Skessuhorn - 06.06.2018, Blaðsíða 15

MIÐVIKUDAGUR 6. JÚNÍ 2018 15
Eftir fremur kalt vor er sumarið loks-
ins farið að sýna sig. Í sveitum lands-
ins markar það komu sumars þegar
búfénaði er sleppt út. Á Erpsstöðum
í Dölum er það árviss viðburður að
bjóða almenningi að koma og upp-
lifa þegar kúnum er hleypt út en það
var gert síðastliðinn laugardag. Það
er ekki síður tilkomumikið að fylgj-
ast með geitunum stökkva út í sum-
arið en á bænum Þorbergsstöðum í
sömu sveit var geitunum hleypt út í
vikunni sem leið. Fréttaritari Skessu-
horns leit við á Þorbergsstöðum og
smellti af nokkrum myndum.
sm
Skvett úr klaufunum
Árleg vorhátíð foreldrafélags
Leik- og grunnskóla Hvalfjarðar-
sveitar var haldin síðastliðinn mið-
vikudag. Hátíðin er alltaf haldin
í Fannahlíð og þar koma foreldr-
ar saman með börnin sín og eiga
saman góða stund. Boðið var upp
á pizzur og ís auk þess sem sett-
ir voru upp hoppukastalar og ýms-
ar leikjastöðvar. Allir skemmtu sér
vel og var dagurinn einstaklega vel
lukkaður. Veðrið var mjög gott og
sólin lét meira að segja sjá sig.
arg
Vorhátíð í Hvalfjarðarsveit
Góða veðrið lék við foreldra og börn. Ljósm. Guðlaug Ásmundsdóttir.
Um síðustu helgi var hin árlega
eldsmíðahátíð haldin á Safnasvæð-
inu í Görðum á Akranesi. „Venju
samkvæmt komu erlendir meistar-
ar og miðluðu af þekkingu sinni.
Þrír Svíar, Einn Norðmaður og
tveir Þjóðverjar komu að utan auk
fjölda Íslendinga sem komu víða af
landinu. Í þetta skipti lærðu menn
og konur að smíða ýmis verkfæri í
smiðjuna,“ segir Guðmundur Sig-
urðsson formaður Íslenskra eld-
smiða í samtali við Skessuhorn.
„Fyrstu þrjá dagana smíðaði fólk
verkfæri og forláta skilti á smiðj-
una sem nú hangir þar og sveifl-
ast eftir vindi. Á sunnudaginn var
svo blásið til Íslandsmeistaramóts
og voru hinir erlendu gestir dóm-
arar,“ bætir Guðmundur við. Í ár
var verkefnið að smíða eldskör-
ung og var tíminn til þess tvær og
hálf klukkustund. „Keppnin var
hörð en drengileg. Róbert Dani-
el Kristjánsson frá Þingeyri sigr-
aði að þessu sinni. Í öðru sæti var
Beate Stormo frá Kristnesi og í því
þriðja var Ingvar Matthiasson frá
Akranesi. Þetta var í sjötta skipti
sem keppnin er þreytt en þetta er
í tíunda skipti sem hátíðin er hald-
in á Akranesi,“ segir Guðmundur
að endingu.
arg/Ljósm. Pablo Von Eckardstein
Íslandsmeistaramót eldsmiða á Akranesi
„Þetta skiptið lærðu menn og konur
að smíða ýmis verkfæri í smiðjuna.“
Erlendir meistarar komu á mótið og miðluðu af þekkingu sinni.
Þrjú efstu sætin á Íslandsmeistaramóti eldsmiða. Frá vinstri: Ingvar Matthiasson,
Róbert Daniel Kristjánsson og Beate Stormo.
Þær Hildur Árnadóttir og Elísabet
Agnarsdóttir tóku nýverið við rekstri
Hótels Bjarkalundar í Reykhólasveit.
Hótelið opnuðu þær 1. júní síðast-
liðinn þegar tekið var á móti fyrsta
hópnum. Skessuhorn hitti Hildi á
dögunum og ræddi við hana um hót-
elið og fyrirætlanir þeirra, en Elísa-
bet var ekki við þegar blaðamann bar
að garði.
Undanfarið hefur verið unnið
hörðum höndum við ýmsar smálag-
færingar og við að mála húsið að inn-
an. Hildur segir markmiðið að draga
fram gamlan anda hússins. „Ætl-
un okkar er að leyfa anda hússins að
njóta sín. Þetta er gamalt hús með
mikla sál og við ætlum að leyfa því að
vera þannig. Það gerum við fyrst og
fremst með því að mála, draga fram
smáatriði eins og gamaldags rósettur
og lista í loftinu og skipta um borð,
stóla og önnur húsgögn,“ segir Hild-
ur. „Gamla setustofan finnst okkur
til dæmis mjög falleg og ætlum við
að leyfa henni að njóta sín enn betur.
