Skessuhorn - 22.08.2018, Blaðsíða 19

MIÐVIKUDAGUR 22. ÁGúSt 2018 19
Auðarskóli í
Búðardal
Skólasetning Auðarskóla var í
morgun, miðvikudaginn 22. ágúst,
í Dalabúð og kennsla hefst sam-
kvæmt stundaskrá á morgun,
fimmtudaginn 23. ágúst. Nem-
endur í grunnskóladeild Auðar-
skóla verða 88 í vetur, en til við-
bótar eru síðan 24 á leikskóladeild
skólans. Hlöðver Ingi Gunnars-
son skólastjóri segir nemendafjölda
hafa verið afar stöðugan undan-
farin ár. „Ég held að fjöldi grunn-
skólanema sé nánast nákvæmlega
sá sami og í fyrra og mjög litlar
sveiflur hafa verið undanfarin ár,“
segir hann. Litlar breytingar eru á
starfsmannahópi Auðarskóla milli
ára í Auðarskóla og mjög vel hefur
gengið að manna þær stöður sem þó
þurfti að manna að sögn skólastjór-
ans. „Það er lítil starfsmannavelta
milli ára, það á bæði við um leik-,
grunn- og tónlistarskólann. Aðeins
örlitlar mannabreytingar hafa orð-
ið í hópi starfsfólks, þar sem tveir
nýir skólaliðar taka til starfa. Skóla-
stjórinn er mjög ánægður með
það,“ segir Hlöðver léttur í bragði.
„Kennarastöðurnar í grunnskóla-
deildinni eru nánast fullmannaðar
fagmenntuðum kennurum og þeir
leiðbeinendur sem starfa hjá okkur
hafa mikla starfsreynslu og eru vel
menntaðir. Að mínu mati erum við
vel sett á öllum vígstöðvum hvað
starfsfólk varðar,“ segir skólastjór-
inn ánægður.
Spurður um nýjungar og ný-
breytni í starfinu kveðst Hlöðver
eiga von á að stóra málið verði að-
lögun að nýjum veruleika í kjölfar
nýrra persónuverndarlaga. „Þau
kalla á nýja vinnubrögð og nýja
nálgun. Nemendur, starfsfólk og
foreldrar þurfa að venjast gerólík-
um vinnubrögðum við praktísk at-
riði eins og umgengni um skól-
ann, þ.e.a.s. hverjum er hleypt inn,
hvernig myndatökum skal háttað
og margt fleira,“ segir Hlöðver.
Þá segir hann að sú breyting
verði á íþróttakennslu að ekki verði
lengur keyrt að Laugum í Sælings-
dal til að kenna íþróttir. Þess í stað
verða þær kenndar í Dalabúð í vet-
ur. „Það verður áhugavert að sjá
hvernig það gengur því það hefur
haft íþyngjandi áhrif á töfluskip-
an og starfsmannahald að þurfa að
keyra inneftir. Þetta mun auðvelda
hvað töfluskipan varðar, þó auðvi-
tað muni þetta hafa bæði sína kosti
og galla. En við sjáum tækifæri til
að hafa stundatöfluna öðruvísi og
létta að mörgu leyti daglegt starf
skólans. Fyrir liggur samþykki um
að prófa að hafa þennan háttinn á
í vetur. Síðan verður tekin afstaða
til þess hvernig til tókst næsta vor,“
segir hann.
Auðarskóli varð Heilsueflandi
skóli á síðasta ári og Hlöðver seg-
ir að því starfi verði haldið áfram
í vetur. Þá verði lesturinn hafður í
forgrunni hjá okur eins og öðrum
og alltaf reynt að gera betur hvað
það varðar. „Síðan erum við auð-
vitað alltaf að þróa okkur áfram í
nýjum og breyttum kennsluhátt-
um. Okkur hlakkar alveg svakalega
mikið til í Dölum að fá ljósleiðar-
ann tengdan. Það á að gerast bara
hvað úr hverju og mun breyta allri
upplýsingatæknikennslu töluvert.
Það verður mikil gleði og ham-
ingja. Það eru bara spennandi og
skemmtilegir hlutir framundan,“
segir Hlöðver að endingu.
Grunnskólinn í
Stykkishólmi
Grunnskólinn í Stykkishólmi verð-
ur settur á föstudaginn, 24. ágúst
á setningarathöfn Amtsbókasafn-
inu. Kennsla hefst síðan samkvæmt
stundarskrá mánudaginn 27. ágúst
næstkomandi.
Nemendur verða 156 talsins
við Grunnskólann í Stykkishólmi
á komandi vetri og enga kennara
vantar til starfa að sögn Berglindar
Axelsdóttur skólastjóra. „Við náð-
um að manna allar kennarastöð-
ur í vor en erum að leita að einum
starfsmanni í lengda viðveru,“ segir
Berglind í samtali við Skessuhorn.
