Skessuhorn - 06.06.2018, Blaðsíða 21

MIÐVIKUDAGUR 6. JÚNÍ 2018 21
Um þessar mundir er kennslu í
skólum að ljúka og unga fólkið í
leit að vinnu og margir að stíga sín
fyrstu skref á vinnumarkaði. Víðs-
vegar má því sjá ungmenni í vinnu-
skólum slá og raka gras, hreinsa til
í beðum og gera snyrtilegt í bæjar-
félögum sínum. Á Akranesi býðst
ungmennum á aldrinum 14-17 ára
að starfa í vinnuskólanum und-
ir handleiðslu Einars Skúlason-
ar. Fyrstu starfskraftarnir komu til
vinnu rétt fyrir helgi og í dag, mið-
vikudag, bætast við enn fleiri og er
þá starfsemin komin á fullt. Örlítil
fækkun hefur verið á starfsumsókn-
um milli ára en Einar telur að það
megi rekja til þess að fleiri störf á
almenna vinnumarkaðinum standi
nú til boða fyrir þennan aldurshóp.
„Mörg þeirra eru frekar að sækja
í störf hjá verslunum eða í öðrum
fyrirtækjum sem geta borgað hærri
laun og leyft þeim að vinna meira,“
segir Einar en í vinnuskólanum er
ekki hægt að bjóða öllum starf allt
sumarið. „Það fer eftir aldri hversu
mikið þau vinna en þau sem voru
að ljúka áttunda bekk fá sem dæmi
bara að vinna fram að hádegi í tvær
vikur. Við erum að fá um 230 um-
sóknir og við getum ekki haft alla
í vinnu allt sumarið, en allir fá að
vinna eitthvað,“ segir Einar.
„Unglingar eru bara
unglingar“
Einar hefur séð um vinnuskólann
frá árinu 1987 og er þetta því þrí-
tugasta og annað starfsárið hans.
Aðspurður segist hann vera mjög
ánægður í starfinu. „Ég er ekki
viss um að ég væri hér enn ef mér
þætti þetta starf ekki einstaklega
skemmtilegt. Það eru forréttindi að
fá að vinna með þessu unga fólki og
geta notið útiverunnar yfir sumar-
ið,“ segir hann. En hafa unglingar
breyst mikið þessi ár? „Ungling-
ar eru bara unglingar. Það skipt-
ir engu hvaða ár það er, ungling-
ar eru alltaf eins. Samfélagsgerð-
in hefur aftur á móti breyst mik-
ið og það hefur áhrif á unglingana.
Það sem ég sé helst er að áður fyrr
voru þeir sem komu í vinnuskólann
vanir vinnu og höfðu jafnvel unnið
í nokkur sumur áður en þau höfðu
aldur til að koma hingað. Í dag hafa
margir enga reynslu af því að vinna
og kunna í raun ekkert að vinna
áður en þau koma í vinnuskólann.
En þetta er ekki vegna þess ung-
lingarnir eru latari en áður, held-
ur mega þau bara ekkert gera leng-
ur. Það má ekki láta börn og ung-
linga vinna eins og áður fyrr og það
vegna reglna sem settar eru af okk-
ur fullorðna fólkinu. Umræðan um
lata unglinga á því í raun ekkert rétt
á sér,“ segir Einar ákveðinn. Hann
segir einnig að langflestir sem hafa
unnið hjá honum séu duglegir og
vilji vinna.
Vinnuskólinn mikil-
vægur vinnustaður
Að sögn Einars er vinnuskól-
inn ekki aðeins ætlaður til að sjá
ungmennum fyrir vinnu held-
ur er hann mikilvægur fyrir alla
bæjarbúa. „Ég held að bæjarbú-
ar geti allir verið sammála um að
vinnuskólarnir séu mikilvægir fyr-
ir bæina. Unglingarnir sjá um að
halda bænum fínum, hugsa um öll
grænu svæðin og aðstoða við garð-
vinnu hjá þeim sem geta ekki sinnt
sínum görðum sjálfir. Það er líka
mikilvægt að sjá ungmennum fyr-
ir smá vinnu yfir sumarið. Í vinnu-
skólanum læra unglingarnir að
vinna og er vinnuskólinn því mik-
ilvægur fyrir þá sem hafa litla eða
enga reynslu af vinnu. Svo er þetta
skemmtileg vinna, mikil útivera og
mikilvægur félagsskapur fyrir alla
þessa unglinga,“ segir Einar að
engingu. arg
Hefur séð um vinnuskólann í ríflega þrjá áratugi
Einar Skúlason hefur séð um vinnuskólann á Akranesi frá árinu 1987.
Ungmenni á Akranesi eru komin til starfa í vinnuskólanum og vinni nú hörðum
höndum við að fegra umhverfið í bænum.
Heilbrigðisstofnun Vesturlands er
rekin á átta starfsstöðvum um Vest-
urland og húsnæðið sem tilheyrir
stofnuninni er alls um 20.000 fer-
metrar. Það er því alltaf nóg að gera
hjá Halldóri Hallgrímssyni og sam-
starfsfélögum hans sem sjá um allt
almennt viðhald á húsnæði, lóð-
um og búnaði stofnunarinnar víðs-
vegar um Vesturland. Blaðamaður
Skessuhorns leit inn á HVE á Akra-
nesi og ræddi þar við Halldór um
starfið og þær framkvæmdir sem
framundan eru á húsnæði stofnun-
arinnar á næstu mánuðum. Halldór
hefur verið deildarstjóri húsnæðis
og tækja á HVE frá árinu 2000 en
hann hefur unnið hjá stofnuninni
frá árinu 1985 og segir að á þeim
tíma hafi margt breyst. Stærsta og
jafnframt jákvæðasta breytingin
segir hann hafa verið þegar rekstr-
arfyrirkomulagi stofnunarinnar var
breytt um aldamótin. „Nú er fyrir-
komulagið með þeim hætti að HVE
greiðir Ríkiseignum leigu fyrir af-
not af húsnæði HVE og Ríkiseignir
viðhalda húsnæðinu í samvinnu við
stjórnendur HVE. Það er því allt-
af ákveðið hlutfall af leiguverði sem
fer í að halda við byggingum og
ráðast í mikilvægar framkvæmdir á
hverjum stað. Áður var allur rekst-
ur stofnunarinnar inni í fjárlögum
og þá var alltaf fyrst skorið niður í
öllu viðhaldi og því margt sem sat á
hakanum,“ segir Halldór.
