Skessuhorn - 07.02.2018, Blaðsíða 20
MIÐVIKUDAGUR 7. febRúAR 201820
Á Kalastöðum í Hvalfjarðarsveit
hefur verið stofnað Draugr brugg-
hús. Að brugginu standa þrír fé-
lagar: bjarki Þór Þorvaldsson,
Óli Heiðar Arngrímsson og Víf-
ill Garðarsson. blaðamaður hitti
þá félaga yfir ölkollu í Dularfullu
búðinni við Skólabraut á Akra-
nesi, en þar hafa þeir einmitt kom-
ið tveimur tegundum af bjór í sölu
og nýrrar tegundar er að vænta á
næstunni. bjarki var örlítið seinn
en kom færandi hendi með vegg-
spjöld fyrir nýja bjórinn enda gott
að nota ferðina á Akranes.
Innfluttur áhugi
bjarki er menntaður rafmagns-
verkfræðingur, Óli er rafvirki og
Vífill er rafeindavirki og þótt ótrú-
legt megi virðast þá nýtist mennt-
un þeirra allra við bruggunina.
Þeir félagar hafa verið í samfloti
síðan annað hvort í grunnskóla
eða menntaskóla, þótt örlítið hafi
teygst á vináttuböndunum á meðan
bjarki var við nám og vinnu í Dan-
mörku og englandi. Hugmynd-
in að brugguninni kom einmitt frá
Danmörku en þó á ská frá banda-
ríkjunum. „Já, það var bandarískur
vinnufélagi minn í Danmörku sem
stakk upp á þessu,“ segir bjarki.
Leiðir þeirra skildu þegar bjarki
flutti aftur heim til Íslands með
fjölskyldunni sinni 2011 og banda-
ríkjamaðurinn hélt til heimalands
síns, en þeir héldu lítillega sam-
bandi og hvor um sig fór að brugga
í sínu horni og deila reynslunni.
„Hann sagði að í bandaríkjunum
væru allir að gera þetta.“
Viðburðabjórinn
Þeir ræða sín á milli um hvenær
bruggun hafi í raun hafist á Kala-
stöðum og sammælast um að það
hafi verið örlítið fyrir fyrstu belg-
íuferðina. „fyrsta belgíuferðin
var árið 2012,“ skýtur Vífill inn í.
fyrir það höfðu Óli og bjarki setið
einir að brugginu en eftir þá ferð
urðu þeir fjórir en einn hefur dott-
ið út eftir það. Karl eiríksson, fé-
lagi þeirra, skipuleggur pílagríms-
ferðirnar til belgíu og var áður
hluti af bruggteyminu. Hann sér
þó enn um að skipuleggja ferð-
irnar til belgíu og hafa þeir fé-
lagar farið í að minnsta kosti þrjár
ferðir þar um og skoðað brugg-
hús. Í hverri ferð voru skoðuð tvö
til fjögur brugghús á dag. Þeir eru
sammála um að belgíuferðirn-
ar hafi hvatt þá til dáða þannig að
þeim fannst mögulegt að gera eitt-
hvað meira hér heima. „Við fór-
um í ferð til belgíu árið 2015. Þá
fórum við í heimahús þar sem var
notaður mjólkurtankur, reynd-
ar mun stærri en við erum með,
en þau voru að brugga svona við-
burðabjór. bærinn kom þá og bað
um sérbrugg fyrir einhvern við-
burð eða hátíð og við hugsuðum
að þetta væri ekkert til á Íslandi,“
segir Vífill og bætir við að þeir hafi
eygt tækifæri með þessu viðskipta-
líkani.
Mjólkurtankur
fullur af bruggi
Þeir búa vel að því að hafa stórt fjós
og mjólkurhús sem aðstöðu sína á
Kalastöðum. Áður var þar mjólk-
urbúskapur en nú eru einungis
nokkur geldneyti eftir. Mjólkur-
húsið stóð því tómt. eftir þrotlausa
vinnu náðu þeir að sameina mjólk-
urhúsið og gamla hænsnahúsið,
gera allt múshelt, flísaleggja og
leggja nýtt rafmagn í bygginguna.
