Skessuhorn - 14.03.2018, Blaðsíða 25
MIÐVIKUDAGUR 14. MARS 2018 25
Íslenskur byggingariðnaður, skipulagsmál og mannvirkjagerð
var þema sýningarinnar Verk og vit sem haldin var í Laugar-
dalshöll í Reykjavík í síðustu viku. Þar sýndu um 120 fyrirtæki
og stofnanir hvað þau hafa upp á að bjóða í ýmsu sem tengist
mannvirkjagerð, tækjabúnaði, byggingalausnum og svo fram-
vegis. Sýningin var fyrst og fremst fagsýning og ekki síst hugs-
uð til að styrkja tengslanet í röðum sýnenda og viðskiptavina
þeirra. Þannig var sýningin mest kynnt inn á við þannig að
sýnendur buðu til sín völdum viðskiptavinum. Ljósmyndarar
frá Skessuhorni brugðu sér í höllina á laugardaginn og voru
meðfylgjandi myndir teknar við það tækifæri.
mm/ Ljósm. ki og mm.
Sýningin Verk og vit var haldin í Laugardalshöllinni
Horft yfir sýningarsvæðið. Element sýndi húslausnir úr timbri.
Svarmi kynnti það nýjasta í mynda- og stafrænni
tækni.
Nú er spurning hvort einn svona Benz pickup komi á Mýrarnar
innan tíðar, í það minnsta sest hér Unnsteinn Jóhannsson undir
stýri og mátar.
Bás Límtrés Vírnets fékk viðurkenningu fyrir að
vera stílhreinn og einfaldur, en hann var allur
gerður úr byggingarefni frá fyrirtækinu. Hér er
Kjartan Jónasson að ræða við einn gest í básnum.
Svandís Guðbjörg Karlsdóttir með mánðargamla dóttur sína á
sýningunni.
Reynir Magnússon kynnti lausnir í húsbyggingum frá Loftorku
Borgarnesi.
Kúluhús þetta sýndi Tækniskólinn og vakti það
mikla athygli enda gefur það ýmsa möguleika
varðandi klæðningarefni og notkun.
Metabo handverkfæri frá Fossberg í hundraðavís.
Vinnutæki af ýmsum toga voru til sýnis, meðal annars þetta Plaris
hjól.
Svipmynd úr sýningarbás BM Vallár.
Þeir brugðu sér bæjarleið athafnamenn úr
Borgarfirði. F.v. Gunnar Konráðsson, Andrés
Eyjólfsson og Einar Steinþór Traustason.