Skessuhorn - 22.08.2018, Blaðsíða 20

MIÐVIKUDAGUR 22. ÁGúSt 201820
SKÓLABLAÐ SKESSUHORNS
Fjölbrautaskóli Vesturlands á
Akranesi var settur föstudaginn
17. ágúst síðastliðinn og fór mót-
taka nýnema fram sama dag. Skól-
inn var kynntur fyrir nýnemum á
nýstárlegan hátt með ratleik og
lauk dagskránni með sameigin-
legum hádegisverði í mötuneyti
skólans. Kennsla hófst samkvæmt
stundatöflu mánudaginn 20. ágúst
en sérstakur kynningarfundur var
haldinn þriðjudaginn 21. ágúst
fyrir nemendur sem hófu nám með
vinnu. Ágústa Elín Ingþórsdóttir,
skólameistari, segir mikla og góða
aðsókn í skólann þetta árið. „Það
var því miður ekki hægt að taka
við öllum nemendum sem sóttu
um skólavist í ár. Það á einkum við
um nám í rafiðngreinum en aukn-
ing hefur orðið á nemendum sem
vilja sækja það nám, bæði hér hjá
okkur og á landsvísu,“ segir skóla-
meistarinn og bætir við að það sé
ákveðið verkefni sem stefnt er á
að leysa innan skólans. Einhverjar
breytingar hafa orðið innan starfs-
mannahóps skólans frá síðustu
önn, meðal annars vegna tíma-
bundinna leyfa kennara. Fullráð-
ið er í allar stöður og hafna þurfti
mörgum góðum umsóknum, segir
skólameistari.
Flestir innritast á
náttúrufræðibraut
Í upphafi haustannar eru nemend-
ur skólans 535 talsins. Þar af eru
um 93 í námi með vinnu; 27 í húsa-
smíði, einn í húsgagnasmíði, 35 á
sjúkraliðabraut og 30 í vélvirkjun.
Nýinnritaðir nemendur sem koma
beint úr grunnskóla og eru fæddir
2002 eða síðar eru 118 talsins en
nýinnritaðir nemar á „framhalds-
skólaaldri,“ fæddir 1999-2002 eru
133. Af þeim hópi eru 121 nýnemi
og 12 endurinnritaðir. Mest að-
sókn er á bóknámsbrautir eins og
hefur verið síðustu ár. „Flestir inn-
ritast á náttúrufræðibraut eða 34
nemendur, 28 fara á opna stúd-
entsbraut og 20 á félagsfræðibraut.
Á afreksíþróttasvið hafa 20 ný-
nemar skráð sig en í heildina verða
44 nemendur á því sviði. Þar eru
langflestir í knattspyrnu eða um 33
talsins. Aðrir skiptast á badminton,
fimleika, keilu, klifur og sund,“
segir Ágústa Elín.
Aðstaða fyrir
nemendur og starfsfólk
til fyrirmyndar
Heimavistin er nánast fullsetin
og eins og áður koma vistarbúar
alls staðar að. Fjölgun hefur orð-
ið á nemendum frá Snæfellsnesi og
Borgarnesi sem skólameistari seg-
ir ánægjuefni. „Á vorönn var lok-
ið við að endurnýja innanstokks-
muni á heimavistinni og er stefnt
að því að vinna áfram að endurnýj-
un baðherbergja vistarbúa á næstu
önnum. Allt er þetta vinna sem
Ríkiseignir standa að og er á fram-
kvæmdaáætlun,“ útskýrir Ágústa
Elín.
Ákveðið samverusvæði var útbú-
ið fyrir nemendur á heimavistinni
þegar tvö herbergi voru sameinuð.
Með þeim framkvæmdum er verið
að veita nemendum afnot af eld-
húsi og sameiginlegu rými og hef-
ur það mælst mjög vel fyrir ásamt
því að vera vel nýtt af nemendum.
Í sumar hafa töluverðar fram-
kvæmdir átt sér stað á skólan-
um sjálfum og hefur námsaðstaða
nemenda og vinnuaðstaða starfs-
manna verið bætt til muna. Lokið
hefur verið við að endurnýja tölvu-
kost skólans, kennslurýmið snyrt
og borð og stólar sem nemendur
sitja við verið endurnýjuð. „Segja
má að aðstaða fyrir nemendur og
starfsfólk sé nú til fyrirmyndar,“
segir Ágústa Elín stolt.
