Skessuhorn - 24.10.2018, Blaðsíða 13

MIÐVIKUDAGUR 24. OKTÓBER 2018 13
Á kvöldstund með Braga Þórðar þann
1. nóvember nk. hlýtur Bragi nafnbótina
Heiðursborgari Akraness.
Um áratuga skeið hefur Bragi safnað og geð út
sögur af fólki og annan fróðleik um Akranes, alls
22 bækur auk fjölda annarra verka. Í verkum hans
liggja ómetanleg verðmæti sem hann hefur bjargað
frá því að falla í gleymsku og þannig lagt sinn skerf
til samfélagsins á Akranesi. Bragi hefur ætíð haft
hagsmuni samfélagsins að leiðarljósi með velvilja
og jákvæðni.
Kvöldstundin fer fram á Bókasafni Akraness
og hefst kl. 20:00. Allir velkomnir.
Bragi
Þórðarson
hlýtur nafnbótina
Heiðursborgari
Akraness
Fjármálaráðherra og Bændasamtök
Íslands hafa undirritað samkomu-
lag þess efnis að frá og með næstu
áramótum muni ríkið taka yfir líf-
eyrisskuldbindingar Bændasam-
takanna að upphæð 172 milljónir
króna á ári. Samkvæmt samningn-
um mun framlag ríkisins vegna bú-
vörusamninga lækka sem því nem-
ur frá áramótum.
Á vef Bændasamtakanna er sagt
frá þessu: „Þegar Bændasamtök Ís-
lands voru stofnuð árið 1995 með
sameiningu Búnaðarfélags Ís-
lands og Stéttarsambands bænda
ábyrgðist ríkissjóður skuldbinding-
ar Bændasamtaka Íslands í B-deild
Lífeyrissjóðs starfsmanna ríkisins
(LSR). Bændasamtökin hafa um
árabil óskað eftir því að lífeyris-
skuldbindingarnar yrðu færðar al-
farið yfir til ríkisins enda arfur frá
gamalli tíð þegar starfsfólk Bún-
aðarfélagsins, Stéttarsambands-
ins, Framleiðsluráðs og búnaðar-
sambandanna greiddi í B-deildina.
Frá því að Bændasamtökin voru
stofnuð hafa lífeyrisskuldbindingar
verið færðar á gjaldahlið þeirra en
fjármögnunin komið úr búnaðar-
lagasamningi og síðar rammasamn-
ingi.“
Sigurður Eyþórsson, fram-
kvæmdastjóri segir á vef Bænda-
samtakanna að undirritunin sé
þýðingarmikil fyrir samtök bænda
en árlegar lífeyrishækkanir vegna
skuldbindinganna hafa verið fjár-
magnaðar af framlögum ramma-
samnings milli bænda og ríkisvalds.
„Bændasamtökin hafa um ára-
bil leitað samninga um breyting-
ar á ábyrgð þessara skuldbindinga.
Þetta snýst um þá starfsmenn félaga
og stofnana í landbúnaði sem töld-
ust opinber eða hálfopinber og eiga
lífeyrisréttindi í B-deild Lífeyris-
sjóðs starfsmanna ríkisins. Það er
svo sannarlega gleðiefni að þessu sé
nú loksins lokið,“ segir Sigurður.
mm
Ríkið yfirtekur lífeyrisskuld-
bindingar Bændasamtakanna
Tek að mér að binda inn
bækur á hóflegu verði
Frekari upplýsingar í síma 557-7957
Bækur til sölu:
Ingvi konungur, John F. Kennedy, Hrunadans heimsvelda, Stóra
brandarabókin, Da Vinci lykillinn, Sannar kynjasögur, Hetjur í hafsnauð,
Klárir í bátana, Í Rauðárdalnum, Vornætur á Elgsheiðum, Brasilíufar-
arnir, Þorvaldur Guðmundsson í Síld og Fiski, Geymdar stundir 1. og 2.
hefti, Konan sem kunni að þegja, Ísland á bresku valdsvæði, Lífsháski
í Ljónadal, Gylfi Þ. Gíslason, Davíð Livingston, Íslenskir örlagaþættir
eftir Sverri Kristjánsson og Tómas Guðmundsson, Harmsaga ævi
minnar, Strandamannasaga, Kolsvíkurætt, Æviskrá Strandamanna, Saga
stríðsstarfa, Nú brosir nóttin, Á refaslóðum, Strandamannabók, Sléttu-
hreppur, Jeppabókin, Búvélar og ræktun, Ættir Austfirðinga, Saga
Alþingis 5. bindi, Ritverk Gunnars Gunnarssonar, Nú er fleytan í nausti,
Sunnudagsblað Tímans og Heimilistíminn, Frá ystu nesjum, Árbækur
Ferðafélags Íslands, Múlaþing, Sjómannaalmanak 8. Árgangsvikan árg.
