Heimsmynd - 01.06.1991, Page 76

sanss -i-=- *- -5 *
S í iS" *"«p,esT' 5«,
fnrstióri Ólatur, alþingismaöur á Allgeirsvollum, Eiriku ,
nrpstaskólakennari 09 alþingismaður, Gunnlaugur,
Reykholti, og Eggert hæstarettardoman.
nóShS‘ 1926t Bein',yrir af,an er Eiríkur Briem
Pé/uríí Ásthilí ríðar VÍð hana má meöal annars siá '
00 S , h0r einSSOn ,rá Bllt,ut,a|. afa hennar
tp9n0mmei mnöurætt' 09 Bríeti Bjarnhéöinsdóttur
tengdamoður hennar. Börnin sem sitja eru svstkini
bruðarinnar, þau Guðrún Briem, Pétur J. Thorsteinsson
siðar sendiherra, og Eiríkur Briem, síðar forstjóri ’
Landsvirkjunar.
Gunnlaugur Claessen lækn-
ir, Eggert Claessen banka-
stjóri og María Kristín Cla-
essen, kona Sigurðar Thor-
oddsen verkfræðings (móðir
Gunnars forsætisráðherra).
1920), vel gefin og hagorð kona en mikil hagmælska hefur
fylgt mörgum af Briemsætt. Hún giftist Davíð Guðmundssyni,
sem lengst af var prestur á Hofi í Hörgárdal. Meðal barna
þeirra:
a. Elsti sonurinn var hinn frægi náttúrufræðingur og þjóð-
fræðasafnari Ólafur Davíðsson (1862-1903). Þekktasta verk
hans er íslenskar gátur, skemmtanir, vikivakar og þulur. Hann
drukknaði kornungur í Hörgá.
b. Ragnheiður Davíðsdóttir (1864-1937) húsfreyja í Fagra-
skógi var annað barn Ólafs og Dómhildar. Hún var gift Stef-
áni Stefánssyni, bónda og alþingismanni. Langfrægasta barn
þeirra var Davíð Stefánsson (1895-1964), skáldið frá Fagra-
skógi, sem var ástmögur þjóðarinnar og þjóðskáld um sína
tíma, allt frá því að fyrsta ljóðabók hans, Svartar fjaðrir, kom
út árið 1919. Davíð bjó á Akureyri og var þar bókavörður
Amtsbókasafnsins. Hann er einn af þremur stórskáldum
Briemsættarinnar en hinir eru Hannes Hafstein og Valdimar
Briem (sjá síðar). Meðal systkina Davíðs frá Fagraskógi voru
Þóra Stefánsdóttir (1891-1981) á Hjalteyri (amma Árna Kol-
beinssonar (f. 1947), ráðuneytisstjóra í Reykjavík), Stefán
Stefánsson (1896-1955) lögfræðingur, alþingismaður Sjálfstæð-
isflokksins og bóndi í Fagraskógi (meðal barna hans er Stefán
Stefánsson (f. 1932), bæjarverkfræðingur á Akureyri, sem aft-
ur er faðir Davíðs Stefánssonar (f. 1964), formanns Sambands
ungra sjálfstæðismanna) og Valdimar Stefánsson (1910-1973),
saksóknari ríkisins (börn hans eru Andrés Valdimarsson (f.
1937), sýslumaður Arnesinga, og Ragnheiður Valdimarsdóttir
(f. 1941), kona Hannesar Hafstein, sendiherra í Genf (sjá Haf-
steinsætt, HEIMSMYND 7. tbl. 1989)).
HARALDUR Á BÚLANDSNESI - KLÓKUR
LANGAFI DAVÍÐS ODDSSONAR
2. Haraldur Briem (1841-1919) var annað barn þeirra Ólafs,
timburmeistara á Grund, og Dómhildar. Hann nam trésmíði
eins og faðir hans og lágu leiðir hans austur á firði. Þar dvaldi
hann um hríð á prestssetrinu á Hofi í Álftafirði þar sem hann
tók að sér viðgerð kirkjunnar. Varð hann þá skotinn í dóttur
prestsins, Þrúði Þorsteinsdóttur, og giftust þau 1864. Þau hófu
búskap á Rannveigarstöðum í Álftafirði en bjuggu síðar á
Búlandsnesi í 20 ár. Haraldur var oddviti, hreppstjóri, sýslu-
nefndarmaður og forustumaður um flest mál sveitar sinnar.
