Skessuhorn - 22.11.2017, Qupperneq 23

MIÐVIKUDAGUR 22. NÓVEMBER 2017 23
Brynhildur Traustadóttir er efni-
legur sundkappi frá Akranesi sem
stefnir langt á því sviði í framtíð-
inni. Hún er Skagastelpa í húð og
hár, fædd 2001 og varð því 16 ára
gömul fyrr á þessu ári. Brynhild-
ur hefur náð mjög góðum árangri í
sundinu og hefur til að mynda bætt
tvö Akranesmet í sundi á þessu ári.
Einnig hefur hún mikinn áhuga
á tónlist og æfir á bassaklarínett í
Tónlistarskóla Akraness. Auk þess
að æfa sund tíu sinnum í viku, í
eina og hálfa til tvær klukkustund-
ir í senn, og stunda nám í Tón-
listarskóla Akraness í tvær klukku-
stundir á viku er Brynhildur nem-
andi í Fjölbrautaskóla Vesturlands
á Akranesi á náttúrufræðibraut.
„Það er alltaf nóg að gera en þann-
ig finnst mér líka gott að hafa það.
Ég æfi sund alltaf á morgnana í
svona eina og hálfa klukkustund en
þar sem ég er í afrekstímum í skól-
anum get ég tekið þrjá morguntíma
í viku á skólatíma. Á fimmtudög-
um og föstudögum þarf ég aftur á
móti að mæta á sundæfingu klukk-
an sex, áður en ég fer í skólann. Ég
fer líka á tveggja klukkustunda æf-
ingar seinni partinn á virkum dög-
um og klukkan sjö á laugardags-
morgnum. Þetta hljómar vissulega
mikið en ég elska að synda,“ segir
Brynhildur þegar blaðamaður sett-
ist niður með henni í liðinni viku.
Stefnir erlendis
í háskóla
Aðspurð hversu lengi hún hafi
æft sund segist hún hafa verið að
synda eins lengi og hún man eftir
sér. „Ég hef verið í vatni eins lengi
og ég man. Ég byrjaði í ungbarna-
sundi fyrir eins árs aldur og held
að ég hafi nú eiginlega bara verið
að æfa síðan þá,“ segir Brynhildur
og hlær. Hún segist vona að sund-
ið eigi eftir að hjálpa henni að ná
markmiðum sínum. „Mig lang-
ar að mennta mig erlendis, helst
í Bandaríkjunum. Ég hef mik-
inn áhuga á því sem tengist vís-
indum og stefni á nám í einhverju
því tengdu, t.d. í efnafræði. Sund-
ið gæti verið lykillinn að því mark-
miði mínu því það gæti hjálpað
mér að komast inn í skóla og að fá
styrk til náms,“ segir Brynhildur.
„Bróðir minn var í sundliði í há-
skóla í Bandaríkjunum á styrk og
það kveikti minn áhuga og ég hef
síðan þá stefnt að því að gera þetta
líka,“ bætir hún við og brosir.
Ákvað að minnka við sig
í tónlistinni fyrir sundið
Þó að vissulega sé mikið að gera
hjá Brynhildi segist hún hafa alveg
nægan tíma fyrir félagslíf og nám.
„Ég þarf náttúrulega líka að standa
mig vel í námi ef ég ætla að komast
í háskóla svo ég passa mig alltaf að
gefa mér nægan tíma fyrir skólann.
Ég skipulegg tímann minn mjög
vel og bæði tónlistarkennarinn
og sundþjálfarinn sýna mér mik-
inn skilning og þess vegna gengur
þetta allt upp. Ég hefði alveg vilj-
að leggja meiri áherslu á tónlistina
en sá bara ekki fram á að geta þá
sinnt bæði sundi og skóla eins og
ég vildi. Ég tók því ákvörðun um
að minnka við mig í tónlistinni og
finnst þetta fínt svona. Enda er
sundið og námið mikilvægir þætt-
ir í því að ná markmiðum mínum
í framtíðinni. Ég hitti vini mína
að sjálfsögðu í skólanum og á æf-
ingum en svo er ég venjulega búin
að öllu klukkan átta á kvöldin og
hef þá smá tíma fyrir sjálfa mig og
félagslíf. Mér finnst ekki erfitt að
samtvinna þetta allt, ég er nátt-
úruleg bara að gera það sem mér
þykir skemmtilegt og þá er þetta
ekkert mál. Svo æfi ég ekkert á
sunnudögum og get þá nýtt dag-
inn eins og ég vil og sofið út,“ seg-
ir Brynhildur og hlær.
Sett tvö ný Akranesmet
á þessu ári
Brynhildur er mikil keppnismann-
eskja og eins og fram hefur komið
á hún sem stendur tvö Akranesmet
í sundi. Hún keppir helst í skrið-
sundi og flugsundi en æfir önnur
sund líka til að halda sér í þokka-
legri æfingu. Í lok október keppti
hún á móti hjá Sundfélagi Hafnar-
fjarðar þar sem hún bætti tólf ára
gamalt Akranesmet í 1500 metra
skriðsundi um 55 sekúndur þegar
hún synti það á tímanum 18.25.27.
„Ég bætti einnig 20 ára gam-
alt Akranesmet í 100 metra flug-
sundi í sumar. Það er mjög gaman
að ná slíkum árangri en ég stefni á
að gera alltaf betur og vonandi set
ég fleiri met eða bæti jafnvel mín
eigin,“ segir Brynhildur. Um liðna
helgi keppti hún á Íslandsmeistara-
móti í sundi í 25 metra laug. „Fyrsti
dagurinn gekk sérstaklega vel og ég
náði lágmarki inn á Norðurlanda-
meistaramótið í desember. Það hef-
ur lengi verið markmið mitt að taka
þátt í landsliðsverkefni og er þetta
mitt fyrsta,“ segir Brynhildur að
endingu. arg
Athugið að ekki er
posi á staðnumKvenfélagið
19. júní
BING
Ó
24.
nóvember
HIÐ ÁRLEGA JÓLABINGÓ
Kvenfélagsins 19. júní verður haldið
í matsal Landbúnaðarháskóla Íslands,
Ásgarði, Hvanneyri, föstudaginn
24. NÓVEMBER KL. 20:00.
Ágóðinn rennur til
góðgerðarmála innan héraðs.
Margir góðir vinningar.
Spjaldið kostar 1000 kr.
Jákvæðni, metnaður og víðsýniwww.akranes.is
SK
ES
SU
H
O
R
N
2
01
7
Styrkumsóknir vegna menningar-,
íþrótta- og atvinnumála
Auglýst er eftir umsóknum um styrki vegna menningar-,
íþrótta- og atvinnumála á árinu 2018.
Sótt er um rafrænt á heimasíðu
Akraneskaupstaðar á þar til gerðu eyðublaði.
Umsóknarfrestur er til og með 17. desember.
Nánari upplýsingar er að finna á www.akranes.is
Efnileg sundkona sem bætti nýlega
tólf ára Akranesmet í skriðsundi
Brynhildur Traustadóttir er ung og efnileg sundkona á Akranesi.
Einkum leggur hún áherslu á skriðsund og flugsund.
Brynhildur keppti á Íslandsmeistaramóti í sundi um liðna helgi.
Á tónleikunum Ungir gamlir í Bíóhöllinni fyrr í þessum mánuði spilaði Brynhildur
í húsbandinu á bassaklarinett. Páll Óskar var þar í stóru hlutverki ásamt ungu
tónlistarfólki af Akranesi.