Skessuhorn - 21.02.2018, Blaðsíða 4

MIÐVIKUDAGUR 21. feBRúAR 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Á jaðrinum eða
utan við sporið
Umræðan um kaup og kjör þjóðkjörinna fulltrúa hefur verið fyrirferðar-
mikil á liðnum dögum. einn eða tveir landsbyggðarþingmenn voru ávítt-
ir fyrir að aka mikið í kjördæmi sínu. Sá sem mest ók á kostnað skattborg-
ara þurfti að dúsa í bíl sínum vegna vinnunnar sem nemur 36 ferðum um-
hverfis landið á síðasta ári. Annar er gagnrýndur fyrir að hafa aldrei flutt
úr foreldrahúsum og þegið húsnæðisbætur fyrir búsetu á tveimur stöðum
í aldarþriðjung.
Mín skoðun er sú að kjör þingmanna skuli hverju sinni vera með þeim
hætti að eftirsóknarvert sé fyrir okkar hæfasta fólk að komast á þing. Það
ætti að stuðla að því að úrval þeirra hæfustu setji lögin sem við öll þurfum
svo að fara eftir. Já og stjórnmálamennirnir þurfa Nota Bene sjálfir að
treysta sér til þess og haga sér hverju sinni eins og virðulegustu þegnum
okkar ástkæra lands sæmir. Heildarlaunin þurfa því að vera svo góð að
eftirsóknarvert sé að sækjast eftir kjöri. Laun þingmanna þurfa skilyrð-
islaust að vera uppi á borðum og enginn feluleikur því samhliða eins og
vísbendingar eru nú um. Um kjör þeirra verða að gilda mjög skýrar regl-
ur sem ég í sjálfu sér efast ekki um að séu til. Það er bara spurning hvort
farið sé eftir þeim eða hvort til þess bærar eftirlitsstofnanir eru að beita
sjáandi auga eða því blinda í eftirliti sínu. Þegar öllu er á botninn hvolft
snýst þessi umræða nefnilega um traust og trúverðugleika æðstu ráða-
manna þjóðarinnar.
Það sem gerir málið hins vegar snúið er að kjör þingmanna felast ekki
einvörðungu í strípuðu þingfararkaupi. Hægt er að fá endurgreiddan
aksturskostnað og annan ferðakostnað auk ferðakostnaðar. Sumir þing-
menn fá álag ofan á launin sín vegna formennsku í nefndum, formenn
í stjórnmálaflokkum fá 50% álag og allir varaforsetar þings fá sitt álag.
Ofan á þingfararkaup fá þingmenn landsbyggðarinnar húsnæðis- og dval-
arkostnað til þess að halda heimili á höfuðborgarsvæðinu eða til þess að
reka starfsstöð í eigin kjördæmi. Þessi tvö atriði eru einkum það sem horft
hefur verið til í umfjöllun fjölmiðla að undanförnu. Þingmaður getur auk
þess fengið 40% álag ofan á húsnæðiskostnað fyrir að halda sannanlega
tvö heimili. ef þingmaður heldur ekki annað heimili eða dvalarstað fær
hann endurgreiddan ferðakostnað auk þriðjungs af heimiliskostnaði. Af
þessu má sjá að ekki er allt sem sýnist þegar talað er um þingfararkaup.
Það er einungis grunnur og segir ekkert til um heildarlaun.
Í mínum huga á að greiða góð laun fyrir setu á Alþingi. Kjör þing-
manna verða að vera í námunda við þau hæstu sem greidd eru stjórnend-
um í stærri fyrirtækjum. en sé sú viðmiðun notuð vandast málin vissu-
lega, þar sem frést hefur um laun af því kaliberi að menn beri jafnvel ein
eða tvenn árslaun verkamanns úr býtum fyrir unninn mánuð. Þar með er
samanburður á kjörum þingmanna við forsvarmenn stærstu fyrirtækjanna
óhugsandi. Þá er önnur reikniregla sem mætti hæglega grípa til. Það er
sú að heildarlaun þingmanna geti aldrei orðið meiri en t.d. fjórföld laun
þeirra sem minnst hafa, t.d. öryrkja eða eldri borgara. Gefum okkur að sú
tala sé um 300 þúsund krónur, þá yrðu heildarlaun þingmanns 1200 þús-
und krónur á mánuði að hámarki. Ég held að allir ættu að geta sæst á slíka
upphæð. flestir ef ekki allir sem ég þekki og tel að gætu átt erindi á þing
myndu sætta sig við slík kjör.
