Skessuhorn - 06.06.2018, Blaðsíða 31

MIÐVIKUDAGUR 6. JÚNÍ 2018 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Árleg vorsýning Fimleikafélags
Akraness (FIMA) var haldin á laug-
ardaginn þar sem allir iðkendur
félagsins frá 5 ára aldri tóku þátt.
Venja er fyrir því að hver sýning
hafi ákveðið þema og söguþráð.
Síðustu tvö ár hefur sagan verið
samin af Stefaníu Sól Sveinbjörns-
dóttur, þjálfara FIMA. Ísland var
þema sýningarinnar í ár og farið
var á milli sögu landsins, þjóðsagna
og náttúruhamfara. „Þessi hópur
toppar sig á hverju ári og var sýn-
ingin í ár alveg stórkostleg. Það er
líka óhemju vinna og mikill metn-
aður á bakvið þetta,“ segir Sig-
rún Ríkharðsdóttir framkvæmda-
stjóri FIMA. Um 800 manns komu
að sýningunni í ár og að sögn Þór-
dísar Þráinsdóttur yfirþjálfara tókst
allt mjög vel til. Sýndar voru tvær
sýningar og var uppselt á þær báð-
ar. „Við viljum þakka öllum þeim
sem aðstoðuðu okkur við uppsetn-
inguna, áhorfendum, foreldrum,
iðkendum og þjálfurum einstaklega
vel fyrir,“ segir Þórdís.
arg/ Ljósm. Daníel Þór Ágústsson.
Vorsýning FIMA
Þema vorhátíðar FIMA í ár var Ísland.
Sýndar voru tvær sýningar í ár og var uppselt á þær báðar.
Káramenn unnu stórsigur á Tinda-
stóli, 5-2, þegar liðin mættust í 2.
deild karla í knattspyrnu á Akranesi
á sunnudag. Heimamenn kom-
ust yfir á lokamínútu fyrri hálfleiks
og leiddu í hléinu með einu marki
gegn engu. En mörkunum átti
heldur betur eftir að fjölga í þeim
síðari. Andri Júlíusson jafnaði met-
in á 56. mínútu og kom Kára síð-
an yfir úr vítaspyrnu á 62. mínútu.
Á 70. mínútu var komið að gestun-
um að reyna sig af vítapunktinum.
Benjamín Jóhannes Gunnlaugsson
skoraði úr vítinu og staðan orðin
jöfn, 2-2. Andri var síðan enn og
aftur á ferðinni sjö mínútum síðar
þegar hann fullkomnaði þrennuna
og kom Kára í 3-2. Káramenn voru
sterkari það sem eftir lifði og klár-
uðu leikinn á síðustu tíu mínútun-
um. Gylfi Brynjar Stefánsson skor-
aði fjórða mark Kára á 83. mínútu
og Páll Sindri Einarsson rak síðasta
naglann í kistu gestanna með marki
úr víti í uppbótartíma.
Kári situr í fjórða sæti deildar-
innar með tólf stig eftir fyrstu fimm
leiki sumarsins í þéttum pakka við
toppinn. Næst leikur Kári á sunnu-
daginn, 10. júní næstkomandi, þeg-
ar liðið tekur á móti Leikni frá Fá-
skrúðsfirði.
kgk
Kári vann stórsigur
á Tindastóli
ÍA tryggði sér sæti í átta liða úrslit-
um Mjólkurbikarsins á miðvikudag
eftir dramatískan útisigur á Grinda-
vík, 1-2. Fyrri hálfleikur var marka-
laus en strax í upphafi þess síðari dró
til tíðinda þegar Skagamenn komust
yfir. Bjarki Steinn Bjarkason geystist
upp vinstri kantinn og renndi bolt-
anum fyrir markið. Þar var Steinar
Þorsteinsson réttur maður á réttum
stað og skoraði. Bæði lið fengu sín
tækifæri næsta hálftímann. Skaga-
menn fengu dauðafæri eftir fyrir-
gjöf en Stefán Teitur Þórðarson rétt
missti af boltanum og Grindvíking-
ar áttu skot í stöng. Skagamenn voru
heilt yfir sterkari og það var því gegn
gangi leiksins þegar heimamenn
jöfnuðu á 78. mínútu. Sam Hew-
son átti frábæra sendingu á Aron Jó-
hannsson sem var einn á auðum sjó í
teignum og skallaði boltann í netið.
Leikurinn róaðist töluvert eftir
jöfnunarmarkið og stefndi í fram-
lengingu. En það varð ekki því
Skagamenn náðu að stela sigrinum á
88. mínútu. Arnar Már Guðjónsson
tók á móti fyrirgjöf, sneri á varnar-
mann og renndi boltanum í net-
ið. Lokatölur urðu 1-2, ÍA í vil og
Skagamenn því komnir í átta liða úr-
slit bikarsins. Þar mæta Skagamenn
úrvalsdeildarliði FH, mánudaginn
25. júní næstkomandi. Sá leikur fer
fram á Akranesi.
kgk
Dramatískur sigur Skagamanna
Arnar Már Guðjónsson var hetja Skagamanna í leiknum. Ljósm. gbh.
