Skessuhorn - 21.02.2018, Blaðsíða 26
MIÐVIKUDAGUR 21. feBRúAR 201826
MT: Stefán Gísli með verðlauna-
gripinn síðastliðinn sunnudag.
Klukkan hvað ferð þú
venjulega að sofa á kvöldin?
Spurni g
vikunnar
(Spurt í Borgarnesi)
Þóra Þorgeirsdóttir
Um klukkan ellefu.
Ingibjörg Magnúsdóttir
Á milli hálf ellefu og hálf tólf
Anna Margrét Eyþórsdóttir
Á milli ellefu og tólf
Fjóla Benediktsdóttir
Það er misjafnt, svona um eða
upp úr miðnætti.
Þórunn Anna Arnbjörnsdóttir
Um miðnætti, eða bara eftir því
hvenær barnið sofnar
Valdís Þóra Jónsdóttir, atvinnu-
kylfingur úr Golfklúbbnum Leyni,
hafnaði í 57. sæti á ISPS mótinu
í Ástralíu sem lauk á sunnudags-
morgni að íslenskum tíma. Mót-
ið var hluti af LPGA mótaröðinni,
sterkustu mótaröð í heimi.
Valdís byrjaði vel í mótinu, lék
fyrstu tvo hringina á pari og komst
auðveldlega í gegnum niðurskurð-
inn. Þriðja hringinn lék hún á 74
höggum, tveimur yfir pari og síð-
asta hringinn á jafn mörgum. Sam-
tals lék hún því á fjórum yfir pari í
mótinu og lauk leik jöfn nokkrum
öðrum í 57. sæti.
kgk/ Ljósm. úr safni.
Valdís Þóra hafnaði
í 57. sæti í Ástralíu
Öðru móti á Íslands-
meistarmótaröðinni í
klifri lauk í Klifurhús-
inu á sunnudaginn með
keppni eldri flokka,
16-19 ára og 20+. Kepp-
endur frá ÍA stóðu sig
með prýði á mótinu og
í 16-19 ára flokki sigr-
aði Brimrún eir Óðins-
dóttir og var þetta ann-
ar sigur hennar á jafn-
mörgum mótum. úlf-
heiður embla Ásgeirs-
dóttir hafnaði í þriðja
sæti og var þetta henn-
ar fyrsta keppni í grjót-
glímu. fyrr um helgina
höfðu þau Sylvía Þórð-
ardóttir og Hjalti Rafn
Kristjánsson komist
á verðlaunapall með
bronsverðalaun í flokki
11-12 ára. Um tuttugu
ÍA klifrarar á aldrin-
um 6-19 ára tóku þátt
um helgina og greini-
lega mikill meðbyr með
klifri á Skaganum þessa
dagana.
Síðasta mótið sem gildir til Ís-
landsmeistaratitils verður haldið
eftir tvær vikur í Klifurhúsinu og
standa ÍA klifrarar því vel að vígi
fyrir það. mm/þs
Brimrún Eir með gull í klifri
Brimrún Eir, Þórður Sævarsson þjálfari og Úlfheiður
Embla. Ljósm. Kristín Frímannsdóttir.
Um þessar mundir stendur yfir
endurskoðun íþrótta- og tóm-
stundastefnu Borgarbyggðar og af
því tilefni var haldinn opinn sam-
ráðsfundur um málið síðastliðið
þriðjudagskvöld. Þar gafst íbúum
í Borgarbyggð kostur á að koma
á framfæri sínum hugmyndum.
Nýlega var stofnaður stýrihópur
um endurskoðun á stefnu Borgar-
byggðar í íþrótta- og tómstunda-
málum sem Lilja Björg Ágústs-
dóttir, varaformaður fræðslu-
nefndar, leiðir. „Hlutverk hóps-
ins er að endurskoða og setja nýja
stefnu í íþrótta- og tómstunda-
málum í sveitarfélaginu. einn-
ig verður farið ofan í saumana á
þjónustusamningi sem er í gildi á
milli sveitarfélagsins og UMSB,“
segir Lilja Björg í samtali við
Skessuhorn.
Samráðsfundurinn var vel sótt-
ur, en á milli 50 og 60 manns
mættu og að sögn Lilju voru þátt-
takendur vel stemmdir og tilbúnir
að leggja sitt af mörkum. „fund-
urinn var með svipuðu sniði og
þjóðfundur, þar sem fyrst var
fluttur stuttur fyrirlestur með
Jakobi frímanni Þorsteinssyni,
aðjúnk í tómstunda- og félags-
málafræði við Háskóla Íslands,
og því næst skipti fólk sér á milli
borða þar sem hver hópur svar-
aði fáeinum lykilspurningum um
framtíðarfyrirkomulag íþrótta og
tómstunda í sveitarfélaginu. Svör-
in verða svo notuð við gerð nýrr-
ar stefnu. Það er greinilegt eftir
fundinn að íbúar í Borgarbyggð
láta sig málefnið varða og hafa al-
mennt mikinn áhuga á að taka þátt
í að bæta umhverfi og aðstöðu til
iðkunar íþrótta og tómstunda í
sveitarfélaginu og er það mjög
ánægjulegt,“ segir Lilja Björg.
Næst er komið
að unglingum
Borgarbyggð hefur verið í náinni
samvinnu við UMSB frá árinu
2013 en þá var áðurnefndur samn-
ingur undirritaður með það m.a.
að markmiði að efla íþróttastarf í
sveitarfélaginu með megináherslu
á starf barna og unglinga. „Svona
samningur á milli sveitarfélags og
ungmennasambands er í raun fyr-
irkomulag sem er nýtt af nálinni
og því um ákveðna nýsköpun að
ræða. Grunnhugmyndin er sú að
sveitarfélagið framselur ákveð-
in verkefni til UMSB og aðild-
arfélaga, sem veita fagmennsku,
þekkingu og yfirsýn. Með þess-
um hætti er ákvörðunarvald um
skipulag fært nær félagsmönnum
hreyfinganna sem opnar mögu-
leika til að auka fjölbreytni í tóm-
stundum og íþróttum í þetta dreif-
býlu sveitarfélagi. Núna er komin
reynsla á framkvæmd samningsins
og í ljós hafa komið nokkur horn
sem þarf að pússa af en á heildina
litið hefur flest gengið mjög vel,“
segir Lilja Björg.
Næst á dagskrá hjá stýrihópnum
er að halda samskonar fundi með
unglingadeildum í Grunnskólan-
um í Borgarnesi og Grunnskóla
Borgarfjarðar áður en endanleg
stefna verður formlega mótuð.
„Það er mikilvægt að raddir ung-
linganna heyrast líka. Við viljum
vita hvað þeim finnst um íþrótta-
og tómstundastarfið eins og það
er núna og hvað þau myndu vilja
sjá öðruvísi. Við munum taka
þeirra hugmyndir og þá punkta
sem fram komu á íbúafundinum
og nýta til að móta nýja og betri
stefnu sem verður vonandi tilbúin
í apríl,“ segir Lilja Björg að end-
ingu.
arg/ Ljósm. aðsend
Vel mætt á fund um íþróttir og
tómstundir í Borgarbyggð
Vel var mætt á fund um íþróttir og tómstundir í Borgarbyggð. Fundagestir skiptu sér niður í hópa og svöruðu fáeinum lykilspurningum fram-
tíðarfyrirkomulag íþrótta og tómstunda í sveitarfélaginu.