Skessuhorn - 22.08.2018, Blaðsíða 31

MIÐVIKUDAGUR 22. ÁGúSt 2018 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Skagastelpur í ÍA þurftu að sætta
sig við tap gegn toppliði Keflavík-
ur þegar liðin mættust á Akranes-
velli síðasta fimmtudag í 14. umferð
Inkassodeildar. Leikurinn var mikil-
vægur fyrir bæði lið sem heyja hvort
um sig baráttu á toppi deildarinnar.
Bæði lið byrjuðu leikinn af krafti
og börðust hart um boltann til að
skapa sér líkleg markfæri. Það leið
ekki á löngu þangað til Sveindís Jane
Jónsdóttir kom gestunum af Suður-
nesjunum yfir á 15. mínútu. Það
hafði þó ekki mikil áhrif á heima-
stúlkur sem héldu dampi og jöfnuðu
metin á 37. mínútu þegar Unnur Ýr
Haraldsdóttir skoraði fallegt mark
eftir góðan undirbúning frá liðs-
félaga sínum, Maren Leósdóttur.
Keflvíkingar gáfu ekkert eftir þrátt
fyrir áræðni heimastúlkna og nýttu
sér klaufagang í vörn þeirra gulu
þegar Sophie Groff kom sínu liði
aftur yfir áður en fyrri hálfleik lauk.
Í þeim síðari komu Skagastelpur
vel stemmdar til leiks og átti Berg-
dís Fanney Einarsdóttir meðal ann-
ars þrumuskot í þverslá í upphafi
seinni hálfleiks. töluvert jafnræði
var með liðum eftir þetta fína færi
í dágóða stund. Leikurinn breytt-
ist svo töluvert þegar Sveindís Jane
skoraði annað mark gestanna á 78.
mínútu og var sem öll orka hefði
lekið úr Skagastúlkum sem áttu lítil
sem engin svör eftir þetta. Sveindís
skoraði sitt þriðja mark á 81. mínútu
og Kristrún Ýr Hólm gerði endan-
lega útaf við leikinn þegar hún skor-
aði fimmta markið fyrir Keflavík á
loka mínútunni. Niðurstaðan því
5-1 Keflavík í vil.
Þrátt fyrir tap þá heldur ÍA þriðja
sætinu með 28 stig. Keflavík trón-
ir á toppnum og er nú með 34 stig.
Fylkir sigraði Hauka örugglega í
umferðinni og er því með þægilegt
forskot á ÍA í öðru sæti með 33 stig.
Einungis fjórar umferðir eru eftir af
tímabilinu. Skagastúlkur taka á móti
Fylki í næstu umferð á Akranesi
og fer sá leikur fram næstkomandi
fimmtudag klukkan 18:00.
glh/ Ljósm. úr safni; sas.
Tap á móti toppliði
Keflavíkur
Körfuknattleiksfélag ÍA hefur sam-
ið við Bandaríkjamanninn Jermelle
Fraser um að taka að sér að leika
með og þjálfa lið Skagamanna í 1.
deild karla í körfuknattleik næsta
vetur. Greint var frá þessu á Fa-
cebook-síðu körfuknattleiksfélags-
ins síðastliðinn miðvikudag.
Jermelle er 31 árs gamall og
leikur stöðu bakvarðar. Hann býr
yfir töluverðri reynslu bæði sem
leikmaður og þjálfari. Síðastlið-
inn vetur lék hann körfuknattleik
í Malmö í Svíþjóð, ásamt því að
annast þjálfun barna og unglinga.
Jermelle er væntanlegur til lands-
ins í byrjun septembermánaðar.
Vonast aðstandendur Körfuknatt-
leiksfélags ÍA til að hann reynist
góð lyftistöng í uppbyggingar-
starfi félagsins.
kgk
Jermelle Fraser
verður spilandi
þjálfari ÍA
Liðsmenn Víkings Ó. máttu játa
sig sigraða gegn Breiðabliki í ótrú-
legum undanúrslitaleik Mjólkur-
bikars karla á fimmtudagskvöld.
Blikar náðu að jafna á lokasekúnd-
um framlengingar og sigruðu síð-
an í vítaspyrnukeppni.
Frá fyrstu mínútu var ljóst að um
hörkuleik yrði að ræða. Breiðablik
var mun meira með boltann en
Ólafsvíkingar vörðust vel og skipu-
lega, með fimm manna varnarlínu
og djúpan miðjumann fyrir fram-
an vörnina. Liðsmenn Breiðabliks
komust því lítt áleiðis.
Á meðan liðsmenn Víkings
lögðu allt sitt kapp á að verjast
þurfti sóknarleikur þeirra að gjalda
fyrir það. Fram á við var fátt um
fína drætti hjá Ólafsvíkingum, þar
til þeir fengu hornspyrnu á 32.
mínútu. Kwame Quee tók spyrn-
una og boltinn barst í gegnum alla
þvöguna í vítateig Breiðabliks á
fjærstöngina þar sem Gonzalo Za-
morano skoraði með innanfótar-
skoti af stuttu færi. Ólafsvíkingar
komnir í 1-0 eftir fyrstu marktil-
raun sína í leiknum. Heimamenn
virkuðu slegnir og á meðan lifn-
aði yfir leik Víkings. Gonzalo fékk
annað ágætis tækifæri skömmu eft-
ir markið en skot hans var varið.
Staðan var því 1-0 í hálfleik.
Dýrkeypt mistök
Lengi framan af síðari hálfleik spil-
aðist leikurinn eins og í þeim fyrri.
