfa til lengri tíma.
650 milljónir aukafjárveiting 1.
þarf að koma til móts við af-
urðaskerðinguna til reksturs
sauðfjárbúa.
Veita þarf þeim heimilum sem 2.
verst verða úti afborgunarskjól
með því að bjóða upp á vaxta-
laus lán sem koma skuldsettum
bændum yfir hjallann. Tryggja
þarf Byggðastofnun fjármuni
til að koma að málinu.
Framsókn vill að ekki verði 3.
frekari lækkanir á tollum á
landbúnaðarafurðum og hafn-
ar einhliða afnámi tolla. Fram-
sókn vill að 100 milljónir verða
tryggðar til að halda áfram
með markaðsstarfið sem skil-
aði útflutningi á yfir 800 tonn-
um á þessu ári. Í því liggja auk
þess samlegðaráhrif með öðr-
um útflutningsgreinum.
Til að fyrirbyggja að afurða-4.
verð hrynji þá þarf að jafna
eftirspurn og framboð. Í flest-
um löndum er annað hvort
framleiðslustýring, sem var
fyrir löngu afnumin hér, eða
sveiflujöfnunarverkfæri notuð.
Framsókn vill að framleiðslu-
stöðvar fái að vinna saman að
sameiginlegu markmiði, bæði
innanlands og erlendis. Slík
hagræðing er ávinningur fyrir
neytendur og bændur.
Þekktu markaðinn
Afurðastöðvarnar verða einnig
að þekkja markaðinn, hvort sem
er innanlands eða erlendis. Mikl-
ar breytingar hafa verið á þörfum
neytenda. Fólk hefur minni tíma til
að elda í dagsins önn og því mik-
ilvægt að afurðastöðvarnar aðlagi
matvöruna að þeim breytingum,
hvort sem er m.t.t. stærða pakkn-
inga og framreiðslu matvöru.
Mörg þúsund afleidd störf eru
tengd vinnslu á landbúnaðarvörum
og eru undirstaða byggða víða um
land.
Skammtímavandinn er auðleyst-
ur strax. Þessar lausnir miða að því
að sauðfjárbændur geti starfað án
óvissu um afkomu sína og heimili.
Getum við ekki öll verið sammála
um það?
Sigurður Ingi Jóhannsson, formaður
Framsóknarflokksins,
skipar 1. sæti í Suðurkjördæmi
Ásmundur Einar Daðason, skipar
1. sæti í Norðvesturkjördæmi
Eftir fáa daga eiga landsmenn þess
kost að kjósa sér að nýju fulltrúa til
setu á Alþingi, aftur og nýbúnir. Um
hvað skyldu þessar kosningar annars
snúast, hver eru helstu baráttumál-
in? Mörgum vefst eflaust tunga um
tönn.
Allt eins?
Þeir sem leggja eitthvað við hlustir
og fylgjast með fjölmiðlaumræðunni
eru margir á báðum áttum. Í fljótu
bragði virðast helstu áherslumál vera
giska lík og eins hjá öllum flokkum,
örlítð mismunandi eftir stöðu hvers
um sig. Allir lofa betri kjörum, betri
hag fyrir alla, betri heilbrigðisþjón-
ustu, hamingjusamara Íslandi.
Virðing og traust
Erum við kannski komin á þann stað
að vera að kjósa um traust og virð-
ingu? Líklega er óþarfi að tíunda að
þegar virðingu gagnvart þingmönn-
um ber á góma er ekki úr háum söðli
að detta. En það er miklu meira í
þessu hugtaki, virðing. Það er virð-
ing fyrir vinnubrögðum, fyrir lýð-
ræðinu, fyrir öðru fólki. Sjálfsvirð-
ingu og stolti kjósenda, íbúanna í
þessu landi er jafnvel misboðið og á
hvorutveggja hefur reynt umtalsvert
á síðustu misserum gagnvart stjórn-
völdum. Allir frambjóðendur sem
leita eftir stuðningi almennings til
starfa á vettvangi Alþingis verða að
mínu áliti að skoða hug sinn vel og
gera betur en forverarnir að þessu
leyti og bæta raunverulega um bet-
ur.
