Skessuhorn - 24.10.2018, Blaðsíða 31

MIÐVIKUDAGUR 24. OKTÓBER 2018 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Kvennalið Skallagríms tók á móti
Stjörnunni í hörkuleik síðastliðinn
sunnudag í Domino´s deildinni. Í
vikunni áður spiluðu þær þriðju um-
ferðina við Keflavík og máttu sætta
sig við 75:65 tap á útivelli. Skemmst
er frá því að segja að leikurinn á
sunnudaginn var öllu betri fyrir
Skallagrím enda munar um áhorf-
endur í Fjósinu. Unnu Borgnesing-
ar með 79 stigum gegn 71 og lönd-
uðu dýrmætum stigum í baráttunni.
Hjá Skallgrími voru útlendingarnir
lang atkvæðamestir á sunnudaginn.
Breezy Blair gerði 21 stig, Shequila
Joseph 19 og Maja Michalska 14.
Næsti leikur er Vesturlandsslag-
ur við Snæfell sem spilaður verður í
Stykkishólmi í dag, miðvikudag.
mm
Skallgrímskonur
sigruðu Stjörnuna
Hér er Breezy Blair að setja körfu fyrir heimakonur í Borgarnesi.
Ljósm. Skallagrímur.
Á sunnudagskvöldið mættust KR og
Snæfell í fjórðu umferð Domino‘s
deildar kvenna. Leikið var í Vest-
urbæ Reykjavíkur. Fyrir leikinn var
Snæfell taplaust á toppi deildarinn-
ar með sex stig, en í umferðinni á
undan unnu Snæfellskonur Stjörn-
una með 62 stigum gegn 53. Fyr-
ir leikinn á sunnudaginn sat KR í
öðru sæti með fjögur stig. Skemmst
er frá því að segja að KR-ingar
leiddu nær allan leikinn og sigruðu
að lokum með 72 stigum gegn 69
eftir æsispennandi lokamínútur þar
sem brugðið gat til beggja vona.
Snæfellskonur áttu erfitt upp-
dráttar í byrjun og fengu á sig sex
stig. Staðan eftir fyrsta leikhluta
var 22-11 KR í vil. Sama var upp á
teningnum í öðrum leikhluta, KR-
konur voru grimmari og leiddu
mest allan fjórðunginn með 10-12
stigum. Staðan í hálfleik var 37-30
fyrir Vesturbæingana. Í síðari leik-
hluta byrjaði KR sömuleiðis betur
og náðu mest 13 stiga forystu áður
en Snæfellingar byrjuðu að saxa
hægt og rólega á forskotið. Í lok
þriðja leikhluta munaði aðeins einu
stigi á liðunum. Snæfellingar kom-
ust svo yfir í fyrsta skipti í leiknum í
byrjun fjórða leikhluta 55-57. Jafn-
ræði var með liðunum það sem eftir
lifði leiks en KR-ingar voru sterkari
á lokasprettinum og sigruðu eins og
fyrr segir 72:69.
Hjá Snæfelli var Kristen
McCarthy stigahæst með 23 stig og
Katarina Matijevic með 19. Stiga-
hæstar í liði KR voru þær Kiana Jo-
hnson með 15 stig og Orla O‘Reilly
með 14 stig.
Nú er það Vesturlandsslagur því
Snæfell tekur á móti Skallagrími í
Stykkishólmi í kvöld í fimmtu um-
ferð deildarinnar. mm
Berglind Gunnarsdóttir
undir körfunni.
Ljósm. Þorsteinn
Eyþórsson.
Snæfellskonur gáfu
fyrstu stigin út
Stjarnan bar sigurorð af Skalla-
grími í þriðju umferð Dominos
deildar karla á föstudaginn, en spil-
að var í íþróttahúsi bæjarins sem nú
ber hið athyglisverða nafn; „Mat-
hús Garðabæjarhöllin.“ Skalla-
grímur leiddi allan fyrri hálfleik en
Stjarnan steig upp í fyrri hálfleik og
landaði að endingu tíu stiga sigri,
82-72. Skallagrímur spilaði vel í
fyrri hálfleik en Stjarnan að sama
skapi illa. Það viðurkenndi þjálfar-
inn Arnar Guðjónsson eftir leikinn.