Breiðablik hélt boltanum en komst
lítt áleiðis gegn þéttum varnarleik
Víkings. Blikar juku sóknarþung-
ann eftir því sem leið á, enda allt
undir hjá þeim. Þegar hálftími var
eftir dró verulega til tíðinda. tho-
mas Mikkelsen átti skot í samskeyt-
in og út. Varnarmönnum Víkings
tókst ekki að bægja hættunni frá,
boltinn barst að lokum til Arons
Bjarnasonar sem átti bylmings-
skot sem small í þverslánni. Ólafs-
víkingar sluppu þar heldur betur
með skrekkinn og héldu foryst-
unni en þó ekki lengi. Á 67. mín-
útu vann thomas Mikkelsen bolt-
ann af Emmanuel Keke í vörninni,
geystist með hann í átt að marki og
kláraði vel einn á móti markmanni.
Staðan orðin 1-1.
Eftir jöfnunarmarkið héldu
Blikar áfram að sækja en Ólafsvík-
ingar vörðust vel allt til loka venju-
legs leiktíma. Því varð að grípa til
framlengingar.
Dramatíkin allsráðandi
Leikurinn var heldur opnari í fram-
lengingunni en í venjulegum leik-
tíma og hart barist inni á vellinum.
Blikar voru meira með boltann en
aftur reyndist fast leikatriði þeim
dýrkeypt. Á lokamínútu fyrri hálf-
leiks framlengingar fékk Víking-
ur aukaspyrnu. Kwame sendi bolt-
ann inn í teiginn og Davíð Kristján
Ólafsson, leikmaður Breiðabliks,
varð fyrir því óláni að skora sjálfs-
mark þegar hann reyndi að skalla
boltann frá. Staðan 2-1 fyrir Vík-
ing og aðeins 15 mínútur eftir.
Blikar lögðu mikið kapp á að
jafna í síðari hálfleik framleng-
ingarinnar, lágu í sókn en náðu
ekki að skapa sér nein dauðafæri.
tíminn virtist vera að hlaupa frá
þeim þegar þeim tókst að jafna
með ótrúlega dramatískum hætti
á lokasekúndum framlengingar-
innar. Ingibergur Kort Sigurðs-
son hafði þá sloppið einn í gegn-
um vörn Breiðabliks en Gunnleif-
ur Gunnleifsson varði frá honum.
Heimamenn geystust upp í sókn
sem endaði með því að boltinn var
lagður hægra megin í teiginn fyr-
ir Brynjólf Darra Willumsson sem
skoraði með góðu skoti í fjærhorn-
ið. Staðan 2-2 að loknum fram-
lengdum leik og því þurfti að grípa
til vítaspyrnukeppni. Þar vörðu
báðir markverðirnir eina spyrnu
hvor. Nacho Heras þrumaði í
þverslána og Damir Muminovic
tryggði síðan Breiðabliki farseðil-
inn í úrslitaleikinn með marki úr
síðustu spyrnunni.
kgk/ Ljósm. úr safni.
Ótrúleg dramatík í undanúrslitum bikarsins
Víkingur Ó. úr leik eftir vítaspyrnukeppni
Víkingur Ó. mátti sætta sig við 4-3
dramatískt tap gegn Þrótti R. leik á
mánudagskvöld. Var þetta fyrsta tap
Víkings á nýja gervigrasinu á Ólafs-
víkurvelli.
Gestirnir byrjuðu betur, sýndu
prýðilega sóknartilburði og voru lík-
legri til að skora í upphafi leiks. Það
var því gegn gangi leiksins þegar
heimamenn komust yfir á 20. mín-
útu. Sasha Litwin átti þá glæsilega
sendingu frá vinstri kanti á Kwame
Quee sem gat ekki annað en skor-
að. Og Ólafsvíkingar létu kné fylgja
kviði. Aðeins fjórum mínútum síð-
ar voru þeir komnir í 2-0. Ingiberg-
ur Kort Sigurðsson sendi boltann á
Kwame sem fór með hann upp að en-
dalínu, sendi fyrir á Gonzalo Zamor-
ano sem afgreiddi boltann í netið.
Í uppbótartíma fyrri hálfleiks
minnkaði Viktor Jónsson muninn
fyrir Þrótt eftir sendingu frá Jasper
van der Heyden. Þróttarar jöfnuðu
síðan á lokaandartökum fyrri hálf-
leiks þegar Daði Bergsson skoraði.
Staðan 2-2 í hléinu eftir ansi hreint
kaflaskiptan fyrri hálfleik.
Jafnræði var með liðunum í upp-
hafi síðari hálfleiks en það voru gest-
irnir sem tóku forystuna í fyrsta sinn
í leiknum á 67. mínútu. Viktor fór þá
upp í skallabolta gegn Fran Marmo-
lejo markverði, boltinn féll niður og
Viktor var fljótur að átta sig og sendi
hann í autt markið.
Litlu munaði að Víkingur jafn-
aði stuttu síðar. Gonzalo átti þá góða
sendingu inn fyrir vörnina á Kwame
en hann skaut framhjá úr upplögðu
færi. En Ólafsvíkingar þurftu ekki að
bíða mikið lengur eftir jöfnunarmark-
inu. Það gerði Ívar Reynir Antonsson
á 78. mínútu eftir sendingu frá Gon-
zalo. Allt virtist stefna í jafntefli þar til
Viktor fullkomnaði þrennu sína með
marki á 88. mínútu. Lokatölur urðu
því 4-3, Þrótti í vil.
Eftir leikinn situr Víkingur í 5. sæti
deildarinnar með 32 stig, jafn mörg
og Þróttur í sætinu fyrir ofan. Næst
leikur liðið gegn Leikni R. á útivelli
föstudaginn 24. ágúst næstkomandi.
kgk
Fyrsta tapið á nýja
gervigrasinu
Kwame Quee prjónar sig framhjá varnarmönnum Þróttar í leiknum á mánudag. Ljósm. af.