Aðstaðan stenst nú alla heilbrigð-
isstaðla þótt það hafi ekki endilega
verið markmiðið, hvað þá að fara
að selja bjórinn einhvers staðar.
„Þetta er svona áhugamál sem við
misstum stjórn á,“ segir Vífill og
þeir hlæja allir því til samþykkis.
Byggræktun?
Þorvaldur Ingi Magnússon, bónd-
inn á Kalastöðum og faðir bjarka,
tekur virkan þátt í verkefninu með
þeim. Hann sér um daglegan rekst-
ur á brugguninni. Það er þó lítið
sem þarf að gera því eins og sagði
áður nýtist menntun þeirra félaga
vel við bruggunina. Allt er meira
og minna tölvustýrt og þeir geta
fylgst með hverju einasta smáat-
riði í appi í símanum sínum. „Það
kemur sér samt vel að hafa Þor-
vald þarna,“ skýtur Óli inn í. Komi
eitthvað upp á er hann nálægt og
hann getur gert smá viðvik ef þess
þarf. Annars búa bjarki og Vífill í
Reykjavík en Óli á Akranesi.
Þar sem ekki er lengur mjólk-
urbúskapur á Kalastöðum og grasið
er aðeins slegið og selt spyr blaða-
maður hvort ekki liggi beinast við
að rækta byggið á jörðinni og selja
alíslenskan bjór. bruggararnir taka
því fálega og útskýra í löngu máli
að það sé mikil vinna að rækta
bygg á Íslandi. Það myndi aldrei
borga sig. Þess utan þyrfti að verka
byggið rétt svo hægt væri að nota
það við bruggunina. Þeir enda svo
á því að segja að allur bjór á Íslandi
sé bruggaður úr þýsku eða frönsku
malti. Þeir bruggi sjálfir út þýsku
gæða malti.
Úr tugum í hundruð
bjórbruggunin byrjaði eins og fyrr
segir sem algjört áhugamál. „Við
vorum bara með tuttugu lítra fötur
til að byrja með. Þá vorum við með
svona kit-bjór. brugguðum úr eins
konar sýrópi sem maður blandar
við vatn,“ segir bjarki og Óli fitj-
ar upp á nefið. „Hann var ekkert
sérlega góður,“ bætir hann við og
þeir hlæja.
eftir því sem fleiri bættust í
félagsskapinn þurfti að fara að
brugga meira og meira. „Okkur
langaði að bjórinn sem við brugg-
uðum myndi endast á milli brugg-
ana,“ segir Óli. Þá fóru þeir líka
að gera tilraunir með að brugga
úr bygginu sjálfu, í staðinn fyrir að
notast við sýróp. Tankarnir urðu
stærri, búnaðurinn þróaðari, sótt-
hreinsunarreglurnar strangari og
fyrir vikið varð bjórinn betri. „Það
blandast inn í þetta tækjaáhuginn
okkar. Við höfum gaman að því að
smíða dót og svona,“ segir bjarki.
eins og er brugga þeir í 130 lítra
tanki, en þeir hafa verið að stækka
og bæta aðstöðuna enn frekar.
