Skessuhorn - 14.02.2018, Qupperneq 26

MIÐVIKUDAGUR 14. FEbRúAR 201826
112 dagurinn var haldinn hátíðlegur í búðardal á mánudaginn,
en dagskráin var færð til um einn dag vegna óhagstæðrar veður-
spár. Að venju hófu björgunaraðilar dagskrána með því að keyra
lest björgunarbíla hringinn í kringum búðardal með viðeigandi
sírenuhljóðum og blikkljósum. Að þessu sinni gátu snjósleðar
björgunarsveitarinnar Óskar fylgt með í för en undanfarin ár
hefur skort snjó til að vegir séu þeim færir.
Dagskrá fór fram í húsi björgunarsveitarinnar þar sem boðið
var upp á tvær gerðir af súpum, sérmerkta 112 köku og rjóma-
bollur í tilefni bolludagsins. Ungir tónlistarmenn í heimabyggð
stigu á stokk og fluttu nokkur lög en það voru þau Jóna Margrét
Guðmundsdóttir, Kristófer Daði Líndal og Soffía Meldal Krist-
jánsdóttir nemendur úr Auðarskóla.
sm
Héldu 112 daginn á mánudag
Lest björgunarbíla á 112 deginum í Búðardal
Ungir Dalamenn að njóta veitinga í boði björgunaraðila í Dölum. Soffía Meldal með tónlistarflutning. Kristóferð Daði spilaði á gítar undir söng Jónu Margrétar.
Það var líf og fjör í matsal Landbún-
aðarháskóla Íslands á Hvanneyri síð-
astliðið fimmtudagskvöld en þar fór
fram í fjórtánda skipti Viskukýrin, ár-
leg spurningakeppni Nemendafélags
LbhÍ. Þar öttu kappi átta lið en þau
voru úr búfræði bæði á fyrsta og öðru
ári, búvísindum, umhverfisskipulagi,
samsett lið náttúru- og umhverf-
isfræða og skógfræða auk liða frá
starfsmönnum LbhÍ, heimamönnum
og Ráðgjafarmiðstöð landbúnaðar-
ins. Spyrill var eins og öll hin þrett-
án skiptin Logi bergmann Eiðsson.
Spurði hann meðal annars um ým-
islegt tengt landbúnaði eins og vin-
sæla ræktunargripi í hrúta- og nauta-
skrám sem og allt annað milli himins
og jarðar. Reyndist það þó miserfitt
fyrir keppendur að svara rétt undir
mikilli pressu og uppskar lið RML til
að mynda mikinn hlátur þegar þeir í
fáti svöruðu að gangtegundir íslenska
hestsins væru sjö en þær eru vissu-
lega fimm. Þá var Eva Margrét Jónu-
dóttir, nemandi í búvísindum, með
skemmtiatriði en hún söng tvö lög.
Í úrslitaviðureigninni kepptu ann-
ar bekkur búfræðideildar og starfs-
menn LbhÍ en að lokum báru starfs-
menn sigur úr býtum eftir spennandi
keppni og hlutu því verðlaunabikar-
inn viskukúna sem Margrét Gísla-
dóttir, framkvæmdastjóri Landssam-
bands kúabænda, afhenti. Viðburð-
urinn var vel sóttur þrátt fyrir mik-
ið vetrarveður enda komin sterk hefð
fyrir þessari keppni bæði hjá nem-
endum og heimamönnum. sla
Starfsmenn báru sigur úr býtum í fjórtándu Viskukúnni
Vinningsliðið í ár skipuðu Ragnar Frank Kristjánsson, Ragnhildur Helga Jónsdóttir
og Eyjólfur Kristinn Örnólfsson, kennarar við LbhÍ.
Það var ekkert til sparað þegar hlaupið var í bjölluspurningunum.
Í anddyri Ásgarðs mátti sjá Willys jeppa af árgerð 1946 með númerið M 231. Bíll-
inn var í eigu Andrésar Kjerúlf frá Akri í Reykholti þar sem hann var notaður í ýmis
landbúnaðarstörf sem og innkaupaferðir í Borgarnes. Í dag er bíllinn í eigu Péturs
Jónssonar, húsvarðar LbhÍ, en hann hefur nýverið gert bílinn upp.
Kálfurinn Viska fjórtánda var á staðnum og fylgdist með að allt færi rétt fram eins
og forverar hennar í gegnum árin. Hún er númer 1935, fæddist 4. febrúar og hefur
búsetu í Hvanneyrarfjósinu.
Áhorfendur fylgjast spenntir með svörum keppenda við hinum ýmsu spurningum,
mögulega með svarið í kollinum sjálfir margir hverjir.
Fréttamaðurinn og
þáttastjórnandinn
Logi Bergmann
Eiðsson var spyrill
að vanda.
Eva Margrét Jónudóttir söng tvö lög
fyrir gesti.