Skessuhorn - 06.06.2018, Blaðsíða 11

MIÐVIKUDAGUR 6. JÚNÍ 2018 11
SK
ES
SU
H
O
R
N
2
01
8
SÉRKENNSLUSTJÓRI ÓSKAST
Á LEIKSKÓLANN HNOÐRABÓL
Í REYKHOLTSDAL
Okkur vantar sérkennslustjóra í 50% starf
og í sérkennslu í 50% starf.
Hnoðraból er tveggja deilda leikskóli staðsettur í fallegu umhverfi
sem starfar eftir hugmyndafræðinni Leiðtoginn í mér.
Þar dvelja að jafnaði 21 barn á aldrinum 12 mánaða til 5 ára.
Óskað er eftir sérkennslustjóra sem getur hafið störf í ágúst 2018.
Helstu verkefni og ábyrgðarsvið:
Sérkennslustjóri starfar að uppeldi og menntun leikskólabarna sam-
kvæmt starfslýsingu sérkennslustjóra og stefnu sveitarféagsins.
Menntunar- og hæfniskröfur:
Sérkennsluréttindi•
Færni í mannlegum samskiptum•
Sjálfstæð vinnubrögð•
Skipulagshæfni, frumkvæði og metnaður•
Góð íslenskukunnátta•
Ef ekki fæst sérkennari í starfið kemur til greina að ráða starfsmenn
með háskólapróf eða aðra uppeldismenntun og /eða reynslu.
Í samræmi við jafnréttisstefnu Borgarbyggðar eru jafnt karlar sem
konur hvött til að sækja um störf hjá sveitarfélaginu.
Umsóknarfrestur er til 22. júní 2018.
Umsóknir skulu sendar rafrænt á sjofn@borgarbyggd.is.
Nánari upplýsingar veitir Sjöfn G.Vilhjálmsdóttir leikskólastjóri í síma
433-7180 eða 862-0064, eða í tölvupósti, sjofn@borgarbyggd.is.
Leikskólinn Hnoðraból
Með sól í hjarta
Kvenfélögin á Hellissandi og Ólafs-
vík, Kvenfélagið Sigurvon, Lions-
klúbbarnir Rán og Þernan ásamt
Soroptimistaklúbbi Snæfellsness,
afhentu HVE í Snæfellbæ formlega
að gjöf nýjan gynskoðunarbekk og
stól í síðustu viku. Var bekkurinn
keyptur fyrir ágóða af fjáröflunar-
kvöldi; kvennakvöldi sem félögin
stóðu fyrir í janúar en með sam-
eiginlegu átaki tókst að safna fyr-
ir bekknum og fleiri hlutum sem
keyptir verða á HVE í Snæfellsbæ
í sumar og haust. Á myndinni eru
fulltrúar félaganna ásamt Fanný
Berit Sveinbjörnsdóttur ljósmóður
á HVE í Snæfellsbæ.
þa
Afhentu HVE í Snæfellsbæ
nýjan gynskoðunarbekk
Í Auðarskóla í Dölum lauk skóla-
árinu hjá nemendum á fimmtudag-
inn með vorhátíð þar sem nemend-
ur og starfsfólk tóku þátt í ýmsum
leikjum. Meðal annars var sett upp
froðurennibraut þar sem félagar úr
Slökkviliði Dalabyggðar sáu um að
vökva brautina við mikla ánægju
þátttakenda.
sm
Skólaárinu í Auðarskóla
lauk með Vorhátíð
Útskriftarnemendur á leið niður froðurennibrautina.
Jasmín og Jóhanna Vigdís vel sáttar eftir margar ferðir í rennibrautinni.
Í fyrra var metaðsókn í nám við
Háskólann á Akureyri en nú er
von á því að það met verði ræki-
lega slegið. Allt stefnir í metað-
sókn í nám við við skólann í haust
en um 50% aukning er á heildar-
fjölda umsókna og nærri tvöföldun
í umsóknum um kennaranám. „Á
síðustu árum hefur aðsókn í Há-
skólann á Akureyri aukist til muna
og þar leikur sveigjanlega námið
stórt hlutverk. Með því náum við
til alls landsins og nemendur hafa
verið mjög ánægðir með bætt að-
gengi,“ segir Eyjólfur Guðmunds-
son, rektor Háskólans á Akureyri.
