Skessuhorn - 22.08.2018, Blaðsíða 12

MIÐVIKUDAGUR 22. ÁGúSt 201812
Mánudaginn 13. ágúst síðastliðinn
var undirritaður samningur milli
Akraneskaupstaðar og verktakafyrir-
tækisins Spennt ehf. vegna bygging-
ar fimleikahúss á Akranesi. Eins og
áður hefur verið greint frá í Skessu-
horni bárust fimm tilboð í verkið,
sem opnuð voru 31. maí síðastliðinn.
Spennt ehf. átti lægsta tilboðið, sem
hljóðaði upp á 607 milljónir króna.
Nýtt fimleikahús mun rísa við hlið
íþróttahússins við Vesturgötu. Um er
að ræða nýbyggingu á 1640 fermetra
fimleikasal. Þar verður steypt áhorf-
endastúka en rými undir henni verð-
ur síðan nýtt undir sturtur fyrir nú-
verandi búningsklefa, sem einnig eru
í íþróttahúsinu. Búningsklefar í eldri
byggingu verða endurnýjaðir, sem og
anddyri og kennslurými þar sem frí-
stund Brekkubæjarskóla hefur verið
starfandi. Í verkinu felst jarðvinna,
uppsteypa, stálvirki í þaki, þakein-
ingar, lagnir, loftræsting, raflagnir,
frágangur að innan sem utan og lóð-
argerð umhverfis húsið.
Framkvæmdir munu hefjast nú
í ágústmánuði og áætluð verklok
eru í desember 2019. „Fimleika-
félag Akraness telur á fjórða hundr-
uð iðkenda og er ört stækkandi fé-
lag. Að vera komin á þetta stig að
framkvæmdir eru að hefjast eru afar
gleðileg tíðindi fyrir bæjarfélagið og
við erum í skýjunum að þetta sé loks-
ins að gerast eftir mikinn undirbún-
ing og vinnu starfsfólks bæjarins og
fimleikafélagsins,“ segir Sævar Freyr
Þráinsson bæjarstjóri.
kgk
Samið um byggingu fimleikahúss á Akranesi
Áætluð verklok í desember á næsta ári
Vestlenskir sauðfjárbændur voru
með skömmum fyrirvara kallaðir
á fund ráðherra landbúnaðarmála
í Dalabúð í Búðardal á miðvikudag
í liðinni viku. tilgangur fundarins
var að ræða þær tillögur sem hafa
borist frá samráðshópi um endur-
skoðun búvörusamninga. Í upphafi
fundar afsakaði Kristján Þór Júlí-
usson þann skamma fyrirvara sem
var á fundinum og sagðist hann
vera reiðubúinn að halda aftur
fund á svæðinu áður en um langt
liði. „Ég er þó kominn núna og er
á fundaferð um landið til að heyra
hljóðið í fólkinu sem ég tel mig
vera að vinna fyrir,“ sagði hann.
Markmiðið að minnka
framleiðsluna
Haraldur Benediktsson þingmað-
ur og bóndi er annar formaður
samráðshóps um endurskoðun bú-
vörusamninga. Hann kynnti til-
lögur hópsins líkt og hann gerir í
aðsendri grein í Skessuhorni í dag.
Þar er helst að nefna samninga við
bændur 67 ára og eldri um búskap-
arlok, frystingu gæðastýringar-
greiðslna, lækkun á ásetningshlut-
falli í 0,5 fyrir hvert ærgildi, þró-
unarverkefni tengt kolefnisbind-
ingu, stöðugleikasjóð og tillögur er
varða starfsumhverfi afurðastöðva.
Markmiðið sagði hann vera að
minnka framleiðsluna niður í rétt
rúmlega landseftirspurn, það er að
greinin dragi verulega saman. Þá
minntist hann einnig á hugmynd
sem hefur verið kölluð Búsetu-
grunnur. Haraldur sagði áherslur
Landssamtaka sauðfjárbænda og
Bændasamtaka Íslands sjást í til-
lögunum. En þrátt fyrir þessar til-
lögur sagði hann að afurðastöðvar
og kjötvinnslur yrðu að sækja fram
á nýjan hátt „Það hefur samt ein-
hvern veginn verið þannig á öll-
um þeim fundum sem ég hef set-
ið í gegnum tíðina þá hefur um-
ræðan bara verið um ríkisstuðn-
inginn, ekki markaðsstarf og betri
vinnslu á sauðfjárafurðum. Þar er
úr mörgu að bæta,“ sagði Harald-
ur gagnrýninn.