Víkingur Ó. varð að lúta í gras fyr-
ir Selfossi, 2-1, þegar liðin mættust
í fimmtu umferð 1. deildar karla í
knattspyrnu á sunnudag. Leikið var
á Selfossi. Ólafsvíkingar mættu mjög
ákveðnir til leiks, pressuðu hátt og
náðu nokkrum skotum að marki
Selfyssinga strax á fyrstu mínútum
leiksins. Á 6. mínútu leiksins kom-
ust heimamenn í fyrsta skiptið yfir
miðju. Þorsteinn Daníel Þorsteins-
son fór upp hægri kantinn og sendi
góðan bolta inn á teiginn. Þar kom
Ivan Martinez Gutierrez á ferðinni
og skoraði og heimamenn komnir
yfir. Bæði lið fengu sín færi það sem
eftir lifði fyrri hálfleiks en það voru
Selfyssingar sem nýttu eitt af sín-
um. Skömmu fyrir hálfleik tóku þeir
langt innkast. Fran Marmolejo kom
út úr markinu en hitti ekki bolt-
ann þegar hann ætlaði að kýla hann
frá. Gilles Ondo skallaði að marki
en Víkinga sem björguðu á línu og
náðu að hreinsa boltann frá. Selfyss-
ingar sendu hann aftur inn á teig-
inn þar sem Ingi Rafn Ingibergsson
kom honum í netið. Heimamenn
2-0 yfir í hléi.
Síðari hálfleikur var rólegur fram-
an af, eða allt þar til Ólafsvíkingar
jöfnuðu á 62. mínútu. Sasha Litw-
in átti þá frábæra sendingu inn fyrir
vörn Selfyssinga á Gonzalo Zamor-
ano sem lék á markvörðinn og sendi
boltann í netið. Leikmenn Víkings
fengu gullið tækifæri til að jafna
um korteri síðar. Boltinn féll fyrir
Kwame Quee á miðjum vítateig Sel-
fyssinga en skot Kwame fór hátt yfir
markið. Fátt markvert gerðist það
sem eftir lifði leiks og Víkingur Ó.
mátti því sætta sig við tap, 2-1.
Ólafsvíkingar sitja í 6. sæti deild-
arinnar með sjö stig, jafn mörg og
næstu tvö lið fyrir ofan og neðan.
Næst mætir Víkingur Ó. liði Þróttar
á útivelli á föstudaginn, 8. júní næst-
komandi.
kgk/ Ljósm. úr safni/ þa.
Ólafsvíkingar töpuðu á Selfossi
Skagamenn gerðu góða ferð til
Reykjavíkur á sunnudaginn og sigr-
uðu Fram 0-1 í 1. deild karla í knatt-
spyrnu. Fyrri hálfleikur var frem-
ur tíðindalítill. Eftir rúmlega kort-
ers leik meiddist Arnór Daði Aðal-
steinsson, leikmaður Fram, og þurfti
að bera hann af velli. Hann var síðan
fluttur burt í sjúkrabíl og óvíst hve
alvarleg þau meiðsli eru. Fátt annað
markvert gerðist í fyrri hálfleik og
staðan markalaus í hléinu.
Skagamenn brutu ísinn á 49. mín-
útu þegar Þórður Þorsteinn Þórðar-
son skoraði sitt fyrsta mark í sumar.
Bjarki Steinn Bjarkason átti góðan
sprett og lagði boltann út í teiginn á
Þórð sem setti hann af öryggi í hægra
hornið niðri.
Framarar settu nokkra pressu á
Skagamenn eftir markið án þess þó
að skapa sér nein marktækifæri. Það
var ekki fyrr en á 68. mínútu að þeir
fengu tækifæri til að jafna. Guð-
mundur Magnússon féll í teig Skaga-
manna og vítaspyrna var dæmd.
Guðmundur steig sjálfur á punktinn
en Árni Snær Ólafsson las hann eins
og opna bók og varði spyrnuna.
Botninn datt heldur úr leiknum
það sem eftir lifði. Skagamenn hefðu
getað innsiglað sigurinn í uppbótar-
tíma þegar þeir komust tveir á móti
einum en það færi rann út í sandinn.
Lokatölur urðu því 0-1, ÍA í vil.
Skagamenn sitja í öðru sæti deild-
arinnar með 13 stig eftir fyrstu fimm
umferðirnar, jafn mörg og HK í
toppsætinu og þremur stigum fyrir
ofan Þór í sætinu fyrir neðan. Næst
leikur ÍA á föstudaginn, 8. júní, þegar
liðið mætir ÍR á Akranesvelli. kgk
Árni Snær Ólafsson hélt markinu hreinu og varði vítaspyrnu í sigri Skagamanna.
Ljósm. gbh.
Skagamenn sóttu sigur gegn Fram