Skessuhorn - 06.06.2018, Blaðsíða 26

MIÐVIKUDAGUR 6. JÚNÍ 201826
Á síðasta fundi bæjarstjórnar Akra-
neskaupstaðar fyrir kosningar var
formlega samþykkt menningar-
stefna bæjarfélagsins. Menning-
arstefnan hefur verið í vinnslu hjá
menningar- og safnanefnd í hálft
annað ár. Ýmsir aðilar hafa komið
að mótun hennar og var m.a. hald-
inn opinn vinnufundur með íbú-
um 17. apríl í vor þar sem línur
voru lagðar. Tilgangur menning-
arstefnu er að setja fram áherslur í
málaflokknum og skapa jarðveg svo
menningarlíf á Akranesi haldi áfram
að blómstra og eflast. Í stefnunni
er lögð áhersla á að kaupstaðurinn
móti umgjörð og veiti stuðning við
menningarlíf og að íbúar hafi tök á
að standa fyrir og sækja fjölbreytta
viðburði. Hlúð verði sérstaklega að
menningaruppeldi og að starfsemi
menningarstofnana sé metnaðarfull
ásamt því að hvatt sé til samstarfs í
sem víðustum skilningi.
Hægt er að nálgast menningar-
stefnu Akraneskaupstaðar í heild
sinni á vef bæjarins. mm
Samþykktu menningarstefnu
Akraneskaupstaðar
Tónlistarsveitin Slitnir Strengir hefur getið sér gott orð fyrir frumlega og skemmti-
lega tónlist undir stjórn Ragnar Skúla Skúlasonar. Ljósm. Ómar B. Lárusson.
Ungmennasamband Borgarfjarð-
ar tók þátt í Hreyfiviku UMFÍ sem
fram fór í síðustu viku. Hreyfivik-
an er evrópsk lýðheilsuherferð sem
ber heitið Now We Move. Mark-
mið verkefnisins er að fá hundr-
að milljónir fleiri Evrópubúa til að
hreyfa sig reglulega fyrir árið 2020.
Hreyfivikan er í raun vitundarvakn-
ing um mikilvægi þess að hreyfing
sé hluti af lífsstíl okkar, til að end-
urnæra líkama og sál og stuðlar að
lengra og betra lífi. Það skiptir ekki
máli hver hreyfingin er heldur að
hver og einn finni hreyfingu sem
hentar. Sumarið er tilvalinn tími til
fjölbreyttra æfinga útivið í fallegri
náttúru.
Hægt var að velja um ýmiss kon-
ar hreyfingu og fundu allir sem það
vildu eitthvað við sitt hæfi. Borgar-
byggð bauð frítt í sund og í þrek í
Borgarnesi og á Kleppjárnsreykj-
um. Bröltarar settu upp mjög metn-
aðarfulla dagskrá með göngum þar
sem mismunandi leiðir voru farn-
ar sérhvern dag. Opið var á æfing-
ar hjá Reykdælum en auk þess var
hægt var að prófa badminton og
ringó. Boðið var uppá þolfimi og
styrktarþjálfun og kynning var á
frísbígolfi sem nú er hægt að stunda
á Hvanneyri. Kvennahlaup ÍSÍ var
einnig hluti af dagskrá Hreyfivik-
unnar. Hreyfivikunni var svo slit-
ið með viðburði þar sem hjólarar,
göngufólk og hlauparar fóru sam-
an Skarðsheiðarveg á sunnudag-
inn, grilluðu saman í Hreppslaug
og skelltu sér svo í laugina. Vilji er
til þess að endurtaka þennan við-
burð hið fyrsta enda var einstaklega
gaman að blanda þessum hópi sam-
an þar sem hver fór á sínum for-
sendum.
mm/sg
Borgfirðingar tóku
virkan þátt í hreyfiviku
Á gönguferð um Skarðsheiðarhringinn.
