Skessuhorn - 22.08.2018, Blaðsíða 14

MIÐVIKUDAGUR 22. ÁGúSt 201814
Byggðarráð Borgarbyggðar hélt
fund síðastliðinn mánudagsmorgun.
Þar var undir 12. lið á dagskrá fjallað
um lóðarleigusamning og fleira sem
tengist samskiptum sveitarfélagsins
við fyrirtæki sem reka starfsemi sína
við Borgarbrautar 55. Frá því máli
var ítarlega greint í síðasta Skessu-
horni. Í upphafi fundar var bók-
að: „Byggðarráð Borgarbyggðar
vill koma því á framfæri að það er
vilji af hálfu sveitarfélagsins til að ná
samkomulagi við lóðarhafa á Borg-
arbraut 55 í þeirri stöðu sem nú er
uppi, sem báðir aðilar geta sætt sig
við. Það kom m.a. skýrt fram í bréfi
Borgarbyggðar sem sent var til lóð-
arhafa þann 30. júlí sl. Í umræddu
bréfi var leitast við að skýra réttar-
stöðu sveitarfélagsins og því lýst yfir
að áhugi sé fyrir því að halda áfram
samningsviðræðum. Einnig kemur
fram að sveitarfélagið er reiðubúið
til að útvega þeim nýja lóð eða lóð-
ir undir rekstur þeirra og semja um
forsendur þess að starfsemi þeirra
verði flutt af Borgarbraut 55.“
Minnihlutinn með
sérstaka bókun
Guðveig Eyglóardóttir oddviti
Framsóknarflokks og minnihlut-
ans í sveitarstjórn lagði þá fram
svohljóðandi bókun: „Undirrituð
fulltrúi Framsóknarflokksins hvet-
ur meirihlutann til að hundsa ekki
samfélagslega ábyrgð sína. Fram-
gangur Borgarbyggðar byggir á
því að hér sé tryggt að fyrirtæki
sjái tækifæri til vaxtar. Samskipti
stjórnsýslunnar eiga að einkenn-
ast af trausti, sanngirni, samtali
og virðingu. Ljóst er [að] meiri-
hluti sveitarstjórnar þarf að axla
ábyrgð á því að samskipti lögfræð-
ings Borgarbyggðar við lóðarhafa
að Borgarbraut 55 hafi ekki ver-
ið fylgt eftir í samræmi við það
sem var ákveðið eftir umræður á
byggðarráðsfundi 19. júlí sl. Mikil-
vægt er að sveitarstjórn starfi inn-
an þeirra heimilda sem hún hefur,
en gæti þess ávallt að stjórnsýslan
fari ekki fram gagnvart fyrirtækj-
um og íbúum með drambsemi.
Undirrituð tekur ekki þátt í aðför
að atvinnulífinu í Borgarbyggð.“
Lýsa fullum
samningsvilja
Þegar bókun Guðveigar hafði ver-
ið lögð fram var tekið hlé á fundi
byggðarráðs. Að afloknu fund-
arhléi var framlögð eftirfarandi
bókun af fulltrúum meirihlutans:
„Undirrituð vilja benda á það að
allir fulltrúar í byggðarráði sam-
þykktu að senda út umrætt bréf
sem lagt var fyrir fund byggðar-
ráðs þann 19. júlí síðastliðinn. Það
var gert til að skýra lagalega stöðu
sveitarfélagsins fyrir öllum aðilum
í þeim viðræðum sem átt höfðu sér
stað. Einnig var lögmanni sveitar-
félagsins falið að hafa samband við
lögmann lóðarhafa að Borgarbraut
55 til að undirstrika enn frem-
ur samningsvilja sveitarfélagsins
í málinu. Undirrituð ítreka þá af-
stöðu sína að til staðar sé full-
ur samningsvilji. Það er vilji allra
að ásættanleg niðurstaða náist á
milli aðila í málinu.“ Undir álykt-
unina rita Lilja Björg Ágústsdótt-
ir, Halldóra Lóa Þorvaldsdóttir og
Magnús Smári Snorrason, sem er
áheyrnarfulltrúi í byggðarráði.
mm
Bókað í byggðarráði um málefni Borgarbrautar 55
Borgarbraut 55 í Borgarnesi.
„Það er búið að vera reytingsveiði
af makríl að undanförnu,“ seg-
ir Pétur Bogason, hafnarvörður í
Ólafsvík, aðspurður um gang mak-
rílveiðanna í Breiðafirði að undan-
förnu. Veiðarnar fóru seinna í gang
í ár en á síðustu vertíð. „Þetta er
nú heldur að aukast. Sumir bátar
hafi tvílandað en aflinn síðustu
daga hefur verið þetta frá þremur
og upp níu tonn.“
Magnús Guðni Emanúelsson er
einn reyndasti makrílskipstjórinn
og hefur hann veitt vel að undan-
förnu á bátnum Rán SH. Magnús
rær einn og hefur hann komið með
fullfermi í land margoft. „Þetta
hefur gengið vel hjá mér í ár svo ég
þarf ekki af kvarta,“ segir Magn-
ús skælbrosandi þegar fréttaritari
hitti hann um borð þegar hann
kom drekkhlaðinn í land í vikunni
sem leið. „Þetta eru um 5-6 tonn
en báturinn tekur ekki meira en
það. Svo ég er alsæll,“ segir hann
og bætir við að nóg sé af mak-
ríl á veiðisvæðinu og er heldur
að aukast ef eitthvað er. „Ólyginn
maður sagði mér að það væri að
minnsta kosti ein milljón tonna af
makríl á miðunum hér fyrir utan,“
sagði Magnús og skellihló.
af
„Ólyginn maður sagði að hér væri að
minnsta kosti milljón tonna“
Rán SH sem Magnús rær á kemur vel hlaðinn að landi í Ólafsvík.
Magnús Guðni Emanúelsson var að vonum ánægður með góðan afla.Sjómaður að ísa makrílinn en það þarf að kæla fiskinn vel niður svo hann haldi ferskleika sínum sem best.