Svikin loforð
Við stöndum reyndar á tímamótum
nú eins og svo oft áður. Það eru sterk
öfl í samfélaginu sem vilja gjörbreyta
þeirri sýn sem jafnaðarmenn hafa.
Við eigum yndislega þjóð, greinda,
menntaða og í stórum dráttum heið-
arlega. Við viljum trúa og treysta
náunganum. Aftur og aftur höfum
við hrekklaus trúað stjórnmálaöflum
sem lævíslega taka sér í orði stöðu
við hlið jafnaðamanna örfáum vik-
um fyrir kosningar og tala af tungu-
lipurð um dýrmæt gildi sem við jafn-
aðarmenn tölum fyrir ár út og ár inn.
Loforðin eru svo hunsuð jafnharðan
að loknum kosningum. Kosninga-
baráttan sem nú er senn á enda er
engin undantekning. Ég undirstrika
bara þetta: Varist eftirlíkingar, rifjum
upp, skoðum söguna. Hver hafa ver-
ið hin raunverulegu baráttumál þess-
ara flokka? Hverjir hafa fengið bestu
sætin við kjötkatlana? Eru það aldr-
aðir, öryrkjar, námsmenn, barnafólk,
almennir launþegar?
„Kæri kjósandi“
Í þessu sambandi er vert að rifja upp
persónulegt bréf Bjarna Benedikts-
sonar, formanns Sjálfstæðisflokks-
ins sem hann sendi eldri borgur-
um þann 22. apríl 2013. Þar lofaði
hann að kjaraskerðing sem aldrað-
ir urðu fyrir 2009 í kjölfar hrunsins
yrði afturkölluð. Hann hét því að
afnema eignaskattinn, sömuleiðis að
lækka fjármagnstekjuskattinn og líka
að afnema tekjutengingu ellilífeyris.
Ekkert af þessu hefur flokkur hans
staðið við þrátt fyrir að vera í lykilað-
stöðu allt þetta tímabil. Er nema von
að spurt sé, hvort hægt sé að treysta
stjórnmálaflokki af þessu tagi.
Mannúð
Jafnaðarstefnan er líklega áhrifa-
mesta stjórnmálahugmynd í okk-
ar heimshluta síð-
ustu hálfa aðra öld.
Það er reyndar oft
haft á orði að við Íslendingar séum
innra með okkur flestir jafnaðar-
menn, aðhyllumst hugsjónir um
mannúð, virðingu, jöfnuð og rétt-
læti til handa sérhverjum manni.
Þetta eru grundvallarstef og við
jafnaðarmenn höldum þeim sleitu-
laust á lofti í orði og verki, öndvert
við ýmsa aðra stjórnmálaflokka.
Venjulegt fólk
Jafnaðarmannaflokkur Íslands,
Samfylkingin er ekki kerfisflokk-
ur. Hann er ekki flokkur sérhags-
munahópa, ekki útvegsmanna,
ekki bændasamtaka, ekki sjávarút-
vegsforkólfa og ekki forráðamanna
viðskiptalífsins. En hann er hins-
vegar hagsmunaflokkur allra þeirra
sem innan þessara vébanda starfa,
venjulegs fólks. Flokkurinn tek-
ur sér stöðu meðal þeirra og ekki
annarra.
Hjartað á réttum stað
Við fáum að nota okkar dýrmæta
lýðræðislega rétt eftir fáa daga í
kosningum til Alþingis. Baráttu-
mál okkar jafnaðarmanna eru enn
á sömu lund, vörn og sókn fyrir
venjulegt fólk en ekki þrönga sér-
hagsmuni. Er ekki tækifærið ein-
mitt núna, að taka nýja ákvörðun,
ferska og djarfa – já, og láta hjart-
að ráða för.
Guðjón S. Brjánsson.
Höf. skipar 1. sæti á lista Sam-
fylkingar í NV kjördæmi
Um hvað er kosið? Um gagnsæi, spillingu,
traust og samvinnu
Með góðri kveðju
Framtíð sauðfjárbænda
Pennagrein
Pennagrein
Pennagrein
Pennagrein