Hæfileikamótun N1 og KSÍ í knatt-
spyrnu fór á föstudaginn fram á
Hellissandi. Þá voru æfingar fyr-
ir Vesturland og Vestfirði hjá stelp-
um og strákum. Á æfingarnar voru
mættir 17 strákar og 18 stelpur en
það var Þorlákur Árnason yfirmað-
ur hæfileikamótunar sem stýrði æf-
ingunum. Jakob Skúlason stjórnar-
maður heilsaði einnig upp á krakk-
ana á æfingunum. Krakkarnir stóðu
sig að vonum mjög vel á æfingunum
og líklegt verður að teljast að þarna
leynist landsliðsstúlkur og drengir
framtíðarinnar. þa
Hæfileikamótun ungra
knattspyrnuiðkenda
Um komandi helgi, dagana 8. – 10.
júní, verður hið árlega Norðuráls-
mót í knattspyrnu haldið á Akra-
nesi. Mótið er eitt stærsta pollamót
landsins og ætlað drengjum sem
spila með 7. flokki, á aldrinum sex
til átta ára. Að sögn Huldu Birnu
Baldursdóttur framkvæmdastjóra
Knattspyrnufélags ÍA hefur und-
irbúningur fyrir mótið undanfarið
gengið mjög vel og er allt að verða
klárt fyrir komu gestanna. Hún seg-
ir dagskrá mótsins vera með hefð-
bundnu sniði í ár og byrjar með að
keppendur koma saman við bæj-
arskrifstofu Akraneskaupstaðar á
föstudagsmorgninum um klukkan
10:30. Þaðan verður gengið saman
í skrúðgöngu upp að Akraneshöll-
inni þar sem mótið verður form-
lega sett klukkan 11:30.
Á meðan á mótinu stendur má
gera ráð fyrir að íbúafjöldi á Akra-
nesi nánast tvöfaldist. „Við eigum
von á um 1500 keppendum frá 36
aðildarfélögum en það er svipaður
fjöldi og á síðasta ári. Með hverjum
keppanda má gera ráð fyrir að komi
foreldrar og jafnvel systkini eða
aðrir ættingjar. Það má því alveg
búast við um fimm til átta þúsund
gestum í bæjarfélaginu þessa helgi,“
segir Hulda Birna. Sú breyting hef-
ur verið gerð í ár að spilaður verður
svokallaður fimm manna bolti og
verða liðin því fleiri og fámennari
en áður. „Liðin í ár verða um 230
talsins en með því að hafa færri í
liðunum erum við að koma til móts
við fámennari félög sem hafa ekki
alltaf náð tilsettum fjölda til að vera
með lið. Það verða því fleiri aðild-
arfélög með í ár og með þessu fyr-
irkomulagi fær líka hver strákur að
spila meira en áður,“ bætir hún við.
Búin að panta
góða veðrið
Eftir að mótið hefur verið sett verð-
ur strax byrjað að spila fram eft-
ir degi. Klukkan 18:00 á föstudeg-
inum mætir svo meistaraflokkur ÍA
liði ÍR á Akranesvelli og verður öll-
um keppendum Norðurálsmótsins
boðið að horfa á. „Þeir strákar frá ÍR
sem verða á Norðurálsmótinu munu
leiða leikmenn síns liðs inn á völlinn
og strákarnir frá ÍA leiða leikmenn
síns liðs. Á laugardegi heldur mót-
ið svo áfram. Frítt verður í sund og
hoppukastalar og leikjaland sett upp
á svæðinu,“ segir Hulda Birna.
Hún hvetur alla þjónustuaðila á
Akranesi að hafa í huga hversu mik-
ill fjöldi gesta verður í bænum þessa
daga og vera vel undirbúnir til að
taka á móti þeim. „Í fyrra voru ekki
allir nógu vel undirbúnir. Það klár-
uðust til dæmis vörur úr búðum og
kom það sér illa fyrir marga gesti. Ég
vil því bara minna verslunarrekend-
ur á að vera undir það búnir að taka
á móti þessum fjölda gesta í bæn-
um um helgina,“ segir Hulda Birna.
„Einnig vil ég koma því á framfæri
að öll hjálp er vel þegin við undir-
búning og á mótinu sjálfu. Á bak-
við svona stóran viðburð eru mörg
handtök og ef einhver vill aðstoða er
engin skortur á verkefnum. Það er
hægt að hafa samband við okkur hjá
Knattspyrnudeild ÍA og við þiggj-
um alla aðstoð með þökkum,“ seg-
ir hún en hægt er að hafa samband
við Huldu Birnu á netfangið hulda@
kfia.is. „Við erum svo búin að panta
góða veðrið og treystum því að það
verði alla mótsdagana,“ segir hún að
endingu.
arg
Norðurálsmótið verður um næstu helgi
Von er á um 1500 keppendum frá 36 aðildarfélögum á eitt stærsta pollamót landsins um næstu helgi. Ljósm. úr safni/bþb