Skessuhorn - 14.03.2018, Blaðsíða 26
MIÐVIKUDAGUR 14. MARS 201826
Liðsmenn Skallagríms hófu deildar-
meistarabikar 1. deildar karla á loft
að loknum leik liðsins gegn Vestra
í Borgarnesi síðastliðið föstudags-
kvöld. Deildarmeistaratitlinum
fylgir farseðill í Domino‘s deildina,
deild þeirra bestu. Þar munu Skalla-
grímsmenn leika að nýju næsta vet-
ur.
Eins og vænta mátti fjölmenntu
Borgnesingar á völlinn á föstu-
dag. Fullt var út úr dyrum og mikil
stemning á pöllunum á þegar Skalla-
grímur sigraði Vestra og ætlaði allt
um koll að keyra að leik loknum
þegar bikarinn fór á loft.
Sýndu mátt sinn
og megin
En áður en Skallagrímsmenn gátu
tekið við bikarnum þurfti að spila
leikinn. Á meðan beið gripurinn
utan vallar fyrir allra augum, í einu
horni íþróttahússins.
Leikurinn fór fjörlega af stað og
bæði lið voru ákveðin í upphafi,
pressuðu hátt upp á völlinn og létu
finna fyrir sér. Vestramenn voru
ívið sterkari í upphafsfjórðungnum
og leiddu að honum loknum með
þremur stigum, 21-24. Skallagríms-
menn mættu gríðarlega ákveðnir
til annars leikhluta. Þeir náðu 16-2
kafla og skyndilega voru þeir komn-
ir í 37-26. En það er mikil seigla í
liði Vestra sem minnkaði muninn í
tvö stig seint í leikhlutanum. Skalla-
grímur átti síðasta orðið í hálfleikn-
um og leiddi 51-44 í hléinu.
Í síðari hálfleik herti Skallagrímur
tök sín á leiknum og smám saman
sigu Borgnesingar lengra og lengra
fram úr. Að loknum þriðja leikhluta
höfðu þeir 15 stiga forystu, 86-71
og enn bættu þeir við í lokafjórð-
ungnum. Mikil stemning einkenndi
leik liðsins síðustu mínúturnar og
að lokum fór svo að Skallagrímur
vann stórsigur, 115-93.
Frábær Flake
Aaron Parks skoraði 20 stig fyrir
Skallagrím, tók sex fráköst og gaf
15 stoðsendingar. Kristófer Gísla-
son skoraði 20 stig einnig og tók sjö
fráköst. Eyjólfur Ásberg Halldórs-
son var með 16 stig, fimm fráköst
og níu stoðsendingar. Reynslubolt-
inn Darrell Flake átti frábæran dag,
einkum varnarlega. Hann skoraði
15 stig en tók níu fráköst, stal bolt-
anum þrisvar og varði hvorki fleiri
né færri en sex skot. Davíð Guð-
mundsson skoraði tíu stig en aðr-
ir leikmenn Skallagríms náðu ekki
tveggja stafa tölu á stigatöflunni.
Nebosja Knazevic var atkvæða-
mestur í liði Vestra með 27 stig,
níu fráköst og ellefu stoðsendingar.
Ingimar Aron Baldursson skoraði
20 stig, Ágúst Angantýsson 13 og
Björn Ásgeir Ásgeirsson tólf.
Skallagrímur lýkur tímabilinu
með 42 stig, deildarmeistaratitil og
farseðil í Domino‘s deildina í far-
teskinu. Að leik loknum hófu þeir
deildarmeistarabikarinn á loft við
mikinn fögnuð áhorfenda en ekki
síst þeirra sjálfra. Liðsmenn Skalla-
gríms og stuðningsmenn eru að
vonum ánægðir með veturinn, að
vinna sér inn sæti í Domino‘s deild-
inni var markmiðið sem þeir settu
sér í upphafi móts. Nú er því náð
og Skallagrímur mun spila í deild
þeirra bestu á nýjan leik næsta vet-
ur.
kgk
Borgnesingar hófu bikar á loft
Skallagrímsmenn eru deildarmeistarar 1. deildar
Skallagrímur, deildarmeistari í 1. deild karla í körfuknattleik 2018.
Auðunn Jakob Finnsson passar upp á
bikarinn fyrir pabba sinn, Finn Jónsson
þjálfara Skallagríms.
Sigurreifir liðsmenn Skallagríms með deildarmeistarabikarinn á lofti.
Reynsluboltinn Darrell Flake átti
frábæran leik.
Ungir og upprennandi körfuboltakrakkar úr Borgarnesi stóðu heiðursvörð þegar
Skallagrímsliðið var kynnt til leiks.
Kristófer Gíslason á mikilli siglingu.
Aaron Parks lyftir sér upp fyrir fullu húsi í Borgarnesi. Eyjólfur Ásberg Halldórsson gerir atlögu að vörn Vestra.