Skessuhorn - 14.03.2018, Blaðsíða 12

MIÐVIKUDAGUR 14. MARS 201812
Sveitarstjórnar Reykhólahrepps
tók á fundi sínum síðastliðinn
fimmtudag afstöðu til breytinga
á aðalskipulagi Reykhólahrepps
2006 – 2018 vegna vegagerðar um
Vestfjarðaveg nr. 60. Sveitarstjórn
þurfti að taka ákvörðun um leið-
arval í aðalskipulagstillögu. Sam-
þykkt var með fjórum atkvæð-
um gegn einu að setja veglínu um
Teigsskóg inn á aðalskipulag sveit-
arfélagsins. Þá var samhliða hafn-
að þeim valkosti að gera jarðgöng
undir Hjallaháls samhliða nýjum
vegi um Ódrjúgsháls.
Í bókun sveitarstjórnar segir:
„Sveitarfélagið hefur við vandlega
skoðun ákveðið að velja leið Þ-H
inn á tillögu að breytingu á aðal-
skipulagi sveitarfélagsins. Leitað
hefur verið leiða til að draga úr eða
koma í veg fyrir neikvæð umhverf-
isáhrif leiðar Þ-H, kannað ítarlega
hvort unnt sé að draga úr kostnaði
við leið D2 og auka umferðarör-
yggi þeirrar leiðar til að hún verði
a.m.k. sambærileg og leið Þ-H
og skoðað mismunandi útfærslur
valkosta. Aflað hefur verið nýrra
gagna til að draga úr óvissu um
áhrif á umhverfið og upplýsa bet-
ur um samfélagsáhrif tímasetninga
samgöngubóta. Jafnframt hefur
verið litið til þeirra athugasemda,
umsagna og ábendinga sem komu
fram á kynningartíma vinnslutil-
lögu aðalskipulagsbreytingarinn-
ar,“ segir í umsögn sveitarstjórnar.
Samþykkt var, eins og áður segir,
með fjórum atkvæðum í sveitar-
stjórn að fara að tillögu um leið
Þ-H.
„Reykhólahreppur telur ljóst að
leið Þ-H hafi umfangsmeiri nei-
kvæð umhverfisáhrif í för með sér
en leið D2. Hins vegar hafi hún
jákvæðari samfélagsáhrif og bætir
samgöngur og eykur umferðarör-
yggi meira en leið D2. Þá er veru-
legur munur á kostnaði þessara
framkvæmdakosta, sem er slíkur
að hann er líklegur til að hafa af-
gerandi áhrif á tímasetningar sam-
göngubóta. Sveitarfélagið telur
brýna þörf fyrir samgöngubætur,
sem felst í auknu umferðaröryggi,
aukinni greiðfærni og styttingu
leiða. Sú þörf taki til mun fleiri
hagsmuna en Reykhólahrepps ein-
göngu, þar sem hagsmunir ná til
allra Vestfjarða. Óásættanleg bið
hefur verið á samgöngubótum.
Upplýsingar frá yfirvöldum um
að leið D2, sem hefur minni um-
hverfisáhrif í för með sér, geti orð-
ið til þess að seinka framkvæmdum
enn frekar, geri það að verkum að
Reykhólahreppur telur að hags-
munir samfélagsins vegna bættra
samgangna séu meiri en þau nei-
kvæðu umhverfisáhrif sem þau
hafi í för með sér. Að teknu til-
liti til samfélagsáhrifa, umhverf-
isáhrifa, samgöngubóta, tímasetn-
inga, mótvægisaðgerða og vöktun-
ar leggur sveitarfélagið til að setja
leið Þ-H í aðalskipulag sveitar-
félagsins með ákveðnum skilmál-
um. Við samanburð valkosta um
veglínu Vestfjarðavegar í Reyk-
hólahreppi hefur sveitarstjórn litið
til fyrirliggjandi gagna, markmiða
og efnisgreina náttúruverndarlaga,
ítarlegri rannsókna á botndýralíf,
straum- og rofi, fiskungviði, sam-
félagsáhrifum, viðbragða Vega-
gerðarinnar við spurningum sveit-
arfélagsins og umsagna og ábend-
inga hagsmunaaðila, landeiganda
og annarra við aðalskipulagsgögn.
Reykhólahreppur mun leggja fram
ítarlega skilmála í tillögu að að-
alskipulagi til að tryggja að um-
hverfisáhrifin verði ekki meiri en
nauðsyn er.“
Þá segir að brýn þörf sé á veru-
legum samgöngubótum í sveitar-
félaginu, sem og í samhengi við
aðrar nauðsynlegar samgöngu-
bætur á sunnanverðum Vestfjörð-
um. „Báðar leiðir til skoðunar
koma til með að bæta núverandi
ástand. Þær eru hins vegar ólíkar.