Mesti fjarnemafjöldinn er á Sel-
fossi, í Reykjanesbæ og í Hafnar-
firði. Alls eru 2.074 nemendur við
nám í HA í dag, þar af eru 69% í
sveigjanlegur námi.
Háskólarnir hafa allir ver-
ið að rýna í umsóknartölur enda
má búast við fjölgun þetta árið
þar sem framhaldsskólarnir eru
sumir hverjir að útskrifa tvöfald-
an árgang; annars vegar þá sem
ljúka stúdentsprófi á fjórum árum
og hins vegar þá sem fara styttri
leiðina og klára á þremur árum.
„Þessar umsóknir eru að detta í
hús þessa dagana og því er sá hóp-
ur ekki inni í okkar tölum ennþá,“
segir Eyjólfur.
Ólíkt HÍ hefur HA ekki tek-
ið upp A-próf heldur fara nem-
endur í fjöldatakmörkuðu námi í
gegnum samkeppnispróf við lok
fyrsta misseris. Nemendur sem
ekki komast í gegnum þau próf
geta fengið einingar metnar inn
í annað nám eða haldið áfram og
reynt aftur að ári. „Við erum pers-
ónulegur skóli og leggjum áherslu
á að sinna hverjum nemanda fyrir
sig. Það er von okkar að við getum
haldið í þá sérstöðu,“ bætir Eyjólf-
ur við.
Aðgangstakmarkanir hafa ver-
ið teknar upp í sálfræði og lög-
reglufræði, auk hjúkrunarfræði,
en búast má við frekari aðgangs-
takmörkunum ef fram heldur sem
horfir. mm
Háskólinn á Akureyri aldrei vinsælli
Leikskólinn Krílakot í Ólafsvík
verður 40 ára 19. ágúst í sumar.
Þann dag árið 1978 var leikskólinn
opnaður í húsnæðinu við Brúar-
holt. Leikskóli hafði þó verið rekin í
Ólafsvík frá árinu 1972 en 7. febrúar
það ár opnaði fyrsti leikskólinn sem
starfræktur var af Kvenfélagi Ólafs-
víkur. Höfðu kvenfélagskonur unn-
ið að opnun hans frá árinu 1969 og
var hann staðsettur í Gamla félags-
heimilinu. Fyrsta fostöðukona hans
var Gréta Jóhannesdóttir.
Haldið var upp á afmæli leik-
skólans nú á dögunum og því sleg-
ið saman við útskrift elstu barnanna
á leikskólanum sem í haust hefja
nám í 1. bekk grunnskólans. Við
þetta tækifæri fékk leikskólinn góð-
ar gjafir en foreldrafélagið gaf leik-
skólanum kofa til að hafa út í garði
en sá gamli var ónýtur enda mikið
notaður í gegnum árin. Auk þess gaf
foreldrafélagið 280 þúsund krónur
til leikfangakaupa fyrir hreyfileiki.
Lionsklúbburinn Rán í Ólafsvík gaf
einnig leikföng til hreyfileikja fyrir
150 þúsund krónur. Þá færði Snæ-
fellsbær leikskólanum 100 þúsund
krónur í tilefni afmælisins. Leik-
skólinn vinnur eftir efninu leikur að
læra og munu leikföngin sem keypt
hafa verið nýtast þar.
Núverandi leikskólastjóri er Ingi-
gerður Stefánsdóttir. Hún veitti
gjöfunum viðtöku og þakkaði þann
hlýhug sem leikskólanum er sýndur
núna sem og hingað til. Leikskóla-
börnin sungu fyrir gesti og þegar
útskriftarhópurinn hafði tekið við
höttunum, viðurkenningu og sjálfs-
mynd sem þau máluðu, var gestum
boðið að skoða leikskólann og gæða
sér á veitingum sem foreldrafélagið
sá um. þa
Krílakot í Ólafsvík fjörutíu ára