Framundan að taka
tvær deildir í gegn
Halldór segir að alltaf sé nóg að
gera í almennu viðhaldi en þegar
stærri verk eru unnin eru fengnir
verktakar. „Við erum þrír að sinna
þessu hér á Akranesi og það er allt-
af nóg að gera. Auk þess að sjá um
að halda öllu fínu og í góðu lagi
sinnum við líka sjúkraflutningum
ásamt þeim sem sjá um tölvukerfi
stofnunarinnar. Þegar stærri fram-
kvæmdir eru við húsnæði stofnun-
arinnar koma verktakar og núna eru
einmitt verktakar að vinna að end-
urnýjun loftræstikerfisins á skurð-
stofunum,“ segir Halldór og held-
ur áfram. „Síðustu ár hefur margt
verið lagað. Í fyrra var sjúkrahúsið
hér á Akranesi tekið í gegn að utan,
klætt og skipt um þak. Á þessu ári
verður vonandi byrjað á endurbót-
um á A og B deildum sjúkrahússins,
sem er fyrir löngu tímabært. Verk-
ið verður að vinna í áföngum því
ekki er hægt að loka starfseminni
á meðan heldur verður að vinna að
endurbótum án þess að loka. Það á
einnig að fara að skipta um þak á
heilsugæslustöðinni í Ólafsvík.“ B
deild verður þó lokað í fáeinar vik-
ur í sumar þegar gólfið verður allt
tekið í gegn en deildin er öll upp-
runaleg frá árinu 1968.
Þurfa skýli fyrir
sjúkrabílana
„Það er mikilvægt að hugsa vel um
húseignirnar, ekki bara þannig að
þær séu brúkhæfar heldur líka til
að hafa umhverfið fallegt og snyrti-
legt. Fólk vill hafa notalegt í kring-
um sig og það er sérstaklega mik-
ilvægt á heilbrigðisstofnun,“ seg-
ir Halldór og bætir því við að þó
byggingar HVE séu í góðu ástandi
sé margt sem mætti gera betur.
„Það sem helst mætti bæta væri að-
staða sjúkrabílanna. Hér á Akranesi
er ekkert skýli fyrir sjúkrabíla og
getum við því ekki hlíft sjúklingum
fyrir veðrinu þegar við færum þá úr
bílnum inn í hús. Bílastæðið fyr-
ir sjúkrabílana er líka svo gott sem
ónýtt,“ segir hann. Fyrir fáeinum
árum fengust 30 milljónir króna í
fjárveitingu frá ríkinu til að byggja
skýli fyrir bílana en þá vantar enn
10 milljónir. „Það er búið að teikna
upp skýlið og gera kostnaðaráætl-
un en til að hægt sé að hefja fram-
kvæmdir vantar 10 milljónir uppá.
Við höldum áfram á hverju ári að
pressa á að fá það sem vantar uppá
og vonandi er ekki langt í það,“
segir Halldór
Sér um að
flytja blóðsýni
Eins og fyrr segir sinnir Halldór
einnig sjúkraflutningum en núna
á vormánuðum bættust við blóð-
sýnaflutningar milli starfsstöðva en
um er að ræða sex mánaða tilrauna-
verkefni. Í stað þess að blóðsýni frá
öðrum starfsstöðvum í landshlut-
anum séu flutt með póstinum sér
viðhaldsteymið um að sækja blóð-
sýni tvisvar til þrisvar sinnum í viku
á allar starfsstöðvar. „Við sem sinn-
um viðhaldinu og sjúkraflutningi
förum vestur á Hvammstanga og í
Dali tvisvar í viku og á Snæfellsnes
tvisvar í viku og komum þá einnig
alltaf við í Borgarnesi. Með þessu
er flutningur blóðsýna mun hrað-
ari og skilvirkari en áður,“ segir
Halldór. „Nú er hægt að láta taka
blóðsýni snemma morguns á starfs-
stöðvum okkar á öllu Vesturlandi
og fá niðurstöður sendar um klukk-
an fjögur sama dag. Það er mikill
munur frá því sem áður var,“ seg-
ir Halldór.
arg
Mikilvægt að hafa snyrtilegt umhverfi og sinna viðhaldi eigna
Heilbrigðisstofnun Vesturlands er rekin í um tuttugu þúsund fermetrum húsnæðis
Halldór Hallgrímsson er einn þeirra sem sér til þess að húsnæði og umhverfi HVE
sé í góðu standi. Hér er hann á verkstæði í kjallara sjúkrahússins.
Hér má sjá aðkomu sjúkrabílanna við Heilbrigðisstofnun Vesturlands á Akranesi.
Tíu milljónir króna vantar uppá til að hægt verði að byggja nýtt móttökurými fyrir
bílana.
Það er mikið lagt upp úr því að halda umhverfinu fínu í kringum starfsstöðvar
Heilbrigðisstofnunar Vesturlands. Á þessari mynd má sjá hvernig um er að litast í
kringum sjúkrahúsið á Akranesi. Ljósm. mm.