Hann þótti læknir ágætur og slyngur málafærslumaður. Sem
dæmi um það má nefna fræg málaferli í Hornafirði. Deildu
þar tveir hreppar um sveitfesti þurfalings. Annar hreppurinn
fékk Harald í lið með sér. Hann var tregur til, en lét þó til
leiðast og vann málið. Sagði hann oddvitanum að hann vildi fá
greiðslu fyrir að vinna svo vafasamt mál. Oddvitinn brást illa
við og neitaði greiðslu. Haraldur sneri sér þá til hins oddvitans
og sagði honum, að þeir hefðu tapað málinu fyrir klaufaskap,
og enn mætti bæta úr því, ef málið væri tekið upp aftur.
Samdist svo um með þeim að Haraldur tæki við málinu og
fengi 100 krónur, ef hann ynni það, annars ekkert. Haraldur
fékk málið tekið upp að nýju og vann það. Haraldur var lang-
afi Davíðs Oddssonar forsætisráðherra og máski sækir Davíð
eitthvað af visku sinni til þessa forföður síns. Meðal barna
Haralds og Þrúðar var:
ODDUR LÆKNIR OG FORELDRAR HANS
a. Valgerður Briem (1879-1961), amma Davíðs Oddssonar.
Hún var lágvaxin kona, smáfríð og með dökkt litaraft. Val-
gerður stundaði nám við Kvennaskólann í Reykjavík 1901 til
1902, en um það leyti var ungur maður austan úr sveitum í
ljósmyndanámi í bænum og lágu leiðir þeirra saman. Hann
hét Ólafur Oddsson frá Sámsstöðum í Fljótshlíð og var í læri
hjá Árna Thorsteinssyni, ljósmyndara og tónskáldi. Ólafur
þessi var léttur í lund og hafði jafnan gamanyrði á vörum. Þau
Valgerður og Ólafur giftust 17. júní 1905 og settust að á Búð-
um í Fáskrúðsfirði þar sem Ólafur stundaði ljósmyndun. Árið
1907 sigldi hann utan til Kaupmannahafnar til frekari full-
komnunar í iðn sinni. Þau fluttust til Reykjavíkur haustið 1913
og bjuggu að Þingholtsstræti 3 og hafði Ölafur ljósmyndastofu
sína á heimili þeirra. Síðustu ár ævi sinnar vann Ólafur á bæj-
arstjórnarskrifstofum Reykjavíkur. Hann hafði mikinn áhuga
á stjórnmálum og fylgdi Sjálfstæðisflokknum fast að málum.
Á heimili þeirra Valgerðar og Ólafs í hjarta Reykjavíkur
var gestkvæmt og öllum veitt þar höfðinglega. Á gamals aldri
rifjaði Valgerður oft upp heimsóknir skáldanna Davíðs Stef-
ánssonar, frænda síns, en þau voru systkinabörn, og séra
Valdimars Briem, föðurbróður síns, og fleiri ættmenna í Þing-
holtsstrætið.
Þau Valgerður og Ólafur eignuðust fimm dætur sem upp
komust en engin þeirra giftist eða átti börn. Þær bjuggu allar í
Reykjavík en eru nú látnar. Synirnir voru tveir. Sá eldri var
Haraldur Briem Ólafsson (1908-1989), bankaritari í Reykja-
vík. Dóttir hans er Þuríður Haraldsdóttir (f. 1945), skrifstofu-
maður á Selfossi, gift Snorra Jens Ólafssyni framkvæmda-
stjóra. Yngri sonurinn var Oddur Ólafsson (1914-1977), læknir
£ Reykjavík. Hann var námsmaður með ágætum og í fremstu
76 HEIMSMYND