Nú velta menn því fyrir sér af hverju traust til löggjafarsamkomunnar
er ekki meira en örfá prósent. Ég óttast að svarið liggi í því að menn eru
sífellt að gleyma því að þeir eru þjónar okkar og við ekki þrælar þeirra. Ég
vil geta treyst þessu fólki og geri raunar kröfu um það.
Magnús Magnússon
Leiðari
Rósa Gréta Ívarsdóttir hefur verið
ráðin forstöðukona Markaðsstofu
Vesturlands en forveri hennar,
Kristján Guðmundsson, hefur ver-
ið ráðinn markaðsstjóri ferðaþjón-
ustunnar Húsafelli. Rósa Gréta var
valin úr hópi 30 umsækjenda og
kemur hún til starfa 1. apríl. Vest-
urland er henni vel kunnugt en hún
ólst upp í Borgarnesi, Búðardal,
Varmalandi og á Kleppjárnsreykj-
um en er nú búsett í Reykjavík.
„Ég er viðskiptafræðingur að
mennt og er í MPM-námi í verk-
efnastjórnun við Háskólann í
Reykjavík. Ég hef unnið í ferða-
þjónustu frá 2010 og þegar ég sá
þetta starf auglýst kitlaði það mig
mikið því ég ber taugar til lands-
hlutans og vil halda áfram með það
góða starf sem Markaðsstofan vinn-
ur og styrkja það enn frekar. Nú
þegar mikil uppbygging er í gangi
á svæðinu er mikilvægt að halda vel
á spöðunum og styrkja þá sérstöðu
sem Vesturlandið hefur sem eftir-
sóttur áfangastaður,“ segir Rósa
Gréta og bætir því við að það komi
vel til greina að flytja í Borgarnes
aftur eftir að hún tekur við starf-
inu. „Ég hlakka til að taka þátt í að
efla ferðaþjónustu á Vesturlandi og
styrkja ímynd Vesturlands. Lands-
hlutinn hefur upp á svo margt að
bjóða.“
Rósa Gréta starfaði áður í sölu-
deild Centerhotels í eitt og hálft ár
og svo í tvö ár hjá Reykjavik excur-
sions en hefur undanfarin fjögur ár
starfað sem ferðahönnuður hjá Ice-
land encounter. „Mér hefur allt-
af þótt gaman að skipuleggja ferð-
ir um Vesturland og Vestfirði og
þekki þau svæði mjög vel. Þar fær
náttúran að njóta sín og ferðamenn
geta upplifað Ísland í kyrrð og ró.
Hjartað mitt slær alltaf hraðar þeg-
ar ég keyri um Vesturlandið, það er
heima fyrir mér,“ segir Rósa Gréta.
arg
Rósa Gréta Ívarsdóttir ný forstöðu-
kona Markaðsstofu Vesturlands
Rósa Gréta Ívarsdóttir tekur við starfi forstöðukonu Markaðsstofu Vesturlands
1. apríl næstkomandi.