Við ætlum að hengja upp fleiri mynd-
ir og stilla upp alls kyns fleiri göml-
um munum,“ segir hún. „Við höfum
meira að segja ráðfært okkur við sveit-
unga og einnig óskað eftir gömlum
munum til láns sem kynnu að leynast
einhvers staðar í geymslu. Ef einhver
á fallega muni sem mega fá að njóta
sýn í Bjarkalundi þá má endilega hafa
samband við okkur, við erum enn
að safna. Þá gildir einu hvort það
eru borðstofuborð, stólar, matar- og
kaffistell, gamlar myndir, veggplattar
eða hvaðeina. Það myndi gera stað-
inn enn persónulegri og notalegri,“
bætir hún við. „Að ganga hingað inn
á að vera eins og að skyggnast aftur
í tímann. Ellý Vilhjálms á fóninum
og notaleg stemning,“ segir hún og
brosir. „Bjarkalundur hefur í gegnum
tíðina verið nokkurs konar óformlegt
samkomahús sveitunga. Okkur lang-
ar að ná fram þeirri stemningu á nýj-
an leik, að fólkinu í sveitinni langi að
kíkja við á kvöldin, þó ekki nema bara
til að fá sér einn bjór eða rauðvíns-
glas og eiga notalega stund. Til þess
þarf að skapa notalegt og heimilislegt
andrúmsloft, þannig að fólk upplifi
sig alltaf velkomið að líta við,“ segir
Hildur.
Veitingastaðurinn
opnaður á næstu dögum
Á Hótel Bjarkalundi eru tíu herbergi
með sameiginlegu baðherbergi og
fjögur herbergi til viðbótar með sér
baðherbergi. Svefnpokapláss er á efri
hæðinni og tjaldsvæði fyrir utan, auk
fjögurra smáhýsa. Gistipláss er því
nægt í Bjarkalundi. „Herbergjaskip-
anin verður að mestu leyti sú sama og
verið hefur, fyrir utan það að nú bjóð-
um við upp á fjölskylduherbergi. Það
er eitthvað sem okkur fannst vanta og
ákváðum að bæta úr því,“ segir hún.
Sem fyrr segir var hótelið opnað
í byrjun mánaðarins og nú er undir-
búningur fyrir opnun veitingastaðar-
ins á lokametrunum. „Veitingastað-
urinn verður síðan opnaður á næstu
dögum,“ segir Hildur. „Matseðillinn
verður einfaldur og góður og áhersla
lögð á gott hráefni. Eftir fremsta
megni munum við reyna að reiða
fram lókal mat, helst vildum við get-
að keypt allt hráefnið hér í sveitinni,“
segir hún. „Hér verður kaffihlaðborð
með öllu tilheyrandi á þjóðhátíðar-
daginn, venju samkvæmt. Síðan ætl-
um við að sýna frá HM í fótbolta í
sumar, vera með tilboð á grillinu og
stemningu í kringum boltann,“ bæt-
ir hún við. Þá segir hún að þær hafi
í hyggju að selja heimabakað bakk-
elsi í versluninni í Bjarkalundi. „Við
stefnum að því að þar geti verið nokk-
urs konar míníbakarí. Fólk geti þá
gripið sér croissant eða kanilsnúða,
rúnstykki eða bollur, hvort sem það
sest inn í kaffisalinn og borðar með
kaffinu eða tekur með sér heim.“
Bjartsýnar fyrir sumrinu
Hildur er lærður innanhússhönnuður
og starfar sem slíkur í Noregi. Elísa-
bet er hótelstjóri að mennt og rekur
Thomsen Apartments í Reykjavík. En
hvernig kom það til að þær ákváðu að
taka að sér hótelrekstur í Bjarkalundi
í sumar? „Okkur var boðið að leigja
reksturinn fram á haust og stukkum
bara á það tækifæri. Báðum fannst
okkur þetta spennandi og langaði að
prófa. Ef vel gengur í sumar er aldrei
að vita hvað gerist í framhaldinu, við
sjáum bara til,“ segir Hildur. „Staður-
inn finnst okkur heillandi, bæði þetta
gamla hús og saga þess og eins um-
hverfið í kring. Hér er töluverð um-
ferð en samt enginn átroðningur.
Við munum reyna að stíla inn á Ís-
lendinga ekki síður en erlenda ferða-
menn,“ segir hún og horfir björtum
augum til sumarsins. „Við komum
náttúrulega dálítið seint inn í þetta
en þetta hefst allt saman og við erum
bara bjartsýnar fyrir sumrinu,“ segir
Hildur brosandi að endingu.
kgk
Nýir rekstraraðilar hafa opnað Hótel Bjarkalund
Hildur Árnadóttir rekur Hótel Bjarkalund ásamt Elísabetu Agnarsdóttur.
Hengdar hafa verið upp gamlar
myndir og fleiri gömlum munum verið
komið fyrir. Borðum og stólum hefur
verið skipt út í átt til fortíðar.
Hildur segir að gamall andi hússin fái
að njóta sín. „Þetta er gamalt hús með
mikla sál og við ætlum að leyfa því að
vera þannig.“
Hótel Bjarkalundur í Reykhólasveit.