Skiptar skoðanir
um tillögurnar
Líflegar og kröftugar umræður
sköpuðust um tillögurnar og stöðu
sauðfjárræktar almennt. Efasemd-
ir komu fram um að tillögurnar
yrðu til þess að þétta raðir sauð-
fjárbænda og myndu jafnvel seinka
því að atvinnugreinin komist út
úr vandanum. Unnsteinn Snorri
Snorrason framkvæmdastjóri
LS steig í pontu og sagði þessa
fækkunarhvata ekki endurspegla
stefnu LS, tillögur samráðshóps-
ins gengju enn lengra en LS hafi
talað um. „Það er samt mjög mik-
ilvægt að við tökum úr sambandi
alla hvata til aukinnar framleiðslu
og þess vegna höfum við talað fyr-
ir frystingu á ríkisstuðningi,“ sagði
hann. Aðrir vildu jafnvel sjá algjöra
uppstokkun á kerfinu á breiðari
grundvelli og eða tóku tillögun-
um vel. Þá voru afurðastöðvarnar
gagnrýndar harðlega því svo virt-
ist sem að þær væru ekki að gera
neitt til þess að bæta úr stöðunni
og lokuðu margar hverjar á nýja
innleggjendur.
Hagsmunir
kljúfa stéttina
Samhljómur var þó meðal fund-
armanna um að vandamálið sem
sauðfjárbændur stæðu vissu-
lega frammi fyrir væri afurða-
verðið, ekki ríkisstuðningurinn.
Staðan væri samt sem áður sú að
stétt sauðfjárbænda væri á viss-
an hátt klofin vegna mismunandi
hagsmuna, hagsmunum tengdum
stuðningskerfinu. „Sauðfjárbænd-
um var skipt í tvo hópa þegar 0,7
ásetningshlutfallið var sett á, síðan
hafa allir fundir hjá LS snúist um
að rífast um skiptingu ríkisstuðn-
ings og því verður að linna. Fyrr
komumst við ekki í einn hóp,“
sagði einn fundarmanna.
Litlar líkur á
aðgerðum í haust
Nú er þó farið að styttast í slátur-
tíð og því lítil von til að hægt verði
að grípa til beinna aðgerða í haust.
Þá hafa bændur flestir borið á tún
sín í vor og uppskorið þótt nú líti
út fyrir að hægt sé að selja talsvert
af heyi til Noregs. „Ramminn er
bara þannig að þetta eru lagabreyt-
ingar og reglugerðir sem þurfa að
fara fyrir þingið og allt slíkt tekur
tíma. Ég er samt alveg á því að at-
vinnugreinin er á þeim stað að hún
leyfir okkur ekkert að vinna bara á
bráðaaðgerðum mikið lengur. Það
þarf og ég vill að við finnum lausn-
ir sem virka til lengri tíma og til
þess að komast á nýjan stað verður
að berja á brestina í kerfinu í dag,“
sagði Kristján Þór landbúnaðar-
ráðherra í lok fundar. Hann vonast
þó eftir niðurstöðu í málinu fyrir
áramót, í tæka tíð fyrir næsta fram-
leiðsluár. sla
Vestlenskir sauðfjárbændur áttu samtal við ráðamenn
Á fundinn í Búðardal komu sauðfjárbændur víða af Vesturlandi.
Unnur Brá Konráðsdóttir, fyrrum forseti Alþingis og formaður endurskoðunar-
hóps sauðfjársamninga, var á fundinum.
Kristján Þór Júlíusson landbúnaðarráðherra og Haraldur Benediktsson
þingmaður sátu fyrir svörum og áttu samtal við sauðfjárbændur.