Að venju er ýmislegt á döfinni í
skólastarfinu á komandi vetri. „Við
ætlum á komandi skólaári að festa
enn betur í sessi uppeldisstefnuna
sem við erum að nota, Uppeldi til
ábyrgðar. Síðasta fimmtudag og
föstudag vorum við með námskeið
fyrir allt starfsfólk. Mjög vel heppn-
að námskeið,“ segir skólastjórinn.
„Þá ætlum við að halda áfram með
Byrjendalæsi. Í fyrra vorum við með
þá nýjung að 1. - 4. bekkur endaði
skólavikuna með því að fara í sköp-
un þvert á bekki. Unnið var undir
stjórn verkgreinakennara og unnin
alls konar skemmileg og skapandi
verkefni,“ segir Berglind að lokum.
Grunnskóli
Grundarfjarðar
Skólasetning Grunnskóla Grund-
arfjarðar var í gær, þriðjudag-
inn 21. ágúst. Kennsla hófst síð-
an samkvæmt stundatöflu í morg-
un, miðvikudaginn 22. ágúst. Þegar
Skessuhorn ræddi við Sigurð Gísla
Guðjónsson skólastjóra á föstudag
voru tæplega eitt hundrað nemend-
ur skráðir til náms. „Fjöldi nem-
enda gæti breyst eftir helgina þar
sem enn er verið að skrá nemendur
til náms, en ég á von á því að þeir
verði nálægt hundrað í vetur,“ segir
skólastjórinn.
Aðspurður segir hann vel hafa
gengið að manna starfslið skólans.
„Það gekk mjög vel að manna og
við erum með faglærða kennara
í öllum stöðum,“ segir Sigurður
ánægður. „Umsóknir um laus störf
voru góðar og mönnun hefur ekki
verið vandamál. Nokkrir eru í rétt-
indanámi til kennslu í Grundarfirði
og því er von mín að það verði ekki
vandamál að ráða kennara í náinni
framtíð,“ bætir hann við. „Það er
orðið þannig að hægt er að læra í
auknum mæli í fjarnámi miðað við
það sem áður var. Slíkt hefur auð-
veldað fólki úti á landi að mennta
sig sem er bara af hinu góða.“
Spurður um nýjungar eða ný-
breytni í skólastarfinu segir Sig-
urður að upplýsingatæknikennsla
fái aukið vægi á komandi vetri.
„Við fengum styrk frá Forriturum
framtíðarinnar til að efla forritun-
arkennslu í skólanum. Styrkurinn
var í formi tíu fartölva. Núna erum
við að vinna í því að setja forritun-
arkennslu inn í okkar skólanám-
skrá. Það er virkilega spennandi og
skemmtilegt verkefni,“ segir hann.
„Annars verður starfið með nokkuð
hefðbundnu sniði. Ég er farinn að
hlakka til vetrarins,“ segir Sigurð-
ur Gísli.
Grunnskóli
Snæfellsbæjar
Grunnskóli Snæfellsbæjar hefur
þrjár starfsstöðvar; í Ólafsvík, Hell-
issandi og Lýsuhóli. Skólasetning
verður á öllum stöðum í dag, mið-
vikudaginn 22. ágúst og kennsla
hefst samkvæmt stundartöflu á
morgun, fimmtudaginn 23. ágúst.
„Núna eru nemendur allt í allt 246
talsins. Af þessum 246 nemendum
eru 143 nemendur skráðir í skól-
ann í Ólafvík, 82 á Hellissandi og
21 nemendi í Lýsuhólsskóla, þarf af
7 í leikskóladeildinni,“ segir Hilm-
ar Már Arason, skólastjóri GSNB, í
samtali við Skessuhorn á föstudag.
Hann segir mjög vel hafa gengið
að manna í stöður og er að vonum
ánægður með það, slíkt sé ekki sjálf-
gefið. „Það hefur gengið tiltölulega
illa í mörgum skólum, bæði í höf-
uðborginni og úti á landi eru marg-
ir að auglýsa ennþá. En okkar gæfa
hefur verið sú að við höfum alið
upp okkar kennara sjálf, hvatt þá
sem starfa hjá okkur sem leiðbein-
endur eða stuðningsfulltrúar til að
fara í nám. Í vetur verða ekki allir
réttindakennarar hjá okkur heldur
verða þrír leiðbeinendur. En þeir
eru allir í námi, þar af einn sem
er að klára í október, annar í maí
og sá þriðji er kominn af stað. Þar
fyrir utan eru hér þrír starfsmenn
sem sinna öðrum störfum í kenn-
aranámi,“ segir Hilmar ánægður.
