Heimsmynd - 01.06.1991, Blaðsíða 49

Skúli kveðst vera mest fyrir einfaldan mat. „Grilluð svína-
kótiletta er það besta sem ég fæ. Fiskur finnst mér líka yfir-
leitt góður og þá helst léttgrillaður með gufusoðnu grænmeti
og hrásalati. Ég er hins vegar ekki mikið fyrir nautakjöt, mér
finnst það þungmelt.“ Því verður ekki andmælt að nautgripa-
stofn okkar er fyrst og fremst mjólkurkyn og það er staðreynd
að við erum skammt á veg komin í ræktun holdanauta. „Þessi
stofn gefur fyrst og fremst af sér góða mjólk en ekki gott kjöt.
A þessu er munur, svipaður þeim mun sem er á dráttarhesti
og veðhlaupahesti. Hins vegar er íslenskt svínakjöt mjög gott
og sömuleiðis kjúklingar og
lambakjöt að ógleymdum fisk-
inum sem hvergi er fáanlegur
ferskari eða betri.“ Að mati
Skúla er grænmeti orðinn allt-
of dýr þáttur í hráefniskaup-
um, sérstaklega þegar það er
haft í huga hversu hollt það er.
Hann bendir jafnframt á að ill-
gerlegt sé að fá grænmeti í
hæstu gæðaflokkum hér.
„Þegar maður er búinn að starfa í þessum geira í tuttugu ár
er maður farinn að finna þann fína mun sem ræðst til dæmis af
því við hvaða hita hráefnið hefur verið steikt, upp úr hverju,
hvort sósan er gerð úr ekta soði eða ekki. Mér finnst oft
skorta á í matseld hér að fólk hafi nægilega tilfinningu fyrir
þeim hlutum sem það er að gera. Það vantar ef til vill þessa
hárfínu tilfinningu." Sjálfur eldar Skúli aldrei enda segist hann
fá sig fullsaddan af eldamennsku í vinnunni. „Eftir að ég kem
heim get ég ekki hugsað mér að fara að standa í einhverjum
stórræðum." Þarna kemur skýringin á því að hann segir múslí
með skyri og rúsínum vera uppistöðuna í fæði sínu. „Ég borða
það meira og minna í öll mál.“
Margir hafa velt því fyrir sér hver galdurinn að baki ára-
tugalangri velgengni Hótels Holts er. Meðan önnur hótel og
veitingastaðir hafa barist við að halda sínu hefur ætíð mátt
ganga að Hótel Holti sem veitingastað í allra besta flokki.
„Það er fyrst og fremst viðmótið og þjónustan. Þá verður mat-
ur, innréttingar og hreinlæti að vera fyrsta flokks. Það eru líka
ákveðnir þættir sem verða að vera til staðar á góðu hótelher-
bergi. Það verður að vera bjart og rúmgott, hreint og búið sér-
lega góðum rúmum. Línið verður að vera vandað, teppi á
gólfum mega ekki vera úr gerviefnum og handklæðin verða
bæði að vera stór og þykk. Til viðbótar leggjum við áherslu á
að skapa glæsilega umgjörð sem veitir hótelinu sérstöðu. En
allt væri þetta einskis virði ef þjónustan við gesti væri ekki
hundrað prósent á öllum sviðum.“
Skúli bendir þó á að langan tíma hafi tekið að byggja hótel-
ið upp. „Maturinn þótti strax góður en hótelið taldist í upp-
hafi aðeins til hagkvæmra ferðamannahótela, með þunnum
handklæðum og teppum úr gerviefnum.“ Það leynir sér ekki
að slíkur rekstur hefur ekki verið Skúla að skapi. „Það er ekk-
ert gaman að reka fyrirtæki sem maður er ekki stoltur af. Ég
held ég hefði hætt rekstrinum ef okkur hefði ekki tekist að
bæta hótelið og gera það að því sem það er í dag.“
En líkt og Skúli bendir á er ekkert til sem heitir að slaka á í
rekstri sem þessum. Stöðugt verður að vera vakandi fyrir öll-
um breytingum og því að hvergi sé veikur hlekkur í þjónustu
við gesti. Aðild að Relais & Chateaux er engin æviráðning.
Virkt eftirlit er með því að þau hótel sem tilheyra samtökun-
um fullnægi þeim kröfum sem gerðar eru. Framundan er því
síst minni vinna en sú sem að baki er. Sé hins vegar fortíðin
höfð til viðmiðunar er ekki við öðru að búast en að vegur
Hótels Holts eigi enn eftir að vaxa.D
„Það besta sem ég fæ er
grílluð svínakótiletta, “
segir Skúli.
ÍttMí)
í HVAÐA VEÐRISEM ER
Meö Meco þarftu ekki að hafa áhyggjur
af veðrinu, það er alltaf hægt að grilla.
Hönnun MECO:
Loftflæðið gerir Meco að frábæru útigrilli
• Það sparar kolin.
• Brennur sjaldnar við.
• Hægt er að hækka og
lækka grindina frá glóðinni.
• Tekur styttri tíma að grilla og maturinn
verður safaríkari og betri.
• Auðveld þrif.
MADE tN UbA
l Heimilistæki hf
I SÆTÚNI8 SÍMI691515 ■ KRINGLUNNISÍMI69 15 20
SOHUUHQjUHC