Líðan og velferð nem-
enda sífellt í forgrunni
Nokkur nýmæli eru í starfsemi
skólans á þessu hausti. Boðið er
upp á nýtt svið á opinni stúdents-
braut, íþrótta- og heilsusvið, sem
góð aðsókn hefur verið að. Ráð-
gjöf er veitt meðal annars fyr-
ir nemendur með lesblindu og
annars vegar er aukinn stuðning-
ur við nemendur í brotthvarfs-
hættu. „Skólinn, í samstarfi við
nærsamfélagið, mun setja aukna
áherslu á forvarnir og heilsuefl-
ingu og vinna áfram að þeim mál-
efnum sem þurfa sífellt að vera í
forgrunni, það er líðan og velferð
nemenda,“ segir skólameistarinn
og er bjartsýn á skólaárið fram-
undan. „Hvað þetta skólaár varð-
ar þá horfum við björtum augum
fram á veg með samheldinn starfs-
mannahóp sem er jafnframt sam-
stíga í að starfrækja skólastarf í
framþróun. Áfram munum við
leggja kapp á að skapa umhyggju-
samt og lærdómsríkt skólasam-
félag þar sem líðan allra sem þar
starfa er í brennidepli, bæði nem-
enda og starfsfólks,“ segir Ágústa
Elín að endingu.
glh
Fjölbrautaskóli Vesturlands, Akranesi:
Mikil og góð aðsókn í skólann þetta árið
Alls eru 535 nemendur að hefja nám við Fjölbrautaskóla Vesturlands í haust. Ljósm. úr safni.
Nýnemadagur Fjölbrautaskóla
Snæfellinga fór fram í Grund-
arfirði síðastliðinn föstudag og
hófst dagskráin tímanlega klukk-
an 10 um morguninn þar sem far-
ið var yfir helstu þætti skólastarfs-
ins og væntingar til skólaársins.
Fyrsti kennsludagur var svo sam-
kvæmt stundaskrá mánudagur-
inn 20. ágúst. „Nemendur skól-
ans verða svipað margir í ár og frá
því í fyrra eða 172 talsins, þar af
eru 38 nýnemar skráðir til náms,“
segir Hrafnhildur Hallvarðsdótt-
ir, skólameistari Fjölbrautaskóla
Snæfellinga, í samtali við Skessu-
horn. Nám á félags- og hugvís-
indabraut er vinsælast þar sem 70
nemendur eru skráðir til náms.
Einhverjar breytingar eru meðal
starfsfólks frá því fyrir ári síðan og
er búið að ráða kennarar í tilheyr-
andi afleysingar vegna þeirra sem
eru að fara í orlof segir Hrafnhild-
ur. Sömuleiðis hafa nýir kennarar
bæst í hópinn.
Framkvæmdir
og nýjungar
Nokkrar framkvæmdir hafa átt
sér stað hjá FSN. til að mynda
er búið að breyta rými í skólan-
um sem áður hýsti líkamsrækt í
fjölnotasal. Þar verður hægt að
kenna jóga, vera með kvikmynda-
sýningar, almenna kennslu, leik-
list og fleira. Nýjungar í skólan-
um eru líka margvíslegar. „Við
erum að vinna að stofnun fiskeld-
isbrautar og í vor fengum við að
gjöf þrívíddarprentara frá Sam-
tökum sveitarfélaga á Vestur-
landi og eru ýmsar hugmyndir
á lofti um notkun hans,“ greinir
Hrafnhildur frá. „Á vinnudögum í
ágúst sátu kennarar fyrirlestur frá
Christine Harrison sem er doktor
við Kings College í London. Hún
mun vinna með okkur á haustönn
við að skerpa á áherslum skólans
í leiðsagnarmati. Að auki er fjöl-
brautaskólinn þátttakandi í Eras-
mus verkefni og eru nú sjö nem-
endur ásamt kennara staddir á te-
nerife.“
Ekki lengur nýr og
ungur skóli
Hrafnhildur segir að bæði nem-
endur og starfsfólk séu fullir til-
hlökkunar til komandi skólaárs.
„Forseti nemendafélagsins, Ragn-
heiður Ingólfsdóttir, er strax kom-
in með margar hugmyndir fyrir
félagslíf nemenda og á sama tíma
eru kennarar með margar nýjung-
ar í kennsluaðferðum og náms-
efni,“ segir skólameistarinn.
Nú er Fjölbrautaskóli Snæfell-
inga að hefja sitt 15. starfsár og er
því ekki lengur nýr og ungur skóli
að sögn Hrafnhildar. „Skólinn er
nú búinn að sanna tilvist sína og
starfsfólk er ákveðið í að halda
áfram að standa fyrir því sem var
ákveðið í upphafi við stofnun skól-
ans en það var að þróa nýja hugsun
í kennsluháttum, skipulagi í skóla-
starfi og skólahúsnæði. Í Fjöl-
brautaskóla Snæfellinga er tæki-
færi til breytinga og innleiðingar á
nýjum kennsluháttum og skólinn
hefur haft mikil áhrif á samfélögin
á Snæfellsnesi,“ segir Hrafnhildur
að endingu. glh
Fjölbrautaskóli Snæfellinga:
Skólinn er búinn að sanna tilvist sína
Frá nýnemadögum FSN í fyrra. Ljósm. úr safni.