1946 og 47, Ritverk Jökuls Jakobssonar og margar aðrar bækur.
Bara hringja og spyrja.
Upplýsingar í síma 557-7957.
Innbinding bóka
og bækur til sölu
SK
ES
SU
H
O
R
N
2
01
8
Kristín Snyrtistofa var opnuð á
B59 Hoteli í Borgarnesi 10. októ-
ber síðastliðinn og segist Krist-
ín Snorradóttir, eigandi snyrtistof-
unnar, vera ánægð með viðskiptin
fyrstu vikuna. „Ég er mjög ánægð
með viðtökurnar og bjartsýn fyr-
ir framhaldinu,“ segir hún bros-
andi þegar blaðamaður hitti hana
á snyrtistofunni á mánudagsmorg-
un. Kristín er fædd og uppalin í
Reykjavík en flutti í Borgarfjörð-
inn sumarið 2015 ásamt eiginmann
sínum, Eggerti Magnússyni frá Ás-
garði í Reykholtsdal, og Guðmundi
syni þeirra. Kristín er snyrtifræð-
ingur að mennt og hafði áður starf-
að við fagið á snyrtistofunni Mecca
spa á Hóteli Sögu í Reykjavík.
Kristín segist aldrei hafa ætlað
sér að læra snyrtifræði en að svo
hafi hún fundið sig í faginu. „Ég
var enginn rosalegur námsmaður
en svo eftir að ég eignaðist eldri
son minn ákvað ég að mennta mig.
Ég fór í snyrtifræði í Fjölbrauta-
skólanum í Breiðholti og strax frá
fyrsta degi gekk mér rosalega vel.
Ég fann mig í þessu námi,“ segir
hún brosandi. Kristín stóð sig mjög
vel í námi og útskrifaðist með við-
urkenningu fyrir framúrskapandi
árangur. „Ég tók líka þátt í Íslands-
mótinu í iðn- og verkgreinum í
mars 2014 og vann gullið í snyrti-
fræðiflokki,“ segir hún stolt.
Þýskar hágæða vörur
Aðspurð hvernig það hafi komið til
að hún opnaði snyrtistofu í Borgar-
nesi segist hún haf séð auglýst eft-
ir snyrtifræðingi á hótelið í Borgar-
nesi og hún ákveðið að slá til. „Um
leið og yngri sonur minn komst
inn á leikskóla í september hafði ég
samband við hótelstjórann og við
komumst fljótt að samkomulagi og
nú er ég búin að opna,“ segir hún.
„Ég leigi aðstöðuna svo þetta er al-
veg sjálfstæður rekstur hjá mér en
ég er í góðu samstarfi við hótelið
og þau vilja allt fyrir mig gera. Ég
er mjög þakklát hótelinu og Jóel
hótelstjóra fyrir þetta frábæra tæki-
færi.“ Á snyrtistofunni mun Krist-
ín bjóða upp á litun og plokkun,
vax, fótsnyrtingu og andlitsmeð-
verðir. „Litun og plokkun er allt-
af vinsælast en vaxið hefur líka ver-
ið mjög vinsælt,“ segir Kristín. „Ég
nota eingöngu hágæða vörur frá
Þýskalandi í meðferðunum. Í and-
litsmeðferðum nota ég margverð-
Kristín Snyrtistofa
opnuð í Borgarnesi
Kristín Snorradóttir hefur nú opnað snyrtistofu á B59 Hotel í Borgarnesi.
launaðar vörur frá merkinu Janssen
Cosmetics sem er þróað af læknum
og snyrtifræðingum. Í fótameð-
ferðum er ég með hágæða vörur
frá merkinu Gewhol og OPI nagla-
lökk,“ segir Kristín og bætir því við
að hún muni einnig vera með þess-
ar snyrtivörur til sölu fyrir þá sem
vilja.
Allar nánari upplýsingar um
meðferðir, verð, opnunartíma eða
bókanir má finna á Facebook undir
Kristín Snyrtistofa.
arg