„Innan veggja skólans er mjög gott
og hæft starfsfólk með fjölbreytta
reynslu. Ég tel mikilvægt fyrir skóla
að vera með starfsfólk sem hefur
mikla breidd í menntun og ekki síð-
ur reynslu,“ bætir hann við.
Sérstaða Grunnskóla Snæfells-
bæjar er eftir sem áður að hann er
eini skóli landsins sem er með nám-
skrá í átthagafræði. Heimasíða til-
einkuð henni fór í loftið á vormán-
uðum. Átthagafræðin verður áfram
áberandi í starfi skólans. „Einnig
stefnum við á að vera með skólaþing
í haust, þar sem allir aðilar skóla-
samfélagsins koma saman og end-
urskoða stefnuna, fara yfir hverjir
styrkleikar okkar eru og hvað má
ef til vill betur fara,“ segir skóla-
stjórinn. „Síðan ætlum við að halda
1. desember hátíðlegan. Það verð-
ur kennsludagur en óhefðbundinn
kennsludagur, þar sem hann ber
upp á laugardag. Þá ætlum við að
halda sýningu og gleðskap og halda
þannig upp á 100 ára fullveldisaf-
mæli Íslands með pompi og prakt,“
segir Hilmar.
Laugargerðisskóli
Setning Laugargerðisskóla í Eyja-
og Miklaholtshreppi verður eft-
ir hádegi í dag, miðvikudaginn 22.
ágúst. Kennsla hefst svo samkvæmt
stundaskrá á morgun. Nemendur
Laugargerðisskóla verða 13 í vet-
ur, en að auki verða níu nemend-
ur í leikskóladeild skólans. „Það er
örlítil fækkun á milli ára, stærri ár-
gangur útskrifaðist í vor en sá sem
kemur inn nú í haust, auk þess sem
ein fjölskylda fluttist búferlum,“
segir Ingveldur Eiríksdóttir skóla-
stjóri í samtali við Skessuhorn.
Aðspurð segir hún að allar stöð-
ur hafi verið mannaðar. „Það náð-
ist að manna allar stöður á síðustu
metrunum og við erum komin með
öflugan hóp starfsfólks. Ég er hæst-
ánægð með alla aðila skólastarfs-
ins, bæði börn og fullorðna,“ segir
hún.
Á komandi vetri segir Ingveldur
að farið verði af stað með þróun
kennsluhátta, sem felist meðal ann-
ars í vinnustofum nemenda. Auk
þess verður tekin upp svokölluð
ARt þjálfun. „ARt stendur fyrir
Aggression replacement training og
er þjálfunarmódel í félagsfærni, sið-
ferðiskennd og reiðistjórnun. Þetta
hefur verið mikið notað á Suður-
landi og einnig hjá skólum í höfuð-
borginni,“ segir Ingveldur. Þá er
einnig verið að flytja starf leikskól-
ans alfarið inn í Laugargerðisskóla.
„Hann er kominn inn í sömu bygg-
ingu, sem ég held að verði mikið til
bóta. Þá nýtist mannskapurinn bet-
ur og við erum öll meira saman,“
segir hún. „Við ætlum að láta þetta
duga af nýjungum en halda áfram
með þau verkefni sem hafa verið í
gangi,“ segir Ingveldur að lokum.
Reykhólaskóli
Reykhólaskóli var settur í í gær,
þriðjudaginn 21. ágúst. Að setn-
ingu lokinni hófst kennsla sam-
kvæmt stundarskrá. Að sögn Val-
geirs Jens Guðmundssonar skóla-
stjóra eru 44 nemendur skráðir til
grunnskólanáms í Reykhólaskóla á
komandi vetri. „Það er aðeins fækk-
un frá síðasta skólaári, en þá voru
nemendur 52,“ segir Valgeir í sam-
tali við Skessuhorn. „Allar stöður
hafa verið mannaðar,“ segir hann
ánægður.
Spurður um nýjungar eða sérstök
verkefni nefnir Valgeir tvennt sem
verður á döfinni á komandi vetri.
„Við erum að fara af stað með mjög
spennandi þróunarverkefni í smíði,
sem heitir útivera og tálgun,“ seg-
ir hann og bætir við að nafnið sé
mjög lýsandi fyrir verkefnið. „Síðan
erum við að vinna í góðu samstarfi
við skólann á Hólmavík hvað varð-
ar skipulag og áætlanagerð, nám og
kennslu,“ segir Valgeir að endingu.
kgk/ Ljósm. úr safni Skessuhorns.
SKÓLABLAÐ SKESSUHORNS
Átthagafræði er eftir sem áður ein helsta sérstaða Grunnskóla Snæfellsbæjar. Hér eru nemendur í átthagaferð á síðasta
skólaári.
Frá vorhátíð Auðarskóla í Búðardal við lok síðasta skólaárs.