Mikill ákafi var í vörn Skallagríms
og Stjarnan varð hreinlega undir í
baráttunni. Þegar Stjarnan bætti
varnarleikinn í síðari hluta leiks
fóru hlutirnir hins vegar að gerast
fyrir þá og engu líkara en Borgnes-
ingar misstu taktinn. Engu að síður
var frammistaða Skallagríms heilt
yfir prýðileg, þótt ekki dygði hún
til sigurs.
Aundre J var atkvæðamestur í liði
Skallagríms með 27 stig og Eyjólf-
ur Ásberg með 15.
mm/ Ljósm. Stjarnan/Bára Dröfn.
ÍA tók á móti Reyni frá Sandgerði í
2. deildinni seinnipartinn á sunnu-
daginn. Bæði lið höfðu leikið tvo
leiki á tímabilinu, ÍA unnið einn
og tapað einum á meðan Reynir
hafði tapað báðum sínum leikjum.
ÍA hafði ekki unnið heimaleik síð-
an 5. janúar 2017 og Reynir Sand-
gerði ekki unnið útileik jafn lengi.
Það var því mikið undir hjá báðum
liðum að láta til sín taka.
Leikurinn fór ágætlega af stað
hjá báðum liðum. ÍA spilaði góða
pressuvörn sem Reynismenn áttu
erfitt með að finna svör við. Skaga-
menn náðu þá nokkrum auðveld-
um sniðskotum eftir að hafa stol-
ið boltanum. Skagamenn kláruðu
fyrri hálfleikinn 61-44 og útlitið
gott fyrir þá.
Í þriðja leikhluta juku Skaga-
menn við forustuna um sjö stig.
Sandgerðingar komu svo aðeins til
baka í fjórða leikhluta en það var of
seint og dugði ekki til og lokatöl-
ur í leiknum 103 – 85 langþráður
heimsasigur ÍA, sá fyrsti í rúmlega
21 mánuð. Besti maður vallarins
var Chaz hjá ÍA en hann setti niður
29 stig, gaf 8 stoðsendingar og tók
6 fráköst auk þess að stela nokkrum
boltum. Einnig var Arnar Smári að
skila góðu sem og Sindri Leví.
mm/ Ljósm. jho.
Langþráður heimasigur
ÍA í körfunni
Gáfu frá sér stigin í Mathús
Garðabæjarhöllinni
Brynhildur Traustadóttir sund-
kona úr ÍA náði um helgina lág-
marki á Norðurlandameistrara-
mót sem fram fer í Finnlandi í des-
ember. Þessum árangri náði hún á
Extra-móti SH sem haldið var í Ás-
vallalaug. Sundfélag Akraness átti
níu sundmenn á mótinu. Árangur
Skagakrakkanna var góður og náðu
þau öll að bæta fyrri árangur. Guð-
björg Bjartey Guðmundsdóttir synti
sig meðal annars inn í Tokyo-hóp
sem er framtíðarhópur Sundsam-
bands Íslands.
Brynhildur Traustadóttir átti mjög
góða helgi og náði lágmarki í 400m
skriðsundi á Norðurlandameistara-
mótið sem verður í byrjun desemb-
er. Synti hún á tímanum 4.28.33. Í
1500m skriðsundi setti hún Akra-
nesmet í flokki 15-17 ára og bætti
metið um 30 sekúndur. Brynhildur
átti þriðja besta árangur kvenna á
mótinu um helgina. mm
Brynhildur náði
lágmarki á NM í sundi
Hópurinn frá Akranesi sem keppti á Extra móti SH. Brynhildur Traustadóttir.