Leið Þ-H kostar 6 ma.kr. minna,
en hefur talsvert meiri umhverf-
isáhrif í för með sér. Beðið hef-
ur verið eftir samgöngubótum í
a.m.k. 15 ár og þörfin orðin veru-
lega brýn að ekki verði unað við
lengri bið. Loks eru jákvæð teikn
um byggðaþróun og atvinnuþró-
un í landsfjórðungnum, sem mik-
ilvægt er að nýta og styðja við.
Því þarf að mati Reykhólahrepps
að ráðast strax eða sem allra fyrst
í samgöngubætur til að auka um-
ferðaröryggi, greiðfærni og stytta
leiðir,“ segir í ályktun sveitar-
stjórnar.
mm
Sveitarstjórn samþykkti að taka Teigsskóg inn á aðalskipulag
Hjallaháls mun leggjast af sem þjóðleið þegar kemur til vegalagninar um Teigsskóg. Ljósm. Vegagerðin.
Lögreglan á Vesturlandi tók í lið-
inni viku í gagnið nýja ómerkta
bifreið. Bifreiðin er búin hraða-
myndavél og er þetta önnur slík á
landinu með sambærilegum bún-
aði. Hin er á höfuðborgarsvæðinu.
„Þetta er gríðarlega góð viðbót
fyrir okkur en við erum eina emb-
ættið á landsbyggðinni með svona
búnað,“ segir Ólafur Guðmunds-
son lögregluþjónn í samtali við
Skessuhorn. „Flestar hefðbundn-
ar lögreglubifreiðarnar eru bún-
ar ratsjá sem mælir hraða þeirra
bíla sem við mætum eða keyr-
um á eftir. Ef við mælum bíl á of
miklum hraða þurfum við að gefa
merki um að stöðva bílinn, hafa af-
skipti af ökumanninum og sekta.
Með nýja búnaðinum þarf ekki
að stöðva ökumenn eða hafa nein
bein afskipti af þeim á staðnum.
Við leggjum bílnum þar sem við
ætlum að mæla hraða og skráum
viðeigandi stillingar fyrir mynda-
vélabúnaðinn í sérstöku stjórn-
borði. Vélin sér svo um að mæla
hraða allra bíla sem ekið er framhjá
og myndavélin tekur mynd af þeim
bílum sem of hratt er ekið. Eigandi
bílsins fær svo senda sekt heim til
sín,“ segir Ólafur.
Með nýja búnaðinum segist
Ólafur binda vonir við að hægt
verði að lækka umferðarhraða og
fækka umferðarslysum. „Að fækka
umferðarslysum er náttúrulega
það sem skiptir mestu máli. Við
höfum ekki í huga að leggja bíln-
um á þeim stöðum sem við vit-
um að sektirnar myndu streyma
inn. Hugsunin er að mæla á þeim
svæðum sem slysahættan er mest í
þeirri von að vekja ökumenn að-
eins til umhugsunar og hægja á
þeim,“ segir Ólafur. „Við eigum
enn eftir að kortleggja umdæmið
og finna út hvar við munum helst
mæla,“ bætir hann við.
Ólafur segir bílinn einnig geta
nýst til að afla upplýsinga fyr-
ir sveitarfélögin og Vegagerðina.
„Með nýja búnaðinum getum við
meðal annars fundið út meðal-
hraða allra ökutækja þar sem við
mælum og brotahlutfall og eru
það upplýsingar sem gætu nýst
Vegagerðinni og sveitarfélögum til
dæmis varðandi hvar sé þörf á að
hægja á umferð, til dæmis með úr-
bótum á umferðamannvirkjum og
slíku,“ segir Ólafur. „Á næstunni
má fólk alveg gera ráð fyrir að við
verðum að mæla víða í umdæminu
og vonum að sjálfsögðu að fólk aki
um á löglegum hraða. Við erum
dugleg að setja inn upplýsingar á
Facebooksíðu embættisins og hvet
ég alla til að fylgjast með þar,“
bætir hann við.
arg
Myndavélabúnaður í bifreið sem lögreglan á Vesturlandi hefur nýlega tekið í notkun. Ljósm. LVL.
Ný lögreglubifreið búin hraðamyndavél
Ólafur Guðmundsson, lögregluþjónn
hjá Lögreglunni á Vesturlandi.