Skessuhorn - 21.02.2018, Blaðsíða 10
MIÐVIKUDAGUR 21. feBRúAR 201810
fyrirtækið Ísfiskur hf. hóf á föstu-
daginn fiskvinnslu á Akranesi. fyr-
irtækið keypti sem kunnugt er bol-
fiskvinnsluhús HB Granda síðast-
liðið haust, auk þess sem hluti fisk-
vinnslubúnaðar fylgdi með í kaup-
unum. Albert Svavarsson, fram-
kvæmdastjóri Ísfisks, var að vonum
ánægður með að vinnsla væri hæfin
á Akranesi. „Það er mjög ánægju-
legt. Ég hitti allt fólkið sem var
að byrja að vinna hjá okkur í gær-
morgun. Það hefur verið gríðar-
lega vel tekið á móti okkur hér á
Akranesi og fólkið sem er að koma
í vinnu hjá okkur er áhugasamt. Ég
er þakklátur fyrir það hve marg-
ir sóttu um og sýndu því áhuga að
standa í þessu með okkur,“ segir
Albert í samtali við Skessuhorn síð-
astliðinn föstudag. „ein kona sem
vinnur hér í húsinu og er búin að
gera lengi sagði að þetta hefði verið
skemmtilegasti dagur lífs síns, þeg-
ar við byrjuðum að vinna í morgun.
Það fannst mér mjög skemmtilegt
að heyra,“ bætti hann við.
Stefna á sex þúsund
tonn á ári
Starfsmenn Ísfisks á Akranesi sem
hófu störf á föstudaginn eru 24. Al-
bert segir stefnt að því að ráða fleiri
í vinnu á næstunni. „Stefnan er að
bæta við fjórum til átta. Til að byrja
með verðum við hér með einfalda
línu og á bilinu 25 til 30 manns í
vinnu. Allir sem eru að vinna hérna
núna eru héðan og viðbótin verð-
ur sjálfsagt líka bara fólk héðan,“
segir hann. „Síðan stefnum við á
að flytja alla okkar starfsemi upp á
Akranes. Upphaflega ætluðum við
nú að flytja um áramótin síðustu en
frestuðum því fram á sumar. Það er
reyndar ekki víst að það gangi eftir
og því getur vel verið að við verð-
um áfram á báðum stöðunum. Þá
erum við að skoða möguleika á því
að setja upp laxalínu hér og styrkja
þessa vinnslu og mögulega bæta
við fleira fólki. Það verður þó ekki
skoðað fyrr en eftir sumarið,“ seg-
ir hann.
Til lengri tíma litið er markmið
fyrirtækisins síðan að flytja starf-
semi sína alfarið upp á Skaga og
vinna þar bolfisk sem keyptur er á
markaði. „Áform okkar eru að hafa
hérna um og yfir 60 starfsmenn
við að vinna fisk. Markmiðið er
að vinna um fjögur þúsund tonn á
þessu ári, fimm þúsund á næsta ári
og sex þúsund á þarnæsta. Það er
stærðin sem við stefnum á til fram-
tíðar, sex þúsund tonna vinnsla og
60 manns í vinnu,“ segir Albert að
endingu. kgk
Sigurður Ingi Jóhannsson, ráð-
herra sveitarstjórnarmála, ætl-
ar í næsta mánuði að leggja fram
frumvarp um breytingar á lög-
um um lögheimili og aðsetur. Þar
verður gert ráð fyrir að hjónum
verði heimilt að eiga sitt hvort
lögheimilið og einnig að Þjóðskrá
Íslands skuli senda tilkynningu til
þinglýsts eiganda fasteignar um þá
sem skrá lögheimili sitt í fasteign
í hans eigu. „Síðastliðna áratugi
hefur verið nægjanlegt að tilkynna
nýtt lögheimili án þess að eig-
andi sé endilega upplýstur um að
nýr aðili hafi bæst við á heimilið.
einnig er orðið algengara að hjón
þurfi vinnu sinna vegna að vera í
fjarbúð og eiga fleiri en eitt heimili
af þeim sökum,“ skrifar ráðherra í
færslu á facebook síðu sinni.
mm
Hraundís Guðmundsdóttir ilmol-
íufræðingur og Ragnar Sverrisson
sjálfboðaliði hyggjast nú sameina
krafta sína og fara til Kenía í þeim
tilgangi að kenna heimamönnum að
búa til ilmkjarnaolíur. Af því tilefni
hafa þau efnt til söfnunar inni á Kar-
olina fund. „Markmið okkar með að
sækja um fjármagn til einstaklinga er
að kynna og kenna fólki í Kenía að
búa til ilmkjarnaolíur sem það get-
ur síðan notað til lækninga og einn-
ig til sölu. Okkur langar að stuðla að
sjálfbærni og nýtingu auðlinda til at-
vinnusköpunar í Kenía,“ segir á söfn-
unarsíðu þeirra.
Hraundís er búsett á Rauðsgili
í Borgarfirði þar sem hún hefur
framleitt ilmkjarnaolíur undir vöru-
merkinu Hraundís frá 2014. Hraun-
dís er menntaður skógfræðingur
og vinnur ilkjarnaolíur aðallega úr
skógartrjám. Ragnar hefur starfað
með Húmanistahreyfingunni frá því
snemma á níund áratugnum bæði
hér á Íslandi og á alþjóðavettvangi.
eins og fram kemur á söfnunarsíðu
þeirra hefur hann mikið unnið við
hjálparstarf í Kenía þar sem áhersla
er lögð á að hjálpa fólki að hjálpa sér
sjálft og er það einmitt það sem þau
Hraundís og Ragnar hafa í huga.
Þau ætla að kenna fólki að nýta nátt-
úruna til að skapa sér störf við fram-
leiðslu á ilmkjarnaolíum.
fyrir þá sem vilja leggja málefn-
inu lið er hægt að finna allar upp-
lýsingar inni á Karolina fund und-
ir Ilmkjarnaolíu framleiðsla í Kenía,
https://www.karolinafund.com/
project/view/1964. arg
Vilja kenna fólki í Kenía
að búa til ilmkjarnaolíur
Hraundís Guðmundsdóttir og Ragnar Sverrisson vilja kenna fólki í Kenía að fram-
leiða ilmkjarnaolíur. Ljósm. Fengin af söfnunarsíðu á Karolina Fund.
Hjónum verði heimilt að
eiga sitthvort lögheimilið
Fiskvinnsla Ísfisks er hafin á Akranesi
Ísfisksmenn ásamt hluta gesta sem heimsóttu vinnsluna fyrsta daginn. F.v. Vilhjálmur Birgisson, formaður Verkalýðsfélags
Akraness, Sævar bæjarstjóri, Lilja Rafney Magnúsdóttir, þingmaður NV-kjördæmis og formaður atvinnuveganefndar, Albert,
Birgir og Ingibjörg Pálmadóttir, bæjarfulltrúi á Akranesi.
Ýsa á leið inn á vinnslulínu Ísfisks fyrsta vinnsludaginn á Akranesi.
Albert Svavarsson, framkvæmdastjóri
Ísfisks, tekur við blómvendi frá Arion
banka sem Sverrir Örn Sverrisson
afhenti.
Sævar Freyr Þráinsson, bæjarstjóri
á Akranesi, færði Ísfiski blómvönd
í tilefni dagsins. Birgir Kristinsson,
stjórnarformaður fyrirtækisins, veitti
vendinum viðtöku.
Til að byrja með verður Ísfiskur með einfalda línu og 25 til 30 manns í vinnu. Ýsunni pakkað.