félagsdómur kvað 13. nóvem-
ber 2017 upp dóm í máli sem Al-
þýðusamband Íslands höfðaði fyr-
ir hönd Sjómannasambands Ís-
lands og Verkalýðsfélags Snæfell-
inga gegn Samtökum atvinnu-
lífsins og Samtökum fyrirtækja
í sjávarútvegi vegna útgerðar-
félagsins Steinunnar hf., sem ger-
ir út samnefnt skip. fyrir dómn-
um krafðist stefnandi þess að við-
urkennt yrði að Steinunn hf. hafi
brotið gegn ákvæðum kjarasamn-
ings með því að hafa látið Stein-
unni SH í tvígang í janúar 2017
sigla til veiða en verkfall sjómanna
hófst 14. desember 2016 og stóð
þá enn. Mál þetta vakti á sínum
tíma mikla athygli fjölmiðla. út-
gerð skipsins er eins og kunnugt
er fjölskyldufyrirtæki og þar sem
eigendur skipsins voru jafnframt
stór hluti munstraðrar áhafnar,
þegar meint verkfallsbrot áttu að
hafa átt sér stað, taldi útgerðin
sig mega sigla þrátt fyrir að verk-
fall stæði enn yfir. Í fyrrgreindum
tveimur túrum skipsins sem farn-
ir voru 9. og 10. janúar 2017 voru
hins vegar ekki allir í áhöfn sem
tengdust eigendahópi útgerð-
arinnar og byggði félagsdómur
niðurstöðu sína á því.
Í dómsorðum þriggja af fimm
dómurum félagsdóms segir m.a.
að óumdeilt hafi verið að Stein-
unn hf. hafi brotið gegn ákvæði
greinar 1.14 í kjarasamningi LÍU
og SA annars vegar og hins veg-
ar Sjómannasambands Íslands
vegna aðildarfélaga þess. Var út-
gerð Steinunnar SH dæmd til að
greiða stefnanda sekt að fjárhæð
1.068.164 auk dráttarvaxta, en
auk þess ASÍ vegna Sjómannasam-
bands Íslands og Verkaðlýðsfélags
Snæfellinga 500 þúsund krónur í
málskostnað. Tveir dómarar skil-
uðu sérákvæði. Þeir voru efnislega
sammála meirihluta dómsins utan
þess að þeir töldu ekki að greiðsla
dráttarvexta vegna dómkröfunnar
rúmaðist innan ákvæða þess kjara-
samnings sem dæmt var eftir.
Óskildir sendir í land
Í frétt Skessuhorns frá í janúar
2017 kom fram að við lok síðari
túrs skipsins sem deilt var um, hafi
hitnað lítið eitt í kolunum í sam-
skiptum sjómanna og útgerðar-
manna í Snæfellsbæ á kajanum í
Ólafsvík. Steinunni SH hafði ver-
ið róið frá Ólafsvík þá um morg-
uninn. Um kvöldið þegar báturinn
kom að landi tók fjöldi sjómanna
á móti honum. eggert Bjarna-
son sjómaður færði áhöfn Stein-
unnar SH blómvönd fyrir hönd
sjómanna í Snæfellsbæ og „þakk-
aði þeim fyrir samstöðuna í miðri
kjaradeilu sjómanna,“ eins og
hann orðaði það. Lét hann þess
jafnframt getið að hann vonaðist
til að áhöfnin á Steinunni kæmi til
með að njóta þeirra kjarabóta sem
sjómenn eru nú að berjast fyrir.
úr deilunni leystist með þeim
hætti að fjarskyldir réru ekki með
bátnum þegar haldið var næst til
veiða jafnvel þótt verkfalli stæði
enn. Vilhjálmur Birgisson, for-
maður VLfA, var samninga-
nefndarmaður í kjaradeilunni við
SfS. Hann sagði að útgerðin hafi
brugðist við og þrír úr áhöfninni
verið settir í land. Þeir sem eftir
voru ættu allir þátt í útgerð Stein-
unnar og teldist því ekki verkfalls-
brot að báturinn sigli með þeim í
áhöfn. „útgerðin var með því að
viðurkenna fyrir okkur að þessi
róður á þriðjudaginn hafi ver-
ið verkfallsbrot, þegar fjarskyld-
ir voru teknir með í áhöfn skips-
ins. Það mál fékk því farsæla lend-
ingu og steytir ekki á því í viðræð-
um um lausn sjómannadeilunnar,“
sagði Vilhjálmur Birgisson í sam-
tali við Skessuhorn í janúar 2017.
mm
Útgerð dæmd í fjársekt
vegna verkfallsbrots
Áhöfn Steinunnar færð blóm við komuna til hafnar 10. janúar 2017.
Ljósm. úr safni/af.