Heimsmynd - 01.06.1991, Síða 16

HEIMSMYND
UPPLJ ÓSTRANIR
Ólafur Jóhann Ólafsson... I flóttamannabúðum ... Körfubolti með Kastró
GÍNEUFARINN
Helga Valfells hagfræðing-
ur sem prýddi forsíðu
HEIMSMYNDAR í október
á síðasta ári hefur lagt land
undir fót. Nýlega hélt hún til
Vestur-Afríkuríkisins Gíneu
á vegum Rauða kross Islands
þar sem hún mun starfa
næstu sex mánuðina við
skipulagningu flóttamanna-
hjálpar. Neyðarástand skap-
aðist þegar borgarastyrjöld
braust út í nágrannaríki Gín-
eu, Líberíu, í fyrrasumar.
Fjöldi fólks flúði blóðbaðið
og hefst nú við í flóttamanna-
búðum þar sem Helga starf-
ar.
íslenski Rauði krossinn
hefur sent fólk til starfa á sín-
um vegum síðan 1975 og er
þessi þáttur starfseminnar sí-
fellt að vaxa. Það sem af er
þessu ári hafa 12 íslendingar
haldið til starfa meðal
hrjáðra og þurfandi í Irak og
Tyrklandi.
Talsverð ásókn er í þessi
störf en þeir sem sækja um
verða að vera orðnir tuttugu
og fimm ára og hafa að baki
nokkurra ára starfsreynslu.
Þeim umsækjendum sem
taldir eru koma til greina er
síðan boðið að sækja fimm
daga námskeið í Munaðar-
nesi á vegum Rauða krossins
þar sem undirbúningur fyrir
væntanleg störf fer fram. Að
loknu námskeiðinu teljast
umsækjendur vera komnir á
það sem nefnt hefur verið al-
þjóðavakt og bíða þess að
kallið komi.
Helga Valfells sem prýddi forsíðu
HEIMSMYNDAR í október á síðasta
ári hefur nú haldið til hjálparstarfa
í Vestur-Afríkuríkinu Gíneu.
ÆVI OG ÁSTIR ERRÓS
Aðalsteinn Ingólfsson listfræðingur vinnur nú að því að
skrifa ævisögu listamannsins Guðmundar Guðmundssonar,
Errós. Bókin er byggð á viðtölum við listamanninn og fjöl-
marga vini hans bæði íslenska og erlenda, þar á meðal súr-
realistann Matta, Adami og poppmyndlistamanninn Jim
Dine. Meðal þeirra íslendinga sem höfundur ræðir við eru
Magnús Bjarnfreðsson fréttamaður og Jón Helgason al-
þingismaður en báðir eiga þeir það sameiginlegt með lista-
manninum að vera Skaftfellingar. Aðalsteinn hefur einnig
verið í sambandi við konurnar í lífi Errós, meðal annars
fyrrverandi konu hans, hina ísraelsku Myriam Bat-Yosef.
Að sögn Aðalsteins setti Erró aðeins það skilyrði í upphafi
samvinnu þeirra að sjálfur þyrfti hann ekki að koma nærri
þeim hluta þar sem aðrir viðmælendur höfundar segja frá
kynnum sínum af honum. Bókin er því mjög opinská um-
fjöllun um mann sem hefur lifað hátt, unnið eins og ber-
serkur og uppskorið ríkulega.
Það má með sanni segja að líf Errós hafi verið ævintýri
líkast. Hann varð fljótt staðráðinn í að gera listina að ævi-
starfi sínu en þar sem efni voru lítil vandaðist málið þegar
að því kom að halda til náms í Noregi. Guðmunda Krist-
insdóttir frænka hans og fóstra keypti þá happdrættismiða
og svo ótrúlega vildi til að stuttu síðar kom stór vinningur á
miðann. Vinningurinn gerði Erró kleift að halda út til
náms. Ungur kynntist hann öllum helstu súrrealistum
Parísar sem hrifust af einlægni og orku þessa unga íslend-
ings. Hann var þátttakandi í trylltum uppákomum listalífs
heimsborganna, spilaði körfubolta með Kastró þegar hann
dvaldi á Kúbu í boði forsetans ásamt fleiri listamönnum ár-
ið 1967. Erró kynntist einnig Andy Warhol og vinahópi
hans, þar á meðal Lou Reed og Vivu en hún var ein af stór-
stjörnum Warhols. Viva varð síðan sambýliskona Errós um
skeið.
En bókin fjallar ekki aðeins um einkalíf Errós heldur
segir hún jafnframt frá listsköpun hans. Bókina prýða
hundruð ljósmynda og að sögn Aðalsteins er hún orðin svo
mikil að vöxtum að allt eins mætti kalla hana myndaalbúm.
MEÐ NÝJA BÓKI
FARTESKINU
Ólafur Jóhann Ólafsson,
rithöfundur og aðstoðarfor-
stjóri stórfyrirtækisins SONY
í Bandaríkjunum, kom í
stutta heimsókn til íslands á
dögunum og hafði meðferðis
handrit að nýjasta ritverki
sínu. Hér er um skáldsögu að
ræða og fjallar hún um sjö-
tugan Islending sem rifjar
upp það sem á daga hans hef-
ur drifið. Aðalsöguhetjan
sem Ólafur Jóhann hefur gef-
ið nafnið Pétur Pétursson
hefur lent í ýmsu um dagana
og glæpur sem hann framdi
fyrir mörgum árum en eng-
inn hefur vitað af liggur með-
al annars mjög þungt á hon-
um. Pétur trúir pappírnum
fyrir þessu sem öðru af lífs-
ferli sínum en inn í söguna
blandast jafnframt hlutir sem
eru að gerast í kringum hann
meðan hann festir þessi
minningarbrot sín á blað.
Bókin er stærsta verk sem
höfundur hefur sent frá sér
til þessa en áætlað er að hún
verði um þrjú hundruð blað-
síður. Aðdáendur Ólafs Jó-
hanns mega því eiga von á
glaðningi þegar vetra tekur
en stefnt er að því að bókin
komi út í lok októbermán-
aðar.
Nafnarnir Ólafur Jóhann Ólafsson,
rithöfundur og aðstoöarforstjóri
SONY, og Ólafur Ragnarsson, for-
stjóri Vöku-Helgafells, með handrit
að nýrri bók.
16 HEIMSMYND