„Nýi gerjunartankurinn er það
fyrsta sem við smíðum ekki sjálfir,“
segir Vífill. Nú er framleiðsluget-
an komin upp í um 550 lítra. „Við
vorum með hámarks framleiðslu-
getu með einungis það sem við
erum að selja hérna,“ segir Óli og
veifar hendinni í kringum sig og á
við Dularfullu búðina. „Þegar nýja
550 lítra kerfið okkar tekur við þá
verður þetta eitthvað meira.“
Þeir hafa engin plön um að gera
bruggunina að fullri vinnu. „Þetta
er algjört áhugamál og alls ekkert
svo mikil vinna í raun og veru,“
segir bjarki. Tölvustýringin sem
þeir smíðuðu í sameiningu sér
til þess að það þarf lítið að vakta
gerjunina. „Það er líka bara til að
tryggja að það séu engar sveiflur í
gerjuninni,“ segir bjarki. Þeir segja
að tölvustýringin létti þeim lífið
það mikið að vinnan við að brugga
sé einungis þrír dagar í mesta lagi,
sem dreifast á þrjár vikur. Vinnan
við stækkunina síðustu vikur hafi
þó verið töluvert meiri og tekið
upp mikinn tíma eftir vinnu. Þeirri
vinnu er þó að mestu lokið núna
og framleiðslugetan hjá Draugr
brugghúsi hefur margfaldast.
Fleiri bjórtegundir
Draugr brugghús hóf sölu á tveim-
ur tegundum af bjór í Dularfullu
búðinni fyrir stuttu. Annar heit-
ir Axlar-björn og hinn Djákninn.
Þeir segjast ætla að halda sig við
draugasögurnar og þjóðsögurnar
í nafngiftinni á bjórnum, enda af
nógu að taka. Nýjasti bjórinn sem
er væntanlegur fær nafnið Katanes-
dýrið, þeim fannst það viðeigandi,
enda sést Katanesvatn frá Kalastöð-
um. Viðtökurnar á Axlar-birni og
Djáknanum komu þeim skemmti-
lega á óvart. „Við önnum varla eft-
irspurninni,“ segir Óli og brosir.
„Við vorum eiginlega ekki alveg
tilbúnir og bjuggumst ekki við að
þetta færi svona hratt,“ bætir bjarki
við. „Það kom okkur skemmtilega
á óvart og við fáum mjög jákvæða
gagnrýni. Meirihlutinn af fólki er
bara ánægður með þetta,“ segir
Vífill. „Uppbyggileg gagnrýni er
góð,“ skýtur Óli inn í.
Framtíðin er óskráð
Áætlanir þeirra eru að halda áfram
að skemmta sér við bruggunina.
Húsnæðið á Kalastöðum býður
upp á frekari stækkun. Þá langar
jafnvel að stækka brugghúsið enn
frekar en þeir hafa líka hugmyndir
um að búa til gestaaðstöðu og taka
á móti ferðamönnum.
Þeir segja dýrmætt að fá tæki-
færi til að prófa að selja bjórinn í
Dularfullu búðinni og hafa frétt af
ólíklegasta fólki sem hefur smakk-
að bjórinn og líkað vel. Þeir eru í
óformlegum viðræðum við stað í
borgarnesi um sölu á bjórnum. Þá
hefur Míkróbar í Reykjavík einn-
ig lýst yfir áhuga á að selja bjórinn
þar. „Þetta er samt bara áhugamál
og þess vegna er ekkert hundrað
í hættunni ef þetta gengur ekki
upp,“ segir bjarki. Þeir félagar
virðast vera sáttir við að halda
brugguninni sem áhugamáli. „Þá
hefur maður frjálsar hendur. Við
getum svolítið gert það sem við
viljum,“ segir Vífill.
klj
„Þetta er áhugamál sem við misstum stjórn á“
Nanóbrugghúsið Draugr á Kalastöðum í Hvalfjarðarsveit stækkað
Óli Heiðar Arngrímsson, Vífill Garðarsson og Bjarki Þór Þorvaldsson standa að baki Draugr Brugghúsi. Hægt er að bragða
bjór frá þeim í Dularfullu Búðinni á Akranesi.
Ingimar Oddsson við bjórdæluna frá Draugr Brugghúsi.
Ljósmyndari fékk að kíkja á bruggun hjá þeim félögum þegar byrjað var að
brugga Katanesdýrið. Það er væntanlegt innan skamms í Dularfullu Búðina á
Akranesi.
Merki brugghússins.